ᓴᑲᕅᐊᐅᑉ ᐊᒡᓚᖏᑦ 1:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐊᐱᕆᕗᖓᓗ, “ᐊᖑᑎᑦ ᐅᑯᐊ ᓱᓇᒥ ᑕᒪᐅᖓ ᓴᓇᔭᕐᑐᕐᓯᒪᕙᑦ?” ᑭᐅᕚᖓ, “ᐅᑯᐊ ᑕᕝᕙ ᑲᑉᐱᐊᓱᒃᑎᑦᓯᔭᕐᑐᕐᑐᑦ ᓵᓚᖃᕆᐊᑐᕐᓗᑎᒡᓗ ᐃᓅᖃᑎᒌᒡᔪᐊᓂᒃ ᓵᓚᖃᕐᓯᒪᔪᓂᒃ ᓯᐊᒻᒪᒃᑎᑦᓯᓯᒪᔪᓂᒃ ᔫᑕᒥ ᓄᓇᖃᕐᑐᓂᒃ.”

ᓴᑲᕅᐊᐅᑉ ᐊᒡᓚᖏᑦ 1:21 Iomraidhean Croise

ᐃᓐᖏᕈᑎᑦ 75:10

ᐱᐅᖏᑦᑐᓕᔪᑦ ᓇᒡᔪᓕᒫᖏᑦ ᓇᑲᑎᕈᒫᕐᐰᑦ, ᐃᓱᐊᕐᑐᓕᔪᓪᓕ ᓇᒡᔪᖏᑦ ᐊᖏᔪᕈᕐᑎᑕᐅᔪᒫᕐᐳᑦ.

ᐃᓐᖏᕈᑎᑦ 83:2

ᑕᑯᒋᑦ, ᐊᑭᕋᕐᑐᕐᑎᑎᑦ ᐊᑐᐃᓐᓇᕈᕐᑎᓕᕐᐳᑦ; ᐃᓕᖕᓂᒡᓗ ᐆᒥᓱᒃᑐᑦ ᐸᕐᓇᓕᕐᐳᑦ ᐃᓱᒪᒃᓴᕐᓯᐅᓕᕐᓗᑎᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:17

ᐊᑕᓂᐅᑉ ᐊᓯᕈᐃᓂᐊᕐᓂᕋᕐᓯᒪᓂᓂ ᐊᑑᑎᑎᓕᑍᓐᓇᕐᐹ, ᐊᓯᕈᕐᑕᐅᑎᒻᒪᒍ ᓂᑲᒍᓱᖕᓂᖃᖏᑦᑐᒥᒃ, ᑍᒤᒍᒪᓂᐊᕐᓂᕋᕐᓯᒪᓂᓂ ᒪᓕᒡᓗᒍ ᐊᑭᕋᕗᑦ ᓵᓚᖃᕐᑎᒻᒪᒋᑦ ᑲᑕᒃᓯᒪᓂᑦᑎᓐᓂᒡᓗ ᖁᕕᐊᓲᑎᖃᕐᑎᑉᐰᑦ.

ᑖᓂᐊᓕᐅᑉ ᐊᒡᓚᖏᑦ 12:7

ᐊᖑᑎᐅᑉ ᖃᓪᓗᓈᕐᑕᓂᒃ ᐊᓐᓄᕌᓕᐅᑉ, ᑰᑉ ᖁᓛᓂ ᓇᖏᕐᑑᑉ, ᑕᓕᕐᐱᓂ ᐃᓴᒃᐹ ᓴᐅᒥᓂᓗ ᕿᓚᖕᒧᑦ ᐃᓴᓪᓗᒍ, ᑐᓴᕐᐸᕋᓗ ᐊᖏᕈᑎᒥᒃ ᐅᖃᕐᑐᖅ ᑖᓐᓇ ᐃᓅᑦᓮᓐᓇᕐᑐᖅ ᐃᓱᖃᖏᑦᑐᒧᑦ ᐊᖏᕈᑎᒋᓪᓗᒍ, ᐅᖃᕐᓗᓂ, “ᓇᓪᓕᐅᓐᓂᖅ ᓇᓪᓕᐅᓐᓂᒃᑲᓐᓂᕐᓗ ᓇᑉᐸᕐᓗ ᐊᓂᒍᕐᐸᑕ, ᐃᓄᐃᑦ ᐃᑦᔪᕐᓁᑦᑐᑦ ᐱᔪᓐᓇᕐᓂᖃᕐᕕᐅᓂᖏᑦ ᐃᓱᓕᑉᐸᑕ, ᑕᒪᒃᑯᐊ ᑕᕝᕙ ᓇᓪᓕᐅᑎᔭᕇᕈᒫᕐᐳᑦ.”

ᓴᑲᕅᐊᐅᑉ ᐊᒡᓚᖏᑦ 1:19

ᐊᐱᕆᕗᖓᓗ ᐂᖏᓕᒧᑦ ᐅᖃᓪᓚᒡᕕᒋᔨᓐᓄᑦ, “ᐅᑯᐊ ᓇᒡᔪᐃᑦ ᓱᓇᒥᒃ ᑐᑭᖃᕐᐸᑦ?” ᑖᓐᓇᓗ ᑭᐅᕗᖅ, “ᐅᑯᐊ ᑐᑭᖃᕐᑐᑦ ᓯᓚᕐᔪᐊᕐᒥᐅᑦ ᐱᔪᓐᓇᕐᓂᖏᓐᓂᒃ, ᓯᐊᒻᒪᒃᑎᑦᓯᓯᒪᓂᖏᓐᓂᒡᓗ ᐃᓄᖕᓂᒃ ᔫᑕᒥ ᓄᓇᖃᕐᑐᓂᒃ, ᐃᓴᕆᐊᓕᒥᓗ ᓄᓇᖃᕐᑐᓂᒃ, ᔨᕉᓴᓕᒥᐅᓂᒡᓗ.”