ᑍᑑᓯᒧᑦ 1:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᓱᓇᓕᒫᑦ ᐃᑦᔪᕐᓁᑉᐳᑦ ᐃᒻᒥᖕᓂᒃ ᐃᑦᔪᕐᓁᑎᑦᑐᓄᑦ, ᓇᕐᕈᓇᕐᑐᓕᔪᓄᓪᓕ ᐅᒃᐱᖏᑦᑐᓄᓪᓗ ᓱᓇᓕᒫᑦ ᐃᑦᔪᕐᓁᑦᑐᖃᓐᖏᓚᑦ; ᐃᓱᒪᖏᑦ ᐃᒃᐱᒋᓂᖏᓪᓗ ᓱᒃᑯᑕᐅᓯᒪᖕᒪᑕ.

ᑍᑑᓯᒧᑦ 1:15 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:4

ᐱᔪᓐᓇᕋᓱᒋᓂᖅ ᐆᒻᒪᑎᒃᑯᓪᓗ ᐱᐅᔪᕆᓂᖅ, ᐱᐅᖏᑦᑐᓕᔪᑦ ᐱᓇᓱᐊᒐᒃᓴᓕᐊᖏᑦ, ᐊᔪᕐᑐᓕᓂᐅᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:12

ᐃᓄᖃᕆᕗᖅ ᐃᒻᒥᖕᓂᒃ ᐸᓯᔭᒃᓴᐅᓂᖃᕋᓱᒋᖏᑦᑐᓂᒃ, ᓴᓗᒤᓐᓂᕐᒥᖕᓂᑦ ᓴᓗᒻᒪᕐᑕᐅᓚᐅᕐᓯᒪᖏᑦᑐᓂᒃ.

ᕼᐊᒊᑉ ᐊᒡᓚᖏᑦ 2:13

ᕼᐊᒊ ᐅᖃᕐᐳᖅ, “ᓇᓪᓕᐊᑦ ᐃᑦᔪᕐᓇᕐᓯᑎᑕᐅᒃᐸᑦ ᐊᒃᑐᕐᓯᓂᕐᒥᓄᑦ ᑐᖁᖓᔪᒥᒃ, ᐃᑦᔪᕐᓇᕐᓯᒐᔭᕐᐹ?” ᑕᕝᕙ ᑐᓂᕐᕈᓯᕐᑎᑦᓯᔩᑦ ᑭᐅᕗᑦ ᐅᖃᕐᓗᑎᒃ, “ᐃᑦᔪᕐᓇᕐᓯᒐᔭᕐᐳᖅ.”

ᒫᑎᐅᓯᐅᑉ ᐊᒡᓚᖏᑦ 15:18

ᐃᓅᓪᓕ ᖃᓂᖓᓂᑦ ᐊᓂᔪᑦ ᐃᓅᑉ ᐆᒻᒪᑎᖓᓂᓐᖔᕐᐳᑦ, ᑕᒪᒃᑯᐊ ᑕᕝᕙ ᐃᓄᖕᒥᒃ ᓇᕐᕈᓇᕐᑎᑦᓯᔪᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 10:15

ᓂᐱᐅᑉ ᐂᑉᐸᖓᓂᒃ ᐅᖃᐅᑎᒃᑲᓐᓂᕐᐹ, “ᒎᑎᐅᑉ ᓴᓗᒻᒪᕐᑎᑕᖓᓂᒃ ᓇᕐᕈᓇᕐᑎᑦᓯᔪᒃᓴᐅᓐᖏᓚᑎᑦ.”

ᕉᒪᒥᐅᓄᑦ 14:14

ᐊᑕᓂᕐᒥᒃ ᔩᓱᓯᒥᒃ ᐊᑕᐅᓯᐅᖃᑎᖃᕐᓂᓐᓄᑦ ᖁᓚᖏᑦᓯᐊᕐᐳᖓ ᓱᓇᓕᒫᑦ ᐃᒻᒥᓂᒃ ᓴᓗᒤᑦᑑᖏᒻᒪᑕ; ᓴᓗᒤᑦᑑᓇᓱᒋᒃᓯᔪᒧᑦ ᑭᓯᐊᓂ ᓇᓪᓕᐊᓐᓄᑦ ᓴᓗᒤᑦᑑᓕᕐᑎᑕᐅᖕᒪᑕ.

ᕉᒪᒥᐅᓄᑦ 14:20

ᑍᒤᒻᒪᑦ, ᓂᖀᑦ ᐱᑦᔪᑎᒋᓗᒋᑦ, ᒎᑎᐅᑉ ᐱᓇᓱᐊᕐᓂᖓ ᐊᓯᕈᕐᓂᐊᕋᓯᐅᒃ. ᓂᕿᓕᒫᑦ ᓴᓗᒤᑦᑑᖏᒻᒪᑕ, ᑭᓯᐊᓂᓕ ᑕᒻᒪᕐᓂᐅᕗᖅ ᐃᓄᒃ ᓂᕆᒃᐸᑦ ᐊᓯᐊᑕ ᐊᔪᕐᑐᓕᑦᔪᑎᒋᓂᐊᕐᑕᖓᓂᒃ;

ᕉᒪᒥᐅᓄᑦ 14:23

ᐃᓄᒡᓕ ᖁᓚᕐᑐᖅ ᑖᓐᓇ ᐸᓯᔭᒃᓴᓐᖑᕐᐳᖅ ᒎᑎᒧᑦ, ᓂᕆᓂᖓ ᐅᒃᐱᕐᓂᕐᒥᑦ ᐱᖏᒻᒪᑦ; ᓱᓇᑐᐃᓐᓁᑦ ᐅᒃᐱᕐᓂᕐᒥᑦ ᐱᖏᑦᑐᑦ ᐊᔪᕐᓂᐅᕗᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:23

ᐅᖃᕐᑐᖃᕐᐸᒃᐳᖅ, “ᓱᓇᑐᐃᓐᓇᕐᓂᒃ ᐱᔪᓐᓇᕐᑎᑕᐅᕗᒍᑦ,” ᑭᓯᐊᓂᓕ ᓱᓇᑐᐃᓐᓁᑦ ᑕᒪᕐᒥᒃ ᐱᕙᓪᓕᕐᓇᕐᑑᓐᖏᓚᑦ. “ᓱᓇᑐᐃᓐᓇᕐᓂᒃ ᐱᔪᓐᓇᕐᑎᑕᐅᕗᒍᑦ,” ᓱᓇᑐᐃᓐᓁᑦᓕ ᑕᒪᕐᒥᒃ ᐃᑲᔪᕐᑕᐅᓐᓇᓐᖏᓚᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:25

ᓂᖀᑦ ᓂᐅᕕᐊᒃᓮᑦ ᓂᐅᕕᕐᕕᖕᒦᑦᑐᑦ ᐃᓱᒫᓗᖏᓪᓗᓯ ᓂᕆᔭᒃᓴᕆᕙᓯ ᐊᐱᖅᑯᑎᒋᖏᓪᓗᒋᑦ ᐃᓱᒫᓗᖁᓇᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:31

ᑍᒤᒻᒪᑦ ᓂᕆᒍᕕᑦ, ᐃᒥᕈᕕᓪᓘᓐᓃᑦ, ᖃᓄᑐᐃᓐᓇᕐᓘᓐᓃᑦ ᐱᓇᓱᐊᕈᕕᑦ, ᐱᓇᓱᐊᕐᑐᒃᓴᐅᕗᑎᑦ ᒎᑎ ᓂᕐᑐᕐᑕᐅᖁᓪᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:7

ᑕᒪᕐᒥᒡᓕ ᑕᒪᑐᒥᖓ ᖃᐅᔨᒪᔪᐃᓐᓇᐅᓐᖏᓚᑦ. ᐃᓚᖏᑦ ᓱᓕ ᒎᑎᓐᖑᐊᖃᓕᒪᖕᒪᑕ ᓂᕿᒥᒡᓗ ᑍᒤᑦᑐᓄᑦ ᑐᓂᕐᕈᑕᐅᓇᓱᒋᔭᒥᖕᓂᒃ ᓂᕆᕙᖕᒪᑕ, ᐃᓱᒪᖏᓪᓗ ᓴᓐᖐᑦᑑᖕᒪᑕ, ᓇᕐᕈᓇᕐᑎᑕᐅᓇᓱᒋᕗᑦ.

ᑎᒧᑎᒧᑦ ᓯᕗᓪᓖᑦ 6:5

ᐂᕙᓕᕐᑎᑦᓯᕙᒃᐳᑦ ᐃᓄᖕᓂᒃ ᐃᓱᒪᖃᑦᓯᐊᕋᓱᐊᖏᑦᑐᓂᒃ ᓱᓕᓂᕐᒦᖏᑦᑐᓂᒡᓗ, ᐅᒃᐱᕐᓂᖅ ᐊᔪᕐᓴᓐᖏᑦᔪᑎᒃᓴᐅᓇᓱᒋᒃᓯᕐᑐᓂᒃ.

ᐄᑉᕈᐃᓄᑦ 10:22

ᑍᒤᒻᒪᑦ ᒎᑎᒧᑦ ᖃᒡᓕᓕᕐᑕ ᐆᒻᒪᑎᑦᑎᒍᑦ ᓱᓕᓂᖃᑦᓯᐊᕐᓗᑕ ᐅᒃᐱᕐᓂᖃᑦᓯᐊᕐᓗᑕ, ᐆᒻᒪᑎᕗᑦ ᓯᕐᐸᕐᓴᕐᕕᐅᓗᑎᒃ ᓴᓗᒻᒪᕐᑕᐅᖁᓪᓗᒋᑦ ᐃᓱᒪᒃᑯᑦ ᐱᐅᖏᑦᑐᒥᑦ ᐸᓯᔭᐅᓂᖃᕐᓂᕐᒥᑦ ᑎᒥᕗᓪᓗ ᐅᐊᓴᕐᑕᐅᓗᑎᒃ ᐃᒥᕐᒧᑦ ᓴᓗᒪᑦᓯᐊᕐᑐᒧᑦ.

ᐄᑉᕈᐃᓄᑦ 12:15

ᖃᐅᔨᓴᕆᑦᓯ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᐊᓐᓁᔪᖃᖁᓇᒍ; ᐱᕈᕐᑐᑎᑐᑦ ᒪᒤᓕᔪᑎᑐᑦ ᑍᒤᓕᔪᖃᕐᑍᓕᓕ ᐊᑭᕋᕐᑐᕐᑎᒌᖕᓂᕐᒥᒃ ᓴᖅᑭᑎᑦᓯᔪᒥᒃ, ᐅᓄᕐᑐᓪᓗ ᑕᒪᑐᒧᖓ ᓱᒃᑯᑎᕐᑕᐅᖁᓇᒋᑦ.

ᐄᑉᕈᐃᓄᑦ 9:14

ᐊᖏᓂᕐᓴᒻᒪᕆᐊᓗᖕᒥᒡᓕ ᑕᕝᕙ, ᙭ᔅᑑᓯᐅᑉ ᐊᐅᖓ, ᐊᓂᕐᓂᒃᑯᑦ ᐃᓱᖃᖏᑦᑐᒃᑯᑦ ᐃᒻᒥᓂᒃ ᑐᓂᕐᕈᑕᐅᑎᓚᐅᕐᐳᖅ ᐸᓯᔭᒃᓴᐅᓂᖃᖏᑦᑐᖅ ᒎᑎᒧᑦ, ᑖᑦᓱᒪ ᐃᓱᒪᕗᑦ ᓴᓗᒻᒪᕐᐰᑦ ᐱᓂᐊᕐᓂᕐᓂᑦ ᑐᖁᖓᔪᓂᑦ, ᒎᑎᒥᒃ ᐆᒪᔪᒥᒃ ᐱᔨᑦᓯᕈᓐᓇᖁᓪᓗᒋᑦ.