ᑍᑑᓯᒧᑦ 3:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐃᖅᑬᑎᒃᑭᑦ ᐊᐅᓚᑦᓯᔨᓂᒃ ᐊᖓᔪᖅᑳᓂᒡᓗ ᓈᓚᑦᓯᐊᖁᓗᒋᑦ, ᐃᒻᒥᖕᓂᒃ ᑐᓂᓯᒪᑦᓯᐊᕐᓗᑎᒃ ᑖᒃᑯᓄᖓ, ᐱᓇᓱᐊᑦᓯᐊᕈᒪᓂᕐᒥᒡᓗ ᖃᖓᓕᒫᒃᑯᑦ ᐊᑐᐃᓐᓇᐅᑦᓯᐊᖁᓪᓗᒋᑦ.

ᑍᑑᓯᒧᑦ 3:1 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:21

ᐃᕐᓃᒃ, ᐊᑕᓂᖅ ᓯᕘᕋᒋᒍᒃ ᐊᖓᔪᖅᑳᕐᔪᐊᕐᓗ; ᓇᓪᓕᖏᒃᓘᓐᓃᑦ ᑐᓵᓐᖏᓴᕐᓂᐊᕐᓇᖏᒃ;

ᐃᓕᓯᒪᓃᑦ ᐃᒃᓖᓯᐊᓯᑏᔅ 10:4

ᐊᖓᔪᖅᑳᒥᑦ ᓂᓐᖓᒡᕕᐅᒍᕕᑦ, ᐃᓂᖕᓂᑦ ᓅᓐᓂᐊᕐᓇᒃ, ᓮᓕᓐᓂᐅᑉ ᑕᒻᒪᕈᑎᒃᓮᑦ ᐊᖏᔪᑦ ᓄᖅᑲᕐᑎᑦᓱᓐᓇᕐᒪᒋᑦ.

ᐂᓮᐊᓯᐅᑉ ᐊᒡᓚᖏᑦ 43:26

ᐊᑏ ᐃᖅᑲᐅᒪᓚᐅᕐᓯᓐᖓ, ᐃᖅᑲᕐᑐᐃᕕᖕᒧᐊᕐᓗᑕ ᐃᖅᑲᕐᑐᕐᑎᒌᓚᐅᕐᑕ; ᓈᒻᒪᒃᓴᖏᑦᔪᑎᓯ ᐅᖃᐅᓯᕆᓚᐅᕐᓯᐅᒃ, ᓱᓕᓂᓯ ᓴᖅᑭᖁᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 27:17

ᓈᓚᒃᑍᓕᓯᒋᒃ ᐹᐱᓘᓂᐅᑉ ᐊᖓᔪᖅᑳᕐᔪᐊᖓ ᐱᔨᑦᓯᕈᑦᓯᐅᒃ ᑕᕝᕙ ᐃᓅᓂᐊᕐᐳᓯ ᓱᖕᒪᑦ ᑖᒃᑯᐊ ᐃᒡᓗᒐᓴᒡᔪᐊᑦ ᓄᓇᓕᕕᓂᑐᐃᓐᓇᐅᓕᖁᕕᓯᐅᒃ?

ᒫᑎᐅᓯᐅᑉ ᐊᒡᓚᖏᑦ 22:21

ᑖᒃᑯᐊ ᑭᐅᕚᑦ, “ᓰᓴᕆᐅᑉ,” ᑕᕝᕙ ᔩᓱᓯᐅᑉ ᐅᖃᐅᑎᕔᑦ, “ᑍᒤᒻᒪᑦ, ᓰᓴᕆᒧᑦ ᑐᓂᓯᐅᒃ ᐱᒋᖕᒪᒍ, ᒎᑎᓗ ᑐᓂᓗᒍ ᐱᖏᓐᓂᒃ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:58

ᑍᒤᒻᒪᑦ ᐃᓚᒃᑳ, ᓱᕐᕋᔪᐃᑦᑑᓗᓯ ᓇᖏᕆᑦᓯ, ᓱᓇᑐᐃᓐᓇᕐᒧᑦ ᐊᐅᓚᑕᐅᓕᕐᑍᓕᓗᓯ, ᐃᓕᑦᓯᓐᓂᒃ ᑍᒪᓐᖓᑦ ᑐᓂᓯᒪᓗᓯ ᐊᑕᓂᐅᑉ ᐱᓇᓱᐊᕐᓂᖓᓄᑦ, ᖃᐅᔨᒪᒐᑦᓯ ᐱᓇᓱᐊᕐᓂᓯ ᐊᑕᓂᕐᒥ ᑕᒪᐅᖓᑐᐃᓐᓈᕐᑐᖃᕐᓂᐊᖏᒻᒪᑕ.

ᐃᐱᓯᒥᐅᓄᑦ 2:10

ᒎᑎᐅᑉ ᓴᓇᓯᒪᕚᑎᒍᑦ, ᙭ᔅᑑᓯ ᔩᓱᓯᒃᑯᑦ ᐱᓐᖑᕐᑎᓚᐅᕐᐹᑎᒍᑦ ᐱᓇᓱᐊᑦᓯᐊᖁᓪᓗᑕ, ᒎᑎᐅᑉ ᑕᒪᓐᓇ ᓯᕗᓂᖓᒍᑦ ᐅᐸᓗᖕᒊᔭᕇᕐᓯᒪᓚᐅᕐᐹ, ᑍᒤᓕᐅᖁᓪᓗᑕ.

ᒨᓯᓯ ᑕᓪᓕᒪᖏᑦ 17:12

ᓇᓪᓕᐊᓪᓕ ᓈᓚᖏᑦᑐᖅ ᒪᓕᖏᓪᓗᓂ ᐋᖅᑭᒃᓱᐃᔨᒥᒃ ᑐᓂᕐᕈᓯᕐᑎᑦᓯᔨᒥᒡᓘᓐᓃᑦ ᐱᓇᓱᐊᕆᐊᖃᕐᑕᒥᓂᒃ ᐱᓇᓱᐊᕐᑐᒥᒃ ᑖᓐᓇ ᑐᖁᑕᐅᔪᒃᓴᐅᕗᖅ; ᑍᒫᒃ ᑕᕝᕙ ᑍᒤᓕᐅᕐᓗᓯ ᐱᐅᖏᑦᑐᓕᓂᖅ ᐲᕐᑎᒐᔭᕐᐸᓯ ᐃᓴᕆᐊᓕᒥᑦ.

ᐱᓕᐱᒥᐅᓄᑦ 1:11

ᐃᓅᓯᓯᓗ ᐃᓗᒻᒥᕐᑕᐅᓂᐊᕐᐳᖅ ᓇᓛᒎᕐᓂᐅᑉ ᐱᕈᕐᑎᑕᖏᓐᓂᒃ ᔩᓱᓯ ᙭ᔅᑑᓯᒃᑯᑦ ᓴᖅᑭᑦᑐᓂᒃ, ᒎᑎ ᓂᕐᑐᕐᑕᐅᖁᓪᓗᒍ ᐱᓐᓇᕐᓇᕐᓯᑎᑕᐅᖁᓪᓗᒍᓗ.

ᑯᓘᓯᐊᒥᐅᓄᑦ 1:10

ᐃᓅᓯᖃᕈᓐᓇᖁᓪᓗᓯ ᐊᑕᓂᐅᑉ ᓈᒻᒪᒋᔭᖓᒍᑦ, ᖁᕕᐊᒋᔭᐅᓗᓯᓗ ᑖᑦᓱᒧᖓ, ᐃᓅᓯᑦᓯᒍᓪᓗ ᐱᐅᔪᓂᒃ ᐱᕈᕐᑎᑦᓯᖁᓪᓗᓯ ᐊᑦᔨᒌᖏᑦᑐᓂᒃ ᖃᐅᔨᕙᓪᓕᐊᓗᓯᓗ ᒎᑎᒥᒃ.

ᑎᒧᑎᒧᑦ ᓯᕗᓪᓖᑦ 2:2

ᐊᖓᔪᖅᑳᕐᔪᐊᑦ ᐊᐅᓚᑦᓯᔨᐅᑎᑕᐅᔪᓪᓗ ᐱᑦᔪᑎᒋᖕᒥᓗᒋᑦ, ᐃᓅᑦᓯᐊᕐᓇᕐᑐᒥᒃ ᐃᓅᓯᖃᖁᓪᓗᑕ ᖃᓄᐃᓐᓇᖏᑦᓯᐊᕐᑐᒥᒡᓗ ᒎᑎ ᐅᐱᒋᑦᓯᐊᕐᓗᒍ ᓈᒻᒪᑦᓯᐊᕐᑐᒥᒡᓗ ᐃᓅᓯᖃᑦᓯᐊᕐᓗᑕ.

ᑎᒧᑎᒧᑦ ᓯᕗᓪᓖᑦ 4:6

ᑕᒪᒃᑯᐊ ᐅᖃᐅᑦᔪᐃᑦᔪᑎᒋᒍᕕᒋᑦ ᐅᒃᐱᕐᑑᖃᑎᒌᓄᑦ, ᐱᔨᑦᓯᕐᑎᐅᑦᓯᐊᕐᓂᐊᕐᐳᑎᑦ ᙭ᔅᑑᓯ ᔩᓱᓯᒥᒃ, ᓇᖕᒥᓂᖅ ᐱᒋᐅᕐᓴᓗᑎᑦ ᐅᖃᐅᓯᕐᓄᑦ ᐅᒃᐱᕐᓂᒃᑯᑦ ᐊᔪᕆᕐᑑᓯᕐᓄᓪᓗ ᓱᓕᔪᓄᑦ ᒪᓕᒃᓯᒪᔭᕐᓄᑦ.

ᑎᒧᑎᒧᑦ ᓯᕗᓪᓖᑦ 5:10

ᐱᓇᓱᐊᑦᓯᐊᖃᑦᑕᕐᓯᒪᓗᓂ ᐅᖃᐅᓯᐅᑦᓯᐊᖃᑦᑕᓗᓂ; ᕿᑐᕐᖓᒥᓂᒃ ᐱᕈᕐᓮᑦᓯᐊᕐᓯᒪᓗᓂ, ᑐᓐᖓᒋᔭᐅᓗᓂ, ᐃᑦᔪᕐᓁᑦᑐᓪᓗ ᐃᑎᒐᖏᓐᓂᒃ ᐅᐊᓴᖃᑦᑕᕐᓗᓂ, ᐃᑲᔪᕆᐊᓕᖕᓂᒃ ᐃᑲᔪᖃᑦᑕᕐᓗᓂ, ᐱᐅᔪᒥᒡᓗ ᐱᓇᓱᐊᖃᑦᑕᕐᓗᓂ ᓱᓇᓕᒫᓂᒃ.

ᑎᒧᑎᒧᑦ ᐂᑉᐸᖏᑦ 1:6

ᑍᒤᒻᒪᑦ ᐃᖅᑬᑎᑉᐸᒋᑦ ᐆᒻᒪᕐᑎᑦᓯᖁᓪᓗᑎᑦ ᒎᑎᒥᑦ ᑐᓂᕐᕈᓯᐊᕆᓯᒪᔭᕐᓂᒃ ᐃᓕᖕᓄᐊᓚᐅᕐᑐᒥᒃ ᐸᑎᒻᒥᓯᑎᓪᓗᖓ ᐃᓕᖕᓂᒃ.

ᑎᒧᑎᒧᑦ ᐂᑉᐸᖏᑦ 2:14

ᑕᒪᑐᒥᖓ ᐃᖅᑬᑎᒃᑭᑦ, ᐊᑕᓂᐅᓪᓗ ᓵᖓᓂ ᐅᖃᐅᑎᒃᑭᑦ ᐂᕙᑦᔪᑎᖃᖃᑦᑕᖁᓇᒋᑦ ᐅᖃᐅᓯᑐᐃᓐᓁᑦ ᐱᑦᔪᑎᒋᓗᒋᑦ, ᑕᒪᓐᓇ ᐊᑑᑎᖃᖏᒻᒪᑦ, ᓱᕋᒍᑎᑐᐃᓐᓇᐅᖕᒪᓪᓗ ᑐᓵᔪᓄᑦ.

ᑎᒧᑎᒧᑦ ᐂᑉᐸᖏᑦ 2:21

ᐱᐅᖏᓐᓇᕐᑐᓂᒃ ᐊᑐᕐᑍᓕᔪᖃᕈᓐᓇᕐᐸᑦ ᑖᓐᓇ ᐊᑐᒐᒃᓴᓐᖑᕐᑎᑕᐅᓂᐊᕐᐳᖅ ᓇᓪᓕᐅᓐᓂᕐᓯᐅᕐᑐᓂ, ᓴᓂᕐᕙᒃᑕᐅᓯᒪᓂᐊᕐᐳᕐᓗ ᐊᖓᔪᖅᑳᒥᓄᑦ ᐱᓪᓚᕆᖕᒧᑦ ᐊᑐᒐᒃᓴᐅᖁᓪᓗᒍ, ᐊᑐᐃᓐᓇᐅᓗᓂ ᓱᓇᑐᐃᓐᓇᕐᓄᑦ ᐱᐅᔪᓄᑦ ᐊᑐᕐᑐᒃᓴᐅᓗᓂ.

ᑍᑑᓯᒧᑦ 1:16

ᒎᑎᒥᒃ ᖃᐅᔨᒪᓂᕋᕋᓗᐊᕐᐳᑦ, ᐱᓂᐊᕐᓂᖏᓪᓕ ᓴᖅᑭᑎᑦᓯᕗᑦ ᓱᓕᖏᓐᓂᕐᒥᖕᓂᒃ; ᐆᒥᓱᒃᑎᐅᕗᑦ ᓈᓚᒍᓐᓇᕋᑎᒡᓗ, ᐱᐅᔪᒥᒡᓗ ᐱᓇᓱᐊᕐᕈᓐᓇᓐᖏᓚᑦ.

ᑍᑑᓯᒧᑦ 2:14

ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.

ᑍᑑᓯᒧᑦ 3:14

ᐃᓅᖃᑎᕗᑦ ᐱᓂᐊᑦᓯᐊᕈᓐᓇᕐᓂᕐᒥᒃ ᐃᓕᓐᓂᐊᕈᓐᓇᖁᓪᓗᒋᑦ, ᐃᑲᔪᕐᑕᐅᔭᕆᐊᖃᓪᓚᕆᒃᑐᓂᒃ ᐃᑲᔪᕈᓐᓇᕐᓯᖁᓪᓗᒋᑦ, ᐊᑑᑎᖃᖏᑦᑐᒥᒡᓗ ᐃᓅᓯᖃᖁᓇᒋᑦ.

ᑍᑑᓯᒧᑦ 3:8

ᑕᒪᑦᔭ ᐅᖃᐅᓯᖅ ᓱᓕᔪᖅ. ᑕᒪᒃᑯᓂᖓ ᐃᒃᐱᒍᓱᑦᓯᐊᕐᓗᑎᑦ ᐊᔪᕆᕐᑐᐃᖁᕙᒋᑦ, ᒎᑎᒧᑦ ᐅᒃᐱᕐᑐᑦ ᐱᓇᓱᐊᑦᓯᐊᕈᒪᓂᕐᒥᒃ ᑲᔪᖏᓕᖁᓪᓗᒋᑦ ᐱᕕᖃᕐᓂᓕᒫᒥᒍᑦ; ᑍᒤᓕᐅᕐᓃᑦ ᑕᒪᒃᑯᐊ ᐱᐅᖕᒪᑕ ᐊᑐᕐᓇᕐᑑᓪᓗᑎᒡᓗ ᐃᓄᓕᒫᓄᑦ.

ᐄᑉᕈᐃᓄᑦ 13:21

ᑖᑦᓱᒪ ᐱᔪᓐᓇᕐᑎᓪᓕᓯ ᐱᓂᐊᑦᓯᐊᕐᓂᕐᓂᒃ ᑕᒤᓐᓂᒃ ᐱᔪᓐᓇᑦᓯᖁᓪᓗᓯ ᑖᑦᓱᒪ ᐱᔪᒪᔭᖓᒍᑦ, ᐃᓗᑦᓯᓐᓂ ᐱᓇᓱᐊᕐᓗᓂ ᖁᕕᐊᒋᔭᒥᓂᒃ, ᔩᓱᓯ ᙭ᔅᑑᓯᒃᑯᑦ; ᑖᓐᓇ ᓂᕐᑐᕐᑕᐅᓕ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒥᓐ.

ᐲᑦᑐᕉᓯ ᐂᑉᐸᖏᑦ 1:12

ᑍᒤᒻᒪᑦ ᐃᖅᑬᑏᓐᓇᕈᒪᕙᑦᓯ ᑕᒪᒃᑯᓂᖓ, ᐅᓃᑦ ᖃᐅᔨᒪᒐᓗᐊᕐᑎᓪᓗᓯ ᐊᑦᑕᕐᓇᖏᑦᑐᒦᓕᕋᑦᓯ ᓱᓕᓂᕐᒥᒃ ᑐᓐᖓᕕᖃᓕᕐᓂᑦᓯᓐᓄᑦ.

ᔫᑎᐅᑉ ᐊᒡᓚᖏᑦ 1:5

ᖃᐅᔨᒪᒐᓗᐊᕐᑎᓪᓗᓯ ᐃᖅᑬᑎᑦᓱᒪᕙᑦᓯ, ᐊᑕᓂᐅᑉ ᐃᓴᕆᐊᓕᒥᐅᑦ ᐱᐅᓕᓚᐅᕐᓗᒋᑦ ᐄᑦᔨᑉᑎᒥᑦ, ᑭᖑᕐᖓᒍᑦ ᐅᒃᐱᖏᑦᑐᑦ ᐊᓯᕈᓚᐅᕐᒪᒋᑦ.