ᑍᑑᓯᒧᑦ 2:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᓂᕆᐅᒋᔭᒃᓴᕗᑦ ᐅᓪᓗᖅ ᐱᕕᐊᕐᓇᕐᑐᕐᔪᐊᖅ ᐅᑕᖅᑭᓗᒍ, ᒎᑎᐅᑉ ᐊᖏᓂᕐᐹᖑᔫᑉ ᐱᐅᓕᔨᑦᑕᓗ ᔩᓱᓯ ᙭ᔅᑑᓯᐅᑉ ᓂᕐᑐᕐᓇᕐᓂᕐᔪᐊᖓ ᓴᖅᑭᑦᓯᐊᕆᓗᒍ.

ᑍᑑᓯᒧᑦ 2:13 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 25:9

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᐅᖃᕐᑐᖃᕈᒫᕐᐳᖅ, “ᑕᑯᒋᑦ ᑕᕝᕙ ᒎᑎᕗᑦ; ᑖᓐᓇ ᐅᑕᖅᑭᔭᕗᑦ, ᓴᐳᑎᓂᐊᕐᒪᑎᒍᑦ, ᐃᓛᒃ ᑖᓐᓇ ᑕᕝᕙ ᐊᑕᓂᖅ, ᐅᑕᖅᑭᓚᐅᕐᑕᕗᑦ; ᖁᕕᐊᓱᓕᕐᑕ ᓯᕆᓗᑕᓗ ᐱᐅᓕᔨᐅᓂᖓ ᐱᓪᓗᒍ.”

ᒫᑎᐅᓯᐅᑉ ᐊᒡᓚᖏᑦ 16:27

ᐃᓅᑉ ᐃᕐᓂᖓ ᑎᑭᑦᓱᒫᕐᒪᑦ ᐂᖏᓖᖁᑎᓂ ᐃᓚᒋᓗᒋᑦ ᐊᑖᑕᖓᑕ ᓂᕐᑐᕐᓇᕐᓂᕐᔪᐊᖓᓂᑦ, ᑕᕝᕙᓂ ᐊᑐᓂᑦ ᐊᑭᓕᕈᒫᕐᐰᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 25:31

“ᐃᓅᑉ ᐃᕐᓂᖓ ᐊᖓᔪᖅᑳᕐᔪᐊᖑᓗᓂ ᑎᑭᒃᑯᓂ, ᐂᖏᓕᓕᒫᑦ ᐃᓚᒋᓗᒋᑦ, ᐃᒃᓯᕙᐅᑕᕐᔪᐊᕐᒥᓄᑦ ᐱᓐᓇᕐᓇᕐᑐᕐᔪᐊᕐᒧᑦ ᐃᖏᑦᓱᒫᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 26:64

ᔩᓱᓯᐅᑉ ᑭᐅᕚ, “ᑕᕝᕙ ᐅᖃᕐᐳᑎᑦ. ᑕᒪᑦᓯᓕ ᐅᖃᐅᑎᕙᑦᓯ, ᑕᒪᑐᒪ ᑭᖑᕐᖓᓂ ᐃᓅᑉ ᐃᕐᓂᖓ ᑕᑯᔪᒫᕐᐸᓯ ᐱᔪᓐᓇᕐᓂᐅᑉ ᑕᓕᕐᐱᐊᓂ ᐃᒃᓯᕙᔪᖅ, ᕿᓚᐅᓪᓗ ᓄᕗᔭᖏᑎᒍᑦ ᑎᑭᓕᕐᑎᓪᓗᒍ.”

ᒫᑯᓯᐅᑉ ᐊᒡᓚᖏᑦ 14:62

ᔩᓱᓯᐅᑉ ᑭᐅᕚ, “ᐅᕙᖓᐅᕗᖓ; ᑕᒪᑦᓯ ᑕᑯᔪᒫᕐᐳᓯ ᐃᓅᑉ ᐃᕐᓂᖓ ᐊᔪᒐᖃᖏᑦᑑᑉ ᑕᓕᕐᐱᐊᓂ ᐃᒃᓯᕙᑎᓪᓗᒍ, ᕿᓚᖕᒥᓪᓗ ᐊᖅᑲᓕᕐᑎᓪᓗᒍ ᓄᕗᔭᑎᒍᑦ!”

ᒫᑯᓯᐅᑉ ᐊᒡᓚᖏᑦ 8:38

ᓇᓪᓕᐊᑦ ᐅᕙᓐᓂᒃ ᑲᓐᖑᓲᑎᖃᕐᐸᑦ ᐊᔪᕆᕐᑐᐃᑦᔪᑎᒋᔭᓐᓂᒡᓗ ᐅᕙᓂ ᓯᓚᕐᔪᐊᕐᒥ ᒎᑎᖃᖏᑦᑐᓂ ᐱᐅᖏᑦᑐᓕᔪᓂᓗ, ᐃᓅᑉ ᐃᕐᓂᖓᑕ ᑲᓐᖑᒋᔪᒫᕆᕚ, ᑎᑭᓕᕈᓂ ᐊᑖᑕᖓᑕ ᓂᕐᑐᕐᓇᕐᓂᕐᔪᐊᖓᓂ ᐂᖏᓖᓂ ᐃᑦᔪᕐᓁᑦᑐᑦ ᐱᖃᑎᒋᓗᒋᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 24:15

ᓂᕆᐅᖕᓂᖃᕐᐳᖓᓗ ᒎᑎᒥᑦ ᑖᒃᑯᐊ ᓂᕆᐅᖕᓂᕆᔭᖏᑕ ᐊᑦᔨᖓᓂᒃ, ᑐᖁᒥᓪᓗ ᒪᑭᓐᓂᖃᕈᒫᕐᒪᑦ ᑕᒤᓐᓄᑦ ᓇᓛᒎᕐᑐᓄᑦ ᓇᓛᒎᖏᑦᑐᓄᓪᓗ.

ᕉᒪᒥᐅᓄᑦ 15:13

ᒎᑎᐅᓪᓕ ᓂᕆᐅᖕᓂᕐᑖᕐᑎᑦᓯᔫᑉ ᐃᓗᒻᒥᕐᑎᓪᓕᓯ ᖁᕕᐊᓱᖕᓂᕐᒥᒃ ᐃᓱᒫᓘᑎᖃᖏᑦᓯᐊᕐᓂᕐᒥᒡᓗ ᑖᑦᓱᒧᖓ ᐅᒃᐱᕐᓂᑦᓯᓐᓄᑦ, ᓂᕆᐅᖕᓂᓯ ᐊᖏᒡᓕᕙᓪᓕᐊᖏᓐᓇᖁᓪᓗᒍ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐱᔪᓐᓇᕐᓂᖓᒍᑦ.

ᕉᒪᒥᐅᓄᑦ 5:5

ᓂᕆᐅᖕᓂᐅᓪᓗ ᑕᒪᑐᒪ ᐅᒡᒍᐊᕐᑎᓐᖏᓛᑎᒍᑦ, ᒎᑎᐅᑉ ᓇᒡᓕᖕᓂᓂ ᐃᓗᑦᑎᓐᓄᑦ ᑯᕕᖕᒪᒍ ᐊᓂᕐᓂᒃᑯᑦ ᐃᑦᔪᕐᓁᑦᑐᒃᑯᑦ ᑖᑦᓱᒨᓇ ᑐᓂᕐᕈᓯᐊᕆᔭᑦᑎᒍᑦ.

ᕉᒪᒥᐅᓄᑦ 8:18

ᐃᓱᒪᒋᒐᒃᑯ ᐅᖁᒤᑦᑐᒦᓐᓃᑦ ᒫᓐᓇ ᐊᑐᕐᑕᐅᔪᑦ ᐊᑦᔨᐅᑎᑕᒃᓴᐅᖏᒻᒪᑕ ᐱᓐᓇᕐᓇᕐᑐᕐᔪᐊᒧᑦ ᓴᖅᑭᑎᑕᐅᔪᒫᕐᑐᒧᑦ ᐅᕙᑦᑎᓐᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:7

ᑍᒤᒻᒪᑦ ᐅᒃᐱᕐᓂᒃᑯᑦ ᑐᓂᕐᕈᓯᐊᖃᕐᓂᕐᒥᒃ ᖃᓄᓕᒫᖅ ᐊᔪᕐᓴᓐᖏᓚᓯ, ᕿᓚᓈᕐᓗᓯᓗ ᐅᑕᖅᑭᓪᓗᓯ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᓴᖅᑭᑦᓱᒫᕐᓂᖓᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:4

ᑕᒪᑐᒪ ᓯᓚᕐᔪᐊᑉ ᒎᑎᖓᑕ ᐅᒃᐱᖏᑦᑐᑦ ᐃᓱᒪᖏᑦ ᑐᑭᓯᔪᓐᓇᕐᑎᓐᖏᓔᑦ, ᐅᖃᐅᓰᑦ ᑐᓴᕈᒥᓇᕐᑐᑦ ᖃᐅᒪᓂᖓᓂᒃ ᑕᑯᖁᓇᒋᑦ ᙭ᔅᑑᓯᐅᑉ ᓂᕐᑐᕐᓇᕐᓂᕐᔪᐊᖓᓂᒃ, ᑖᑦᓱᒥᖓ ᒎᑎᐅᑉ ᐊᑦᔨᖓᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:6

ᐃᒫᒃ ᒎᑎ ᐅᖃᕐᓯᒪᖕᒪᑦ, “ᖃᐅᒪᔪᖅ ᖃᐅᒻᒤᓕᕐᓕ ᑖᕐᑐᒥ,” ᑖᑦᓱᒪ ᖃᐅᒪᓂᓂ ᖃᐅᒻᒪᒃᑎᑉᐹ ᐆᒻᒪᑎᑦᑎᓐᓄᑦ ᖃᐅᔨᑎᑕᐅᖁᓪᓗᑕ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᙭ᔅᑑᓯᐅᑉ ᖃᐅᒻᒪᒃᑎᑦᓯᓂᖓᓂᑦ ᐱᔪᒥᒃ.

ᑯᓘᓯᐊᒥᐅᓄᑦ 1:23

ᑲᔪᓯᓂᐊᕈᑦᓯ ᐅᒃᐱᕐᓂᑦᓯᓐᓂ, ᑐᓐᖓᕕᖃᑦᓯᐊᕐᓗᓯ ᐊᐅᓚᖏᑦᓯᐊᕐᑐᒥᒃ, ᓴᖑᑎᑕᐅᔪᓐᓃᕐᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᑦ ᑐᓴᓚᐅᕐᑕᑦᓯᓐᓂᑦ, ᑕᒪᓐᓇ ᐅᖃᐅᓯᖅ ᑐᓴᕈᒥᓇᕐᑐᖅ ᐱᑦᔪᑎᒋᓪᓗᒍ ᐅᕙᖓ ᐸᐅᓗᓯ, ᐱᔨᓐᖑᕐᑎᑕᐅᓯᒪᕗᖓ; ᑕᒪᓐᓇᓗ ᐅᖃᐅᓯᖅ ᑐᓴᕈᒥᓇᕐᑐᖅ ᐊᔪᕆᕐᑐᐃᑦᔪᑕᐅᓯᒪᓕᕐᐳᖅ ᓯᓚᕐᔪᐊᕐᒥᐅᓕᒫᓄᑦ.

ᑯᓘᓯᐊᒥᐅᓄᑦ 1:27

ᒎᑎᐅᑉ ᑕᒪᓐᓇ ᐃᔨᕐᓯᒪᔪᖅ ᖃᐅᔨᔭᐅᑎᑦᓱᒪᓚᐅᕐᐹ ᔫᑎᐅᖏᑦᑐᓄᑦ ᐊᒥᒐᖏᑦᑐᕐᔪᐊᖅ ᓂᕐᑐᕐᓇᕐᑐᕐᔪᐊᕐᓗ ᐃᔨᕐᓯᒪᓚᐅᕐᑐᖅ ᐃᓄᓕᒫᓄᑦ, ᑕᕝᕙ ᙭ᔅᑑᓯ ᐃᓗᑦᓯᓐᓃᑦᑐᖅ, ᓂᕆᐅᒍᑎᒃᓴᐅᖁᓪᓗᒍ ᐱᓐᓇᕐᓇᕐᑐᕐᔪᐊᒥᒃ.

ᑯᓘᓯᐊᒥᐅᓄᑦ 1:5

ᓂᕆᐅᒋᔭᒃᓴᖅ ᐱᑦᔪᑎᒋᓪᓗᒍ ᐃᓕᑦᓯᓐᓄᑦ ᖁᒥᐅᑕᐅᓯᒪᔪᒧᑦ ᕿᓚᖕᒥ. ᑕᒪᓐᓇ ᓯᕗᓂᖓᒍᑦ ᑐᓴᓚᐅᕐᑕᓯ ᐅᖃᐅᓯᒃᑯᑦ ᓱᓕᔪᒃᑯᑦ, ᐅᖃᐅᓯᕐᑎᒍᑦ ᑐᓴᕈᒥᓇᕐᑐᑎᒍᑦ.

ᑯᓘᓯᐊᒥᐅᓄᑦ 3:4

᙭ᔅᑑᓯᓕ ᐃᓅᑦᔪᑎᒋᔭᓯ ᓴᖅᑭᑉᐸᑦ, ᐃᓕᑦᓯᑦᑕᐅᖅ ᓴᖅᑭᖃᑎᒋᔪᒫᕐᐸᓯ ᐱᓐᓇᕐᓇᕐᑐᕐᔪᐊᕐᒥᒃ ᐱᖃᖃᑎᒋᓗᒍ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:16

ᒫᓐᓇᓕ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᓇᖕᒥᓂᖅ, ᒎᑎᑦᑕᓗ ᐊᑖᑕᑦᑕ, ᐅᕙᑦᑎᓐᓂᒃ ᓇᒡᓕᒍᓱᒃᑑᑉ ᐃᓱᖃᖏᑦᑐᒥᒃ ᓮᒻᒪᕐᑎᒻᒪᑎᒍᑦ ᓂᕆᐅᒋᔭᒃᓴᒥᒡᓗ ᐱᐅᔪᒥᒃ ᑐᓂᓯᕕᒋᓪᓗᑕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ,

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:8

ᑕᕝᕙ ᐱᑯᔭᖃᖏᑦᑐᕐᔪᐊᖅ ᓴᖅᑭᑎᑕᐅᔪᒫᕐᐳᖅ, ᐊᑕᓂᐅᓪᓕ ᔩᓱᓯᐅᑉ ᑎᑭᒃᑯᓂ ᑐᖁᑦᓱᒫᕐᐹ ᐊᓂᕐᓂᕐᒥᓄᑦ ᖃᓂᖓᓂᑦ ᐊᓂᔪᒧᑦ; ᐊᓯᕈᕐᓗᓂᐅᒡᓗ ᓴᖅᑭᓐᓂᕐᒥᓄᑦ ᐱᓐᓇᕐᓇᕐᑐᕐᔪᐊᒧᑦ.

ᑎᒧᑎᒧᑦ ᓯᕗᓪᓖᑦ 1:1

ᐸᐅᓗᓯᒥᑦ ᙭ᔅᑑᓯ ᔩᓱᓯᐅᑉ ᐋᐴᓯᑕᓕᖓᓂᑦ ᒎᑎᐅᑉ ᐱᖁᔨᓂᖓᒍᑦ ᔩᓱᓯ ᙭ᔅᑑᓯᒃᑯᓪᓗ ᐱᐅᓕᔨᑦᑎᒍᑦ ᓂᕆᐅᒋᔭᒃᓴᖃᕐᕕᒋᔭᑦᑎᒍᑦ.

ᑎᒧᑎᒧᑦ ᐂᑉᐸᖏᑦ 1:2

ᐃᕐᓂᓐᓄᑦ ᑎᒧᑎᒧᑦ ᓇᒡᓕᒋᒻᒪᕆᒃᑕᓐᓄᑦ: ᒎᑎᐅᑉ ᐊᑖᑕᐅᑉ ᙭ᔅᑑᓯ ᔩᓱᓯᐅᓪᓗ ᐊᑕᓂᑦᑕ ᑐᓂᓯᕕᒋᓕᑎᑦ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ, ᓂᑲᒍᓱᖕᓂᖓᓂᒃ, ᓮᒻᒪᕐᑎᑦᓯᓂᖓᓂᒃᓗ.

ᑎᒧᑎᒧᑦ ᐂᑉᐸᖏᑦ 4:1

ᐱᖁᓪᓚᕆᒃᐸᒋᑦ ᒎᑎᐅᑉ ᓵᖓᓂ ᙭ᔅᑑᓯ ᔩᓱᓯᐅᓪᓗ ᑖᓐᓇ ᐃᖅᑲᕐᑐᐃᔪᒫᕐᒪᑦ ᐃᓅᔪᓂᒃ ᑐᖁᖓᔪᓂᒡᓗ, ᑎᑭᑦᓱᒫᕐᒪᓪᓗ ᐊᐅᓚᑦᓯᔭᕐᑐᕐᓗᓂ.

ᑎᒧᑎᒧᑦ ᐂᑉᐸᖏᑦ 4:8

ᓵᓚᒃᓴᐅᓯᐊᒃᓴᖅ ᐅᕙᓐᓂᒃ ᐅᑕᖅᑭᓕᕐᐳᖅ ᓂᐊᖂᑎᒃᓴᖅ ᐃᓗᐊᕐᑐᓕᔪᓄᑦ, ᐊᑕᓂᐅᑉ ᐃᓗᐊᕐᑐᒥᒃ ᐃᖅᑲᕐᑐᐃᔫᑉ ᑐᓂᔪᒫᕐᑕᖓ ᐅᕙᓐᓄᑦ ᐅᓪᓗᖅ ᓇᓪᓕᐅᑎᒃᐸᑦ, ᐅᕙᓐᓄᑐᐊᖑᖏᑦᑐᕐᓕ ᑍᒃᑯᓄᖓᓕᑦᑕᐅᖅ ᐊᑕᓂᐅᑉ ᓴᖅᑭᓐᓂᒃᓴᖓᓂᒃ ᖁᕕᐊᓱᒡᓗᑎᒃ ᐅᑕᖅᑭᔪᓄᑦ.

ᑍᑑᓯᒧᑦ 1:2

ᑕᒪᓐᓇ ᑐᓐᖓᕕᖃᕐᑐᖅ ᓂᕆᐅᒋᔭᒃᓴᖃᕐᑎᑎᓗᓂ ᐃᓅᓯᕐᒥᒃ ᓄᖑᓱᐃᑦᑐᒥᒃ; ᒎᑎᐅᑉ ᓴᒡᓗᓚᐅᕐᓯᒪᖏᑦᑑᑉ, ᐊᖏᕐᕕᒋᓯᒪᕚᑎᒍᑦ ᑕᒪᑐᒥᖓ ᓯᓚᕐᔪᐊᖅ ᐱᒋᐊᓚᐅᖅᑳᕐᑎᓐᓇᒍ,

ᑍᑑᓯᒧᑦ 1:4

ᑍᑑᓯᒧᑦ, ᐅᒃᐱᕐᓂᑯᑦ ᓱᓕᔪᒥᒃ ᐃᕐᓂᓐᓄᑦ ᑕᒪᑐᒧᖓ ᐊᑕᐅᓯᐅᑦᔪᑎᒋᔭᑦᑎᓐᓄᑦ. ᒎᑎᐅᑉ ᐊᑖᑕᐅᑉ ᔩᓱᓯᐅᓪᓗ ᙭ᔅᑑᓯᐅᑉ ᐱᐅᓕᔨᑦᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓮᒻᒪᕐᑎᑦᓯᓂᖓᓂᒡᓗ ᑐᓂᓯᕕᐅᖁᕙᒋᑦ.

ᑍᑑᓯᒧᑦ 3:4

ᒎᑎᐅᓪᓕ ᐱᐅᓕᔨᑦᑕ ᐱᑦᓯᐊᕐᓂᖓ ᓇᒡᓕᒍᓱᖕᓂᖓᓗ ᓴᖅᑭᒻᒪᑦ,

ᐄᑉᕈᐃᓄᑦ 9:28

ᑍᒫᒃᑕᐅᖅ ᙭ᔅᑑᓯ, ᐊᑕᐅᓯᐊᕐᓗᓂ ᑐᓂᕐᕈᑎᒋᔭᐅᓚᐅᕐᐳᖅ ᐊᒥᓱᑦ ᐊᔪᕐᓂᖏᑦ ᐲᔭᕐᑕᐅᖁᓪᓗᒋᑦ, ᑭᖑᓪᓕᕐᒥᒡᓕ ᓴᖅᑭᑦᓱᒫᕆᕗᖅ, ᐊᔪᕐᓂᕐᒥᒃ ᐱᑦᔪᑎᖃᕈᓐᓁᕐᓗᓂ ᐱᐅᓕᓯᔭᕐᑐᓕᕐᓗᓂᓕ ᐅᑕᖅᑭᔪᓂᒃ ᑖᑦᓱᒥᖓ.

ᐲᑦᑐᕉᓯ ᓯᕗᓪᓖᑦ 1:3

ᒎᑎ ᓂᕐᑐᕐᓚᕗᑦ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐊᑖᑕᖓ! ᑖᑦᓱᒪ ᓂᑲᒍᓱᖕᓂᖓᑕ ᐊᖏᔪᐊᓘᓂᖓᓄᑦ ᐃᓅᓯᕐᑖᕐᑎᒻᒪᑎᒍᑦ ᓄᑖᒥᒃ ᑕᒪᑐᒨᓇ ᓂᕆᐅᒋᔭᒃᓴᖃᑦᓯᐊᓕᕐᑎᑉᐹᑎᒍᑦ ᑐᖁᖓᔪᓂᑦ ᒪᑭᑎᑦᓯᓂᕐᒥᒍᑦ ᔩᓱᓯ ᙭ᔅᑑᓯᒥᒃ,

ᐲᑦᑐᕉᓯ ᓯᕗᓪᓖᑦ 1:7

ᑕᒪᒃᑯᐊ ᐱᑦᔪᑎᖃᕐᐳᑦ ᐅᒃᐱᕐᓂᐅᑉ ᓇᓚᒍᑦᓯᐊᕐᓂᖓᓂᒃ, ᐱᕕᐊᕐᓇᕐᓂᕐᓴᐅᓪᓗᓂ ᒎᓗᒥᑦ ᓄᖑᔪᒫᕐᑐᒥᑦ ᐃᑯᒪᒧᑦ ᖃᐅᔨᓴᕐᑕᐅᕙᒃᑐᒥᑦ, ᐅᐱᒋᔭᐅᖁᓪᓗᓯ, ᐱᓐᓇᕐᓇᕐᑎᑕᐅᓗᓯᓗ ᐅᐱᒋᔭᐅᓗᓯᓗ ᔩᓱᓯ ᙭ᔅᑑᓯᐅᑉ ᓴᖅᑭᕝᕕᒃᓴᖓᓂ.

ᐲᑦᑐᕉᓯ ᐂᑉᐸᖏᑦ 1:1

ᓮᒨᓂ ᐲᑦᑐᕉᓯᒥᑦ, ᐱᔨᒋᔭᐅᓪᓗᓂ ᐋᐴᓯᑕᓕᐅᔪᒥᑦ ᔩᓱᓯ ᙭ᔅᑑᓯᒧᑦ, ᐱᑖᕐᓯᒪᔪᓄᑦ ᐅᒃᐱᕐᓂᕐᒥᒃ ᐱᕕᐊᕐᓇᕐᑐᒥᒃ ᐅᕙᑦᑎᑐᑦ ᒎᑎᑦᑕ ᐃᓗᐊᕐᑐᓐᖑᕐᑎᑦᓯᓂᖓᓄᑦ ᐱᐅᓕᔨᑦᑎᒍᓪᓗ ᔩᓱᓯ ᙭ᔅᑑᓯᒃᑯᑦ:

ᐲᑦᑐᕉᓯ ᐂᑉᐸᖏᑦ 3:18

ᐱᕈᕐᐸᓪᓕᐊᓕᕆᑦᓯᓕ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂ ᖃᐅᔨᕙᓪᓕᐊᓗᓯᓗ ᐊᑕᓂᑦᑎᓐᓂᒃ ᐱᐅᓕᔨᑦᑎᓐᓂᒡᓗ ᔩᓱᓯ ᙭ᔅᑑᓯᒥᒃ. ᑖᓐᓇ ᓂᕐᑐᕐᑕᐅᓕ ᒫᓐᓇᒥᑦ ᐃᓱᖃᖏᑦᑐᒧᓪᓗ ᐋᒦᓐ.

ᔪᐊᓇᓯ ᓯᕗᓪᓖᑦ 4:14

ᑕᑯᓯᒪᕗᒍᑦ ᓇᓗᓁᕐᓯᕗᒍᓪᓗ ᐊᑖᑕᐅᑉ ᐃᕐᓂᓂ ᑎᓕᓚᐅᕐᒪᒍ ᓯᓚᕐᔪᐊᕐᒥᐅᓄᑦ ᐱᐅᓕᔨᐅᖁᓪᓗᒍ.

ᔫᑎᐅᑉ ᐊᒡᓚᖏᑦ 1:21

ᒎᑎᐅᑉ ᓇᒡᓕᖕᓂᖓᓃᑦᓮᓐᓇᕆᑦᓯ; ᐅᑕᖅᑭᓗᓯ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᓂᑲᒍᓱᖕᓂᕆᔪᒫᕐᑕᖓᓂᒃ ᐃᓅᓯᕐᒧᑦ ᓄᖑᓱᐃᑦᑐᒧᑦ ᑎᑭᐅᑎᔪᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:7

ᑕᑯᒋᑦ, ᓄᕗᔭᑎᒍᑦ ᕾᓕᕐᐳᖅ, ᑕᒪᕐᒥᒡᓗ ᑕᑯᔪᒫᕐᐹᑦ, ᑖᑦᓱᒥᖓ ᑲᐱᓯᓚᐅᕐᑐᑦᑕᐅᖅ ᑕᑯᔪᒫᕆᕗᑦ; ᐃᓄᐃᓪᓗ ᓄᓇᕐᔪᐊᕐᒥᐅᓕᒫᑦ ᕿᐊᔪᒫᕐᐳᑦ ᑖᓐᓇ ᐱᓪᓗᒍ. ᐊᑏ ᑍᒤᓕᕐᓕ. ᐋᒦᓐ.