ᓲᓗᒨᓂᐅᑉ ᐃᓐᖏᕈᓯᖏᑦ 5:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᓯᓂᓚᐅᕐᐳᖓ ᐆᒻᒪᑎᒐᓕ ᓯᓂᓚᐅᓐᖏᓚᖅ. ᓇᒡᓕᒋᔭᕋ ᐅᒃᑯᐊᓐᓂ ᐊᕕᓗᕐᑕᕐᑐᖅ, “ᐅᒃᑯᐃᕈᑎᓐᖓ, ᓇᔭᒐ, ᓇᒡᓕᒋᔭᕋ, ᑑᕕᖁᑎᒐ, ᑕᒤᑎᒍᑦ ᓈᒻᒪᑦᓯᐊᕐᑐᖁᑎᒐ; ᓂᐊᖁᕋ ᒪᓴᒃᓯᒪᖕᒪᑦ ᓯᓚᐅᑉ ᕿᐅᒃᑲᖓᓂᖓᓄᑦ, ᓄᔭᒃᑲ ᐅᓐᓄᐊᑉ ᖃᐅᓯᕐᓂᖓᓄᑦ ᐃᑦᑎᖃᓕᕐᒪᑕ.”

ᓲᓗᒨᓂᐅᑉ ᐃᓐᖏᕈᓯᖏᑦ 5:2 Iomraidhean Croise

ᒨᓯᓯ ᓯᕗᓪᓖᑦ 29:20

ᑕᕝᕙ ᔧᑯ ᐊᕐᕌᒍᓂᒃ 7ᓂᒃ ᐱᔨᑦᓯᓚᐅᕐᐳᖅ ᕅᒋᓕᒥᒃ ᐱᔪᒪᓪᓗᓂ, ᐅᓪᓗᐃᓪᓗ ᐅᓄᖏᑦᑐᑯᓗᒃᑎᑐᑦ ᐃᓱᒪᒋᓚᐅᕐᐰᑦ ᕅᒋᓕ ᓇᒡᓕᒋᒐᒥᐅᒃ.

ᐃᓐᖏᕈᑎᑦ 119:1

ᑐᓱᓐᓇᕐᐳᑦ ᐸᓯᔭᒃᓴᐅᖏᑦᑐᒥᒃ ᐃᓅᓯᖃᕐᑐᑦ, ᐃᓅᔪᑦ ᐊᑕᓂᐅᑉ ᐱᖁᔭᖏᑦ ᒪᓕᒡᓗᒋᑦ.

ᐃᓐᖏᕈᑎᑦ 81:10

ᐅᕙᖓ ᐊᑕᓂᐅᕗᖓ ᒎᑏᑦ, ᐃᓕᖕᓂᒃ ᐊᐅᓪᓚᕐᑎᑦᓯᓚᐅᕐᑐᖅ ᓄᓇᒥᑦ ᐄᑦᔨᑉᑎᒥᑦ; ᐂᑦᑕᕖᓐᖓᓚᐅᕆᑦ, ᑕᕝᕙ ᖃᓃᑦ ᑕᑕᑎᓐᓂᐊᕐᐸᕋ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:26

ᐃᕐᓃᒃ, ᐆᒻᒪᑏᑦ ᐅᕙᓐᓄᑦ ᑐᓂᒍᒃ, ᐃᔨᖕᓄᓪᓗ ᐱᓂᐊᕐᓂᒃᑲ ᐅᑦᔨᕆᓗᒋᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 1:16

ᑕᑯᒋᑦ, ᓇᒡᓕᒋᔮᒃ, ᐱᐅᒋᒻᒪᕆᒃᐸᒋᑦ! ᐱᐅᔪᐊᓘᒐᕕᑦ, ᓇᓚᕕᑦᑕᓗ ᐃᕕᖏᑦ ᑐᖑᔪᑦᓯᐊᕐᓗᑎᒃ;

ᓲᓗᒨᓂᐅᑉ ᐃᓐᖏᕈᓯᖏᑦ 2:10

ᐅᖓᒋᔨᒐ ᓂᓪᓕᕋᒥ ᐅᖃᕐᕕᒋᕚᖓ. “ᕾᓕᕆᑦ ᓇᒡᓕᒋᔮᒃ, ᐱᐅᒋᔮᒃ ᕾᓗᑎᑦ ᒪᓕᓐᖓ;

ᓲᓗᒨᓂᐅᑉ ᐃᓐᖏᕈᓯᖏᑦ 2:14

ᑑᕕᖁᑏᒃ, ᕾᕐᑑᑉ ᖁᖕᓈᕈᖏᓐᓂ ᐃᓂᖃᕐᑐᑎᑦ, ᕾᕐᑑᑉ ᐃᔨᕐᓯᒪᕕᖏᓐᓂ, ᑮᓁᑦ ᑕᑯᓚᐅᕐᓚᒍ, ᓂᐲᓪᓗ ᑐᓴᕐᓚᒍ, ᑐᓴᕐᓂᕐᒪᑦ, ᐃᓂᖁᓇᕐᑐᐊᓘᓪᓗᑎᓪᓗ.

ᓲᓗᒨᓂᐅᑉ ᐃᓐᖏᕈᓯᖏᑦ 2:8

ᐅᖓᒋᔨᒪ ᓂᐱᖓ ᑐᓴᕐᐸᕋ. ᑕᑯᒋᑦ ᕾᕗᖅ, ᐊᓪᓗᖃᕐᑕᕐᓗᓂ ᖃᖅᑬᑦ ᖄᖏᑎᒍᑦ, ᐱᖑᐃᓪᓗ ᖄᖏᑎᒍᑦ ᕿᒡᒋᖃᕐᑕᕐᓗᓂ.

ᓲᓗᒨᓂᐅᑉ ᐃᓐᖏᕈᓯᖏᑦ 3:1

ᐅᓐᓄᒃᑯᑦ ᐃᒡᓕᓐᓃᓪᓗᖓ, ᐅᖓᔭᕋ ᕿᓂᓚᐅᕐᐸᕋ; ᕿᓂᕋᓗᐊᕐᓗᒍ ᓇᓂᓚᐅᓐᖏᓚᕋ; ᕾᖁᒐᓗᐊᕋᒃᑯ ᑭᐅᓚᐅᓐᖏᓚᖅ.

ᓲᓗᒨᓂᐅᑉ ᐃᓐᖏᕈᓯᖏᑦ 4:7

ᓇᒡᓕᒋᔮᒃ, ᐊᒃᓱᐊᓗᒃ ᐃᓂᖁᓇᕋᕕᑦ, ᓇᐅᒃᑯᑐᐃᓇᖅ ᓇᕐᕈᓇᕐᓂᖃᓐᖏᓚᑎᑦ!

ᓲᓗᒨᓂᐅᑉ ᐃᓐᖏᕈᓯᖏᑦ 4:9

ᐆᒻᒪᑎᒐ ᐊᐅᓚᑦᔭᒃᓯᒪᒐᕕᐅᒃ, ᓇᔮᒃ, ᓄᓕᐊᒃᓵᒃ; ᐆᒻᒪᑎᒐ ᐊᐅᓚᑦᔭᒃᑎᓯᒪᒐᕕᐅᒃ ᑕᑯᓴᕐᓂᑐᐃᓐᓇᕐᓄᑦ, ᐅᔭᒥᒃᐱᓪᓗ ᐱᐅᓴᐅᑎᖓᑕ ᐃᓚᖓᓐᓄᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 5:11

ᓂᐊᖁᖓ ᒎᓗᑎᑐᑦ ᐱᐅᓂᕐᐹᑎᑐᑦ ᑍᒤᑉᐳᖅ; ᓄᔭᖏᓪᓗ ᐃᕿᓱᓕᕈᔫᕗᑦ, ᑐᓗᒐᕐᑎᑐᑦ ᕿᕐᓂᕐᑕᐅᓪᓗᑎᒃ.

ᓲᓗᒨᓂᐅᑉ ᐃᓐᖏᕈᓯᖏᑦ 5:6

ᓇᒡᓕᒋᔨᒐ ᐅᒃᑯᐃᕈᑎᒐᒃᑯ, ᕿᒪᕉᑎᔭᕇᕐᓂᕋᒥ ᑕᒫᓃᓐᖏᓚᖅ. ᓄᑮᕐᔫᒥᓚᐅᕐᐳᖓ ᓂᐱᖓ ᑐᓴᕈᒪᒐᓗᐊᕐᓗᒍ. ᕿᓂᓚᐅᕋᓗᐊᕐᐸᕋ ᓇᓂᓇᒍᓗ; ᕾᒐᓛᕋᓗᐊᕋᒃᑯ, ᑭᐅᓚᐅᓐᖏᓛᖓ.

ᓲᓗᒨᓂᐅᑉ ᐃᓐᖏᕈᓯᖏᑦ 6:9

ᑑᕕᖁᑎᒐᓕ, ᓈᒻᒪᑦᓯᐊᕐᑐᑐᐊᖁᑎᒐ, ᑖᓐᓇᑑᓪᓗᓂ ᐊᓯᖃᓐᖏᓚᖅ, ᐊᓈᓇᖓᑕ ᓇᒡᓕᒋᔭᖓ, ᑖᑦᓱᒥᖓ ᐃᕐᓂᓚᐅᕐᑑᑉ ᐱᓐᓇᕆᔭᖓ, ᐊᕐᓁᑦ ᑕᑯᒐᒥᑦᔪᒃ ᓮᒻᒪᕐᑎᑕᐅᓯᒪᓂᕋᕐᐹᑦ, ᐊᖓᔪᖅᑳᕐᔪᐊᓪᓗ ᓄᓕᐊᖏᑕ ᐊᕐᓇᖁᑎᖏᑕᓗ ᐅᐱᒋᕚᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 7:9

ᖃᓂᕐᓂᑦ ᕔᓂ ᒪᒪᕐᓂᕐᐹᖅ ᐱᕗᖅ. ᓇᒡᓕᒋᔭᕋ, ᕔᓂᒥᒃ ᒪᒪᕐᑐᒥᒃ ᐃᒥᕐᓕ, ᑯᕕᓗᓂᓗ ᖃᓂᖓᓄᑦ ᑭᒍᑎᖏᑎᒍᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 8:7

ᐃᒪᕐᔪᐃᑦ ᐅᓄᕐᑐᑦ ᓇᒡᓕᖕᓂᖅ ᖃᒥᑦᓱᓐᓇᖏᓛᑦ, ᓄᓇᐅᓪᓘᓐᓃᑦ ᖄᒥᓐᓂᖓᑕ ᐃᐱᑎᑦᓱᓇᖏᓐᓂᕚᑦ. ᐊᖑᑦ ᐃᒡᓗᒥ ᐱᖁᑎᖏᓐᓂᒃ ᑐᓂᓯᒐᓗᐊᕐᐸᑦ ᓇᒡᓕᖕᓂᖅ ᐱᑦᔪᑎᒋᓗᒍ, ᑕᒪᓐᓇ ᐊᑐᕋᔭᖏᑦᓯᐊᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 50:6

ᐋᓐᓂᕐᓯᕆᔪᓄᑦ ᑐᓄᒐ ᒪᓂᕙᕋ, ᐅᓗᐊᒃᑲᒡᓗ ᒪᓂᓪᓗᒋᒃ ᐅᒥᓐᓂᒃ ᓄᓲᕅᔪᓄᑦ; ᑮᓇᕋᓗ ᑕᓕᑎᓚᐅᓐᖏᓚᕋ ᒥᑕᐅᑎᖃᕐᑐᓄᑦ ᑎᕝᕗᓗᒃᑐᓄᓪᓗ.

ᐂᓮᐊᓯᐅᑉ ᐊᒡᓚᖏᑦ 52:14

ᑍᒫᒃᑕᐅᖅ ᐅᓄᕐᑐᓄᑦ ᑕᑕᒥᓂᐊᕈᑕᐅᓚᐅᕐᐳᖅ, ᑮᓇᖓᑕ ᑕᐅᑦᑐᐊ ᐊᓯᑦᔨᕐᑕᐅᓚᐅᕐᒪᑦ ᐃᓅᑉ ᑕᐅᑦᑐᕆᕙᒃᑕᖓᑐᑦ ᑍᒤᑦᓱᓐᓃᕐᓗᓂ, ᐃᓅᓂᖓᑕᓗ ᑕᐅᑦᑐᐊ ᐃᓅᑉ ᐃᕐᓂᖏᑎᑐᑦ ᑍᒤᑦᓱᓐᓃᓚᐅᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 8:18

ᐅᖃᓪᓚᒃᑎᓪᓗᒍ, ᐃᑎᔪᒥᒃ ᓯᓂᓕᓚᐅᕐᐳᖓ, ᑮᓇᕋ ᒪᓂᖅᑲᒧᑦ ᑐᓐᖓᓪᓗᓂ: ᑖᑦᓱᒪ ᐊᒃᑐᕐᐹᖓ ᓂᑯᕕᑎᓪᓗᖓᓗ.”

ᓴᑲᕅᐊᐅᑉ ᐊᒡᓚᖏᑦ 4:1

ᐂᖏᓕᓗ ᐅᕙᓐᓄᑦ ᐅᖃᓪᓚᓚᐅᕐᑐᖅ ᕾᒋᕗᖅ, ᑐᐹᕐᐸᖓᓗ ᓯᓂᒃᑐᕕᓂᐅᔮᕐᑎᓪᓗᖓ.

ᒫᑎᐅᓯᐅᑉ ᐊᒡᓚᖏᑦ 7:8

ᑐᒃᓯᐊᕐᑐᑦ ᑕᒪᕐᒥᒃ ᑐᓂᓯᕕᐅᒐᔭᕐᐳᑦ; ᕿᓂᕐᑐᓪᓗ ᓇᓂᓯᒐᔭᕐᐳᑦ; ᑎᒡᓗᒃᑐᕐᑐᓪᓗ ᒪᑐᐃᕈᑦᔭᐅᒐᔭᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 8:17

ᑕᒪᓐᓇ ᔩᓱᓯᐅᑉ ᐱᓂᐊᕐᓂᕆᓚᐅᕐᐹ, ᓇᓚᐅᑦᑍᔫᑉ ᐂᓮᐊᓯᐅᑉ ᐅᖃᐅᓯᕆᓚᐅᕐᑕᖏᑦ ᓇᓚᐅᑦᓯᓕᖁᓪᓗᒋᑦ ᐃᒤᓕᔪᑦ: “ᑖᑦᓱᒪ ᖃᓂᒻᒪᓯᕗᑦ ᑎᒍᕔᑦ, ᐋᓐᓂᐊᕈᑎᒋᔭᕗᓪᓗ ᐊᐅᓪᓚᕈᑎᓪᓗᒋᑦ.”

ᒫᑯᓯᐅᑉ ᐊᒡᓚᖏᑦ 1:35

ᐅᓪᓛᒻᒪᕆᒃᑯᑦ ᖃᐅᒻᒪᓚᐅᕐᑎᓐᓇᒍ ᓱᓕ, ᔩᓱᓯ ᒪᑭᑉᐳᖅ ᐊᓂᓪᓗᓂ ᐃᒡᓗᒥᑦ ᐃᓄᖃᖏᑦᑐᒧᐊᕐᐳᖅ ᐃᓄᑑᓪᓗᓂ, ᑕᕝᕙᓂ ᑐᒃᓯᐊᕐᐳᖅ.

ᓘᑲᓯᐅᑉ ᐊᒡᓚᖏᑦ 22:44

ᐅᖁᒤᒃᓴᓗᐊᓕᕋᒥ ᐊᒃᓱᕈᕐᓂᕐᓴᐅᓪᓗᓂ ᑐᒃᓯᐊᓕᕐᐳᖅ, ᐊᐅᒃᑲᕐᓂᖓᓕᕐᓗᓂ ᐊᐅᒃᑎᑐᑦ ᑯᑐᒃᑐᓂᒃ ᓄᓇᒧᑦ.

ᓘᑲᓯᐅᑉ ᐊᒡᓚᖏᑦ 6:12

ᐅᓪᓗᓂ ᑖᒃᑯᓇᓂ ᔩᓱᓯ ᖃᖅᑲᒧᑦ ᒪᔪᐊᕐᐳᖅ ᑐᒃᓯᐊᕆᐊᕐᑐᕐᓗᓂ; ᐅᓐᓄᐊᖅ ᓈᓪᓗᒍ ᑕᕝᕙᓂ ᑐᒃᓯᐊᕐᐳᖅ ᒎᑎᒧᑦ.

ᓘᑲᓯᐅᑉ ᐊᒡᓚᖏᑦ 9:32

ᐲᑦᑐᕉᓯ ᐃᓚᖏᓪᓗ ᐅᐃᕐᖓᕐᓂᕐᒧᑦ ᓯᓂᓚᐅᕐᐳᑦ, ᐃᖅᑯᒻᒪᕋᒥᒃ ᔩᓱᓯᐅᑉ ᓂᕐᑐᕐᓇᕐᓂᕐᔪᐊᖓ ᑕᑯᕚᑦ ᐊᖑᑏᒡᓗ ᒪᕐᕉᒃ ᓇᖏᖃᑎᒋᔭᖏᒃ.

ᔪᐊᓇᓯᐅᑉ ᐊᒡᓚᖏᑦ 10:4

ᐊᓂᖃᑎᒋᔭᕇᕋᒥᒋᑦ ᓯᕗᓕᕐᐰᑦ, ᓯᐲᓪᓗ ᒪᓕᒃᐹᑦ, ᓂᐱᖓ ᐃᓕᑕᕆᐅᒪᒐᒥᑦᔪᒃ.

ᒐᓔᑎᐊᒥᐅᓄᑦ 2:20

ᐅᕙᖓ ᐃᓅᔪᓐᓃᕐᐳᖓ, ᙭ᔅᑑᓯᓕ ᐅᕙᓐᓂ ᐃᓅᓕᕐᐳᖅ. ᒫᓐᓇ ᑎᒥᓐᓂ ᐃᓅᓯᕋ, ᐅᒃᐱᕐᓂᒃᑯᑦ ᐃᓅᓕᕐᐳᖓ ᒎᑎᐅᑉ ᐃᕐᓂᖓᓄᑦ, ᑖᑦᓱᒪ ᓇᒡᓕᒋᒐᒥᖓ ᐃᓅᓯᓂ ᑐᓂᓚᐅᕐᐹ ᐱᑦᔪᑎᒋᓪᓗᖓ.

ᐃᐱᓯᒥᐅᓄᑦ 5:14

ᑍᒤᒻᒪᑦ ᐅᖃᕐᓯᒪᔪᖃᕐᐳᖅ, “ᑐᐸᓕᕆᑦ, ᓯᓂᒃᑐᑎᑦ, ᒪᑭᓪᓗᑎᓪᓗ ᑐᖁᖓᔪᓂᑦ, ᑕᕝᕙ ᙭ᔅᑑᓯᐅᑉ ᖃᐅᒻᒪᒃᕕᒋᓂᐊᕐᐹᑎᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:4

ᑖᒃᑯᐊᓗ ᐃᒻᒥᖕᓂᒃ ᓴᓗᒤᓕᑎᓚᐅᓐᖏᓚᑦ ᐊᕐᓇᓂᒃ ᓄᓕᐊᕐᓂᕐᒧᑦ, ᐃᒻᒥᖕᓂᒃ ᐊᕐᓇᒥᒃ ᐃᓐᓇᖓᖃᑎᖃᓚᐅᕐᓯᒪᓐᖏᓐᓇᒥᒃ; ᓄᕐᕋᐅᔭᖅ ᒪᓕᖃᑦᑕᕐᐹᑦ ᓇᒧᑐᐃᓐᓇᖅ ᐂᓕᕌᖓᑦ; ᑖᒃᑯᐊ ᐊᑭᓕᕐᑕᐅᓪᓗᑎᒃ ᐅᑎᕐᑎᑕᐅᓯᒪᕗᑦ ᐃᓅᖃᑎᓕᒫᒥᖕᓂᑦ ᓯᕗᓪᓕᕐᐹᖑᕗᑦ ᒎᑎᒧᑦ ᓄᕐᕋᐅᔭᕐᒧᓪᓗ ᑐᓂᕐᕈᑕᐅᓯᒪᔪᓂᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:20

ᑕᑯᒋᑦ, ᒪᑐᒦᑉᐳᖓ ᑎᒡᓗᒃᑐᕐᓗᖓᓗ, ᓂᐱᓐᓂᒃ ᑐᓴᕐᑐᖃᕐᐸᑦ ᒪᑐᐃᕈᑦᔭᐅᒍᒪ, ᑕᑦᓱᒧᖓ ᐃᑎᕐᓂᐊᕐᐳᖓ ᓂᕆᖃᑎᒋᓂᐊᕐᐸᕋ, ᑖᑦᓱᒪᓗ ᓂᕆᖃᑎᒋᓗᓂᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:4

ᓵᕐᑏᓯᒥᐅᓪᓕ ᐃᓚᖏᑦ ᐅᓄᖏᑦᑐᑦ ᐊᓐᓄᕌᒥᖕᓂᒃ ᓴᓗᒪᔪᓐᓃᕐᑎᑦᓯᓯᒪᓐᖏᓚᑦ, ᑖᒃᑯᐊ ᐱᓱᖃᑎᒋᔪᒫᕐᐹᖓ ᖃᖁᕐᑕᒥᒃ ᐊᓐᓄᕌᕐᓯᒪᓗᑎᒃ, ᑍᒤᑦᑐᒥᒃ ᐊᓐᓄᕌᕐᑎᑕᐅᓂᕐᒥᒃ ᐱᔪᓐᓇᕐᓯᖕᒪᑕ.