ᓲᓗᒨᓂᐅᑉ ᐃᓐᖏᕈᓯᖏᑦ 5:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᓇᒡᓕᒋᔨᒐ ᐅᒃᑯᐃᕈᑎᒐᒃᑯ, ᕿᒪᕉᑎᔭᕇᕐᓂᕋᒥ ᑕᒫᓃᓐᖏᓚᖅ. ᓄᑮᕐᔫᒥᓚᐅᕐᐳᖓ ᓂᐱᖓ ᑐᓴᕈᒪᒐᓗᐊᕐᓗᒍ. ᕿᓂᓚᐅᕋᓗᐊᕐᐸᕋ ᓇᓂᓇᒍᓗ; ᕾᒐᓛᕋᓗᐊᕋᒃᑯ, ᑭᐅᓚᐅᓐᖏᓛᖓ.

ᓲᓗᒨᓂᐅᑉ ᐃᓐᖏᕈᓯᖏᑦ 5:6 Iomraidhean Croise

ᒨᓯᓯ ᓯᕗᓪᓖᑦ 42:28

ᐃᓚᒥᓄᓪᓗ ᐅᖃᕐᐳᖅ, “ᑮᓇᐅᔭᒃᑲ ᐅᑎᕐᑎᑕᐅᓐᓂᕐᐳᑦ; ᑕᑯᒋᑦ ᐃᒃᐱᐊᕐᔪᖁᑎᒪ ᐹᖓᓃᑉᐳᑦ!” ᑕᕝᕙ ᑲᑉᐱᐊᓱᓕᕐᐳᑦ ᖁᐊᕐᓵᖓᓕᕐᓗᑎᒡᓗ, ᓴᔪᓕᕐᓗᑎᒡᓗ ᐃᒻᒥᖕᓄᑦ ᐅᖃᖃᑦᑕᐅᑎᓕᕐᐳᑦ, ᐅᖃᕐᓗᑎᒃ, “ᒎᑏᓐᓇ ᖃᓄᐃᓕᐅᓕᕐᑐᖅ ᐅᕙᑦᑎᓐᓄᑦ?”

ᓴᒧᐃᓕ ᐂᑉᐸᖏᑦ 16:10

ᐊᖓᔪᖅᑳᕐᔪᐊᕐᓕ ᐅᖃᕐᐳᖅ ᐊᐱᓮᒧᑦ ᐊᖓᔪᐊᓄᓪᓗ ᔪᐊᐱᒧᑦ, “ᑕᒪᓐᓇ ᐱᓇᓱᐊᒐᕆᓐᖏᓚᓯᒃ ᔨᕈᐃᐊᐅᑉ ᐃᕐᓂᖏᒃ, ᓇᕐᕈᓇᕐᓯᑎᑉᐹᖓ ᐊᑕᓂᐅᑉ ᐱᖁᔨᓂᖓᒍᑦ ᐅᖃᕐᑎᑕᐅᒃᐸᑦ, ‘ᑍᕕᑎ ᓇᕐᕈᓇᕐᓯᓕ’ ᑍᒤᓕᐅᓚᐅᕐᓕ, ᑭᓇᓖ ᐅᖃᕈᓐᓇᕐᐸ, ‘ᓱᖕᒪᑦ ᑍᒤᓕᐅᕐᒪᖔᑦ?’”

ᐃᓐᖏᕈᑎᑦ 28:1

ᐃᓕᖕᓄᑦ ᓂᓪᓕᐊᕗᖓ, ᐊᑕᓃᖅ ᕾᕐᑐᕆᒐᒃᑭᑦ; ᓂᓪᓕᕐᑍᓕᕝᕕᒋᓂᐊᕐᓇᖓ ᓂᓪᓕᕐᑍᓕᒍᕕᑦ ᐅᕙᓐᓄᑦ, ᑍᒃᑯᐊ ᐃᑎᕐᓵᓗᖕᒧᑦ ᑲᑕᒃᑐᑦ ᐊᑦᔨᒋᓂᐊᕐᐸᒃᑲ.

ᐃᓐᖏᕈᑎᑦ 30:7

ᐊᑕᓃᖅ, ᖁᕕᐊᒋᒐᕕᖓ, ᖃᖅᑲᖁᑎᒐ ᓇᐸᑎᑉᐸᑦ ᓴᓐᖏᔫᓪᓗᓂ; ᑮᓇᕐᐱᓪᓕ ᐊᓚᕐᒪᖓ ᐃᓱᒪᔮᓚᐅᕐᐳᖓ.

ᐃᓐᖏᕈᑎᑦ 69:3

ᑕᖃᓯᒪᓕᕐᐳᖓ ᕿᐊᓂᕐᒧᑦ; ᐃᒡᒋᐊᕋᓗ ᐸᓂᓕᕐᓗᓂ. ᐃᔩᒃᑲᒃ ᐅᐃᑕᓂᖅ ᐊᔪᓕᕐᒪᑎᒃ, ᒎᑎᓐᓂᒃ ᕿᓂᕐᓂᕐᒧᑦ.

ᐃᓐᖏᕈᑎᑦ 77:3

ᒎᑎ ᐃᖅᑲᓚᐅᕐᐸᕋ, ᕿᒃᓵᒃᑎᓪᓗᖓ; ᐃᓱᒪᒃᓴᕐᓯᐅᕐᑎᓪᓗᖓ, ᐊᓂᕐᓂᕋ ᓴᓐᖐᓕᓚᐅᕐᐳᖅ. ᓰᓚ

ᐃᓐᖏᕈᑎᑦ 80:4

ᐊᑕᓃᖅ ᒎᑏ ᖁᑦᓯᒃᑐᒦᑦᑐᑎᑦ, ᖃᓄᖅ ᐊᑯᓂᐅᑎᒋᔪᖅ ᓂᓐᖓᐅᒪᑦᔪᑎᖃᕐᓂᐊᕐᐲᑦ? ᐃᓄᖁᑎᕕᑦ ᑐᒃᓯᐊᕐᓂᖏᓐᓂᒃ?

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:28

ᑕᕝᕙ ᐅᕙᓐᓄᑦ ᓂᓪᓕᐊᓕᕈᒫᕐᐳᑎᑦ, ᑭᓯᐊᓂᓕ ᑭᐅᑦᔮᓐᖏᓚᖓ; ᐊᒃᓱᕈᕐᓗᑎᑦ ᐅᕙᓐᓂᒃ ᕿᓂᓕᕈᒫᕐᐳᑎᑦ ᓇᓂᔭᐅᓂᐊᓐᖏᓚᖓᓕ.

ᓲᓗᒨᓂᐅᑉ ᐃᓐᖏᕈᓯᖏᑦ 5:2

ᓯᓂᓚᐅᕐᐳᖓ ᐆᒻᒪᑎᒐᓕ ᓯᓂᓚᐅᓐᖏᓚᖅ. ᓇᒡᓕᒋᔭᕋ ᐅᒃᑯᐊᓐᓂ ᐊᕕᓗᕐᑕᕐᑐᖅ, “ᐅᒃᑯᐃᕈᑎᓐᖓ, ᓇᔭᒐ, ᓇᒡᓕᒋᔭᕋ, ᑑᕕᖁᑎᒐ, ᑕᒤᑎᒍᑦ ᓈᒻᒪᑦᓯᐊᕐᑐᖁᑎᒐ; ᓂᐊᖁᕋ ᒪᓴᒃᓯᒪᖕᒪᑦ ᓯᓚᐅᑉ ᕿᐅᒃᑲᖓᓂᖓᓄᑦ, ᓄᔭᒃᑲ ᐅᓐᓄᐊᑉ ᖃᐅᓯᕐᓂᖓᓄᑦ ᐃᑦᑎᖃᓕᕐᒪᑕ.”

ᓲᓗᒨᓂᐅᑉ ᐃᓐᖏᕈᓯᖏᑦ 5:4

ᓇᒡᓕᒋᔨᒪ ᐅᑯᐊᑉ ᐊᖕᒪᔪᖓ ᐊᒡᒐᒥᓄᑦ ᑲᐅᖕᒪᒍ, ᐃᓗᒪ ᐃᑎᓂᕐᐹᖓᓄᑦ ᐅᖓᒋᓕᕐᐸᕋ.

ᓲᓗᒨᓂᐅᑉ ᐃᓐᖏᕈᓯᖏᑦ 6:1

ᓇᒡᓕᒋᔧᑦ ᓇᒧᓐᖓᕐᓯᒪᖕᒫᑦ? ᐊᕐᓇᓂᑦ ᐱᐅᓂᕐᐹᖑᔪᑎᑦ, ᓇᒡᓕᒋᔧᑦ ᓇᒧᓐᖓᐅᓐᓂᕐᒪᑦ? ᕿᓂᕆᐊᖃᑎᒋᔪᒪᒐᑦᑎᒋᑦ.

ᐂᓮᐊᓯᐅᑉ ᐊᒡᓚᖏᑦ 12:1

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐅᖃᕈᒫᕐᐳᓯ: “ᐊᑕᓃᖅ, ᓂᕐᑐᕐᓂᐊᕐᐸᒋᑦ; ᐅᕙᑦᑎᓐᓄᑦ ᓂᓐᖓᐅᒪᓚᐅᕋᓗᐊᕋᕕᑦ, ᑕᕝᕙ ᓂᓐᖓᐅᒪᓃᑦ ᓴᖑᓚᐅᕐᒪᑦ, ᓮᒻᒪᕐᑎᓚᐅᕐᐸᑦᑎᒍᓪᓗ.

ᐂᓮᐊᓯᐅᑉ ᐊᒡᓚᖏᑦ 50:2

ᓱᖕᒪᑦ, ᐃᓄᖁᑎᒃᑲ ᑎᑭᓐᓇᒃᑭᑦ ᐊᖑᑎᑕᖃᓚᐅᓐᖏᓚᑦ? ᓱᖕᒪᓪᓗ ᓂᓪᓕᐊᑎᓪᓗᖓ ᑭᐅᔪᖃᓚᐅᓐᖏᓚᖅ? ᑕᓕᕋ ᓁᓗᐊᓕᕐᐹ ᐱᐅᓕᓯᔭᕆᐊᒥᒃ ᑎᑭᐅᑎᔪᓐᓁᓪᓕᕚ? ᓴᐳᑦᔨᓇᓱᒋᐊᒥᒃ ᐱᔪᓐᓇᕐᓂᖃᕈᓐᓃᕐᐳᖔ? ᑕᑯᒋᑦ, ᐃᓂᕐᑎᕆᒐᒪ ᐃᒪᕐᔪᐊᖅ ᐃᒤᕐᑎᑉᐸᕋ, ᑰᓪᓗ ᓴᓗᐊᕐᐳᑦ, ᐃᒪᖃᓐᖏᓗᐊᒧᑦ ᐃᖃᓗᐃᑦ ᒪᒤᓕᕗᑦ, ᓴᓗᐊᕋᒥᒡᓗ ᑐᖁᕋᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 57:16

ᐸᓯᒃᓯᓂᐊᓐᖏᓚᖓ ᑕᐅᕗᖓᓕᒫᖅ, ᓂᓐᖓᐅᒤᓐᓇᕐᓂᐊᕐᓇᖓᓗ; ᐃᓅᑉ ᐊᓂᕐᓂᖓ ᓵᓐᓂ ᐊᔪᓕᖁᓇᒍ, ᑕᕐᓂᖏᓪᓗ ᓴᓇᓚᐅᕋᒃᑭᑦ.

ᐂᓮᐊᓯᐅᑉ ᐊᒡᓚᖏᑦ 58:2

ᖃᐅᑕᒫᑦ ᐅᕙᓐᓂᒃ ᕿᓂᕋᓗᐊᕐᐳᑦ, ᐊᖅᑯᑎᓐᓂᒡᓗ ᖃᐅᔨᔪᒪᑦᓯᐊᕐᓗᑎᒃ, ᐃᓅᖃᑎᒌᒡᔪᐊᖑᓪᓗᑎᒃ ᓲᕐᓗ ᓇᓛᒎᕐᑐᒥᒃ ᐃᓕᖅᑯᓯᓕᒃᑎᑐᑦ, ᒎᑎᖓᑦᑕ ᐱᖁᔭᖏᓐᓂᒃ ᒪᓕᑦᓯᐊᖏᓐᓇᕐᑐᑎᑐᑦ, ᓈᒻᒪᑦᓯᐊᕐᑐᒥᒡᓗ ᑐᑭᑖᕐᑎᑕᐅᔪᒪᕗᑦ, ᒎᑎᒧᑦ ᖃᓂᒋᔭᐅᔪᒪᓪᓗᑎᒃ.”

ᐂᓮᐊᓯᐅᑉ ᐊᒡᓚᖏᑦ 8:17

ᐅᕙᖓᓕ ᐊᑕᓂᕐᒥᒃ ᐅᑕᖅᑭᓂᐊᕐᐳᖓ, ᑖᑦᓱᒪ ᑮᓇᓂ ᐃᔨᕐᓯᒪᖕᒪᒍ ᔧᑰᑉ ᑭᖑᕚᖏᓐᓄᑦ; ᓂᕆᐅᒡᕕᒋᓂᐊᕐᐸᕋᓗ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:8

ᑐᒃᓯᐊᕋᓗᐊᕋᒪ ᐃᑲᔪᕐᑕᐅᔪᒪᓪᓗᖓ, ᑐᒃᓯᐊᕐᓂᕋ ᒪᑐᕚ.

ᕼᐆᓯᐊᑉ ᐊᒡᓚᖏᑦ 5:15

“ᐃᓄᖁᑎᒃᑲ ᕿᒪᒃᓯᒪᓂᐊᕐᐸᒃᑲ ᐸᓯᔭᒃᓴᐅᓂᕐᒥᖕᓂᒃ ᖃᐅᔨᓚᐅᖏᓐᓂᖏᓐᓂ ᐅᕙᓐᓂᒡᓗ ᕿᓂᓕᓚᐅᖏᓐᓂᖏᓐᓂ, ᐃᒻᒪᖄᓕ ᐊᒃᓱᕈᓕᕈᑎᒃ ᐅᕙᓐᓂᒃ ᕿᓂᓕᕈᒫᕐᐳᑦ.”

ᕼᐆᓯᐊᑉ ᐊᒡᓚᖏᑦ 5:6

ᓰᐱᖁᑎᒥᖕᓂᒃ ᐆᒪᔪᖁᑎᒥᖕᓂᒡᓗ ᐂᑦᑐᐃᕗᑦ ᑐᓂᕐᕈᓯᕐᓗᑎᒃ ᐊᑕᓂᕐᒧᑦ, ᓇᒡᕚᕐᓂᐊᓐᖏᓚᓪᓕ ᑖᑦᓱᒥᖓ; ᑖᑦᓱᒪ ᕿᒪᒃᓯᒪᓕᕐᒪᒋᑦ.

ᓴᑲᕅᐊᐅᑉ ᐊᒡᓚᖏᑦ 7:13

ᐊᑕᓂᖅ ᐊᔪᒐᖃᖏᑦᑐᖅ ᐅᖃᕐᐳᖅ, “ᓂᓪᓕᐊᒐᒪ ᓈᓚᒍᒪᓚᐅᖏᓚᑦ, ᑍᒤᒻᒪᑦ ᓂᓪᓕᐊᒐᓗᐊᕐᒪᑕ ᐅᕙᓐᓄᑦ ᓈᓚᒍᒪᓚᐅᓐᖏᓚᒃᑲ.

ᒫᑎᐅᓯᐅᑉ ᐊᒡᓚᖏᑦ 26:75

ᐲᑦᑐᕉᓯ ᐃᖅᑬᓕᕐᐳᖅ ᔩᓱᓯᐅᑉ ᐅᖃᐅᑎᓚᐅᕐᒪᒍ, “ᐊᖑᑎᕕᐊᖅ ᓂᓪᓕᖅᑳᕐᑎᓐᓇᒍ, ᐱᖓᓱᐃᕐᑐᕐᓗᑎᑦ ᖃᐅᔨᒪᖏᓐᓂᕋᓛᕐᐸᕐᒪ.” ᐲᑦᑐᕉᓯ ᑕᕝᕙᓐᖓᑦ ᐊᓂᓪᓗᓂ, ᕿᐊᕕᒡᔪᐊᓕᕐᐳᖅ ᐅᒡᒍᐊᕐᓂᕐᒧᑦ.

ᒫᑯᓯᐅᑉ ᐊᒡᓚᖏᑦ 14:72

ᑕᕝᕔᓐᓇᖅ ᐊᖑᑎᕕᐊᖅ ᓂᓪᓕᕐᐳᖅ ᐂᑉᐸᖓᓂᒃ, ᐲᑦᑐᕉᓯ ᑕᕝᕙ ᐃᖅᑬᕗᖅ ᔩᓱᓯᐅᑉ ᐅᖃᐅᑎᓚᐅᕐᒪᒍ, “ᐊᖑᑎᕕᐊᖅ ᒪᕐᕈᐃᕐᑐᕐᓗᓂ ᓂᓪᓕᖅᑳᕐᑎᓐᓇᒍ, ᐱᖓᓱᐃᕐᑐᕐᓗᑎᑦ ᖃᐅᔨᒪᖏᓐᓂᕋᓛᕐᐸᕐᒪ.” ᐲᑦᑐᕉᓯ ᐃᓗᐃᓪᓕᒐᒥ ᕿᐊᕗᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:19

ᓇᒡᓕᒋᔭᒃᑲ ᐃᓂᕐᑎᕐᓗᒋᑦ ᓱᒋᐊᖃᑦᑕᕐᐸᒃᑲ; ᑍᒤᒻᒪᑦ ᑲᑦᓱᖕᒊᓪᓗᑎᑦ ᖃᕿᐊᓕᕆᑦ.

ᓴᒧᐃᓕ ᓯᕗᓪᓖᑦ 28:6

ᑍᒤᒻᒪᑦ ᓴᐅᓕ ᐊᑕᓂᕐᒥᒃ ᐊᐱᕆᓚᐅᕐᐳᖅ ᓱᔪᒃᓴᐅᖕᒪᖔᕐᒥ, ᐊᑕᓂᐅᓪᓕ ᑭᐅᓚᐅᓐᖏᓛ, ᓯᓐᓇᒃᑐᕐᓂᒃᑯᑦ, ᓇᓚᐅᑦᓵᕈᑎᒃᑯᓪᓘᓐᓃᑦ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑎᒍᓪᓘᓐᓃᑦ.