ᑍᑑᓯᒧᑦ 1:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᑕᒪᓐᓇ ᑐᓐᖓᕕᖃᕐᑐᖅ ᓂᕆᐅᒋᔭᒃᓴᖃᕐᑎᑎᓗᓂ ᐃᓅᓯᕐᒥᒃ ᓄᖑᓱᐃᑦᑐᒥᒃ; ᒎᑎᐅᑉ ᓴᒡᓗᓚᐅᕐᓯᒪᖏᑦᑑᑉ, ᐊᖏᕐᕕᒋᓯᒪᕚᑎᒍᑦ ᑕᒪᑐᒥᖓ ᓯᓚᕐᔪᐊᖅ ᐱᒋᐊᓚᐅᖅᑳᕐᑎᓐᓇᒍ,

ᑍᑑᓯᒧᑦ 1:2 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 1:20

ᓈᓚᖏᓪᓗᓯᓕ ᐊᑭᕋᕐᑐᕈᑦᓯ, ᑐᖁᑕᐅᔪᒫᕐᐳᓯ ᓴᕕᒡᔪᐊᒧᑦ; ᐊᑕᓂᖅ ᓇᖕᒥᓂᖅ ᐅᖃᕐᐳᖅ.”

ᒨᓯᓯ ᓯᑕᒪᖏᑦ 23:19

ᒎᑎ ᐃᓄᒃᑎᑐᑦ ᐱᐅᓯᖃᖏᒻᒪᑦ, ᓴᒡᓗᔪᓐᓇᕋᓂ, ᐃᓄᐃᓪᓘᓐᓃᑦ ᐃᕐᓂᖏᑎᑐᑦ, ᖃᕿᐊᓕᕆᐊᖃᕋᓂ. ᐅᖃᓚᐅᕐᓯᒪᕚ, ᐱᓇᓱᐊᕐᓂᐊᖏᑕᒥᓂᒃ? ᐅᖃᓚᐅᕐᓯᒪᕙᓘᓐᓃ, ᑲᔪᓯᑎᓐᓂᐊᖏᑕᒥᓂᒃ?

ᒫᑎᐅᓯᐅᑉ ᐊᒡᓚᖏᑦ 25:34

ᑕᕝᕙ ᐊᖓᔪᖅᑳᕐᔪᐊᖅ ᑕᓕᕐᐱᖕᒥᓃᑦᑐᓄᑦ ᐅᖃᕈᒫᕐᐳᖅ, ‘ᕾᒋᑦᓯ, ᐊᑖᑕᒪ ᓇᒡᓕᒃᑕᖏᑦ, ᐊᑕᓂᐅᕕᒃ ᑭᖑᕐᖑᑎᓕᕐᓯᐅᒃ ᐅᐸᓗᖕᒊᔭᕐᑕᐅᓯᒪᔪᖅ ᐃᓕᑦᓯᓐᓄᑦ ᓄᓇᕐᔪᐊᑉ ᐱᓐᖑᕐᑎᑕᐅᓕᕐᓂᖓᓂᑦ;

ᒫᑎᐅᓯᐅᑉ ᐊᒡᓚᖏᑦ 25:46

ᑖᒃᑯᐊ ᓱᒋᐊᕐᑕᐅᕕᖕᒧᑦ ᓄᖑᓱᐃᑦᑐᒧᑦ ᐱᑎᑕᐅᔪᒫᕐᐳᑦ, ᐃᓗᐊᕐᑐᓪᓕ ᐃᓅᓯᕐᒧᑦ ᓄᖑᓱᐃᑦᑐᒧᑦ ᐱᑎᑕᐅᓕᕐᑎᓪᓗᒋᑦ.”

ᒫᑯᓯᐅᑉ ᐊᒡᓚᖏᑦ 10:17

ᐊᐅᓪᓚᓕᕐᑎᓪᓗᒍ, ᐊᖑᒻᒥᑦ ᐅᓪᓚᒃᑐᒥᑦ ᐅᐸᒃᑕᐅᕗᖅ ᓵᖓᓄᑦ ᐹᒻᒪᒃᑎᕐᓗᓂ, ᔩᓱᓯ ᐊᐱᕆᕚ, “ᐊᔪᕆᕐᑐᐃᔩ ᐱᐅᔪᑎᑦ, ᖃᓄᖅ ᐱᓇᓱᐊᕐᑐᒃᓴᐅᕗᖔ, ᐃᓅᓯᕐᒥᒃ ᓄᖑᓱᐃᑦᑐᒥᒃ ᑭᖑᕐᖑᑦᔨᖁᓪᓗᖓ?”

ᒫᑯᓯᐅᑉ ᐊᒡᓚᖏᑦ 10:30

ᑖᓐᓇ ᐊᖏᓂᕐᓴᓂᒃ ᐱᒃᑲᓐᓂᕐᓂᐊᕐᐳᖅ ᑕᒫᓂ ᐃᓅᑎᓪᓗᒍ 100ᐃᕐᑐᓪᓗᐊᕐᑐᓂᒃ, ᐃᒡᓗᓂᒃ, ᖃᑕᓐᖑᑎᓂᒡᓗ, ᓇᔭᖕᓂᒡᓗ, ᐊᓈᓇᓂᒡᓗ, ᕿᑐᕐᖓᓂᒡᓗ, ᓄᓇᓂᒡᓗ, ᐊᑭᕋᕐᑐᕐᑕᐅᓂᕐᒥᒡᓗ ᐱᖃᓯᐅᑦᔨᓗᓂ, ᐱᔪᒫᕐᑐᒥᓗ ᐃᓅᓯᕐᒥᒃ ᓄᖑᓱᐃᑦᑐᒥᒃ ᐱᔪᒫᕐᐳᖅ.

ᔪᐊᓇᓯᐅᑉ ᐊᒡᓚᖏᑦ 10:28

ᐃᓅᓯᕐᒥᒃ ᓄᖑᓱᐃᑦᑐᒥᒃ ᑐᓂᓯᕕᒋᕙᒃᑲ, ᐊᓯᐅᔪᖃᕐᓂᐊᓐᖏᓚᑦ, ᓇᓪᓕᐊᓐᓂᒃᓘᓐᓃᑦ ᐊᕐᓵᕐᑕᐅᓂᐊᓐᖏᓚᖓ ᑖᒃᑯᓂᖓ ᐱᓯᒪᔭᓐᓂ.

ᔪᐊᓇᓯᐅᑉ ᐊᒡᓚᖏᑦ 17:2

ᐃᕐᓃᑦ ᑐᓂᓯᕕᒋᓯᒪᒐᕕᐅᒃ ᐱᔪᓐᓇᕐᓂᕐᒥᒃ ᐃᓄᓕᒫᓄᑦ, ᐃᓅᓯᕐᒥᒃ ᓄᖑᓱᐃᑦᑐᒥᒃ ᑐᓂᓯᖁᓪᓗᒍ ᑐᓂᓯᒪᔭᓕᒫᕐᓄᑦ ᑖᑦᓱᒧᖓ.

ᔪᐊᓇᓯᐅᑉ ᐊᒡᓚᖏᑦ 17:24

“ᐊᑖᑖᒃ, ᐱᔪᒪᕗᖓ ᑖᒃᑯᐊ ᐅᕙᓐᓄᑦ ᑐᓂᓚᐅᕐᑕᑎᑦ, ᐅᕙᓐᓃᖁᓪᓗᒋᑦ ᓇᔪᕐᑕᓐᓂ, ᓂᕐᑐᕐᓇᕐᓂᕐᒥᒡᓗ ᐅᕙᓐᓄᑦ ᑐᓂᓚᐅᕐᑕᕐᓂᒃ ᑕᑯᖁᓪᓗᒋᑦ; ᐅᕙᓐᓂᒃ ᓇᒡᓕᒍᓱᖕᓂᕐᓄᑦ ᓯᓚᕐᔪᐊᖅ ᐱᓐᖑᕐᑎᑕᐅᓚᐅᖅᑳᕐᑎᓐᓇᒍ.

ᔪᐊᓇᓯᐅᑉ ᐊᒡᓚᖏᑦ 5:39

ᐊᒡᓚᖕᓂᒃ ᕿᓂᕐᐳᓯ, ᐃᓅᓯᕐᒥᒃ ᓄᖑᓱᐃᑦᑐᒥᒃ ᐱᓂᐊᕋᓱᒋᓪᓗᓯ ᑖᒃᑯᓇᖓᑦ; ᑖᒃᑯᐊᓕ ᐅᕙᓐᓂᒃ ᓇᓗᓁᕐᓯᕗᑦ;

ᔪᐊᓇᓯᐅᑉ ᐊᒡᓚᖏᑦ 6:54

ᑎᒥᓐᓂᒃ ᓂᕆᔪᖅ ᐊᐅᓐᓂᒡᓗ ᐃᒥᕐᑐᖅ ᓄᖑᓱᐃᑦᑐᒥᒃ ᐃᓅᓯᖃᕐᐳᖅ, ᐅᕙᖓᓗ ᐆᒻᒪᕐᑎᑦᓱᒫᕐᐸᕋ ᐅᓪᓗᐃᑦ ᑭᖑᓪᓕᕐᐹᖓᓐᓂ.

ᔪᐊᓇᓯᐅᑉ ᐊᒡᓚᖏᑦ 6:68

ᓮᒨᓂ ᐲᑦᑐᕉᓯᐅᑉ ᑭᐅᕚ, “ᐊᑕᓃᖅ, ᑭᓇᒥᒡᓕ ᒪᓕᒐᒃᓴᖃᕐᓂᐊᕋᑦᑖ? ᐅᖃᐅᓯᖃᕈᓐᓇᕐᑐᑐᑎᓪᓗᑎᑦ ᐃᓅᓯᖃᕐᓇᕐᑐᓂᒃ ᐃᓱᖃᖏᑦᑐᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 15:18

ᑍᒫᒃ ᐊᑕᓂᖅ ᐅᖃᕐᐳᖅ, ᑕᒪᑐᒥᖓ ᓇᓗᓁᕐᓯᓚᐅᕐᑐᖅ ᑍᑦᓱᒪᓂᐊᓗᒃ.’

ᕉᒪᒥᐅᓄᑦ 1:2

ᐅᖃᐅᓰᑦ ᑐᓴᕈᒥᓇᕐᑐᑦ ᑖᒃᑯᐊᖑᕗᑦ ᓯᕗᓂᖓᒍᑦ ᐊᖏᕈᑎᒋᓚᐅᕐᑕᖏᑦ ᓇᓚᐅᑦᑍᔪᑎᒍᑦ, ᑎᑎᕋᕐᓯᒪᕗᑦ ᐊᒡᓚᖕᓂ ᐃᑦᔪᕐᓁᑦᑐᓂ.

ᕉᒪᒥᐅᓄᑦ 16:25

ᐃᓕᑦᓯᓐᓂᒡᓕ ᓲᖑᑎᑦᓯᔪᓐᓇᕐᑐᖅ ᐅᖃᐅᓯᕐᓄᑦ ᑐᓴᕈᒥᓇᕐᑐᓄᑦ ᐅᖃᐅᓯᕆᔭᓐᓄᑦ, ᔩᓱᓯ ᙭ᔅᑑᓯᒥᒡᓗ ᐅᖃᐅᓯᖃᕐᓂᓐᓄᑦ, ᓇᓗᓇᕐᑑᑉ ᓇᓗᓇᕈᓐᓃᕐᑎᑕᐅᓂᖓᓄᑦ ᐊᕐᕌᒍᒐᓴᖕᓂ ᐊᓂᒍᕐᑐᓂ ᐃᔨᑦᓯᒪᓚᐅᕐᑐᓂᒃ,

ᕉᒪᒥᐅᓄᑦ 2:7

ᕿᓄᐃᓵᕐᓗᑎᒡᓕ ᐱᐅᔪᒥᒃ ᐱᓇᓱᐊᕐᑐᑦ, ᓂᕐᑐᕐᑕᐅᓂᕐᒥᒃ ᕿᓂᕐᑐᑦ, ᐅᐱᒋᔭᐅᓂᕐᒥᒡᓗ, ᑐᖁᓱᐃᑦᑑᓂᕐᒥᒡᓗ, ᑖᑦᓱᒪ ᑐᓂᓯᕕᒋᔪᒫᕐᐰᑦ ᐃᓅᓯᕐᒥᒃ ᓄᖑᓱᐃᑦᑐᒥᒃ;

ᕉᒪᒥᐅᓄᑦ 5:2

ᑖᑦᓱᒨᓇ ᐱᕕᒃᓴᖃᓕᕋᑦᑕ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᑕᕝᕙᓂ ᒫᓐᓇ ᓇᔪᕐᑕᑦᑎᓐᓂ, ᖁᕕᐊᓲᑎᖃᕐᐳᒍᓪᓗ ᓂᕆᐅᖕᓂᕐᒥᒃ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᐱᖃᑕᐅᔪᓐᓇᓕᕐᓂᑦᑎᓐᓂᒃ.

ᕉᒪᒥᐅᓄᑦ 5:21

ᑕᕝᕙ ᐊᔪᕐᓂᐅᑉ ᐊᐅᓚᑦᓯᓂᖓ ᑐᖁᓐᓇᕐᑐᒥᒃ ᓴᖅᑭᑎᑦᓯᓚᐅᕐᒪᑦ, ᑍᒫᒃᑕᐅᖅ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐊᐅᓚᑦᓯᔨᐅᓕᕆᕗᖅ ᐃᓗᐊᕐᑐᓕᔪᓐᖑᕐᑎᑕᐅᓂᕐᒧᑦ, ᐃᓅᓯᖃᕐᓇᕐᑐᑎᒥᒃ ᐃᓱᖃᖏᑦᑐᒧᑦ ᔩᓱᓯ ᙭ᔅᑑᓯᒃᑯᑦ ᐊᑕᓂᑦᑎᒍᑦ.

ᕉᒪᒥᐅᓄᑦ 5:4

ᕿᓄᐃᓵᕐᓂᕐᓗ ᐃᓕᖅᑯᓯᑦᓯᐊᕆᖕᓂᕐᒥᒃ ᐱᑎᑦᓯᕗᖅ, ᐃᓕᖅᑯᓯᑦᓯᐊᕆᖕᓂᕐᓗ ᓂᕆᐅᖕᓂᕐᒥᒃ ᐱᑎᑦᓯᕗᖅ,

ᕉᒪᒥᐅᓄᑦ 6:23

ᐊᔪᕐᓂᐅᑉ ᐊᑭᓕᐅᑖ ᑕᕝᕙ ᑐᖁ, ᒎᑎᐅᓪᓕ ᑐᓂᕐᕈᑖ ᐊᑭᖃᖏᑦᑐᖅ ᑕᕝᕙ ᐃᓅᓯᖅ ᓄᖑᓱᐃᑦᑐᖅ ᙭ᔅᑑᓯ ᔩᓱᓯᒥ ᐊᑕᓂᑦᑎᓐᓂ.

ᑯᓘᓯᐊᒥᐅᓄᑦ 1:27

ᒎᑎᐅᑉ ᑕᒪᓐᓇ ᐃᔨᕐᓯᒪᔪᖅ ᖃᐅᔨᔭᐅᑎᑦᓱᒪᓚᐅᕐᐹ ᔫᑎᐅᖏᑦᑐᓄᑦ ᐊᒥᒐᖏᑦᑐᕐᔪᐊᖅ ᓂᕐᑐᕐᓇᕐᑐᕐᔪᐊᕐᓗ ᐃᔨᕐᓯᒪᓚᐅᕐᑐᖅ ᐃᓄᓕᒫᓄᑦ, ᑕᕝᕙ ᙭ᔅᑑᓯ ᐃᓗᑦᓯᓐᓃᑦᑐᖅ, ᓂᕆᐅᒍᑎᒃᓴᐅᖁᓪᓗᒍ ᐱᓐᓇᕐᓇᕐᑐᕐᔪᐊᒥᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:15

ᑍᒃᑯᐊ ᐊᑕᓂᖅ ᔩᓱᓯ ᑐᖁᓚᐅᕐᐹᑦ, ᓇᓚᐅᑦᑍᔪᓪᓗ, ᐅᕙᒍᓪᓗ ᐊᑭᕋᕐᑐᕐᓗᑕ ᐊᓂᑎᓚᐅᕐᐹᑎᒍᑦ, ᐊᖏᔪᒥᒃ ᑖᒃᑯᐊ ᒎᑎᐅᑉ ᖁᕕᐊᒋᓐᖏᑕᖓᓂᒃ ᐱᓇᓱᐊᓚᐅᕐᐳᑦ ᐃᓄᖕᓄᓪᓗ ᑕᒤᓐᓄᑦ ᐊᑭᕋᕐᑐᕐᓗᑎᒃ

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:8

ᐅᕙᒍᓪᓕ ᐅᓪᓘᑉ ᕿᑐᕐᖓᕆᖕᒪᑎᒍᑦ, ᑍᒤᒻᒪᑦ ᖃᐅᔨᒪᓇᓱᐊᑦᓯᐊᕐᑐᒃᓴᐅᕗᒍᓪᓕ, ᐅᒃᐱᕐᓂᖅ ᓇᒡᓕᖕᓂᕐᓗ ᓴᒡᕕᖕᒥᐅᑕᕐᑎᑐᑦ ᐱᔭᐅᒌᒃᑯᑕᕆᓗᒍ, ᓇᓴᕐᓯᒪᓗᑕᓗ ᓂᕆᐅᖕᓂᕐᒥᒃ ᐱᐅᓕᔭᐅᕕᖕᒥᒃ.

ᑎᒧᑎᒧᑦ ᓯᕗᓪᓖᑦ 6:12

ᐅᒃᐱᕐᓂᒃᑯᑦ ᐅᓇᑕᕐᑎᐅᑦᓯᐊᕆᑦ; ᐃᓅᓯᖅ ᓄᖑᓱᐃᑦᑐᖅ ᐱᓯᒪᓗᒍ ᑕᒪᑐᒧᖓ ᕾᖁᔭᐅᓯᒪᓃᑦ ᓇᓗᓁᓚᐅᕋᕕᐅᒃ ᐃᓄᐃᑦ ᐊᒥᓱᑦ ᓵᖏᓐᓂ.

ᑎᒧᑎᒧᑦ ᓯᕗᓪᓖᑦ 6:19

ᑍᒤᓕᐅᕈᑎᒃ ᐱᒃᑯᒥᓇᕐᑐᕐᔪᐊᓂᒃ ᑐᓐᖓᕕᓕᐅᕐᓂᐊᕐᐳᑦ ᓯᕗᓂᒃᓴᒥᖕᓂ, ᐃᓅᓯᕐᒥᒃ ᓵᓚᖃᐅᑎᒃᓴᕐᑖᕈᒫᕐᐳᑦ ᐃᓅᓯᓪᓚᕆᖕᒥᒃ.

ᑎᒧᑎᒧᑦ ᐂᑉᐸᖏᑦ 1:1

ᐸᐅᓗᓯᒥᑦ, ᙭ᔅᑑᓯ ᔩᓱᓯᒧᑦ ᐋᐴᓯᑕᓕᒋᔭᐅᔪᒥᑦ ᒎᑎᐅᑉ ᐱᔪᒪᔭᖓ ᒪᓕᒡᓗᒍ ᑎᓕᔭᐅᓯᒪᔪᒥᑦ ᐅᖃᐅᓯᖃᖁᓪᓗᒍ ᐃᓅᓯᖃᕐᓇᕐᑐᒥᒃ ᙭ᔅᑑᓯ ᔩᓱᓯᒦᑦᑐᒥᒃ.

ᑎᒧᑎᒧᑦ ᐂᑉᐸᖏᑦ 1:9

ᑖᑦᓱᒪ ᐱᐅᓕᓚᐅᕐᒪᑎᒍᑦ ᕾᖁᓪᓗᑕᓗ ᕾᖁᔨᓂᕐᒧᑦ ᐃᑦᔪᕐᓁᑦᑐᒧᑦ, ᐱᓇᓱᐊᕈᓐᓇᕐᓂᕗᑦ ᐱᑦᔪᑎᒋᓇᒋᑦ ᐱᓇᓱᐊᕈᒪᔭᓂᓕ ᐱᑦᔪᑎᒋᓪᓗᒍ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᑐᓂᕐᕈᑎᒋᓯᒪᔭᖓ ᙭ᔅᑑᓯ ᔩᓱᓯᒃᑯᑦ ᓱᓇᓕᒫᑦ ᐱᒋᐊᓚᐅᖅᑳᕐᑎᓐᓇᒋᑦ.

ᑎᒧᑎᒧᑦ ᐂᑉᐸᖏᑦ 2:10

ᑍᒤᒻᒪᑦ ᑕᒪᕐᒥᒃ ᕿᓄᐃᓵᕈᑎᒋᕙᒃᑲ ᒎᑎᐅᑉ ᓂᕈᐊᕐᓯᒪᔭᖏᑦ ᐱᑦᔪᑎᒋᓪᓗᒋᑦ, ᑖᒃᑯᐊᑦᑕᐅᖅ ᐱᐅᓕᔭᐅᔪᓐᓇᖁᓪᓗᒋᑦ ᙭ᔅᑑᓯ ᔩᓱᓯᒃᑯᑦ ᐃᓱᖃᖏᑦᑐᒧᑦ ᐱᓐᓇᕐᓇᕐᑐᕐᔪᐊᖅ ᐃᓚᒋᓗᒍ.

ᑎᒧᑎᒧᑦ ᐂᑉᐸᖏᑦ 2:13

ᐅᒃᐱᖏᒃᑲᓗᐊᕈᑦᑕ, ᑖᓐᓇ ᓱᕐᕋᖕᓂᐊᓐᖏᓚᖅ, ᐃᒻᒥᓂᒃ ᒥᓯᐊᕈᑎᒋᔪᓐᓇᖏᓐᓇᒥ.”

ᑎᒧᑎᒧᑦ ᐂᑉᐸᖏᑦ 2:15

ᒎᑎᒧᓪᓕ ᐃᒻᒥᓂᒃ ᑐᓂᓕᕆᑦ ᓈᒻᒪᒋᔭᐅᔪᑎᑐᑦ, ᐱᓇᓱᐊᕐᑎ ᐱᓇᓱᐊᒐᕐᒥᓂᒃ ᑲᓐᖑᓲᑎᖃᕆᐊᖃᖏᒻᒪᑦ, ᓱᓕᔪᑦ ᐅᖃᐅᓰᑦ ᐊᑐᑦᓯᐊᕐᓗᒋᑦ.

ᑍᑑᓯᒧᑦ 2:13

ᓂᕆᐅᒋᔭᒃᓴᕗᑦ ᐅᓪᓗᖅ ᐱᕕᐊᕐᓇᕐᑐᕐᔪᐊᖅ ᐅᑕᖅᑭᓗᒍ, ᒎᑎᐅᑉ ᐊᖏᓂᕐᐹᖑᔫᑉ ᐱᐅᓕᔨᑦᑕᓗ ᔩᓱᓯ ᙭ᔅᑑᓯᐅᑉ ᓂᕐᑐᕐᓇᕐᓂᕐᔪᐊᖓ ᓴᖅᑭᑦᓯᐊᕆᓗᒍ.

ᑍᑑᓯᒧᑦ 2:7

ᐃᕝᕕᓪᓕ ᓇᖕᒥᓂᖅ ᑖᒃᑯᓄᖓᓕᒫᖅ ᒪᓕᒐᒃᓴᑦᓯᐊᖑᔪᒃᓴᐅᕗᑎᑦ ᐃᓅᑦᓯᐊᕐᓂᒃᑯᑦ, ᐊᔪᕆᕐᑐᐃᓕᕌᖓᕕᑦ ᓱᓕᑦᓯᐊᕐᓗᑎᑦ ᐱᓪᓚᕆᒃᑐᒥᒃ ᐊᔪᕆᕐᑐᐃᖃᑦᑕᕐᓗᑎᑦ,

ᑍᑑᓯᒧᑦ 3:7

ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᓈᒻᒪᒋᔭᐅᓕᖁᓪᓗᑕ ᒎᑎᒧᑦ ᑭᖑᕐᖑᑦᔨᔪᓐᓇᖁᓪᓗᑕᓗ ᐱᐅᓕᔭᐅᓂᕐᒥᒃ ᓂᕆᐅᖕᓂᕐᑖᕆᓯᒪᔭᑦᑎᒃᓂᒃ.

ᔪᐊᓇᓯ ᓯᕗᓪᓖᑦ 2:25

ᑕᒪᓐᓇ ᑕᕝᕙ ᑐᓂᓂᐊᕐᓂᕋᕐᓯᒪᔭᖓ ᐅᕙᑦᑎᓐᓄᑦ ᐃᓅᓯᖅ ᓄᖑᓱᐃᑦᑐᖅ.

ᔪᐊᓇᓯ ᓯᕗᓪᓖᑦ 5:20

ᖃᐅᔨᒪᕗᒍᓪᓗ ᒎᑎᐅᑉ ᐃᕐᓂᖓ ᑎᑭᓯᒪᖕᒪᑦ ᑖᑦᓱᒪᓗ ᑐᑭᓯᐊᓕᕐᑎᑉᐹᑎᒍᑦ, ᖃᐅᔨᖁᓪᓗᑕ ᑭᓇ ᓱᓕᖕᒪᖔᑦ; ᑖᑦᓱᒪᓃᑉᐳᒍᓪᓗ ᓱᓕᔪᒥ, ᐃᕐᓂᖓᓂ ᔩᓱᓯ ᙭ᔅᑑᓯᒥ. ᑖᓐᓇ ᒎᑎ ᓱᓕᔫᕗᖅ ᐃᓅᓯᐅᓪᓗᓂᓗ ᓄᖑᓱᐃᑦᑐᖅ.

ᔫᑎᐅᑉ ᐊᒡᓚᖏᑦ 1:21

ᒎᑎᐅᑉ ᓇᒡᓕᖕᓂᖓᓃᑦᓮᓐᓇᕆᑦᓯ; ᐅᑕᖅᑭᓗᓯ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᓂᑲᒍᓱᖕᓂᕆᔪᒫᕐᑕᖓᓂᒃ ᐃᓅᓯᕐᒧᑦ ᓄᖑᓱᐃᑦᑐᒧᑦ ᑎᑭᐅᑎᔪᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:8

ᐃᓅᖃᑎᒌᒡᔪᐊᓕᒫᓪᓗ ᓄᓇᕐᔪᐊᒦᑦᑐᑦ ᑖᑦᓱᒥᖓ ᑐᒃᓯᐊᕐᕕᖃᕈᒫᕐᐳᑦ, ᐊᑎᖏᑦ ᑎᑎᕋᕐᑕᐅᓯᒪᖏᑦᑐᓕᒫᑦ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ ᒪᒃᐱᕐᑐᖃᓂ ᐃᓅᓯᕾᓐᓇᕈᒫᕐᑐᑦ ᓄᕐᕋᐅᔭᐅᑉ ᑐᖁᑕᐅᓚᐅᕐᑑᑉ ᐊᑎᒃᑯᑎᖏᓐᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:8

ᑖᓐᓇ ᐆᒪᔪᐊᓗᒃ ᑕᑯᓚᐅᕐᑍᑦ ᐆᒪᓚᐅᕐᑑᒐᓗᐊᖅ, ᒫᓐᓇᓕ ᑐᖁᖓᓕᕐᑐᖅ, ᑖᓐᓇᓗ ᒪᑭᑦᓱᒫᕐᐳᖅ ᐃᑎᕐᓴᕐᔪᐊᒥᑦ ᓇᑎᖃᖏᑦᑐᒥᑦ ᐊᓯᕈᕐᑕᐅᔭᕐᑐᓕᕐᓗᓂ; ᓄᓇᕐᔪᐊᒥᓗ ᐃᓅᔪᑦ ᐃᓅᓯᕾᓐᓇᕐᓇᕐᑐᒥ ᐃᓅᔪᒃᓮᑦ ᐊᑎᖃᕐᕕᖏᓐᓂ ᐊᑎᖏᑦ ᑎᑎᕋᕐᑕᐅᓯᒪᖏᑦᑐᑦ ᑍᒪᓐᖓᓂᑦ ᓯᓚᕐᔪᐊᖅ ᐱᓐᖑᕐᑎᑕᐅᓂᖓᓂᑦ, ᑖᒃᑯᐊ ᐆᒪᔪᐊᓗᒃ ᑕᑯᓕᕈᓂᑦᔪᒃ ᑲᒪᓂᐊᕈᑎᒋᔪᒫᕐᐹᑦ, ᑖᓐᓇ ᐆᒪᓚᐅᕐᑑᒐᓗᐊᖅ ᒫᓐᓇᓗ ᑐᖁᖓᓕᕐᑐᖅ ᓱᓕ ᑕᑯᓕᕈᓂᑦᔪᒃ.

ᓴᒧᐃᓕ ᓯᕗᓪᓖᑦ 15:29

ᐃᓴᕆᐊᓕᒥᐅᓪᓗ ᓲᖑᑦᔪᑎᖓ ᓴᒡᓗᓂᐊᓐᖏᓚᖅ ᖃᕿᐊᓕᕐᓂᐊᕋᓂᓗ; ᑖᓐᓇ ᐃᓄᒃᑎᑑᓐᖏᒻᒪᑦ ᖃᕿᐊᓕᖃᑦᑕᕆᐊᓕᒃᑎᑐᑦ.”