ᓴᑲᕅᐊᐅᑉ ᐊᒡᓚᖏᑦ 10:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᓰᐱᓕᕆᔩᑦ ᓂᓐᖓᒡᕕᒋᓯᒪᓚᐅᕐᐸᒃᑲ, ᐊᐅᓚᑦᓯᔩᓪᓗ ᓱᒋᐊᕈᒫᕐᐸᒃᑲ: ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᓰᐱᖁᑎᓂ ᔫᑕᒥ ᓄᓇᖃᕐᑐᑦ ᐰᕆᔪᒫᕐᐰᑦ, ᕿᒻᒥᕐᔪᐊᑎᑐᓪᓗ ᓴᐱᖏᑦᑐᑎᑐᑦ ᐅᓇᑕᕐᕕᖕᒥ ᑍᒤᑎᑦᓱᒫᕐᐰᑦ.

ᓴᑲᕅᐊᐅᑉ ᐊᒡᓚᖏᑦ 10:3 Iomraidhean Croise

ᔫᐱᐅᑉ ᐊᒡᓚᖏᑦ 39:25

ᑎᑦᑐᓚᐅᑎᐅᑉ ᓂᐱᖓ ᓂᓪᓕᕌᖓᑦ ᓱᐳᐊᖃᑦᑕᕐᐳᖅ; ᐅᓇᑕᕐᓂᐅᑉ ᑎᐱᖓ ᓁᒪᓕᖃᑦᑕᕐᐹ ᐅᖓᓯᒃᑎᓪᓗᒍ ᓱᓕ, ᐅᓇᑕᕐᑏᑦ ᐊᖓᔪᖅᑳᖏᑕ ᐱᖁᔨᓂᖏᓐᓂᒃ ᑐᓵᓕᖃᑦᑕᕐᐳᑦ.

ᒨᓯᓯ ᐂᑉᐸᖏᑦ 4:31

ᐃᓄᐃᓪᓗ ᐅᒃᐱᕈᓱᓕᕐᐳᑦ; ᑐᓴᕋᒥᒡᓗ ᐊᑕᓂᐅᑉ ᐅᐸᒍᑎᓂᕕᓂᖓᓂᒃ ᐃᓴᕆᐊᓕᒥᐅᓄᑦ ᐅᖁᒤᒃᓴᕐᑎᑕᐅᓂᖏᓐᓂᒡᓗ ᑕᑯᓯᒪᓂᖓᓂᒃ ᖃᐅᔨᒐᒥᒃ, ᐅᑯᓪᓗᑎᒃ ᑐᒃᓯᐊᓕᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:31

ᕿᒻᒥᕐᔪᐊᖅ ᐅᓇᑕᕆᐊᕐᓂᐊᕐᑐᓄᑦ ᐊᑐᕐᑕᐅᓂᐊᕐᑐᖅ ᐊᑐᐃᓐᓇᕈᕐᑕᐅᔪᓐᓇᕋᓗᐊᕐᐳᖅ, ᐅᓇᑕᕐᓂᕐᒥᒡᓕ ᓵᓚᖃᕐᓂᖅ ᐊᑕᓂᕐᒥᑦ ᐱᕗᖅ.

ᓲᓗᒨᓂᐅᑉ ᐃᓐᖏᕈᓯᖏᑦ 1:9

ᓇᒡᓕᒋᔮᒃ, ᐊᑦᔨᐅᑎᑉᐸᒋᑦ ᕿᒧᒃᓯᐅᑎᒧᑦ ᐊᕐᓇᓪᓗᕐᒧᑦ, ᐰᕉᑉ ᐊᒃᓴᓗᐊᓕᖕᓂᒃ ᐅᓂᐊᕐᑎᖏᑕ ᕿᒧᒃᓯᐅᑎᖓᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 10:12

ᑍᒤᒻᒪᑦ ᑕᕝᕙ ᐃᒤᑦᓱᒫᕐᐳᖅ, ᐊᑕᓂᐅᑉ ᐱᓇᓱᐊᕈᒪᔭᓕᒫᓂ ᐱᔭᕇᕈᓂᒋᑦ ᓮᐅᓂᐅᑉ ᖃᖅᑲᖓᓂ ᔨᕉᓴᓕᒥᓗ, ᑕᕝᕙ ᐅᖃᕈᒫᕐᐳᖅ, “ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑕ ᐱᐅᔪᕆᓪᓗᓂ ᐅᖃᓪᓚᖃᑦᑕᕐᓂᖓ ᓱᒋᐊᕈᒪᕙᕋ, ᓂᕐᑐᕐᓇᕐᑑᔪᕆᓂᖓᓗ ᐃᒻᒥᓂᒡᓗ ᖁᕝᕙᕐᑎᖃᑦᑕᕐᓂᖓ.”

ᐂᓮᐊᓯᐅᑉ ᐊᒡᓚᖏᑦ 24:21

ᓇᓪᓕᐅᑎᔪᒫᕐᒪᑦ ᐊᑕᓂᐅᑉ ᓱᒋᐊᕐᓯᓂᕆᔪᒫᕐᑕᖓ ᐱᔪᓐᓇᕐᓂᐅᔪᓂᒃ ᑕᑉᐹᓂ, ᓄᓇᕐᔪᐊᒥᓗ ᐊᐅᓚᑦᓯᔨᐅᔪᓂᒃ.

ᔨᕆᒤᐊᐅᑉ ᐊᒡᓚᖏᑦ 10:21

ᐰᕐᓯᔨᐅᒐᓗᐊᑦ ᓯᓔᑦᑑᕗᑦ, ᐊᑕᓂᕐᒥᒃ ᐊᐱᕐᓱᖃᑦᑕᖏᒻᒪᑕ; ᑍᒤᒻᒪᑦ ᐱᕙᓪᓕᐊᔪᓐᓃᕐᐳᑦ, ᓰᐱᖁᑎᖏᓪᓗ ᓯᐊᒻᒪᓕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 11:22

ᑍᒤᒻᒪᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᒫᒃ ᐅᖃᕐᐳᖅ, “ᑕᑯᒋᑦ, ᓱᒋᐊᕐᓂᐊᕐᐸᒃᑲ ᐃᓅᓱᒃᑐᖁᑎᖏᑦ ᑐᖁᑕᐅᔪᒫᕐᐳᑦ ᐅᓇᑕᕐᑐᓂ; ᐃᕐᓂᖏᓪᓗ ᐸᓂᖏᓪᓗ ᑳᖕᓇᕐᑐᒧᑦ ᐱᕐᓕᕋᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 25:12

ᐊᕐᕌᒍᓪᓕ 70 ᓈᒃᐸᑕ, ᐊᑭᓂᐊᕕᒋᔪᒫᕐᐹᕋ ᐹᐱᓘᓂᐅᑉ ᐊᖓᔪᖅᑳᕐᔪᐊᖓ ᐃᓄᖁᑎᖏᓪᓗ ᑲᐅᓪᑎᐊᒥᐅᑦ, ᓄᓇᖓᓪᓗ ᐸᓯᔭᒃᓴᐅᓂᖏᑦ ᐱᑦᔪᑎᒋᓗᒋᑦ ᐊᑕᓂᖅ ᐅᖃᕐᐳᖅ, ᓱᓇᑕᖃᕈᓐᓃᕈᒫᕐᐳᕐᓗ ᐃᓱᖃᖏᑦᑐᒧᑦ.

ᔨᕆᒤᐊᐅᑉ ᐊᒡᓚᖏᑦ 25:34

“ᖁᕝᕕᐅᕆᑦᓯ ᕿᐊᓗᓯᓗ, ᐃᓕᑦᓯ ᐰᕐᓯᔨᒋᔭᐅᔪᓯ, ᐊᒃᓴᑳᖃᑦᑕᕐᓗᓯ ᐊᕐᔭᓕᓂᕐᓂ, ᐃᓕᑦᓯ ᓯᕗᓕᕐᑎᒋᔭᐅᔪᓯ ᐃᓄᖁᑎᓐᓄᑦ. ᑐᖁᕋᕐᑕᐅᕕᒃᓴᓯ ᓇᓪᓕᐅᑎᖕᒪᑦ, ᐅᕐᕈᔪᒫᕐᐳᓯ ᓯᖁᑦᑎᕐᓗᓯᓗ ᒪᕐᕋᐅᔭᕐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 50:6

“ᐃᓄᖁᑎᒃᑲ ᓰᐱᑎᑐᑦ ᐊᓯᐅᓯᒪᓚᐅᕐᒪᑕ, ᐰᕐᓯᔨᖏᑕ ᑕᒻᒪᕐᑎᓚᐅᕐᒪᒋᑦ, ᖃᖅᑲᓂᓗ ᐃᓂᖃᓕᕐᑎᓪᓗᒋᑦ, ᐃᖏᕐᕋᖃᑦᑕᑐᐃᓐᓇᓕᕐᓗᑎᒃ ᖃᖅᑲᑎᒍᑦ ᐱᖑᕐᑎᒍᓪᓗ, ᒥᕐᖑᐃᕐᓯᕐᕕᒃᓴᒥᖕᓂᒃ ᐳᐃᒍᕋᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 34:11

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᑕᑯᒋᑦ, ᐅᕙᖓ ᓇᖕᒥᓂᖅ ᓰᐱᖁᑎᒃᑲ ᕿᓂᕐᓂᐊᓕᕐᐸᒃᑲ, ᕿᓂᕆᐊᕐᓂᐊᓕᕐᓗᒋᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 34:12

ᐰᕐᓯᔩᑦ ᕿᓂᑦᓯᐊᓲᖑᖕᒪᑕ ᓰᐱᖁᑎᖏᑕ ᐃᓚᖏᓐᓂᒃ ᓇᒧᑐᐃᓐᓇᖅ ᓯᐊᒻᒪᕐᑐᖃᕐᑎᓪᓗᒍ, ᑍᒫᒃᑕᐅᖅ ᓰᐱᖁᑎᒃᑲ ᕿᓂᕐᓂᐊᓕᕐᐸᒃᑲ; ᓴᐳᑎᔪᒫᕐᐸᒃᑲ ᓇᓂᓕᒫᖅ ᓯᐊᒻᒪᕐᓯᒪᕕᒋᓚᐅᕐᑕᖏᓐᓂᑦ ᐅᓪᓗᖅ ᓄᕗᔭᑎᓪᓗᒍ ᑖᕐᑑᑎᓪᓗᒍᓗ.

ᐃᓯᑭᐊᓕᐅᑉ ᐊᒡᓚᖏᑦ 34:2

“ᐃᓅᑉ ᐃᕐᓂᖓ, ᐃᓴᕆᐊᓕᒥᐅᑦ ᐰᕐᓯᔨᖏᑦ ᓵᓪᓗᒋᑦ ᐱᔪᒫᕐᑐᓂᒃ ᓇᓗᓁᕐᓯᕕᒋᓗᒋᑦ, ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓴᕆᐊᓕᒥᐅᓄᑦ ᐰᕐᓯᔨᐅᔪᓯ ᐃᓕᑦᓯᓐᓂᑐᐊᖅ ᓂᕆᑎᑉᐳᓯ! ᐰᕐᓯᔩᑦ ᓰᐱᖁᑎᒥᖕᓂᒃ ᓂᕆᑎᑦᓯᔭᕆᐊᖃᓐᖏᓛᑦ?

ᑖᓂᐊᓕᐅᑉ ᐊᒡᓚᖏᑦ 11:32

ᓯᓔᕐᕆᒃᓯᓂᕐᒥᒍᑦ ᓱᕈᕐᑎᑦᓯᔪᒫᕐᐳᖅ ᒎᑎᐅᑉ ᐊᖏᖃᑎᒌᒍᑎᖓᓂᒃ ᓈᓚᖏᑦᑐᓂᒃ, ᒎᑎᒥᒡᓕ ᖃᐅᔨᒪᔪᑦ ᑲᔪᓯᓪᓚᕆᒃᑐᒥᒃ ᐊᑭᕋᕐᑐᕈᒫᕐᐳᑦ ᑖᑦᓱᒥᖓ.

ᔨᐸᓁᐊᐅᑉ ᐊᒡᓚᖏᑦ 1:8

“ᐅᓪᓗᕐᓗ ᓇᓪᓕᐅᑎᒃᐸᑦ ᐊᑕᓂᐅᑉ ᑐᓂᕐᕈᓯᕐᕕᐊ, ᐊᖓᔪᖅᑳᑦ ᐊᖓᔪᖅᑳᕐᔪᐊᓪᓗ ᐃᕐᓂᖏᑦ ᓱᒋᐊᕈᒫᕐᐸᒃᑲ, ᐊᑐᕐᑐᓪᓗ ᐃᓅᖃᑎᒃᓴᔭᕆᓐᖏᑕᖏᑕ ᒎᑎᓐᖑᐊᓖᑦ ᐊᓐᓄᕌᖏᓐᓂᒃ.

ᔨᐸᓁᐊᐅᑉ ᐊᒡᓚᖏᑦ 2:7

ᑕᒪᓐᓇ ᓯᒡᔭᖅ ᔫᑕᐅᑉ ᑭᖑᕚᖏᑕ ᐊᒥᐊᒃᑯᖏᓐᓄᑦ ᐃᓂᒋᔭᐅᔪᒫᕐᐳᖅ, ᑕᒫᓂᓗ ᐆᒪᔪᖁᑎᑎᒃ ᓂᕆᑎᑦᓱᒫᕐᐰᑦ, ᐅᓐᓄᒃᑯᓪᓗ ᓯᓂᒃᑕᖃᑦᑕᕈᒫᕐᐳᑦ ᐊᓯᑭᓗᓂᒥᐅᑦ ᐃᒡᓗᖏᓐᓂ. ᐊᑕᓂᐅᑉ ᑖᒃᑯᐊ ᒎᑎᖏᑦᑕ ᐳᐃᒍᕈᒫᓐᖏᓔᑦ ᐊᔪᕐᓴᖏᓐᓂᕕᓂᖏᓐᓄᓪᓗ ᐅᑎᕐᑎᓪᓗᒋᑦ.

ᓴᑲᕅᐊᐅᑉ ᐊᒡᓚᖏᑦ 11:17

ᑲᑉᐱᐊᓐᓇᒦᒡᓕ ᑖᓐᓇ ᓰᐱᓕᕆᔨ, ᓰᐱᓂᒃ ᕿᒤᔪᖅ! ᑕᓕᖓ ᓴᕕᒡᔪᐊᒧᑦ ᐊᓇᐅᔭᐅᓕ, ᐃᔨᖓᓗ ᑕᓕᕐᐱᐊ ᑲᐱᔭᐅᓕ ᓴᕕᒡᔪᐊᕐᒧᑦ! ᑕᓕᖓ ᐸᓂᕐᓕ ᓄᑭᖃᕈᓐᓁᕐᓗᓂ, ᐃᔨᖓᓗ ᑕᐅᑐᒍᓐᓁᕐᓕ!”

ᓘᑲᓯᐅᑉ ᐊᒡᓚᖏᑦ 1:68

“ᐊᑕᓂᖅ ᓮᒻᒪᕐᑎᑕᐅᓕ, ᐃᓴᕆᐊᓕᒥᐅᑦ ᒎᑎᖓᑦ, ᐃᓄᖁᑎᓂ ᐊᖅᑲᕐᕕᒋᓪᓗᒋᑦ ᓴᐳᑎᔭᕐᑐᕐᒪᒋᑦ,

ᐲᑦᑐᕉᓯ ᓯᕗᓪᓖᑦ 2:12

ᐅᒃᐱᖏᑦᑐᓂᒃ ᐃᓚᖃᕐᑎᓪᓗᓯ ᐱᐅᔪᒥᒃ ᐱᓂᐊᕐᓂᖃᕆᐊᖃᕐᐳᓯ, ᐃᓕᑦᓯᓐᓂᒃ ᐱᐅᖏᑦᑐᓕᓂᕅᓇᓱᓕᕈᑎᒃ, ᖃᐅᔨᖁᓪᓗᒋᑦ ᐱᓂᐊᑦᓯᐊᕐᓂᑦᓯᓐᓂᒃ ᒎᑎᒥᒡᓗ ᓂᕐᑐᐃᔪᒫᖁᓪᓗᒋᑦ ᐅᓪᓗᕐᔪᐊᒥ ᑎᑭᑦᓱᒫᕐᑐᒥ.

ᕉᑎᐅᑉ ᐅᓂᒃᑲᐅᓯᓂᖓ 1:6

ᑕᒪᑐᒪ ᑭᖑᕐᖓᒍᑦ ᓁᐅᒥ ᑐᓴᕋᒥ ᐊᑕᓂᐅᑉ ᐃᓄᖁᑎᓂ ᓂᕿᒃᓴᖃᑦᓯᐊᕐᑎᓕᕐᒪᒋᑦ; ᑕᕝᕙ ᐊᐅᓪᓚᕈᒪᓕᕐᐳᖅ ᒧᐊᐱᒥᐅᑦ ᓄᓇᖓᓐᓂᑦ ᐅᑯᐊᖕᓂ ᒪᕐᕉᒃ ᐃᓚᒋᓗᒋᒃ.