ᓲᓗᒨᓂᐅᑉ ᐃᓐᖏᕈᓯᖏᑦ 8:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐆᒻᒪᑎᖕᓄᑦ ᓇᕿᑦᔪᑎᑐᑦ ᐅᒃᑯᐃᕐᑕᐅᑦᔧᒃᑯᑎᑐᑦ ᑍᒤᓚᐅᓐᖓ, ᑕᓕᕐᓄᓪᓗ ᐊᓯᓐᓂᒃ ᐃᕿᑦᓯᑦᑍᓕᑦᔪᑎᑐᑦ; ᓇᒡᓕᖕᓂᖅ ᑐᖁᒧᑦ ᐃᓕᖓᔫᔮᕐᒪᑦ, ᓯᖕᓇᓂᕐᑐᓪᓗ ᐃᓗᕕᐅᑉ ᑲᑉᐱᐊᓇᕐᓂᖓᑐᑦ ᑍᒤᑦᑐᑐᑦ; ᐃᑯᒪᖓ ᐃᑯᐊᓚᕗᖅ ᐃᑯᒪᕐᔪᐊᑐᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 8:6 Iomraidhean Croise

ᑯᕉᓂᑲ ᓯᕗᓪᓖᑦ 11:18

ᑖᒃᑯᐊ ᐊᖑᑏᑦ ᐱᖓᓱᑦ ᐊᔪᖏᑦᑐᐊᓗᐃᑦ ᐱᓕᔅᑍᓂᒥᐅᑦ ᐅᓇᑕᕐᑐᒃᓴᖏᑎᒎᕐᓗᑎᒃ, ᐃᒥᕐᑕᕐᕕᖕᒥᑦ ᐃᒥᕐᑕᓚᐅᕐᓯᒪᕗᑦ ᐱᑦᓕᐊᒻᒥᑦ ᐃᑎᕐᑕᕐᕕᐅᑉ ᓴᓂᐊᓃᑦᑐᒥᑦ, ᑐᓂᓪᓗᒍᓗ ᑍᕕᑎᒧᑦ. ᑍᕕᑎᐅᓪᓕ ᐃᒥᕈᒪᓚᐅᓐᖏᓛ; ᑯᕕᓚᐅᕐᐹᓕ ᐊᑕᓂᕐᒧᑦ.

ᐃᓐᖏᕈᑎᑦ 120:4

ᐅᓇᑕᕐᑎᐅᑉ ᖃᕐᔪᖓᓄᑦ ᐃᐱᒃᑐᒧᑦ ᑲᐱᔭᐅᓂᐊᕐᐳᑎᑦ, ᐊᐅᒪᓄᓪᓗ ᐆᓇᕐᑐᐊᓗᖕᓄᑦ ᐆᑕᐅᓂᐊᕐᐳᑎᑦ.

ᐃᓐᖏᕈᑎᑦ 63:1

ᒎᑏ, ᒎᑎᒋᕙᒋᑦ, ᐅᓪᓛᒻᒪᕆᒃᑯᑦ ᕿᓂᕈᒪᕙᒋᑦ, ᑕᕐᓂᕋ ᖀᓕᕐᐳᖅ ᐃᓕᖕᓄᑦ; ᐅᕕᓂᖕᒪ ᐅᖓᕚᑎᑦ, ᓄᓇᑐᑦ ᐸᓂᕐᑐᑐᑦ ᐃᒥᕈᒃᑐᑐᓪᓗ ᐃᒪᖃᖏᑦᑐᒥ.

ᐃᓐᖏᕈᑎᑦ 84:2

ᑕᕐᓂᕐᒪ ᐅᖓᒋᕚ, ᐄᓛᒃ, ᐃᓗᓐᓂᑦ ᐱᔪᒧᑦ ᐃᓂᒋᔭᖓᓃᑦᓱᒪᕗᖓ; ᐆᒻᒪᑎᒪ ᑎᒥᒪᓗ ᖁᕕᐊᓱᖕᓂᕐᒧᑦ ᐃᓐᖏᕐᕕᒋᕚ ᒎᑎ ᐆᒪᑦᓮᓐᓇᕐᑐᖅ.

ᒨᓯᓯ ᐂᑉᐸᖏᑦ 28:21

ᑖᒃᑯᐊᓗ ᐅᔭᕅᑦ 12ᖑᔪᑦ ᐊᑐᓂᑦ ᔧᑰᑉ ᐃᕐᓂᖏᑕ ᐊᑎᖏᓐᓂᒃ ᐊᑎᓕᐅᕐᕕᒋᓯᒪᔪᒃᓴᐅᕗᑦ, ᐃᓴᕆᐊᓕᒥᐅᑦ ᑭᖑᕚᕇᖏᑦ ᐱᓪᓗᒋᑦ ᑭᖑᕚᕇᖕᓂᖏᓐᓂᒃ ᐃᖅᑲᐅᒪᑦᔪᑎᒃᓴᐅᖁᓪᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 25:22

ᑍᒤᓕᐅᕈᕕᑦ ᐊᐅᒪᓂᒃ ᐃᑯᒪᓕᖕᓂᑦ ᓂᐊᖁᖓᓄᑦ ᐃᓕᐅᖅᑬᓂᐊᕐᐳᑎᑦ, ᐊᑕᓂᐅᓪᓗ ᐊᑭᓕᕈᒫᕐᐹᑎᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:34

ᓯᖕᓇᓂᕐᒧᑦ ᐅᐃᖓ ᓂᓐᖓᐅᒪᕕᒃᔪᐊᓕᕈᓐᓇᕐᒪᑦ, ᐊᑭᓂᐊᕈᒪᓕᕈᓂᓗ ᐊᑦᑕᕆᔭᖃᕐᓂᐊᓐᖏᓚᖅ.

ᓲᓗᒨᓂᐅᑉ ᐃᓐᖏᕈᓯᖏᑦ 5:8

ᔨᕉᓴᓕᒥᐅᑦ ᐸᓂᖏᑦ, ᐊᖏᒻᒪᕆᖁᕙᑦᓯ, ᓇᒡᓕᒋᔨᒐ ᓇᓂᒍᑦᓯᐅᒃ, ᐅᖃᐅᑎᔪᒫᕐᐸᓯ ᐅᖓᓂᕐᒧᒡᒎᕐᖎ ᑭᐱᓕᕋᒪ.

ᐂᓮᐊᓯᐅᑉ ᐊᒡᓚᖏᑦ 49:16

ᑕᑯᒋᑦ, ᐃᑎᒪᒃᑯᑦ ᑎᑎᕋᐅᔭᕐᓯᒪᕙᒋᑦ; ᐊᕙᓗᕐᔪᐊᑎᑦ ᐳᐃᒍᕈᓐᓇᓐᖏᓚᒃᑲ.

ᔨᕆᒤᐊᐅᑉ ᐊᒡᓚᖏᑦ 22:24

ᐊᑕᓂᖅ ᐅᖃᕐᐳᖅ, “ᒎᑎᐅᓪᓗᖓ ᐆᒪᒐᒪ, ᑯᓂᐊ ᔨᕼᐅᐃᐊᑭᐅᑉ ᐃᕐᓂᖓ, ᔫᑕᒥ ᐊᖓᔪᖅᑳᕐᔪᐊᖑᔪᖅ, ᑕᓕᕐᐱᓐᓂ ᓇᒡᒍᐊᕐᒥᒋᒐᓗᐊᕈᒃᑭᑦ ᓱᓕ ᐲᕈᓐᓇᕐᐸᒋᑦ.

ᕼᐊᒊᑉ ᐊᒡᓚᖏᑦ 2:23

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ‘ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᑎᒍᔪᒫᕐᐸᒋᑦ ᔨᕈᐸᐱᐅᓪ ᐱᔨᒋᒐᒃᑭᑦ, ᓯᐅᓪᑎᐅᑉ ᐃᕐᓂᖓ,’ ᐊᑕᓂᖅ ᐅᖃᕐᐳᖅ, ‘ᓇᕿᑦᑎᑦᔪᑎᐅᑎᑦᓱᒫᕐᐸᒋᑦ ᓇᒡᒍᐊᕐᒥᒃᑎᑐᑦ; ᓂᕈᐊᕐᓯᒪᒐᒃᑭᑦ,’ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᓴᑲᕅᐊᐅᑉ ᐊᒡᓚᖏᑦ 3:9

ᐃᓕᓯᓂᐊᕋᒪ ᐅᔭᕋᖕᒥᒃ ᐊᑕᐅᓯᕐᒥᒃ, ᔮᓱᐊᑉ ᓵᖓᓄᑦ, 7ᓂᒃ ᑮᓇᖃᕐᑐᓂᒃ, ᑎᑎᕋᕐᕕᒋᓯᒪᓂᐊᕐᐳᖅ ᐃᒫᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ, ᓄᓇᖃᕐᑐᑦ ᑕᕝᕙᓂ ᐊᔪᕐᓂᖏᑦ ᐲᕐᓂᐊᕐᐸᒃᑲ ᐅᓪᓗᒥ ᐊᑕᐅᓯᕐᒥ.

ᒨᓯᓯ ᓯᑕᒪᖏᑦ 25:11

“ᐱᓂᕼᐋᓯ ᐃᓕᓯᕆᐅᑉ ᐃᕐᓂᖓᑕ, ᑐᓂᕐᕈᓯᕐᑎᑦᓯᔨᐅᑉ ᐂᕉᓂᐅᑉ ᐃᕐᖑᑕᖓᑕ, ᐃᓴᕆᐊᓕᒥᐅᓄᑦ ᓂᓐᖓᐅᒪᓂᕋ ᓄᖅᑲᕐᑎᑉᐹ, ᐊᒃᓱᕈᕐᓗᓂ ᓴᐳᑦᔨᔪᒪᓪᓚᕆᖕᒪᑦ ᐅᕙᑦᑐᑦ ᐅᐱᒋᔭᐅᓂᕋ ᐃᓄᖕᓄᑦ ᐱᓪᓗᒍ, ᐃᓴᕆᐊᓕᒥᐅᓂᒃ ᓴᐳᑦᔨᔪᒪᓪᓗᓂ ᓄᖒᑦᓯᖁᓇᖓ ᑖᒃᑯᓂᖓ ᑲᔪᓯᔪᒪᓂᓐᓄᑦ.

ᒨᓯᓯ ᓯᑕᒪᖏᑦ 5:14

ᐅᐃᖓᓕ ᓯᖕᓇᓕᕐᐸᑦ ᓄᓕᐊᓂ ᐸᓯᓗᒍ ᐊᕐᓇᖅ ᐃᒻᒥᓂᒃ ᐃᑦᔪᕐᓇᕐᓯᑎᑉᐸᑦ ᐅᕝᕙᓘᓐᓃᑦ ᐅᐃᖓ ᓯᖕᓇᓕᕐᐸᑦ ᓄᓕᐊᓂ ᐸᓯᓗᒍ ᓄᓕᐊᖓ ᐃᑦᔪᕐᓇᕐᓯᓯᒪᓐᖏᑎᓪᓗᒍ,

ᐋᐴᓯᑕᓖᑦ ᐱᓂᐊᕐᓂᖏᑦ 20:24

ᐃᓅᓯᕐᒪ ᐅᕙᓐᓄᑦ ᐊᑐᕐᓇᓗᐊᖏᓐᓂᖓ ᖃᐅᔨᒪᕙᕋ, ᐱᔭᕇᕋᓱᐊᕈᒪᓂᕋ ᐃᓱᒪᓇᕐᓂᕐᓴᐅᕗᖅ ᐊᑕᓂᐅᑉ ᔩᓱᓯᐅᑉ ᐅᕙᓐᓄᑦ ᑎᓕᓯᑦᔪᑎᒋᓯᒪᔭᖓᓂᒃ, ᓇᓗᓁᕐᓯᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 21:13

ᐸᐅᓗᓯᓕ ᑭᐅᕗᖅ, “ᓱᖕᒪᑦ ᕿᐊᕕᓰ? ᐆᒻᒪᑎᒃᑯᑦ ᓰᖁᒥᑎᓐᓇᑦᓯᓐᖓ, ᐅᐸᓗᖕᒊᕐᓯᒪᕗᖓᓕ ᕿᓚᒃᓱᕐᑕᐅᓂᕐᒧᑐᐃᓐᓇᐅᖏᑦᑐᖅ, ᑐᖁᑕᐅᓂᕐᒧᓪᓕ ᐊᒡᓛᑦ ᔨᕉᓴᓕᒻᒥ ᐊᑕᓂᖅ ᔩᓱᓯ ᐱᑦᔪᑎᒋᓗᒍ.”

ᕉᒪᒥᐅᓄᑦ 12:20

ᐃᒫᒡᓕ ᐱᔪᒃᓴᐅᕗᓯ, ᐅᖃᕐᓯᒪᖕᒪᑦ: “ᐊᑭᕋᕐᑐᕐᑏᑦ ᑳᒃᐸᑦ, ᓂᕆᑎᑦᔪᒃ; ᐃᒥᕈᒃᐸᑦ, ᐃᒥᕐᑎᑦᔪᒃ; ᑍᒤᓕᐅᕈᕕᑦ ᐊᐅᒪᓂᒃ ᐃᑯᒪᓕᖕᓂᒃ ᓂᐊᖁᖓᓄᐊᖅᑬᓂᐊᕐᐳᑎᑦ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:2

ᒎᑎᒥᑦ ᐱᔪᒥᒃ ᓯᖕᓇᓂᕐᒥᒃ ᐃᒃᐱᒍᓱᒃᑲᒪ ᐃᓕᑦᓯᓐᓄᑦ, ᐊᕐᓇᑐᑦ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᑎᑐᑦ ᓄᓕᐊᒃᓴᐅᖁᓪᓗᓯ ᑐᓂᔪᒪᒐᑦᓯ ᙭ᔅᑑᓯᒧᑦ ᑖᑦᓱᒥᖓ ᐅᐃᑖᖁᓪᓗᓯ.

ᒨᓯᓯ ᑕᓪᓕᒪᖏᑦ 32:21

ᒎᑎᓐᖑᐊᖏᓐᓄᑦ ᓂᓐᖓᒃᑎᑕᐅᕗᖓ ᓯᖕᓇᕗᖓ ᒎᑎᐅᓂᕋᕐᑕᖏᓐᓄᑦ ᓱᓕᖏᑦᑐᓄᑦ, ᒎᑎᓪᓚᕆᐅᖏᑦᑐᓂᒃ ᒎᑎᖃᕋᓱᖕᒪᑕ. ᑍᒤᒻᒪᑦ ᐃᓅᖃᑎᒌᒡᔪᐊᓂᒃ ᐊᑐᕐᓗᖓ ᓂᓐᖓᒃᓴᕐᓂᐊᕐᐸᒃᑲ; ᐃᓅᖃᑎᒌᒡᔪᐊᓄᑦ ᓯᓔᑦᑐᓄᑦ ᓯᖕᓇᓕᕐᑎᓐᓂᐊᕐᐸᒃᑲ.

ᑎᒧᑎᒧᑦ ᐂᑉᐸᖏᑦ 2:19

ᒎᑎᐅᓪᓕ ᑐᓐᖓᕕᓕᐊᕆᓯᒪᔭᖓ ᐊᐅᓚᖏᑦᑐᖅ ᓱᕐᕋᒃᑕᐅᔪᓐᓇᓐᖏᓚᖅ; ᐃᒤᑦᑐᓂᒃ ᓇᓗᓁᒃᑯᑕᓕᒃ: “ᐊᑕᓂᐅᑉ ᐃᓄᖁᑎᓂ ᖃᐅᔨᒪᕔᑦ,” ᐊᒻᒪᓗ, “ᑕᒪᕐᒥᒃ ᐊᑕᓂᕐᒧᑦ ᐃᓄᖁᑕᐅᔪᑦ ᐱᐅᖏᑦᑐᓕᓂᕐᓂᒃ ᐊᑐᕈᓐᓁᕐᓕᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:11

ᐃᓅᖃᑎᑦᑕ ᓵᓚᒋᓚᐅᕐᐹᑦ ᓄᕐᕋᐅᔭᐅᑉ ᐊᐅᖓᒍᑦ ᓱᓕᑦᓯᐊᕐᓂᕐᒥᒡᓗ ᐅᖃᐅᓯᖃᕐᓂᕐᒥᒍᑦ; ᐃᓅᓯᕐᑎᒃ ᐊᓐᓂᕆᓇᒍ ᑐᖁᓚᐅᕐᒪᑕ.