ᑍᑑᓯᒧᑦ 2:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᓂ ᓴᖅᑭᑎᓯᒪᖕᒪᒍ ᐃᓄᓕᒫᑦ ᐱᐅᓕᔭᐅᖁᓪᓗᒋᑦ.

ᑍᑑᓯᒧᑦ 2:11 Iomraidhean Croise

ᐃᓐᖏᕈᑎᑦ 67:2

ᐱᓂᐊᕐᓂᑎᑦ ᖃᐅᔨᔭᐅᖁᓪᓗᒋᑦ ᓄᓇᒥ, ᐱᐅᓕᒃᓯᓃᓪᓗ ᐃᓅᖃᑎᒌᒡᔪᐊᓄᑦ ᖃᐅᔨᔭᐅᓗᓂ.

ᐃᓐᖏᕈᑎᑦ 84:11

ᐊᑕᓂᖅ ᒎᑎ ᓯᕿᓂᐅᖕᒪᑦ ᓴᐴᓗᑕᐅᓪᓗᓂᓗ; ᐊᑕᓂᖅ ᖁᕕᐊᒋᔭᐅᓂᕐᒥᒃ ᓂᕐᑐᕐᓇᕐᓂᕐᒥᒡᓗ ᑐᓂᓯᕗᖅ; ᐃᓅᑦᓯᐊᕋᓱᐊᕐᑐᑦ ᐊᑕᓂᐅᑉ ᐱᐅᔪᒥᒃ ᐊᔪᕐᓴᖁᓂᐊᓐᖏᓔᑦ.

ᐃᓐᖏᕈᑎᑦ 96:10

ᔫᑎᐅᖏᑦᑐᓄᑦ ᐅᖃᕆᑦᓯ, “ᐊᑕᓂᖅ ᐊᖓᔪᖅᑳᕐᔪᐊᖑᕗᖅ! ᐄᓛᒃ, ᓄᓇᕐᔪᐊᖅ ᐊᐅᓚᖏᑦᑐᒥᒃ ᐋᖅᑭᒃᑕᐅᓯᒪᕗᖅ, ᐊᐅᓚᑦᔭᒃᑕᐅᔪᓐᓇᕋᓂᓗ; ᑖᑦᓱᒪ ᐃᓅᖃᑎᒌᒡᔪᐊᑦ ᐋᖅᑭᒃᓱᕐᓂᐊᕐᐰᑦ ᓈᒻᒪᓈᕐᑐᒥᒃ.”

ᐂᓮᐊᓯᐅᑉ ᐊᒡᓚᖏᑦ 45:22

ᐅᕙᓐᓄᑦ ᑕᑯᓴᓚᐅᕆᑦᓯ, ᐱᐅᓕᔭᐅᖁᓪᓗᓯ, ᓄᓇᕐᔪᐊᑉ ᑭᒡᓕᖏᓐᓂᑦ ᐱᓯᒪᔪᓯ ᑕᒪᑦᓯ! ᐅᕙᖓᐅᕗᖅ ᒎᑎ, ᐊᓯᖃᓐᖏᓚᖓ.

ᐂᓮᐊᓯᐅᑉ ᐊᒡᓚᖏᑦ 49:6

ᑖᓐᓇ ᐅᖃᕐᐳᖅ, ‘ᐱᔨᒋᑐᐃᓐᓇᕈᒃᑭᑦ ᓱᓇᐅᓐᖏᓗᐊᕐᐳᖅ, ᒪᑭᑎᑦᓯᓗᑎᑦ ᔧᑰᑉ ᑭᖑᕚᖏᓐᓂᒃ, ᐅᑎᕐᑎᑦᓯᖁᓪᓗᑎᓪᓗ ᐃᓴᕆᐊᓕᒥᐅᑦ ᐊᒥᐊᒃᑯᖏᓐᓂᒃ; ᑐᓂᔪᒪᕙᒋᓪᓗ ᖃᐅᒻᒪᒃᓮᔨᐅᖁᓪᓗᑎᑦ ᐃᓅᖃᑎᒌᒡᔪᐊᓄᑦ, ᐱᐅᓕᒃᓯᔨᐅᓃᓪᓗ ᓄᓇᕐᔪᐊᑉ ᑭᒡᓕᖏᓐᓄᑦ ᑎᑭᐅᑎᖁᓪᓗᒍ.’”

ᐂᓮᐊᓯᐅᑉ ᐊᒡᓚᖏᑦ 52:10

ᐊᑕᓂᐅᑉ ᑕᓕᕐᒥ ᐂᖓ ᐃᑦᔪᕐᓁᑦᑐᖅ ᓯᖀᕐᑎᕐᒪᒍ ᐃᓅᖃᑎᒌᒡᔪᐊᑦ ᑕᒤᑕ ᑕᑯᓐᓈᕐᑎᓪᓗᒋᑦ; ᓄᓇᕐᔪᐊᕐᒥᐅᓕᒫᑦ ᒎᑎᑦᑕ ᐱᐅᓕᒃᓯᓂᖓ ᑕᑯᔪᒫᕐᐹᑦ.

ᓴᑲᕅᐊᐅᑉ ᐊᒡᓚᖏᑦ 12:10

“ᑕᒪᓐᓇ ᓇᓪᓕᐅᑎᒃᐸᑦ ᑍᕕᑎᐅᑉ ᑭᖑᕚᖏᑦ ᔨᕉᓴᓕᒥᓗ ᓄᓇᖃᕐᑐᑦ ᑯᕝᕕᕆᔪᒫᕐᐸᒃᑲ ᐊᓂᕐᓂᕐᒥᒃ ᓂᑲᒍᓱᖕᓂᕐᒥᒃ ᑐᒃᓯᐊᕈᒪᓂᕐᒥᒡᓗ, ᐅᕙᓐᓄᓪᓗ ᑕᑯᓴᕈᒫᕐᐳᑦ ᑲᐱᓚᐅᕐᑕᒥᖕᓂᒃ ᑕᑯᓗᑎᒃ, ᕿᒃᓵᒡᓗᑎᒃ ᐃᓔᓕᕿᑦᔪᑎᒋᔪᒫᕐᐹᑦ ᑖᓐᓇ, ᐃᕐᓂᑐᐊᒥᓂᒃ ᑐᖁᔨᐊᖃᕐᑐᑎᑐᑦ, ᐊᖏᔪᒥᒃ ᕿᐊᑦᔪᑎᒋᔪᒫᕐᐹᑦ ᐊᖓᔪᒃᓯᕐᐹᖁᑎᒥᖕᓂᒃ ᐃᕐᓃᕐᑐᑎᑐᑦ.

ᓴᑲᕅᐊᐅᑉ ᐊᒡᓚᖏᑦ 4:7

ᐊᒡᕕᐊᕐᑐᑦ ᖃᖅᑳᓗᒃᑎᑐᑦ ᐊᖏᑎᒋᔪᑦ ᔨᕈᐸᐱᐅᓕᐅᑉ ᓵᖓᓂ ᐊᓯᐅᓂᐊᕐᐳᑦ. ᑐᒃᓯᐊᕐᕕᒡᔪᐊᖅ ᓴᓇᒃᑲᓐᓂᕐᓂᐊᕐᐸᑦ, ᐅᔭᕋᒃ ᑭᖑᓪᓕᕐᐹᖅ ᐃᓕᒍᕕᐅᒃ, ᐃᓄᐃᑦ ᓂᐱᖅᑯᕐᑐᓗᑎᒃ ᓂᓪᓕᐊᔪᒫᕐᐳᑦ, ‘ᐱᐅᔪᐊᓗᒃ, ᐱᐅᔪᐊᓗᒃ!’”

ᒫᑎᐅᓯᐅᑉ ᐊᒡᓚᖏᑦ 28:19

ᑍᒤᒻᒪᑦ ᐃᓅᖃᑎᒌᒡᔪᐊᓄᑦ ᐂᓕᕆᑦᓯ, ᐃᓕᓐᓂᐊᕐᑎᓐᖑᕐᑎᑦᓯᒋᐊᕐᑐᕐᓗᓯ: ᐹᑉᑎᓪᓗᒋᓪᓗ ᐊᑖᑕᐅᑉ ᐃᕐᓂᐅᓪᓗ ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᐊᑎᖓᓂ,

ᒫᑯᓯᐅᑉ ᐊᒡᓚᖏᑦ 16:15

ᔩᓱᓯᐅᑉ ᐅᖃᐅᑎᕔᑦ, “ᐂᓕᕆᑦᓯ ᐱᓐᖑᕐᑎᑕᐅᓯᒪᔪᓄᑦ ᑕᒤᓐᓄᑦ ᐊᔪᕆᕐᑐᐃᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ.

ᓘᑲᓯᐅᑉ ᐊᒡᓚᖏᑦ 24:47

᙭ᔅᑑᓯᐅᑉ ᐊᑎᖓᓂ ᓵᒋᐊᕆᐊᖃᕐᓂᕐᒥᒃ ᐊᔪᕐᓃᓪᓗ ᐃᓱᒪᒋᔪᓐᓁᕐᑕᐅᔪᓐᓇᕐᓂᖏᑦ ᐊᔪᕆᕐᑐᐃᔪᑕᐅᔭᕆᐊᖃᓕᕐᐳᑦ ᐃᓅᖃᑎᒌᒐᓴᒡᔪᐊᓄᑦ, ᔨᕉᓴᓕᒻᒥᑦ ᐱᒋᐊᕐᓗᓂ.

ᓘᑲᓯᐅᑉ ᐊᒡᓚᖏᑦ 3:6

ᐃᓄᓕᒫᑦ ᑕᑯᔪᒫᕐᐳᑦ ᒎᑎᐅᑉ ᐱᐅᓕᔭᐅᕕᒃᓴᐅᑎᑕᖓᓂᒃ.’”

ᔪᐊᓇᓯᐅᑉ ᐊᒡᓚᖏᑦ 1:14

ᐅᖃᐅᓯᖅ ᑎᒥᑖᓚᐅᕐᐳᖅ ᐃᓅᖃᑎᒋᓕᓚᐅᕐᐸᕗᓪᓗ, ᓂᕐᑐᕐᓇᕐᓂᕐᔪᐊᖓ ᑕᑯᓚᐅᕐᐸᕗᑦ, ᓂᕐᑐᕐᓇᕐᓂᕐᔪᐊᖅ ᐊᑖᑕᒥᑦ ᐱᓯᒪᔭᖓ ᐃᕐᓂᑐᐊᖑᓂᕐᒥᓄᑦ; ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓱᓕᑦᓯᐊᕐᓂᕐᒥᒡᓗ ᑕᑕᑦᑐᖅ.

ᔪᐊᓇᓯᐅᑉ ᐊᒡᓚᖏᑦ 1:9

ᓱᓕᔪᒥᒡᓕ ᖃᐅᒪᔫᕗᖅ ᑖᓐᓇ ᓯᓚᕐᔪᐊᕐᒧᑦ ᑎᑭᑦᑐᓕᒫᓂᒃ ᐃᓄᖕᓂᒃ ᖃᐅᒪᒃᓮᔪᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 11:23

ᑍᑯᖓ ᑎᑭᓐᓇᒥ ᑕᑯᕗᖅ ᒎᑎᐅᑉ ᓮᒻᒪᕐᑎᑦᓯᓂᖓᓂᒃ ᐃᓄᖕᓂᒃ, ᖁᕕᐊᓱᒃᐳᑦ; ᑲᔪᖏᕐᓴᕐᐰᑦ ᑕᒪᕐᒥᒃ ᑲᔪᓯᑦᓯᐊᖁᓪᓗᒋᑦ ᐊᑕᓂᕐᒥᒃ ᐊᑕᕕᖃᑦᓮᓐᓇᖁᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:43

ᔫᑎᑦ ᑲᑎᒪᕕᖓᓐᓂ ᑲᑎᒪᔭᕇᕋᒥᒃ, ᔫᑎᑦ ᐊᒥᓱᑦ, ᔫᑎᐅᖏᑦᑐᓪᓗ ᐊᒥᓱᑦ ᔫᑎᓐᖑᕐᑎᑕᐅᓯᒪᔪᑦ ᒪᓕᒃᐳᑦ ᐸᐅᓗᓯᒥᒃ ᐸᕐᓇᐹᓯᒥᒡᓗ, ᐸᐅᓗᓯᒃᑯᒃ ᑖᒃᑯᓄᖓ ᐅᖃᓪᓚᒃᐴᒃ ᐃᓇᒃᓱᕐᓗᒋᑦ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂ ᐃᓅᖏᓐᓇᖁᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:47

ᐃᒫᒃ ᐊᑕᓂᐅᑉ ᐱᖁᓯᒪᖕᒪᑎᒍᑦ: ‘ᖃᐅᒻᒪᒃᓮᔪᒃᓴᓐᖑᕐᑎᓚᐅᕐᐹᓯ ᔫᑎᐅᖏᑦᑐᓄᑦ, ᓄᓇᕐᔪᐊᕐᒥᐅᑦ ᐅᖓᓯᒃᑐᒦᑦᑐᑦ ᐱᐅᓕᔭᐅᓂᕐᒥᒃ ᑐᓴᕐᑎᑕᐅᖁᓪᓗᒋᑦ.’”

ᐋᐴᓯᑕᓖᑦ ᐱᓂᐊᕐᓂᖏᑦ 17:30

ᑍᒪᓐᖓᓂᑦ ᐃᓄᐃᑦ ᓇᓗᔫᓂᖏᑦ ᒎᑎᐅᑉ ᓱᖁᑎᒋᓚᐅᓐᖏᓔᑦ, ᒫᓐᓇᓕ ᐱᖁᔨᕗᖅ ᐃᓄᐃᑦ ᓇᓂᑐᐃᓐᓇᖅ ᐱᐅᖏᑦᑐᓕᓂᕐᒥᖕᓂᑦ ᖃᕿᐊᓕᖁᓪᓗᒋᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 20:24

ᐃᓅᓯᕐᒪ ᐅᕙᓐᓄᑦ ᐊᑐᕐᓇᓗᐊᖏᓐᓂᖓ ᖃᐅᔨᒪᕙᕋ, ᐱᔭᕇᕋᓱᐊᕈᒪᓂᕋ ᐃᓱᒪᓇᕐᓂᕐᓴᐅᕗᖅ ᐊᑕᓂᐅᑉ ᔩᓱᓯᐅᑉ ᐅᕙᓐᓄᑦ ᑎᓕᓯᑦᔪᑎᒋᓯᒪᔭᖓᓂᒃ, ᓇᓗᓁᕐᓯᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ.

ᕉᒪᒥᐅᓄᑦ 10:18

ᐊᐱᕆᕗᖓᓕ, ᑐᓴᓚᐅᓐᖏᓛᑦ? ᐃᓛᒃ ᑐᓴᓪᓚᕆᒃᓯᒪᕗᑦ; ᐊᒡᓔᑦ ᐅᖃᕐᒪᑕ: “ᓂᐱᖏᑦ ᓄᓇᕐᔪᐊᓕᒫᒧᑦ ᑎᑭᐅᑎᕗᑦ, ᐅᖃᐅᓯᖏᓪᓗ ᓯᓚᕐᔪᐊᑉ ᐃᓱᐊᓄᑦ ᑎᑭᑉᐳᑦ.”

ᕉᒪᒥᐅᓄᑦ 5:15

ᑐᓂᕐᕈᑦ ᐊᑭᖃᖏᑦᑐᖅ ᐊᔪᕐᑐᓕᓂᕐᓗ ᐊᑦᔨᒌᓐᖏᓚᒃ. ᐊᒥᓱᑦ ᑐᖁᓯᒪᖕᒪᑕ ᐃᓅᑉ ᐊᑕᐅᓯᐅᑉ ᐊᔪᕐᑐᓕᓂᖓᓄᑦ. ᐊᖏᓂᕐᓴᒥᒡᓕ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᑐᓂᕐᕈᑎᖓᓗ ᐊᑭᖃᖏᑦᑐᖅ ᐃᓄᒃᑯᑦ ᐊᑕᐅᓯᒃᑯᑦ ᔩᓱᓯ ᙭ᔅᑑᓯᒃᑯᑦ ᐅᓄᕐᑐᓄᑦ ᐱᓯᒪᕗᖅ.

ᕉᒪᒥᐅᓄᑦ 5:2

ᑖᑦᓱᒨᓇ ᐱᕕᒃᓴᖃᓕᕋᑦᑕ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᑕᕝᕙᓂ ᒫᓐᓇ ᓇᔪᕐᑕᑦᑎᓐᓂ, ᖁᕕᐊᓲᑎᖃᕐᐳᒍᓪᓗ ᓂᕆᐅᖕᓂᕐᒥᒃ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᐱᖃᑕᐅᔪᓐᓇᓕᕐᓂᑦᑎᓐᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:1

ᑖᑦᓱᒥᖓ ᐱᓇᓱᐊᖃᑎᖃᕋᑦᑕ, ᑍᒤᒻᒪᑦ, ᐃᓇᑉᐸᑦᓯ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐃᓚᓕᐅᕐᓯᒪᔭᓯ ᑕᒪᐅᖓᑐᐃᓐᓈᕐᑎᑦᑍᓕᓯᐅᒃ.

ᒐᓔᑎᐊᒥᐅᓄᑦ 2:21

ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓇᕐᕈᒋᓐᖏᓚᕋ, ᐱᖁᔭᑎᒍᓪᓕ ᐃᓗᐊᕐᓯᑎᑕᐅᔪᖃᕈᓐᓇᕐᐸᑦ, ᙭ᔅᑑᓯ ᑐᖁᓯᒪᒐᔭᕐᐳᖅ ᐊᑑᑎᖃᖏᑦᑐᒥᒃ.

ᐃᐱᓯᒥᐅᓄᑦ 2:5

ᐅᒃᐱᕐᓂᕐᒥ ᑐᖁᖓᑎᓪᓗᑕ ᐱᐅᖏᑦᑐᓕᓂᕐᒧᑦ, ᐆᒻᒪᕐᑎᓚᐅᕐᐹᑎᒍᑦ ᒪᑭᑎᓪᓗᑕᓗ ᙭ᔅᑑᓯ ᐃᓚᒋᓪᓗᒍ, ᑕᕝᕙ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐱᐅᓕᔭᐅᓯᒪᕗᓯ.

ᐃᐱᓯᒥᐅᓄᑦ 2:8

ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐱᐅᓕᔭᐅᓯᒪᒐᑦᓯ ᐅᒃᐱᕐᓂᒃᑯᑦ; ᑕᒪᓐᓇᓗ ᐃᓕᑦᓯᓐᓂᒃ ᐱᓯᒪᓐᖏᓚᓯ, ᒎᑎᐅᓪᓕ ᑐᓂᕐᕈᑎᒋᕚ ᐊᑭᖃᖏᑦᑐᖅ.

ᑯᓘᓯᐊᒥᐅᓄᑦ 1:23

ᑲᔪᓯᓂᐊᕈᑦᓯ ᐅᒃᐱᕐᓂᑦᓯᓐᓂ, ᑐᓐᖓᕕᖃᑦᓯᐊᕐᓗᓯ ᐊᐅᓚᖏᑦᓯᐊᕐᑐᒥᒃ, ᓴᖑᑎᑕᐅᔪᓐᓃᕐᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᑦ ᑐᓴᓚᐅᕐᑕᑦᓯᓐᓂᑦ, ᑕᒪᓐᓇ ᐅᖃᐅᓯᖅ ᑐᓴᕈᒥᓇᕐᑐᖅ ᐱᑦᔪᑎᒋᓪᓗᒍ ᐅᕙᖓ ᐸᐅᓗᓯ, ᐱᔨᓐᖑᕐᑎᑕᐅᓯᒪᕗᖓ; ᑕᒪᓐᓇᓗ ᐅᖃᐅᓯᖅ ᑐᓴᕈᒥᓇᕐᑐᖅ ᐊᔪᕆᕐᑐᐃᑦᔪᑕᐅᓯᒪᓕᕐᐳᖅ ᓯᓚᕐᔪᐊᕐᒥᐅᓕᒫᓄᑦ.

ᑯᓘᓯᐊᒥᐅᓄᑦ 1:6

ᐅᖃᐅᓰᑦ ᑐᓴᕈᒥᓇᕐᑐᑦ ᑎᑭᐅᑎᓯᒪᖕᒪᑕ ᐃᓕᑦᓯᓐᓄᑦ, ᓯᓚᕐᔪᐊᕐᒥᐅᓕᒫᓄᓪᓗ ᓯᐊᒻᒪᓕᕐᒪᑕ ᐱᕈᕐᑎᑦᓯᓪᓗᑎᒃ ᐊᖏᓕᕙᓪᓕᐊᑎᑦᓯᓪᓗᑎᒡᓗ, ᑍᒫᒃᑕᐅᖅ ᐃᓕᑦᓯᓐᓂ ᐱᒋᐊᕐᓯᒪᒋᕗᑦ, ᑍᒪᓐᖓᓂᑦ ᑐᓴᕋᑦᓯᐅᒃ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓱᓕᓂᖓᓗ ᑐᑭᓯᓪᓗᒍ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:16

ᒫᓐᓇᓕ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᓇᖕᒥᓂᖅ, ᒎᑎᑦᑕᓗ ᐊᑖᑕᑦᑕ, ᐅᕙᑦᑎᓐᓂᒃ ᓇᒡᓕᒍᓱᒃᑑᑉ ᐃᓱᖃᖏᑦᑐᒥᒃ ᓮᒻᒪᕐᑎᒻᒪᑎᒍᑦ ᓂᕆᐅᒋᔭᒃᓴᒥᒡᓗ ᐱᐅᔪᒥᒃ ᑐᓂᓯᕕᒋᓪᓗᑕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ,

ᑎᒧᑎᒧᑦ ᓯᕗᓪᓖᑦ 1:14

ᐊᑕᓂᑦᑕᓕ ᐱᑦᓯᐊᕐᓂᒧᑦ ᐱᔪᓐᓇᕐᑎᑦᓯᓂᓂ ᐅᕙᓐᓄᑦ ᑯᕕᓚᐅᕐᐹ ᐅᒃᐱᕐᓂᕐᒥᒃ ᓇᒡᓕᖕᓂᕐᒥᒡᓗ ᐱᑖᕆᔭᑦᑎᓐᓂᑦ ᙭ᔅᑑᓯ ᔩᓱᓯᒥ.

ᑎᒧᑎᒧᑦ ᓯᕗᓪᓖᑦ 2:4

ᑖᑦᓱᒪ ᐃᓄᓕᒫᑦ ᐱᐅᓕᔭᐅᖁᖕᒪᒋᑦ ᖃᐅᔨᖁᓪᓗᓂᒋᓪᓗ ᓱᓕᓂᕐᒥᒃ.

ᑎᒧᑎᒧᑦ ᐂᑉᐸᖏᑦ 1:10

ᒫᓐᓇᓕ ᑕᒪᓐᓇ ᓴᖅᑭᑎᑕᐅᓯᒪᕗᖅ ᐱᐅᓕᔨᑦᑕ ᙭ᔅᑑᓯ ᔩᓱᓯᐅᑉ ᑎᑭᓯᒪᓂᖓᒍᑦ, ᑐᖂᑉ ᐱᔪᓐᓇᕐᓂᖓ ᐊᑐᕈᓐᓁᕐᑎᓪᓗᒍ ᐃᓅᓯᕐᒥᒃ ᓴᖅᑭᑎᑦᓯᕕᒋᕚᑎᒍᑦ ᖃᐅᒪᔪᒧᑦ ᐅᖃᐅᓰᑦ ᑐᓴᕈᒥᓇᕐᑐᑦ ᐊᖅᑯᑎᒋᓪᓗᒋᑦ.

ᑎᒧᑎᒧᑦ ᐂᑉᐸᖏᑦ 4:17

ᐊᑕᓂᐅᓪᓕ ᓇᔪᕐᒪᖓ ᑖᑦᓱᒪ ᐱᔪᓐᓇᕐᓂᖃᕐᑎᓚᐅᕐᐹᖓ ᐅᖃᓪᓚᒍᓐᓇᓚᐅᕐᐳᖓ ᑕᒤᓐᓂᒃ ᐅᖃᕆᐊᖃᕐᑕᓐᓂᒃ, ᔫᑎᐅᖏᑦᑐᓕᒫᑦ ᑐᓴᕈᓐᓇᖁᓪᓗᒋᑦ. ᑕᕝᕙ ᓔᔭᓐᐅᑉ ᖃᓂᖏᓐᓂᑦ ᓴᐳᑎᔭᐅᓚᐅᕐᐳᖓ.

ᐄᑉᕈᐃᓄᑦ 12:15

ᖃᐅᔨᓴᕆᑦᓯ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᐊᓐᓁᔪᖃᖁᓇᒍ; ᐱᕈᕐᑐᑎᑐᑦ ᒪᒤᓕᔪᑎᑐᑦ ᑍᒤᓕᔪᖃᕐᑍᓕᓕ ᐊᑭᕋᕐᑐᕐᑎᒌᖕᓂᕐᒥᒃ ᓴᖅᑭᑎᑦᓯᔪᒥᒃ, ᐅᓄᕐᑐᓪᓗ ᑕᒪᑐᒧᖓ ᓱᒃᑯᑎᕐᑕᐅᖁᓇᒋᑦ.

ᐄᑉᕈᐃᓄᑦ 2:9

ᔩᓱᓯᓕ ᑕᑯᕙᕗᑦ, ᓯᕕᑭᑦᑐᒥᒃ ᐂᖏᓖᓂᑦ ᒥᑭᓐᓂᕐᓴᐅᑎᑕᐅᓚᐅᕐᐳᖅ, ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᑐᖁᑦᔪᑎᖃᖁᓪᓗᒍ ᑕᒤᓐᓂᒃ. ᒫᓐᓇᓕ ᑕᑯᓕᕐᐸᕗᑦ ᓂᐊᖂᓯᕐᑕᐅᓯᒪᖕᒪᑦ ᓂᕐᑐᕐᓇᕐᓂᕐᔪᐊᒥᒃ ᐅᐱᒋᔭᐅᓂᕐᒥᒡᓗ; ᐋᓐᓂᐊᑎᑕᐅᓪᓗᓂ ᑐᖁᑕᐅᓚᐅᕐᓂᖓᓄᑦ.