ᓲᓗᒨᓂᐅᑉ ᐃᓐᖏᕈᓯᖏᑦ 6:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐅᑎᕆ, ᐅᑎᕆᑦ, ᓲᓚᒤᑎᐅᔪᑎᑦ, ᐅᑎᕆᑦ, ᐅᑎᕆᑦ, ᑕᑯᓐᓇᒃᑲᓐᓂᕈᒪᒐᑦᑎᒋᑦ. ᓱᖕᒪᑦ ᑕᑯᔪᒪᕕᑦ ᓲᓚᒥᐅᑕᒥᒃ? ᑖᓂᓯᕐᑐᑐᑦ ᐅᓇᑕᕐᑐᒃᓮᑦ ᒪᕐᕈᐃᑦ ᐊᑯᓐᓂᖓᒎᑦ?

ᓲᓗᒨᓂᐅᑉ ᐃᓐᖏᕈᓯᖏᑦ 6:13 Iomraidhean Croise

ᒨᓯᓯ ᓯᕗᓪᓖᑦ 32:2

ᔧᑰᓪᓗ ᑕᑯᒐᒥᒋᑦ ᐅᖃᕐᐳᖅ, “ᐅᑯᐊ ᒎᑎᐅᑉ ᐅᓇᑕᕐᑐᒃᓴᖁᑎᖏᑦ”; ᑍᒤᒻᒪᑦ ᑖᓐᓇ ᐊᑦᓯᕐᐹ ᒪᕼᐊᓁᒥᒃ.

ᒨᓯᓯ ᓯᕗᓪᓖᑦ 49:10

ᐊᖓᔪᖅᑳᕐᔪᐊᑉ ᐱᔪᓐᓇᐅᑎᖓᑕ ᓇᓗᓁᒃᑯᑕᖓ ᔫᑕᒥᑦ ᕿᒪᕉᑎᓂᐊᓐᖏᓚᖅ, ᐊᐅᓚᑦᓯᔨᐅᓪᓗ ᐊᔭᐅᑉᐱᐊᖓ ᐃᑎᒐᖏᑕ ᐊᑯᕐᖓᓐᓂᑦ ᐲᕐᑕᐅᓂᐊᖏᓐᓂᕗᖅ, ᐊᖓᔪᖅᑳᕐᔪᐊᖅ ᐱᖁᑎᓕᒃ ᑎᑭᓚᐅᖅᑳᕐᑎᓐᓇᒍ; ᑖᓐᓇ ᐃᓄᖕᓄᑦ ᐅᐱᒋᔭᐅᔪᒫᕐᐳᖅ ᓈᓚᒃᑕᐅᔪᒫᕐᓗᓂᓗ.

ᓴᒧᐃᓕ ᐂᑉᐸᖏᑦ 17:24

ᑕᕝᕙ ᑍᕕᑎ ᓄᓇᓕᖕᓄᑦ ᒪᕼᐊᓁᒧᑦ ᑎᑭᑉᐳᖅ, ᐋᑉᓴᓚᒻᑯᑦ ᐃᓴᕆᐊᓕᒥᐅᓪᓗ ᐃᑳᓕᕐᑎᓪᓗᒋᑦ ᔪᐊᕐᑕᓂᐅᑉ ᑰᖓᓂᒃ.

ᐃᓐᖏᕈᑎᑦ 76:2

ᓴᓕᒥᒥ ᑐᐱᕐᔪᐊᖁᑎᖓ ᐃᓂᖃᕐᐳᖅ, ᐃᓂᖃᕐᐳᕐᓗ ᓮᐅᓂᒥ.

ᓲᓗᒨᓂᐅᑉ ᐃᓐᖏᕈᓯᖏᑦ 1:6

ᓇᕐᕈᒋᓂᐊᕐᓇᖓ ᕿᕐᓂᕐᑕᐅᓂᕋ ᐱᑦᔪᑎᒋᓗᒍ, ᓯᕿᓂᕐᒧᑦ ᐅᕕᓂᒐ ᖃᑯᐃᓕᓯᒪᖕᒪᑦ, ᐊᓈᓇᒪ ᐃᕐᓂᖏᑕ ᓂᓐᖓᐅᒪᕝᕕᒋᓚᐅᕐᒪᖓ, ᑖᒃᑯᓇᓐᖓᑦ ᕔᓂᒃᓴᓂᒃ ᐱᕈᕐᓰᕕᖕᒥᒃ ᑲᒪᔨᓐᖑᕐᑎᑕᐅᓚᐅᕐᐳᖓ; ᓇᖕᒥᓂᕐᓕ ᕔᓂᓕᒃᓴᖁᑎᒐ ᑲᒪᒋᑦᓯᐊᕈᓐᓃᓚᐅᕐᐸᕋ.

ᓲᓗᒨᓂᐅᑉ ᐃᓐᖏᕈᓯᖏᑦ 2:14

ᑑᕕᖁᑏᒃ, ᕾᕐᑑᑉ ᖁᖕᓈᕈᖏᓐᓂ ᐃᓂᖃᕐᑐᑎᑦ, ᕾᕐᑑᑉ ᐃᔨᕐᓯᒪᕕᖏᓐᓂ, ᑮᓁᑦ ᑕᑯᓚᐅᕐᓚᒍ, ᓂᐲᓪᓗ ᑐᓴᕐᓚᒍ, ᑐᓴᕐᓂᕐᒪᑦ, ᐃᓂᖁᓇᕐᑐᐊᓘᓪᓗᑎᓪᓗ.

ᓲᓗᒨᓂᐅᑉ ᐃᓐᖏᕈᓯᖏᑦ 6:12

ᐅᑦᔨᕈᓱᓐᖏᑎᓪᓗᖓ, ᑲᔪᖏᕐᓂᕐᒪ ᐊᖓᔪᖅᑳᕐᔪᐊᑉ ᐃᑭᒪᕝᕕᖏᑕ ᐊᒃᓴᓗᐊᓖᑦ ᐊᑯᓐᓂᖓᓃᑦᑑᔮᕐᑎᓕᓚᐅᕐᐹᖓ.

ᐂᓮᐊᓯᐅᑉ ᐊᒡᓚᖏᑦ 8:6

“ᐅᑯᐊ ᐃᓄᐃᑦ ᓮᓗᐊᑉ ᑕᓯᖓᓂᑦ ᑰᑦᓯᐊᕐᑐᒥᒃ ᐃᒥᕈᒪᖏᒻᒪᑕ, ᕆᔨᓂᐅᑉ ᓵᖓᓂ ᕆᒪᓔᐊᐅᓪᓗ ᐃᕐᓂᖓᑕ ᓵᖓᓂ ᓯᕘᕋᓂᕐᒧᑦ ᓴᔪᒍᒫᕐᐳᑦ;

ᔨᕆᒤᐊᐅᑉ ᐊᒡᓚᖏᑦ 3:22

ᐅᑎᕆᑦᓯ, ᐊᑕᓂᕐᒥᒃ ᕿᒤᓚᐅᕐᑐᓯ ᑕᕝᕙ ᑲᑕᒃᓯᒪᓂᑦᓯᓐᓂᑦ ᐋᖅᑭᖕᓂᐊᕐᐸᑦᓯ. ᐅᖃᕐᐳᓯ, “ᐅᑎᕈᒪᕗᒍᑦ ᐊᑕᓂᐅᒐᕕᑦ ᒎᑎᒋᔭᕗᑦ.

ᓘᑲᓯᐅᑉ ᐊᒡᓚᖏᑦ 15:10

ᑍᒫᒃᑕᐅᖅ ᐅᖃᐅᑎᕙᑦᓯ, ᒎᑎᐅᑉ ᐂᖏᓖᖁᑎᖏᑦ ᐊᖏᔪᒥᒃ ᖁᕕᐊᓱᒃᑎᑕᐅᕗᑦ ᐊᔪᕐᑐᓕᔪᖅ ᐊᑕᐅᓯᖅ ᓵᒋᐊᕐᐸᑦ.”

ᓘᑲᓯᐅᑉ ᐊᒡᓚᖏᑦ 7:44

ᐊᕐᓇᒧᑦ ᑕᑯᓴᕋᒥ ᓮᒨᓂ ᐅᖃᐅᑎᕚ, “ᐅᓇ ᐊᕐᓇᖅ ᑕᑯᕕᐅᒃ? ᐃᒡᓗᖕᓄᑦ ᐃᑎᕋᒪ, ᐃᒥᕐᒥᒃ ᕾᑦᓯᓚᐅᓐᖏᓚᕐᒪ ᐃᑎᒐᓐᓄᑦ ᐅᐊᓴᐅᑎᒃᓴᓐᓂᒃ, ᑖᑦᓱᒪᓕ ᐃᑎᒐᒃᑲ ᖃᐅᓯᓕᕐᑎᕐᐰᑦ ᖁᕝᕕᒥᓄᑦ ᐊᓪᓚᕐᑎᕐᓗᒋᓪᓗ ᓄᔭᕐᒥᓄᑦ.

ᔪᐊᓇᓯᐅᑉ ᐊᒡᓚᖏᑦ 10:16

ᐊᓯᖏᓐᓂᒃ ᓱᓕ ᓰᐱᖁᑎᖃᕐᐳᖓ, ᑕᕝᕙᓐᖓᑦ ᓰᐱᒃᑯᕕᖕᒥᒃ ᐱᓯᒪᖏᑦᑐᓂᒃ; ᑖᒃᑯᐊᑦᑕᐅᖅ ᑕᕝᕗᖓ ᐃᑎᕐᑎᑦᓴᕆᐊᖃᕐᐸᒃᑲ; ᓂᐱᓐᓂᒃ ᑐᓴᕈᒫᕐᐳᑦ. ᐊᑕᐅᓯᐅᖃᑎᒌᒍᒫᕐᐳᑦ, ᐊᑕᐅᓯᕐᒥᒡᓗ ᐰᕐᓯᔨᖃᕐᓗᑎᒃ.

ᔪᐊᓇᓯᐅᑉ ᐊᒡᓚᖏᑦ 9:7

ᐅᖃᐅᑎᓪᓗᒍ, “ᐃᕐᕈᕐᑐᕆᐊᕐᑐᓕᕆᑦ ᓮᓗᐊᑉ ᑕᓯᖓᓄᑦ.” ᓮᓗᐊ ᑐᑭᖃᕐᐳᖅ “ᑎᓕᔭᖅ.” ᑕᕝᕗᖓᓗ ᐂᕗᖅ ᐃᕐᕈᕐᑐᕐᓗᓂ ᑕᐅᑐᓕᕐᓗᓂᓗ ᐅᑎᕐᐳᖅ.

ᕉᒪᒥᐅᓄᑦ 3:29

ᐅᕝᕙᓗ ᒎᑎ ᒎᑎᐅᕙ ᔫᑎᓄᑦ ᑭᓯᐊᓂ, ᔫᑎᐅᖏᑦᑐᓄᓪᓕ ᒎᑎᒋᔭᐅᓐᖏᓛᖅ? ᑖᒃᑯᓄᖓᑦᑕᐅᖅ ᒎᑎᒋᔭᐅᒋᕗᖅ,

ᕉᒪᒥᐅᓄᑦ 7:23

ᖃᐅᔨᕗᖓᓕ ᑎᒥᓐᓂ ᐱᖁᔧᑦ ᐊᓯᖏᓐᓂᒃ ᐅᓇᑕᕐᑐᓂᒃ ᐃᓱᒪᒪ ᐱᖁᔭᖓᓄᑦ ᑖᒃᑯᐊᓗ ᑎᒍᔭᐅᓯᒪᑎᑉᐹᖓ ᐊᔪᕐᓂᐅᑉ ᐱᖁᔭᖓᓄᑦ ᑎᒥᓐᓃᑦᑐᒧᑦ.

ᒐᓔᑎᐊᒥᐅᓄᑦ 5:17

ᑎᒥᐅᑉ ᐱᔪᒪᔭᖓ ᐊᓂᕐᓂᕐᒥᒃ ᐊᖏᖃᑎᖃᖏᒻᒪᑦ, ᐊᓂᕐᓂᐅᓪᓗ ᐱᔪᒪᔭᖓ ᐊᖏᖃᑎᖃᕐᒥᓇᓂ ᑎᒥᒥᒃ; ᑖᒃᑯᐊᒃ ᐃᒻᒥᖕᓄᑦ ᐊᖏᖃᑎᒌᖏᒻᒪᑎᒃ, ᑍᒤᒻᒪᑦ ᐱᔪᒪᔭᕋᓗᐊᑦᓯᓐᓂᒃ ᐱᓇᓱᐊᕈᓐᓇᓐᖏᓚᓯ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:10

ᑎᑭᒃᑯᓂ ᐱᓐᓇᕐᓇᕐᑎᑕᐅᓗᓂ ᐅᐱᓐᓇᕐᑎᑕᐅᓗᓂ, ᐅᒃᐱᕈᓱᒃᑐᓕᒫᓂᓪᓗ ᑲᒪᓂᐊᕆᔭᐅᔪᒫᕐᐳᖅ, ᐃᓕᑦᓯᑦᑕᐅᖅ ᐃᓚᒋᔭᐅᔪᒫᕐᐳᓯ ᐅᖃᐅᓰᑦ ᓇᓗᓁᕐᓯᓂᕆᔭᕗᑦ ᐅᒃᐱᕆᓚᐅᕋᑦᓯᐅᒃ.

ᐄᑉᕈᐃᓄᑦ 7:2

ᐂᑉᕋᕼᐋᒻᓗ ᑐᓂᕐᕈᓯᕐᕕᒋᓚᐅᕐᐹ ᓵᓚᖃᕐᓗᓂ ᐱᑖᕕᓂᖏᑕ ᑕᓪᓕᒪᐅᔪᕐᑐᖏᓐᓂᒃ. ᒥᓪᑭᓯᑎᐅᓪᓗ ᐊᑎᖓ ᑐᑭᖃᕐᐳᖅ “ᐊᖓᔪᖅᑳᕐᔪᐊᖅ ᓇᓛᒎᕐᓂᕐᒧᑦ”; ᓮᓕᒻᒥᓕ ᐊᖓᔪᖅᑳᕐᔪᐊᖑᓂᕐᒥᓄᑦ ᐊᑎᖓ ᑐᑭᖃᓚᐅᕆᕗᖅ “ᐊᖓᔪᖅᑳᕐᔪᐊᖅ ᓮᒻᒪᕐᑎᑦᓯᓂᕐᒧᑦ.”

ᐃᓗᐊᕐᓮᔩᑦ ᐊᒡᓚᖏᑦ 21:21

ᖃᐅᔨᓴᕐᓗᓯᓗ ᐊᕐᓁᑦ ᓮᓗᐊᒥᑦ ᐊᓂᒃᐸᑕ ᑖᓂᓯᕐᓗᑎᒃ ᓇᓪᓕᐅᓐᓂᕐᓯᐅᕐᕕᖕᒥ, ᑕᕝᕙᓐᖓᑦ ᐊᓂᓗᓯ ᐱᕈᕐᓰᕕᖕᓂᑦ ᕔᓂᓕᐅᕐᕕᖕᓂᑦ, ᐃᓘᓐᓇᓯ ᑎᒍᓯᓗᓯ ᐊᕐᓇᓂᒃ ᓄᓕᐊᒃᓴᑦᓯᓐᓂᒃ ᐅᑎᖃᑎᒋᓗᒋᓪᓗ ᐱᓐᔭᒥᓂᐅᑉ ᑭᖑᕚᖏᑕ ᓄᓇᖁᑎᖓᓐᓄᑦ.