ᓴᑲᕅᐊᐅᑉ ᐊᒡᓚᖏᑦ 11:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᒪᑭᑎᑦᓯᔪᒫᕐᐳᖓ ᓰᐱᓕᕆᔨᒥᒃ ᑕᒫᓂ ᓄᓇᒥ, ᐊᓯᐅᓯᒪᔪᓂᒃ ᑲᒪᓂᐊᖏᑦᑐᒥᒃ, ᐃᓅᓱᒃᑐᓂᒡᓗ ᕿᓂᕐᓂᐊᖏᑦᑐᒥᒃ, ᐋᓐᓂᕐᓯᒪᔪᓂᒡᓗ ᐋᖅᑭᒃᓯᓇᓱᐊᖏᑦᑐᒥᒃ, ᖃᓄᐃᖏᑦᑐᓂᒡᓗ ᓂᕆᑎᑦᓯᓂᐊᖏᑦᑐᒥᒃ: ᓰᐱᓂᒡᓕ ᖁᐃᓂᔪᓂᒃ ᓂᕿᖃᕈᒫᕐᐳᖅ, ᐃᑎᒐᖏᓐᓂᒡᓗ ᐲᔧᔪᒫᕐᐳᖅ.

ᓴᑲᕅᐊᐅᑉ ᐊᒡᓚᖏᑦ 11:16 Iomraidhean Croise

ᒨᓯᓯ ᓯᕗᓪᓖᑦ 31:38

ᐊᕐᕌᒍᓂᒃ 20ᓂᒃ ᐃᓕᖕᓃᓯᒪᓕᕋᒪ; ᓰᐱᖁᑎᑎᑦ ᒎᑦᓯᖁᑎᑎᓪᓗ ᐃᕐᓂᐊᕐᓗᒃᑐᖃᓚᐅᓐᖏᓚᑦ, ᓰᐱᖁᑎᕕᓪᓗ ᐊᖑᓴᓪᓗᖏᓐᓂᒃ ᓂᕆᓚᐅᕐᓯᒪᓐᖏᓚᖓ.

ᒨᓯᓯ ᓯᕗᓪᓖᑦ 33:13

ᔧᑰᓪᓕ ᑭᐅᕚ, “ᖃᐅᔨᒪᒐᕕᑦ ᓱᕈᓰᑦ ᓴᓐᖐᑦᑑᖕᒪᑕ, ᓰᐲᓪᓗ ᐃᒻᒧᒃᓯᐅᒊᓪᓗ ᐊᒫᒪᒃᑎᑦᓯᔪᑦ ᑲᒪᒋᔭᕆᐊᖃᕐᓗᒋᑦ; ᐅᓪᓘᑉ ᐊᑕᐅᓯᐅᑉ ᐅᖓᑖᓄᑦ ᐱᓱᐃᓐᓇᕈᑎᒃ, ᐆᒪᔪᓕᒫᑦ ᑐᖁᒐᔭᕐᒪᑕ.

ᐂᓮᐊᓯᐅᑉ ᐊᒡᓚᖏᑦ 40:11

ᓰᐱᓕᕆᔨᑎᑐᑦ ᐃᓄᖁᑎᓂ ᓂᕆᑎᑦᓱᒫᕐᐰᑦ, ᓰᐲᓪᓗ ᓄᕐᕋᖏᑎᑐᑦ ᑕᓕᕐᒥᓄᑦ ᐃᕿᓯᒥᐊᕈᒫᕐᐰᑦ, ᐊᒡᔭᕐᓗᒋᑦ ᓴᒡᕕᖕᒥᓂ, ᕿᑐᕐᖓᓛᓖᓪᓗ ᐊᑦᑕᕆᓗᒋᑦ ᒪᓕᒃᑎᑦᓱᒫᕐᐰᑦ.”

ᔨᕆᒤᐊᐅᑉ ᐊᒡᓚᖏᑦ 23:2

ᑍᒤᒻᒪᑦ ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᐃᒫᒃ ᐅᖃᕐᐳᖅ, ᐰᕐᓯᔨᐅᔪᓄᑦ ᐃᓄᖁᑎᓐᓂᒃ: “ᐃᓄᖁᑎᒃᑲ ᓯᐊᒻᒪᕐᑎᓐᓇᑦᓯᐅᒃ, ᐅᖓᓯᒃᓯᑎᓪᓗᒋᓪᓗ ᑲᒪᑦᓯᐊᖏᓐᓂᑦᓯᓐᓄᑦ. ᑕᑯᒋᑦ, ᓱᒋᐊᕐᑕᐅᑎᓐᓂᐊᕐᐸᑦᓯ ᐱᐅᖏᑦᑐᒥᒃ ᐱᓇᓱᐊᕐᓯᒪᓂᓯ ᐱᑦᔪᑎᒋᓗᒍ. ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 23:22

ᐅᕙᓐᓂᒃ ᖃᐅᔨᒋᐊᕐᕕᖃᓚᐅᕈᑎᒃ, ᐅᖃᐅᓯᕆᖁᔭᓐᓂᒃ ᐅᖃᕈᓐᓇᕋᔭᓚᐅᕐᐳᑦ ᐃᓄᖁᑎᓐᓄᑦ, ᐱᐅᖏᑦᑐᓕᓂᖏᓐᓂᓪᓗ ᓴᖑᑎᑦᓯᒐᔭᓚᐅᕐᐳᑦ, ᐃᓕᖅᑯᓯᕐᒥᖕᓂᓪᓗ ᐱᐅᖏᑦᑐᓂᑦ.

ᐃᓯᑭᐊᓕᐅᑉ ᐊᒡᓚᖏᑦ 34:10

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ, ᑕᑯᒋᑦ, ᐰᕐᓯᔩᑦ ᓵᓐᖓᓕᕐᐸᒃᑲ; ᓰᐱᖁᑎᒃᑲ ᑎᒍᓂᐊᓕᕐᐸᒃᑲ ᑖᒃᑯᓇᓐᖓᑦ, ᓂᕆᑎᑦᓯᔨᐅᔪᓐᓃᕐᑎᓪᓗᒋᓪᓗ ᓰᐱᖁᑎᓐᓂᒃ; ᐰᕐᓯᔩᑦ ᐃᒻᒥᓃᓐᓇᖅ ᓂᕆᑎᖃᑦᑕᕐᓂᐊᕈᓐᓃᕐᐳᑦ. ᓰᐱᖁᑎᒃᑲ ᓴᐳᑎᓂᐊᓕᕐᐸᒃᑲ ᖃᓂᖏᓐᓂᑦ, ᓂᕿᒋᔭᐅᑦᔮᔪᓐᓃᕐᓗᑎᒡᓗ ᑖᒃᑯᓄᖓ.”

ᐃᓯᑭᐊᓕᐅᑉ ᐊᒡᓚᖏᑦ 34:16

ᐊᓯᐅᓯᒪᔪᑦ ᕿᓂᕈᒫᕐᐸᒃᑲ, ᐊᕝᕗᑎᓯᒪᔪᓪᓗ ᐅᑎᕐᑎᓪᓗᒋᑦ, ᑭᓕᕐᓯᒪᔪᓪᓗ ᒪᑐᓯᕐᑐᕐᓗᒋᑦ, ᓴᓐᖐᑦᑐᓪᓗ ᓄᑭᒃᑖᕐᑎᓪᓗᒋᑦ, ᖁᐃᓂᔪᓪᓕ ᓄᑭᖃᑦᓯᐊᕐᑐᓪᓗ ᑐᖁᑦᓱᒫᕐᐸᒃᑲ; ᓈᒻᒪᓈᕐᓯᒪᔪᒥᒃ ᐱᓇᓱᐊᕐᕕᒋᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 34:21

ᐊᔭᐅᕆᕙᒃᑲᑦᓯ ᐱᖑᔭᕐᓗᓯᓗ, ᓴᓐᖐᑦᑐᓕᒫᓪᓗ ᓇᒡᔪᖕᒥᒑᕆᓪᓗᒋᑦ ᐊᕙᓚᒃᑎᑉᐸᒃᐸᓯ, ᓰᐱᒃᑯᕕᖕᒥᑦ ᐊᓂᑎᑦᓯᖏᓐᓂᓕᒫᑦᓯᓐᓂ.

ᑖᓂᐊᓕᐅᑉ ᐊᒡᓚᖏᑦ 11:36

“ᐊᖓᔪᖅᑳᕐᔪᐊᖅ ᐱᓂᐊᕐᓂᖃᕈᒫᕐᐳᖅ ᖃᓄᑐᐃᓐᓇ ᐱᔪᒪᔭᒥᓂᒃ, ᐃᒻᒥᓂᒃ ᐊᖏᔪᕈᕐᑎᑦᓱᒫᕐᒪᑦ ᓂᕐᑐᕐᑕᐅᔪᒪᓗᓂᓗ ᒎᑎᓐᖑᐊᓕᒫᓂᑦ ᐊᖏᓂᕐᓴᐅᔪᒪᓗᓂ; ᑐᓴᕐᑕᐅᓚᐅᕐᓯᒪᖏᑦᑐᓂᒃ ᓂᓪᓕᐊᔪᒫᕐᐳᖅ ᒎᑎᒋᔭᐅᔪᓕᒫᓂᑦ ᒎᑎᐅᓂᕐᐹᖑᔪᒧᑦ, ᐱᓇᓱᐊᕈᒪᔭᓕᒫᒥᓂᒃ ᐊᒡᕕᐊᕐᑕᐅᖏᓪᓗᓂ ᐃᓱᒪᕐᓱᕈᒫᕐᐳᖅ ᓇᓪᓕᐅᓐᓂᖅ ᒎᑎᐅᑉ ᓂᓐᖓᐅᒪᓂᖓ ᐃᓱᓕᖅᑳᕐᑎᓐᓇᒍ, ᐋᖅᑭᒃᑕᐅᓯᒪᔪᑦ ᑲᔪᓯᔭᕆᐊᖃᕐᒪᑕ.

ᔪᐊᓇᓯᐅᑉ ᐊᒡᓚᖏᑦ 10:1

“ᓱᓕᔪᒥᒃ ᐅᖃᐅᑎᕙᑦᓯ, ᓇᓪᓕᐊᑦ ᐃᑎᕐᑕᕐᕕᒃᑯᑦ ᐃᑎᖏᑦᑐᖅ ᓰᐱᒃᑯᕕᖕᒧᑦ ᐊᓯᐊᒍᓪᓕ ᐃᓯᕐᑕᕐᕕᐅᖏᑦᑐᒃᑯᑦ ᐊᕙᓗ ᒪᔪᕐᓗᒍ ᐃᓯᕐᑐᖅ ᑎᒡᓕᒃᑎᐅᓪᓗᓂ ᑎᒎᕅᔨᐅᕗᖅ ᐱᒋᓐᖏᑕᒥᓂᒃ.