ᑍᑑᓯᒧᑦ 2:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᑎᒡᓕᒐᕐᕕᖃᖏᓪᓗᑎᒡᓗ, ᓴᖅᑭᑎᑦᓯᖔᕐᑐᒃᓴᐅᕗᓪᓕ ᐱᓂᐊᑦᓯᐊᕐᓂᕐᒥᒃ ᑲᔪᓯᑦᓯᐊᕐᓂᕐᒥᒡᓗ, ᒎᑎᐅᑉ ᐱᐅᓕᔨᑦᑕ ᐊᔪᕆᕐᑑᑖᓂᒃ ᓂᕐᑐᕐᓇᕐᑎᑦᓯᖁᓪᓗᒋᑦ ᖃᓄᓕᒫᖅ ᐱᓂᐊᕐᓂᕐᒥᒃᑎᒍᑦ.

ᑍᑑᓯᒧᑦ 2:10 Iomraidhean Croise

ᐃᓐᖏᕈᑎᑦ 101:6

ᓄᓇᒥ ᓱᓕᑦᓯᐊᕐᑐᒥᒃ ᐃᓅᔪᓂᒃ ᕿᓂᕐᓂᐊᕐᐳᖓ, ᑖᒃᑯᐊ ᐃᒡᓗᕐᔪᐊᖁᑎᓐᓂ ᐃᓂᖃᕈᓐᓇᖁᓪᓗᒋᑦ; ᐸᓯᔭᒃᓴᐅᖏᑦᑐᒥᒃ ᐃᓅᔪᖅ ᑖᓐᓇ ᐱᔨᒋᓂᐊᕐᐸᕋ.

ᐂᓮᐊᓯᐅᑉ ᐊᒡᓚᖏᑦ 12:2

ᑕᑯᒋᑦ, ᒎᑎ ᐱᐅᓕᔨᒋᕙᕋ, ᑕᑎᒋᓗᒍ ᑲᑉᐱᐊᓱᖕᓂᐊᓐᖏᓚᖓ; ᐄᓛᒃ, ᐊᑕᓂᖅ ᒎᑎ ᐱᔪᓐᓇᕐᑎᑦᓯᔨᒋᒐᒃᑯ ᐃᓐᖏᐅᑎᒋᓪᓗᒍᓗ, ᑖᓐᓇ ᐃᓛᒃ ᐱᐅᓕᔨᑖᕆᒐᒃᑯ.”

ᒫᑎᐅᓯᐅᑉ ᐊᒡᓚᖏᑦ 24:45

“ᑭᓇ ᓱᖁᓯᔪᐃᑦᑑᓪᓗᓂ ᓯᓚᑐᓪᓗᓂᓗ ᐱᔨᐅᕚ? ᑖᓐᓇ ᐊᖓᔪᖅᑳᖓᑕ ᐊᖓᔪᖅᑳᖑᕐᑎᑕᖓ ᐱᔨᐅᖃᑎᖏᓐᓄᑦ, ᓂᕿᒃᓴᖏᓐᓂᒃ ᑐᓂᓯᖃᑦᑕᖁᓪᓗᒍ ᑐᓂᓯᕕᒃᓴᖓ ᓇᓪᓕᐅᑎᔭᕌᖓᑦ.

ᒫᑎᐅᓯᐅᑉ ᐊᒡᓚᖏᑦ 5:16

ᑍᒫᒃᑕᐅᖅ ᖃᐅᒻᒪᖁᑎᓯ ᐃᓄᖕᓄᑦ ᖃᐅᒪᑎᓯᐅᒃ, ᐱᓂᐊᑦᓯᐊᕐᓂᑦᓯᓐᓂᒃ ᑕᑯᖁᓪᓗᒋᑦ, ᐊᑖᑕᓯ ᕿᓚᖕᒦᑦᑐᖅ ᓂᕐᑐᕐᑕᐅᖁᓪᓗᒍ.”

ᓘᑲᓯᐅᑉ ᐊᒡᓚᖏᑦ 1:47

ᐊᓂᕐᓂᕐᒪ ᒎᑎ ᐱᐅᓕᔨᒐ ᖁᕕᐊᓲᑎᒋᕚ,

ᓘᑲᓯᐅᑉ ᐊᒡᓚᖏᑦ 1:80

ᓄᑕᕋᑯᓗᒃ ᐱᕈᕐᐸᓪᓕᐊᓕᕐᐳᖅ ᑎᒥᒥᒍᑦ ᐊᓂᕐᓂᒃᑯᓪᓗ ᓴᓐᖏᔫᓕᕐᓗᓂ, ᐃᓄᖃᖏᑦᑐᒥ ᐃᓂᖃᓚᐅᕐᐳᖅ ᐅᓪᓗᖅ ᐃᓴᕆᐊᓕᒥᐅᓄᑦ ᐱᓇᓱᐊᕐᕕᒋᓂᐊᕐᑕᓂ ᑎᑭᓪᓗᒍ.

ᓘᑲᓯᐅᑉ ᐊᒡᓚᖏᑦ 16:10

ᒥᑭᔪᑯᓗᖕᒥᒃ ᑲᒪᑦᓯᐊᕐᑐᖅ, ᐊᖏᔪᓂᒃ ᑲᒪᑦᓯᐊᕈᓐᓇᕐᐳᖅ; ᒥᑭᔪᑯᓗᖕᓂᒃ ᑲᒪᑦᓯᐊᖏᑦᑐᖅ ᐊᖏᔪᓂᒃ ᑲᒪᑦᓯᐊᕈᓐᓇᖏᓐᓂᕗᖅ.

ᔪᐊᓇᓯᐅᑉ ᐊᒡᓚᖏᑦ 12:6

ᑍᒫᒃ ᐅᖃᕐᐳᖅ, ᐊᔪᕐᓴᕐᑐᓂᒃ ᐃᑲᔪᕈᒪᓂᕐᒨᖏᑦᑐᖅ ᑎᒡᓕᒐᓲᖑᓂᕐᒥᓄᓪᓕ; ᑮᓇᐅᔭᖃᐅᑎᒥᒃ ᐃᒃᐱᐊᕐᔪᖕᒥᒃ ᐱᓯᒪᔨᐅᒐᒥ, ᑕᕝᕙᓐᖓᑦ ᓇᖕᒥᓂᖅ ᐊᑐᕐᓂᐊᕐᑕᒥᓂᒃ ᑎᒍᓯᑐᐃᓐᓇᕐᐸᒃᑲᒥ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:2

ᐱᔭᕆᐊᖃᒻᒪᕆᒃᐳᓪᓕ ᑲᒪᔨᐅᑎᑕᐅᔪᑦ ᐅᒃᐱᕆᔭᒃᓴᐅᓂᕐᒥᖕᓂᒃ ᓴᖅᑭᑎᑦᓯᔪᒃᓴᐅᓪᓗᑎᒃ ᐊᖓᔪᖅᑳᒥᖕᓄᑦ.

ᐃᐱᓯᒥᐅᓄᑦ 4:1

ᑍᒤᒻᒪᑦ, ᐃᓇᑉᐸᑦᓯ ᐅᕙᖓ ᑎᒍᔭᐅᓯᒪᕕᖕᒦᑦᑐᖓ ᐊᑕᓂᖅ ᐱᑦᔪᑎᒋᓪᓗᒍ, ᒎᑎᒧᑦ ᕾᖁᔭᐅᓯᒪᓂᓯ ᐊᑐᑦᓯᐊᕐᓗᒍ ᐃᓅᖁᓪᓗᓯ ᑕᒪᑐᒧᖓ ᕾᖁᔭᐅᓯᒪᒐᑦᓯ.

ᐱᓕᐱᒥᐅᓄᑦ 1:27

ᒫᓐᓇᓕ ᐱᔭᕆᐊᖃᕐᓂᕐᐹᖑᕗᖅ ᐃᓅᓯᓯ ᒪᓕᑦᓯᐊᖁᓪᓗᒍ ᙭ᔅᑑᓯᐅᑉ ᐅᖃᐅᓯᖏᑕ ᐊᑐᕐᑕᐅᖁᔭᖏᓐᓂᒃ, ᐃᓕᑦᓯᓐᓄᑦ ᑎᑭᑦᓱᓐᓇᕈᒪ ᑕᑯᓗᓯ, ᐃᓕᑦᓯᓅᕈᓐᓇᖏᒃᑲᓗᐊᕈᒪᓘᓐᓃᑦ, ᑐᓴᕈᓐᓇᖁᓪᓗᖓ ᑲᔪᓯᑦᓯᐊᕐᓂᑦᓯᓐᓂᒃ ᐊᑕᐅᓯᐅᑦᓯᐊᕐᓂᑦᓯᓐᓂᒡᓗ ᐆᒻᒪᑎᑦᓯᒍᑦ, ᐃᓱᒪᑦᓯᒍᓪᓗ ᐊᒃᓱᕉᑎᖃᓪᓚᕆᖕᓂᑦᓯᓐᓂᒃ ᑲᑐᑦᔨᑦᓯᐊᕐᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᒃᐱᕈᓱᑦᓯᐊᕐᓂᕐᒧᑦ.

ᐱᓕᐱᒥᐅᓄᑦ 4:8

ᑭᖑᓪᓕᕐᐹᒥᓪᓕ ᐅᒃᐱᕐᑑᖃᑎᒃᑲ, ᓱᓇᑐᐃᓐᓇᖅ ᓱᓕᔫᒃᐸᑦ, ᐅᐱᓐᓇᕐᐸᑦ, ᓈᒻᒪᓈᑦᓯᐊᕐᓂᐅᒃᐸᑦ, ᐃᑦᔪᕐᓁᑉᐸᑦ, ᓇᒡᓕᖕᓇᕐᐸᑦ, ᐱᑦᓯᐊᕐᓂᐅᒃᐸᑦ, ᓈᒻᒪᓈᕐᓯᒪᑦᓯᐊᕐᓂᖃᕐᐸᓪᓗ, ᓂᕐᑐᕐᓇᕐᑐᖃᕐᐸᓪᓗ, ᑕᒪᒃᑯᐊ ᐃᓱᒪᒃᓴᕐᓯᐅᕈᑎᒋᓯᒋᒃ.

ᑎᒧᑎᒧᑦ ᓯᕗᓪᓖᑦ 1:1

ᐸᐅᓗᓯᒥᑦ ᙭ᔅᑑᓯ ᔩᓱᓯᐅᑉ ᐋᐴᓯᑕᓕᖓᓂᑦ ᒎᑎᐅᑉ ᐱᖁᔨᓂᖓᒍᑦ ᔩᓱᓯ ᙭ᔅᑑᓯᒃᑯᓪᓗ ᐱᐅᓕᔨᑦᑎᒍᑦ ᓂᕆᐅᒋᔭᒃᓴᖃᕐᕕᒋᔭᑦᑎᒍᑦ.

ᑎᒧᑎᒧᑦ ᓯᕗᓪᓖᑦ 5:17

ᐅᒃᐱᕐᑑᖃᑎᒌᓄᑦ ᓈᒻᒪᒃᑐᒥᒃ ᓯᕗᓕᕐᑏᑦ ᐱᔭᒃᓴᒥᖕᓂᒃ ᐱᓇᓱᐊᑦᓯᐊᕐᑐᑦ ᐅᐱᒋᔭᐅᔭᕆᐊᖃᕐᓂᖏᑕ ᐅᖓᑖᓄᑦ ᐊᑭᓕᕐᑕᐅᖃᑦᑕᕐᑐᓴᐅᕗᑦ, ᐱᓗᐊᕐᑐᒥᒃ ᐊᒃᓱᕈᕐᓗᑎᒃ ᐊᔪᕆᕐᑐᐃᖃᑦᑕᕐᑐᑦ ᐃᓕᓮᖃᑦᑕᕐᑐᓪᓗ;

ᑎᒧᑎᒧᑦ ᓯᕗᓪᓖᑦ 6:1

ᐱᔨᑲᑖᕆᔭᐅᔪᑦ ᐊᖓᔪᖅᑳᒥᖕᓂᒃ ᑕᒤᑎᒍᑦ ᐅᐱᒋᔭᖃᑦᓯᐊᕐᑐᒃᓴᐅᕗᑦ, ᒎᑎ ᐊᔪᕆᕐᑐᐃᑦᔪᑎᒋᔭᕗᓪᓗ ᐅᖃᐅᑕᐅᓂᕐᓗᖁᓇᒋᑦ.

ᑎᒧᑎᒧᑦ ᓯᕗᓪᓖᑦ 6:3

ᐊᔪᕆᕐᑐᐃᔪᖃᕐᐸᑦ ᑕᒪᑐᒪ ᐊᔪᕆᕐᑐᐃᑦᔪᓯᐅᑉ ᐊᑦᔨᒋᓐᖏᑕᖓᓂᒃ ᐊᖏᖃᑎᖃᖏᑉᐸᑕᓗ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐅᖃᐅᓯᖏᓐᓄᑦ ᐊᔪᕆᕐᑑᓯᕐᓄᓪᓗ ᐅᒃᐱᕐᓂᑦᑎᓐᓄᑦ ᐊᖏᖃᑕᐅᓯᒪᖏᑦᑐᓂᒃ,

ᑍᑑᓯᒧᑦ 1:3

ᓇᓪᓕᐅᓐᓂᕐᒥᓗ ᓈᒻᒪᓈᑦᓯᐊᓕᕐᑎᓪᓗᒍ ᓇᓗᓁᓚᐅᕐᐹ ᐅᖃᐅᓯᕐᒥᒍᑦ ᑕᒪᑐᒥᖓᓗ ᐱᖁᔭᐅᕗᖓ ᐊᔪᕆᕐᑐᐃᖁᓪᓗᖓ ᒎᑎᐅᑉ ᐱᐅᓕᔨᑦᑕ ᐱᖁᔨᓂᖓᒍᑦ.

ᑍᑑᓯᒧᑦ 3:4

ᒎᑎᐅᓪᓕ ᐱᐅᓕᔨᑦᑕ ᐱᑦᓯᐊᕐᓂᖓ ᓇᒡᓕᒍᓱᖕᓂᖓᓗ ᓴᖅᑭᒻᒪᑦ,

ᐲᑦᑐᕉᓯ ᓯᕗᓪᓖᑦ 2:12

ᐅᒃᐱᖏᑦᑐᓂᒃ ᐃᓚᖃᕐᑎᓪᓗᓯ ᐱᐅᔪᒥᒃ ᐱᓂᐊᕐᓂᖃᕆᐊᖃᕐᐳᓯ, ᐃᓕᑦᓯᓐᓂᒃ ᐱᐅᖏᑦᑐᓕᓂᕅᓇᓱᓕᕈᑎᒃ, ᖃᐅᔨᖁᓪᓗᒋᑦ ᐱᓂᐊᑦᓯᐊᕐᓂᑦᓯᓐᓂᒃ ᒎᑎᒥᒡᓗ ᓂᕐᑐᐃᔪᒫᖁᓪᓗᒋᑦ ᐅᓪᓗᕐᔪᐊᒥ ᑎᑭᑦᓱᒫᕐᑐᒥ.

ᐲᑦᑐᕉᓯ ᓯᕗᓪᓖᑦ 3:16

ᐃᓱᒪᑦᓯᒍᑦ ᐸᓯᔭᐅᑦᔪᑎᖃᕐᑍᓕᓗᓯ, ᐅᖃᕐᓂᕐᓘᑎᒋᔭᐅᓕᕈᑦᓯ, ᐊᑭᕋᕐᑐᕋᓱᒃᑐᑦ ᙭ᔅᑑᓯᒥ ᐱᑦᓯᐊᕐᓂᑦᓯᓐᓂᒃ ᑕᑯᓕᕈᑎᒃ ᑲᓐᖑᓱᖁᓪᓗᒋᑦ.

ᔪᐊᓇᓯᐅᑉ ᐂᑉᐸᖏᑦ 1:9

ᓇᓪᓕᐊᑦ ᙭ᔅᑑᓯᐅᑉ ᐊᔪᕆᕐᑐᐃᓂᖓᓃᑦᓮᓐᓇᖏᑦᑐᖅ ᑖᓐᓇ ᒎᑎᖃᓐᖏᓚᖅ; ᓇᓪᓕᐊᓪᓕ ᙭ᔅᑑᓯᐅᑉ ᐊᔪᕆᕐᑑᓯᖓᓃᑦᓯᐊᕐᑐᖅ ᑕᒤᓐᓂᒃ ᐱᖃᕐᐳᖅ ᐊᑖᑕᒥᒃ ᐃᕐᓂᕐᒥᒡᓗ.

ᓴᒧᐃᓕ ᓯᕗᓪᓖᑦ 22:14

ᑕᕝᕙ ᐊᕼᐃᒥᓕᒃ ᑭᐅᕗᖅ ᐊᖓᔪᖅᑳᕐᔪᐊᒧᑦ, “ᑍᕕᑎ ᐅᐱᓐᓇᕐᑑᓪᓗᓂ ᐱᔨᒋᕙᑦ, ᐊᖓᔪᖅᑳᕐᔪᐊᕐᒧᓪᓗ ᓂᖓᐅᒋᔭᐅᓪᓗᓂ, ᐊᖓᔪᖅᑳᖑᓪᓗᓂᓗ ᓴᐳᓐᓂᐊᕐᑎᖁᑎᖏᓐᓄᑦ, ᑖᓐᓇ ᐃᓕᖕᓂᒃ ᓈᓚᒃᐳᖅ ᐅᐱᓐᓇᑦᓯᐊᕐᓗᓂᓗ ᐃᒡᓗᖁᑎᖕᓂ.

ᓴᒧᐃᓕ ᓯᕗᓪᓖᑦ 26:23

ᐊᑕᓂᐅᑉ ᐊᑭᓕᑦᓯᐊᖃᑦᑕᕐᐰᑦ ᓇᓛᒍᑦ ᐱᓇᓱᐊᕐᑐᑦ ᐃᓱᐊᕐᑐᓪᓗ; ᐅᓪᓗᒥ ᐊᑕᓂᐅᑉ ᐅᕙᓐᓄᑦ ᑐᓂᓚᐅᕐᐹᑎᑦ, ᑭᓯᐊᓂᓕ ᐱᒋᐊᓚᐅᓐᖏᓚᒋᑦ ᐊᑕᓂᐅᑉ ᐊᖓᔪᖅᑳᕐᔪᐊᕈᕐᑎᓚᐅᕐᒪᑎᑦ.