ᑍᑑᓯᒧᑦ 3:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐃᓄᒃ ᐃᓅᖃᑎᒥᓂᒃ ᐊᕕᑎᑦᓯᔪᖅ ᐊᑕᐅᓯᐊᕐᓗᒍ ᒪᕐᕈᐃᕐᑐᕐᓗᒍᓘᓐᓃᑦ ᐃᓂᕐᑎᓚᐅᖅᑳᕐᓗᒍ, ᑭᖑᓂᖓᒍᑦ ᑲᒪᒋᓇᓱᐊᒃᑲᓐᓂᕈᓐᓃᕈᒃ.

ᑍᑑᓯᒧᑦ 3:10 Iomraidhean Croise

ᕉᒪᒥᐅᓄᑦ 16:17

ᐃᓅᖃᑎᒃᑲ ᐃᓇᑉᐸᑦᓯ, ᐅᑦᔨᕐᑐᑦᓯᐊᕐᓯᐅᒃ ᐃᓅᖃᑎᒌᖕᓂᕐᒥᒃ ᐊᕕᑎᑦᓯᕙᒃᑐᑦ, ᐅᒃᐱᕐᓂᑦᓯ ᑐᓐᖓᕕᒋᔭᖏᓐᓂᒃ ᓯᖁᑎᕆᓇᓱᒃᑏᑦ, ᐱᓇᓱᐊᕐᑐᓪᓗ ᐊᔪᕆᕐᑐᕐᑕᐅᑦᔪᑎᒋᓚᐅᕐᑕᑦᓯ ᐊᓯᐊᒎᕐᑐᓂᒃ; ᑖᒃᑯᐊ ᐃᓚᒋᓂᐊᕋᓯᒋᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:19

ᓇᓗᓇᓐᖏᓚᖅ ᐊᕕᒃᓯᒪᓂᖃᕆᐊᖃᕋᑦᓯ ᓇᓛᒎᕐᑐᑦ ᐊᑯᓐᓇᑦᓯᓐᓂ ᓇᓗᓇᖏᑦᑐᒥᒃ ᓴᖅᑭᔮᑦᓯᐊᖁᓪᓗᒋᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:2

ᐅᖃᐅᑎᔭᕇᓚᐅᕐᐸᑦᓯ ᐃᓂᕐᑎᕐᓗᓯ ᑭᖑᓪᓕᕐᒥᒃ ᐃᓕᑦᓯᓐᓄᑦ ᑎᑭᓯᒪᓪᓗᖓ, ᐃᓂᕐᑎᒃᑲᓐᓂᓕᕐᐸᑦᓯ ᓇᔫᑎᓇᖓ ᐃᓕᑦᓯᓐᓄᑦ, ᑎᑭᓕᕐᒥᒍᒪ ᐊᑦᑕᕆᓂᐊᓐᖏᓚᒃᑲ ᓯᕗᓂᖓᓂ ᐊᔪᕐᑐᓕᓚᐅᕐᑐᑦ ᐊᓯᖏᓪᓘᓐᓃᑦ,

ᒐᓔᑎᐊᒥᐅᓄᑦ 5:12

ᐱᐅᒃᓴᕐᓂᕐᓴᐅᒐᔭᕐᐳᖓ ᐃᓕᑦᓯᓐᓂᒃ ᑭᐱᔭᐅᖁᔨᖃᑦᑕᕐᑐᑦ ᐃᒻᒥᖕᓂᒃ ᐃᒡᔪᐃᔭᑦᑎᐊᒻᒪᕆᒃᐸᑕ!

ᒐᓔᑎᐊᒥᐅᓄᑦ 5:20

ᒎᑎᓐᖑᐊᖃᕐᓂᖅ, ᐊᖓᒃᑰᓇᓱᐊᕐᓂᖅ, ᐊᑭᕋᕐᑐᕐᑎᒌᖕᓂᖅ, ᐂᕙᖃᑦᑕᐅᑎᓂᖅ, ᐱᔪᑑᔪᒪᓂᖅ, ᓂᓐᖓᐅᒪᓂᖅ, ᐊᖏᖃᑎᒌᒍᓐᓇᖏᓐᓂᖅ, ᑕᐱᕇᓕᓪᓗᑎᒃ ᐊᕕᒃᑐᕐᓂᖅ;

ᑎᓴᓗᓁᑲᒥᐅᓄᑦ ᐂᑉᐸᖏᑦ 3:14

ᓇᓪᓕᐊᑦ ᑎᑎᕋᕐᑕᑦᑎᓐᓂ ᑖᒃᑯᓇᖓᑦ ᐅᖃᐅᓯᕆᔭᑦᑎᓐᓂᒡᓗ ᓈᓚᒍᒪᖏᑦᑐᖅ, ᑖᓐᓇ ᓇᓪᓕᐊᖑᖕᒪᖔᑦ ᓇᓗᓁᕐᓯᐅᒃ, ᐱᓇᓱᐊᖃᑎᒋᔪᓐᓃᓗᒍᓗ, ᑲᓐᖑᓱᒃᑎᑕᐅᖁᓪᓗᒍ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 3:6

᙭ᔅᑑᓯᒥᐅᑕᐅᖃᑎᒃᑲ ᓇᓪᓕᒋᔭᒃᑲ, ᒫᓐᓇ ᐱᖁᓪᓚᕆᒃᐸᑦᓯ, ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐊᑎᖓᓂ, ᐃᓚᖃᖁᓇᓯ ᐅᒃᐱᕐᑑᖃᑎᓂᒃ ᐃᓅᓯᖃᕐᑐᓂᒃ ᓱᓇᓕᕆᔪᒪᖏᑦᑐᒥᒃ ᐱᐅᓯᐅᓲᒥᒃ ᒪᓕᒐᓱᐊᖏᑦᑐᒥᒃ ᐊᔪᕆᕐᑑᑎᒋᓚᐅᕐᑕᑦᑎᓐᓂᒃ.

ᑎᒧᑎᒧᑦ ᐂᑉᐸᖏᑦ 3:5

ᑕᑯᒃᓴᐅᔪᒃᑯᑦ ᐅᒃᐱᕐᓂᕐᒦᑦᑑᔮᕐᑐᓂᒃ ᐱᔪᓐᓇᕐᓂᖓᓂᒡᓕ ᐅᖃᐅᓯᖃᖏᑦᑐᓂᒃ. ᑍᒤᑦᑐᑦ ᐃᓚᒋᓂᐊᕐᓇᒋᑦ.

ᐲᑦᑐᕉᓯ ᐂᑉᐸᖏᑦ 2:1

ᖄᖏᕐᓯᒪᓕᕐᑐᒥ ᓇᓚᐅᑦᑍᓂᕐᓗᒃᑐᑦ ᓴᕿᓛᐅᕐᒪᑕ ᐃᓄᖕᓄᑦ, ᑍᒫᒃᑕᐅᖅ ᐊᔪᕆᕐᓱᐃᓂᕐᓗᒃᑐᑦ ᐃᓕᑦᓯᓐᓄᑦ ᓴᖅᑭᑦᓱᒫᕆᕗᑦ, ᑖᒃᑯᐊ ᐊᓯᕈᕐᓇᕐᑐᒥᒃ ᓇᓛᒎᖏᑦᑐᒥᒃ ᐊᔪᕆᕐᓱᐃᔪᓯᖃᕈᒫᕐᐳᑦ, ᐊᒡᓛᑦ ᓱᓕᖏᒃᓂᕅᔪᒫᕐᐳᑦ ᐊᑕᓂᕐᒥᒃ ᐱᐅᓕᔨᒋᓚᐅᕐᑕᒥᖕᓂᑦ, ᐃᒻᒥᖕᓄᓪᓗ ᐊᓯᕈᕐᑕᐅᓇᕐᑐᒥᒃ ᑎᑭᑎᑦᓯᔪᒫᕐᐳᑦ.

ᔪᐊᓇᓯᐅᑉ ᐂᑉᐸᖏᑦ 1:10

ᑭᓇᑐᐃᓐᓇᕐᒧᑦ ᑎᑭᑕᐅᒍᑦᓯ ᑕᒪᑐᒥᖓ ᐊᔪᕆᕐᑑᓯᖃᖏᑦᑐᒧᑦ, ᐊᖏᕐᕋᑦᓯᓐᓄᑦ ᑐᓐᖓᓴᕐᓂᐊᕋᓯᐅᒃ ᐅᕝᕙᓗ ᑐᓐᖓᓇᕐᕕᒋᑦᑍᓕᓯᐅᒃ;