ᑍᑑᓯᒧᑦ 2:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑍᒫᒃᑕᐅᖅ ᐊᕐᓁᑦ ᐃᓐᓇᐅᓂᕐᓮᑦ ᐊᔪᕆᕐᑐᒃᑭᑦ ᐃᑦᔪᕐᓁᑦᑐᒥᒃ ᐃᓅᓯᖃᖁᓗᒋᑦ, ᓱᓕᖏᑦᑐᒥᒃ ᐃᓅᖃᑎᒥᖕᓂᒃ ᐅᖃᐅᓯᖃᖃᑦᑕᖁᓇᒋᑦ ᐃᒥᐊᓗᐃᓐᓇᖁᓇᒋᓪᓗ; ᐱᐅᔪᒥᒡᓕ ᐊᔪᕆᕐᑐᐃᖁᓗᒋᑦ.

ᑍᑑᓯᒧᑦ 2:3 Iomraidhean Croise

ᕉᒪᒥᐅᓄᑦ 1:29

ᐱᐅᖏᑦᑐᓕᓂᕐᓂᒃ ᖃᓄᐃᑦᑐᑐᐃᓐᓇᑦᓯᐊᓂᒃ ᐱᓕᕆᕗᑦ, ᐱᐅᖏᑦᑐᓂᒃ, ᐱᔪᒪᕕᒡᔪᐊᕐᓂᕐᓂᒃ, ᐊᑭᕋᕐᑑᑎᓂᕐᓂᒃ, ᐊᓯᒥᖕᓂᑦ ᐱᖃᕐᓂᕐᓴᐅᔪᒪᓂᕐᒥᒃ, ᑐᖁᑦᓯᔪᒪᓂᕐᒥᒃ, ᐅᓇᑕᕈᒪᓂᕐᒥᒃ, ᓯᓔᕐᕆᒃᓯᓂᕐᒥᒃ, ᐅᒋᐊᓐᖑᖃᑦᑕᐅᑎᓂᕐᒥᒃ, ᑎᕐᓕᐊᖃᑦᑍᓂᕐᓂᒡᓗ.

ᕉᒪᒥᐅᓄᑦ 16:2

ᑖᓐᓇ ᐃᓚᓕᐅᕐᓯᐅᒃ ᐊᑕᓂᕐᒥ ᒎᑎᐅᑉ ᐃᓄᖁᑎᖏᑕ ᐱᐅᓯᖏᑎᑐᑦ, ᐃᑲᔪᕐᓗᒍᓗ ᐃᓕᑦᓯᓐᓂᑦ ᐃᑲᔪᕐᑕᐅᔭᕆᐊᖃᕐᐸᑦ, ᐃᓄᖕᓂᒃ ᐊᒥᓱᓂᒃ ᐃᑲᔪᕐᓯᒪᖕᒪᑦ ᐅᕙᓐᓂᒡᓗ ᐊᒡᓛᑦ.

ᐃᐱᓯᒥᐅᓄᑦ 5:3

ᓄᓕᐊᕐᓂᕐᒥᒃ ᐊᑐᕐᓂᕐᓗᒃᑐᒥᒃ ᐱᐅᖏᑦᑐᓕᔨᓂᒡᓗ ᐱᔪᒪᕕᒡᔪᐊᕐᑎᓂᒡᓗ ᐅᖃᐅᓯᐅᔪᒃᓴᐅᔪᓐᓃᕐᐳᓯ, ᐃᑦᔪᕐᓁᑎᑕᐅᓯᒪᔪᑦ ᑍᒫᒃ ᐊᑐᕆᐊᖃᖏᒻᒪᑕ.

ᑎᒧᑎᒧᑦ ᓯᕗᓪᓖᑦ 3:11

ᓄᓕᐊᖏᑦᑕᐅᖅ ᑍᒫᑦᓮᓐᓇᖅ ᐃᓕᖅᑯᓯᖏᑦ ᐅᐱᒋᔭᐅᔪᒃᓴᐅᕗᑦ, ᐃᓅᖃᓐᓂᐊᕐᑎᐅᖏᓪᓗᑎᒃ, ᐃᓱᒪᖃᑦᓯᐊᕐᓗᑎᒃ, ᑕᒤᑎᒍᓪᓗ ᐅᒃᐱᕆᔭᒃᓴᐅᑦᓯᐊᕐᓗᑎᒃ.

ᑎᒧᑎᒧᑦ ᓯᕗᓪᓖᑦ 3:8

ᐅᒃᐱᕐᑑᖃᑎᒌᓂ ᐃᑲᔪᕐᑏᑦ ᐃᓕᖅᑯᓯᑦᓯᐊᕆᒃᑐᒃᓴᐅᕗᑦ, ᐅᖃᐅᓯᖏᑦ ᐅᒃᐱᕆᔭᒃᓴᐅᓗᑎᒃ; ᐅᐂᓂᒧᑦ ᐊᔪᓕᕐᓯᒪᖏᓪᓗᑎᒃ, ᑮᓇᐅᔭᓂᒡᓗ ᐱᔪᒪᓗᐊᕐᑎᐅᖏᓪᓗᑎᒃ;

ᑎᒧᑎᒧᑦ ᓯᕗᓪᓖᑦ 5:23

ᐃᒥᑐᐃᓐᓇᕐᒥᒃ ᐃᒥᖃᑦᑕᕈᓐᓃᕆᑦ, ᐅᐂᓂᒥᒡᓕ ᒥᑭᔪᒥᒃ ᐃᒥᖃᑦᑕᕆᑦ ᐊᕿᐊᕈᐃᑦ ᐋᓐᓂᐊᕐᓴᕅᑦᑑᖃᑦᑕᕐᓃᓪᓗ ᐱᑦᔪᑎᒋᓪᓗᒍ.

ᑍᑑᓯᒧᑦ 1:7

ᐅᒃᐱᕐᑑᖃᑎᒌᓂ ᓯᕗᓕᕐᑎᐅᔪᖅ ᑲᒪᔨᐅᒐᒥ ᒎᑎᐅᑉ ᐱᓇᓱᐊᕐᓂᖓᓄᑦ, ᐸᓯᔭᒃᓴᐅᓂᖃᕐᑐᒃᓴᐅᓐᖏᓚᖅ; ᐱᔪᒪᔭᑐᐃᓐᓇᕐᒥᓂᒃ ᐱᓇᓱᐊᕐᑐᒃᓴᐅᒃᖏᓚ ᓂᓐᖓᒃᓴᕅᑦᑐᒃᓴᐅᓇᓂᓗ, ᐋᖓᔮᕐᑎᐅᔪᒃᓴᐅᓐᖏᓚᖅ, ᐃᓕᕋᓇᕋᓱᐊᕐᑎᐅᓇᓂᓗ ᐱᔪᒪᓗᐊᕐᓂᕐᒧᑦ ᑮᓇᐅᔭᕐᓂᐊᕐᑐᒃᓴᐅᓐᖏᓚᖅ.

ᑍᑑᓯᒧᑦ 2:4

ᐊᕐᓇᓂᒡᓗ ᐃᓅᓱᖕᓂᕐᓴᐅᔪᓂᒃ ᐊᔪᕆᕐᑐᐃᖁᓪᓗᒋᑦ ᐅᐃᒥᖕᓂᒃ ᓇᒡᓕᒍᓱᑦᓯᐊᖁᓪᓗᒋᑦ ᕿᑐᕐᖓᒥᖕᓂᒡᓗ.

ᐄᑉᕈᐃᓄᑦ 5:12

ᒫᓐᓇᐅᓕᕐᑐᖅ ᐊᔪᕆᕐᑐᐃᔪᓐᓇᕐᓯᓯᒪᓕᕋᓗᐊᕐᐳᓯ, ᓱᓕᓕ ᐊᔪᕆᕐᑐᕐᑕᐅᔭᕆᐊᖃᕐᐳᓯ ᒎᑎᐅᑉ ᐅᖃᐅᓯᖏᓐᓂᒃ ᐊᔪᕆᕐᑐᕐᑕᐅᓕᓵᕐᑐᓄᑦ ᐊᑐᕐᑕᐅᕙᒃᑐᓂᒃ. ᓱᓕ ᐃᒻᒧᒃᑐᖃᑕᕆᐊᖃᕐᐳᓯ, ᓂᕿᓪᓚᕆᖕᒥᒃ ᓱᓕ ᐊᔪᕋᑦᓯ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:20

ᓈᒻᒪᒃᓴᖏᑦᔪᑎᖃᕐᐳᖓᓕ ᐃᓕᖕᓄᑦ ᐃᒤᑦᑐᒥᒃ, ᐊᕐᓇᖅ ᔨᓴᐱᐊᓕ ᓱᖁᑎᒋᓐᖏᓐᓇᕕᐅᒃ, ᓇᓚᐅᑦᑍᔫᓂᕋᕐᑎᓪᓗᒍ ᐊᔪᕆᕐᑐᐃᓂᕐᒥᒍᑦ ᑕᒻᒪᕐᑎᑦᓯᓕᕐᒪᑦ ᐱᔨᓐᓂᒃ ᓄᓕᐊᕐᓂᕐᒥᒡᓗ ᐊᑐᕐᓂᕐᓗᒃᑎᓪᓗᓂᒋᑦ ᓂᕆᑎᑦᓯᕙᒡᓗᓂᓗ ᒎᑎᓐᖑᐊᓄᑦ ᑐᓂᕐᕈᑕᐅᓯᒪᔪᓂᒃ.