ᓲᓗᒨᓂᐅᑉ ᐃᓐᖏᕈᓯᖏᑦ 7:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᖁᖓᓰᑦ ᑑᒑᕐᑎᑐᑦ ᓇᐸᔪᓕᐊᕆᓯᒪᔪᑐᑦ ᑍᒤᑉᐳᖅ, ᐃᔩᒃᑭᒡᓗ ᑕᓯᕐᑎᑐᑦ ᕼᐃᓴᐸᓂᒥ ᓄᓇᓕᖕᓃᑦᑐᑎᑐᑦ ᑍᒤᑉᐴᒃ, ᐃᑎᕐᑕᕐᕕᐅᑉ ᐹᑦ ᕌᐱᒥᒃ ᐊᑎᓕᖕᒦᑦᑐᑎᑐᑦ. ᕿᖎᑦ ᓄᕗᕈᓯᕐᑐᑦ ᓕᐸᓇᓂᒦᑦᑐᑐᑦ ᑍᒤᑉᐳᖅ, ᑕᒫᓯᑰᓯᒥᒃ ᑕᑯᓐᓈᕐᓗᑎᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 7:4 Iomraidhean Croise

ᒨᓯᓯ ᓯᕗᓪᓖᑦ 15:2

ᐂᑉᕋᒻᓗ ᐅᖃᕐᐳᖅ, “ᐊᑕᓃᖅ ᒎᑏ, ᓱᓇᒥᒃ ᑐᓂᔭᒃᓴᖃᕋᕕᑦ ᐅᕙᓐᓄᑦ, ᓱᓕ ᕿᑐᕐᖓᖃᖏᓐᓇᒪ, ᐅᕙᓐᓂᑦ ᑭᖑᕐᖑᑦᔨᔪᒃᓴᑐᐊᖑᖕᒪᑦ ᐃᓔᓯᕆ ᑕᒫᓯᑰᓯᒥᐅᑕᖅ.”

ᓴᒧᐃᓕ ᐂᑉᐸᖏᑦ 8:6

ᑕᕝᕙ ᑍᕕᑎ ᐅᓇᑕᕐᑐᒃᓴᖁᑎᒥᓂᒃ ᓄᓇᓕᖏᓐᓂ ᐃᓂᑖᕐᑎᑦᓯᓚᐅᕐᐳᖅ ᐊᕌᒻᒥ ᑕᒫᓯᑰᓯᒦᑦᑐᒥ; ᓯᕆᐊᒥᐅᓪᓗ ᐱᔨᑖᕆᓚᐅᕐᐰᑦ ᑮᓇᐅᔧᔭᓕᕐᓗᑎᒡᓗ ᑖᑦᓱᒧᖓ. ᐊᑕᓂᐅᓪᓗ ᑍᕕᑎ ᓵᓚᖃᕐᑎᖃᑦᑕᓚᐅᕐᐹ ᓇᒧᑐᐃᓐᓇᖅ ᐂᑐᐊᕌᖓᑦ.

ᐊᑕᓃᑦ ᓯᕗᓪᓖᑦ 10:18

ᐊᖓᔪᖅᑳᕐᔪᐊᖅ ᐊᖏᔪᒥᒃ ᐃᒃᓯᕙᐅᑕᕐᔪᐊᒥᒃ ᓴᓇᔭᐅᑎᑦᓯᕗᖅ ᐃᓚᖓ ᖄᓕᕐᓯᒪᓪᓗᓂ ᑑᒐᕐᓂᒃ ᐃᓚᖓᓗ ᖄᓕᕐᓯᒪᓪᓗᓂ ᒎᓗᒥᒃ ᐱᐅᓂᕐᐹᒥᒃ.

ᐊᑕᓃᑦ ᓯᕗᓪᓖᑦ 10:22

ᐅᒥᐊᕐᔪᐊᖁᑎᖃᕐᓗᓂᓗ ᐅᓄᕐᑐᓂᒃ ᐃᒪᕐᕕᖕᒥ ᐃᓚᖃᕐᓗᑎᒃ ᕼᐅᕋᒻ ᐅᒥᐊᕐᔪᐊᖁᑎᖏᓐᓂᒃ. ᐊᕐᕌᒍᑦ ᐱᖓᓱ ᑕᒫᑦ ᐅᒥᐊᕐᔪᐊᖁᑎᖏᑦ ᑖᕐᓯᓯᒥᐅᑦ ᐅᑎᕐᐸᓚᐅᕐᐳᑦ ᓇᒃᓴᕐᓗᑎᒃ ᒎᓗᓂᒃ, ᓯᐅᓪᕕᕆᓂᒃ, ᑑᒑᓂᒡᓗ, ᐂᑉᓂᒡᓗ ᒪᖕᑭᓂᒃ, ᒪᖕᑭᑐᐃᓐᓇᕐᓂᒡᓗ.

ᐊᑕᓃᑦ ᓯᕗᓪᓖᑦ 22:39

ᐂᕼᐊᐱᐅᑉ ᐱᓂᐊᓚᐅᕐᑕᖏᑕ ᐊᓯᖏᑦ ᐱᓇᓱᐊᓚᐅᕐᑕᓕᒫᖏᓪᓗ, ᐃᒡᓗᓕᐅᕐᓂᕆᓚᐅᕐᑕᖓᓗ ᑑᒑᓂᑦ, ᐃᒡᓗᒐᓮᓪᓗ ᐃᒡᓗᓕᐅᓚᐅᕐᑕᖏᑦ, ᑎᑎᕋᕐᓯᒪᕗᑦ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓᑕ ᐅᓂᒃᑲᐅᓯᐅᓂᖏᓐᓂ.

ᐊᑕᓃᑦ ᓯᕗᓪᓖᑦ 7:2

ᐃᒡᓗᓕᐅᓚᐅᕐᐳᖅ ᕿᔪᖕᓂᒃ ᓰᑕᕆᓂᒃ ᓕᐸᓇᓂᒥᑦ ᐱᓯᒪᔪᓂᒃ; 150ᓂᒃ ᐃᑎᒐᖕᓂᒃ ᑕᑭᓂᖃᕐᑐᒥᒃ, 75ᓂᒃ ᐃᑎᒐᖕᓂᒃ ᓴᓂᒧᖃᕐᓗᓂ, 45ᓂᒃ ᐃᑎᒐᖕᓂᒃ ᐳᕐᑐᓂᖃᕐᓗᓂ.

ᐊᑕᓃᑦ ᓯᕗᓪᓖᑦ 9:19

ᑖᒃᑯᐊ ᐃᒡᓗᒐᓮᑦ ᓲᓗᒨᓂᐅᑉ ᓱᓇᑐᐃᓐᓇᕐᑖᕐᕕᒋᕙᒡᓗᓂᒋᑦ ᐱᓯᒤᓐᓇᕐᓗᓂᒋᑦ, ᐃᒡᓗᒐᓮᓪᓗ ᐊᒃᓴᓗᐊᓕᖕᓂᒃ ᕿᒧᓯᐅᑎᖃᕐᕕᒋᓪᓗᓂᒋᑦ, ᕿᒻᒥᕐᔪᐊᒃᑯᓪᓗ ᐅᓇᑕᕐᑎᒃᑯᕕᒋᓚᐅᕐᐰᑦ, ᐊᓯᖏᓐᓂᒡᓗ ᓴᓇᔪᒪᒍᓂ ᔨᕉᓴᓕᒥ, ᓕᐸᓇᓂᒥᓘᓐᓃᑦ ᐅᕝᕙᓘᓐᓃᑦ ᓇᓂᓕᒫᖅ ᐊᖓᔪᖅᑳᕐᔪᐊᒃᑯᕕᒋᔭᒥᓂ.

ᑯᕉᓂᑲ ᐂᑉᐸᖏᑦ 8:6

ᐹᓛᑎᓗ, ᐃᒡᓗᒐᓴᓕᒫᓪᓗ ᓯᕐᓗᐊᖃᕐᕕᒋᕔᑦ, ᐃᒡᓗᒐᓮᓪᓗ ᐊᒃᓴᓗᐊᓕᖁᑎᖏᓐᓄᑦ ᕿᒧᒃᓯᐅᑎᖃᕐᕕᖏᑦ, ᐃᒡᓗᒐᓮᓪᓗ ᕿᒻᒥᕐᔪᐊᒃᑰᕐᑎᖏᑕ ᐃᓂᒋᔭᖏᑦ, ᓲᓗᒨᓂᐅᓪᓗ ᓴᓇᔪᒪᔭᓕᒫᓂ ᓴᓇᕔᑦ ᔨᕉᓴᓕᒥ, ᓕᐸᓇᓂᒥ, ᓄᓇᓕᖕᓂᓗ ᐊᐅᓚᑦᓯᕕᒋᔭᓕᒫᒥᓂ.

ᐃᓐᖏᕈᑎᑦ 144:12

ᐃᕐᓂᕗᑦ ᐱᕈᕇᑦᓯᐊᖁᓪᓗᒋᑦ ᐱᕈᕐᑐᑎᑐᑦ ᐃᓅᓱᖕᓂᕐᒥᖕᓂ; ᐸᓂᕗᓪᓗ ᐃᒡᓘᑉ ᑎᕆᖅᑯᖏᑎᑐᑦ ᓱᑲᕆᔭᐅᓕᖁᓪᓗᒋᑦ, ᐋᖅᑭᒃᓯᒪᑦᓯᐊᕐᓗᑎᒃ ᐊᖓᔪᖅᑳᕐᔪᐊᖃᕐᕕᐅᑉ ᑕᑯᒥᓇᕐᓂᖏᑎᑐᑦ.

ᐃᓐᖏᕈᑎᑦ 45:8

ᐊᓐᓄᕌᑎᑦ ᑎᐱᑎᕐᓯᒪᕗᑦ ᒧᕆᒥᒃ ᐋᓘᒥᒡᓗ ᑳᓯᐊᒥᒡᓗ. ᐊᖓᔪᖅᑳᕐᔪᐊᑉ ᐃᒡᓗᖏᓐᓂᑦ ᑑᒑᓂᒃ ᐱᐅᓴᕐᓯᒪᔪᓂᑦ, ᓄᖃᕐᑎᓕᖕᓂᓪᓗ ᓂᓪᓕᐊᑦᔪᑎᓂᑦ, ᖁᕕᐊᓱᒃᑎᑕᐅᕗᑎᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 1:10

ᐅᓗᐊᒃᑭᒃ ᑕᑯᒥᓇᕐᐴᒃ ᐱᐅᓴᐅᑎᓄᑦ, ᖁᖓᓰᓪᓗ ᐅᔭᒥᒃᓯᒪᓪᓗᓂ ᒎᓗᓂᒃ.

ᓲᓗᒨᓂᐅᑉ ᐃᓐᖏᕈᓯᖏᑦ 4:1

ᑕᑯᒋᑦ ᐃᓂᖁᓇᕐᑐᐊᓘᕗᑎᑦ ᓇᒡᓕᒋᔮᒃ! ᐱᐅᒋᐊᓗᑦᓴᕐᐸᒋᑦ! ᐃᔩᒃᑭᒃ ᑑᕕᑎᑐᑦ ᐱᐅᑎᒋᕘᒃ ᒪᑐᐊᕐᐱᑦ ᖁᓛᒍᑦ. ᓄᔭᕐᑎᑦ ᒎᑦᓯᑎᑐᑦ ᕿᕐᓂᕐᑕᑎᑐᑦ ᑕᑯᒥᓇᕐᑎᒋᕗᑦ, ᖃᖅᑲᒥᑦ ᒋᓕᐊᑎᒥᑦ ᐊᖅᑲᕐᑎᕐᑐᑎᑐᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 4:4

ᖁᖓᓰᑦ ᑍᕕᑎᐅᑉ ᖃᐅᔨᓴᕐᕕᖁᑎᖓᑐᑦ ᐳᕐᑐᔪᑐᑦ ᑍᒤᑉᐳᖅ, ᐅᓇᑕᐅᑎᒃᑯᕕᖁᑎᖓᑐᑦ, ᑕᕝᕙᓂ ᐅᓇᑕᕐᑐᒃᓮᑦ ᓴᐴᓗᑕᖏᑦ 1,000ᐃᑦ ᓂᕕᖓᕗᑦ, ᐅᓇᑕᕐᑐᒃᓮᑦ ᐊᔪᖏᑦᑐᑦ ᓴᐴᓗᑕᖏᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 4:5

ᐃᕕᐊᖐᑭᒃ ᓄᕐᕌᖕᓂᒃ ᒪᕐᕈᖕᓂᒃ ᒥᒃᓯᖃᕐᐴᒃ, ᒐᔨᐊᓕᐅᑉ ᒪᕐᕈᓕᐊᖏᖕᓂᒃ, ᐱᕈᕐᑐᐃᑦ ᓕᓖᑦ ᐊᑯᕐᖓᓐᓂ ᓂᕆᓇᓱᒃᑑᖕᓂᒃ.

ᓲᓗᒨᓂᐅᑉ ᐃᓐᖏᕈᓯᖏᑦ 6:5

ᑕᑯᓐᓇᓐᖏᓚᐅᓐᖓ, ᐃᔨᖕᓄᑦ ᓵᓚᐅᓕᕋᒪ, ᓄᔭᕐᑎᑦ ᒎᑦᓯᑎᑐᑦ ᕿᕐᓂᕐᑕᑎᑐᑦ ᑕᑯᒥᓇᕐᑎᒋᕗᑦ, ᖃᖅᑲᒥᑦ ᒋᓕᐊᑎᒥᑦ ᐊᖅᑲᕐᑎᕐᑐᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 54:4

ᑲᑉᐱᐊᓱᒃᑍᓕᒋᑦᓯ, ᑲᓐᖑᓇᕐᑐᒧᐊᕐᑎᑕᐅᓂᐊᓐᖏᓚᓯ; ᓇᓗᓕᕐᑎᑕᐅᓂᐊᓐᖏᓚᓯᓗ, ᑲᓐᖑᓱᒃᑎᑕᐅᓂᐊᕋᓯᓗ; ᐅᕕᒐᕐᑑᓂᑦᓯᓐᓄᑦ ᑲᓐᖑᓇᕐᑐᒦᓐᓂᕆᕙᓚᐅᕐᑕᓯ ᐳᐃᒍᕈᒫᕐᐸᓯ; ᐅᐃᒡᒐᕐᓂᐅᓂᑦᓯᓐᓄᑦ ᓇᕐᕈᓇᕈᑎᒋᓚᐅᕐᑕᓯ ᐃᖅᑲᐅᒪᔪᓐᓁᕈᒫᕐᐸᓯ.

ᐄᑉᕈᐃᓄᑦ 5:14

ᐱᕈᕇᕐᓯᒪᓕᕐᑑᓪᓕ ᓂᕿᓪᓚᕇᑦ ᓂᕿᒋᔭᒃᓴᕆᕔᑦ, ᐱᓇᓱᐊᕐᓂᕆᓯᒪᔭᓂ ᖃᐅᔨᔪᓐᓇᕐᓯᑦᔪᑎᒋᓗᓂᒋᑦ ᐱᐅᔪᒥᒃ ᐱᐅᖏᑦᑐᒥᒡᓗ.