18 ᖁᒻᒧᑦ ᑕᑯᓴᕋᒪ ᑕᑯᕗᖓ ᓇᒡᔪᖕᓂᒃ ᓯᑕᒪᓂᒃ.
ᔨᑎᑬᐊᓕ ᓯᓈᓇᐅᑉ ᐃᕐᓂᖓ ᓴᕕᕋᔭᖕᓂᒃ ᓇᒡᔪᓐᖑᐊᖕᓂᒃ ᓇᖕᒥᓂᖅ ᓴᓇᕗᖅ, ᐅᖃᕐᓗᓂᓗ, “ᐊᑕᓂᖅ ᐃᒫᒃ ᐅᖃᕐᐳᖅ, ‘ᑖᒃᑯᖕᓄᖓ ᓯᕆᐊᒥᐅᑦ ᐊᔭᐅᕈᒫᕐᐸᑎᑦ ᓵᓚᒋᒻᒪᕆᒡᓗᒋᑦ.’”
ᐲᑲ ᐊᖓᔪᖅᑳᕐᔪᐊᖑᑎᓪᓗᒍ ᐃᓴᕆᐊᓕᓄᑦ, ᑎᒡᓚᑦ-ᐰᓕᓴ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᓵᓚᖃᕐᓂᕐᒥᓄᑦ ᓄᓇᓕᖕᓂᒃ ᑎᒍᓯᖃᑦᑕᓚᐅᕐᐳᖅ, ᐂᔮᓐᒥᐅᓂᒃ, ᐊᐱᐅᓪ-ᐱᑦ-ᒫᑲᒥᐅᓂᒃ, ᔭ-ᓄᐊᒥᐅᓂᒃ, ᑭᑎᔅ-ᓯᒥᐅᓂᒃ ᕼᐂᔭᒥᐅᓂᒡᓗ, ᒋᓕᐊᑎᐅᑉ ᓄᓇᓕᖏᑦ, ᒐᓕᓖᓪᓗ, ᓈᑉᑕᓕᒥᐅᓪᓗ ᐃᓄᖏᓐᓂᒃ ᑎᒍᓯᓪᓗᓂ ᐊᓯᕆᐊᒧᑦ ᐊᐅᓪᓚᕈᑎᓚᐅᕐᐰᑦ.
“‘ᐂᖏᓕᐅᓪᓗ ᑖᑦᓱᒪ ᐅᖃᐅᑎᕚᖓ ᐅᖃᖁᓪᓗᖓ ᐃᒫᒃ: ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐊᑕᓂᐅᑉ ᐃᒡᓗᒐᓴᒡᔪᐊᖁᑎᖓ ᐊᔪᕐᓴᕈᓐᓁᕈᒫᕆᕗᖅ ᐊᑕᓂᐅᓪᓗ ᓮᐅᓂ ᓮᒻᒪᕐᑎᓕᕈᒫᕆᕚ ᔨᕉᓴᓕᒻᓗ ᓇᖕᒥᓂᕆᓂᕋᓕᕐᓗᓂᒋᑦ.’”
ᐊᐱᕆᕗᖓᓗ ᐂᖏᓕᒧᑦ ᐅᖃᓪᓚᒡᕕᒋᔨᓐᓄᑦ, “ᐅᑯᐊ ᓇᒡᔪᐃᑦ ᓱᓇᒥᒃ ᑐᑭᖃᕐᐸᑦ?” ᑖᓐᓇᓗ ᑭᐅᕗᖅ, “ᐅᑯᐊ ᑐᑭᖃᕐᑐᑦ ᓯᓚᕐᔪᐊᕐᒥᐅᑦ ᐱᔪᓐᓇᕐᓂᖏᓐᓂᒃ, ᓯᐊᒻᒪᒃᑎᑦᓯᓯᒪᓂᖏᓐᓂᒡᓗ ᐃᓄᖕᓂᒃ ᔫᑕᒥ ᓄᓇᖃᕐᑐᓂᒃ, ᐃᓴᕆᐊᓕᒥᓗ ᓄᓇᖃᕐᑐᓂᒃ, ᔨᕉᓴᓕᒥᐅᓂᒡᓗ.”
ᐊᒻᒪ ᓱᓕ ᑕᑯᑎᑦᔪᑎᐅᑉ ᐊᓯᐊᓂᒃ ᑕᑯᒋᕗᖓ, ᐊᖑᒻᒥᒃ ᐆᒃᑑᑎᒥᒃ ᑎᒍᒥᐊᕐᑐᒥᒃ.
ᓱᓕ ᖁᒻᒧᑦ ᑕᑯᒋᐊᕐᒥᒐᒪ, ᑕᑯᓕᕆᕗᖓ ᑎᑎᖅᑲᓂᒃ ᐃᒧᓲᓂ ᓯᓚᒃᑯᑦ ᐃᖏᕐᕋᔪᓂᒃ.
ᐂᖏᓕ ᐅᕙᓐᓄᑦ ᐅᖃᓚᐅᕐᑐᖅ ᓴᖅᑭᒻᒥᒐᒥ ᐅᖃᐅᑎᒋᕚᖓ, “ᖁᒻᒧᑦ ᑕᑯᓴᕆᑦ, ᓴᖅᑭᓕᕐᑐᒥᒃ ᑕᑯᖁᓪᓗᑎᑦ.”
ᖁᒻᒧᑦ ᑕᑯᓴᕋᒪ, ᐊᕐᓈᖕᓂᒃ ᒪᕐᕉᖕᓂᒃ ᑕᑯᕗᖓ ᖃᖓᑕᓪᓗᑎᒃ ᕾᔫᖕᓂᒃ ᐅᕙᓐᓄᑦ ᐃᓴᕈᖏᑦ ᐱᔪᓐᓇᕐᓂᖃᕐᐳᑦ ᑎᖕᒥᐊᑎᑐᑦ ᓯᑐᐊᕆᒃᒥᒃ ᑍᔭᐅᔪᑎᑐᑦ, ᑖᒃᑯᐊᒃ ᐃᕕᐅᔭᖅ ᑎᒍᕚᒃ ᑎᖏᑦᔪᑎᓪᓗᒍᓗ.
ᖁᒻᒧᑦ ᑕᑯᓴᕐᒥᒐᒪ, ᑕᑯᒋᕗᖓ ᐊᒃᓴᓗᐊᓕᖕᓂᒃ ᕿᒧᒃᓯᐅᑎᓂᑦ ᐅᓂᐊᕐᑕᐅᔪᓂᒃ ᓯᑕᒤᓂᒃ, ᓄᐃᓕᕐᑐᓂᒃ ᖃᖄᒃ ᒪᕐᕈᒃ ᐊᑯᓐᓂᖓᓂᑦ, ᖃᖄᓗ ᑖᒃᑯᐊᒃ ᑲᓐᓄᔭᐅᕗᒃ.
ᔮᓱᐊ ᔨᕆᑰᑉ ᓴᓂᐊᓃᓪᓗᓂ, ᑕᑯᓴᕋᒥ ᑕᑯᕗᖅ ᐊᖑᒻᒥᒃ ᓇᖏᕐᑐᒥᒃ, ᓯᕗᕋᕐᒥᓂ ᓴᕕᒡᔪᐊᒥᓂᒃ ᑎᒍᒥᐊᕐᑐᒥᒃ; ᔮᓱᐊᑉ ᐅᐸᒃᓗᒍ ᐊᐱᕆᕚ, “ᐅᓇᑕᕐᑐᒃᓴᖁᑎᒋᕙᑦᑎᒌᑦ ᐅᕝᕙᓗ ᐊᑭᕋᑦᑎᓐᓂᒥᐅᑕᐅᕕᑦ?”
