ᓲᓗᒨᓂᐅᑉ ᐃᓐᖏᕈᓯᖏᑦ 5:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᑕᓕᖏᒃ ᒎᓗᑎᑐᑦ ᐊᓂᖓᑦᓯᐊᕐᑎᒋᕘᒃ, ᐅᔭᕋᖕᓂᒃ ᐱᐅᔪᓂᒃ ᑕᕐᓴᖃᐅᕐᓗᑎᒃ, ᑎᒥᖓ ᑑᒑᕐᑎᑐᑦ ᕾᕋᑦᑐᑎᑐᑦ ᑍᒤᑉᐳᖅ, ᐅᔭᕋᖕᓂᒃ ᓴᕔᕆᓂᒃ ᑕᕐᓴᖃᐅᕐᓗᑎᒃ.

ᓲᓗᒨᓂᐅᑉ ᐃᓐᖏᕈᓯᖏᑦ 5:14 Iomraidhean Croise

ᔫᐱᐅᑉ ᐊᒡᓚᖏᑦ 28:16

ᓇᓪᓕᕐᑕᐅᔪᓐᓇᓐᖏᓚᖅ ᒎᓗᒧᑦ ᐅᐱᕼᐃᒥᐅᑕᒧᑦ ᑕᑯᒥᓇᕐᑐᓄᓪᓗ, ᐊᑭᑐᔪᓄᑦ ᐅᓂᒃᓯᓄᑦ ᓴᐰᕆᓄᓪᓗ ᓇᓪᓕᕐᑕᐅᔪᓐᓇᖏᓐᓂᕗᖅ.

ᐃᓐᖏᕈᑎᑦ 99:4

ᐊᖓᔪᖅᑳᕐᔪᐊᖅ ᐊᔪᖏᑦᑐᕐᔪᐊᖑᔪᑎᑦ ᓇᒡᓕᒋᔭᖃᕐᐳᑎᑦ ᓈᒻᒪᓈᕐᓯᒪᔪᒥᒃ; ᐋᖅᑭᒃᓯᓯᒪᕗᑎᑦ ᑍᒤᓪᓘᐊᕇᒃᑎᑦᓯᓂᕐᒥᒃ; ᓈᒻᒪᓈᕐᓯᒪᔪᒥᒃ ᐃᓱᐊᕐᑐᓕᓂᕐᒥᒡᓗ ᐋᖅᑭᒃᓯᕗᑎᑦ ᔧᑯᒃᑯᓐᓂ.

ᒨᓯᓯ ᐂᑉᐸᖏᑦ 15:6

ᐊᑕᓃᖅ ᐊᒡᒐᑎᑦ ᑕᓕᕐᐲᑦ, ᐱᔪᓐᓇᕐᓂᕐᔪᐊᖃᕐᐳᑦ, ᐊᑕᓃᖅ ᐊᒡᒐᑎᑦ ᑕᓕᕐᐲᑦ, ᐊᑭᕋᕐᑐᕐᑎᓂᒃ ᓯᖁᒥᑦᑎᕗᑦ.

ᒨᓯᓯ ᐂᑉᐸᖏᑦ 24:10

ᑖᒃᑯᐊᓗ ᑕᑯᕚᑦ ᐃᓴᕆᐊᓕᒥᐅᑦ ᒎᑎᖓᑦ; ᑖᑦᓱᒪᓗ ᐃᑎᒐᖏᑕ ᐊᑖᒍᑦ ᐅᔭᕋᒃᑕᖃᕐᐳᖅ ᓴᓇᓯᒪᔫᔮᕐᑐᒥᒃ ᓴᐰᕋᑎᑐᑦ ᑕᑯᒥᓇᕐᑐᐊᓗᒃᑎᑐᑦ ᑍᒤᑦᑐᒥᒃ, ᐅᔭᖅᑲᑎᑐᑦ ᓯᓚᑎᑐᑦ ᑕᑯᒃᓴᐅᓇᑦᓯᐊᕐᑐᒥᒃ ᑐᖑᔪᑦᓯᐊᕐᑎᒋᔪᒥᒃ.

ᒨᓯᓯ ᐂᑉᐸᖏᑦ 28:18

ᐂᑉᐸᖓᓂ ᑐᑭᓕᕇᓂ ᐃᓕᓯᒪᔪᖃᕐᑐᒃᓴᐅᕗᖅ ᐃᒤᑦᑐᓂᒃ ᐃᒪᕈᓪᒥᒃ, ᓴᐰᕆᒥᒃ, ᑍᒪᓐᒥᒡᓗ;

ᒨᓯᓯ ᐂᑉᐸᖏᑦ 28:20

ᓯᑕᒪᖓᓐᓂ ᑐᑭᓕᕇᓂ ᐃᓕᓯᒪᔪᖃᕐᑐᒃᓴᐅᕗᖅ ᐃᒤᑦᑐᓂᒃ ᐱᕅᐅᓪᒥᒃ, ᑳᕐᓃᓕᐊᓐᒥᒃ, ᔮᔅᐱᕆᒥᒡᓗ. ᑕᒪᒃᑯᐊᓗ ᐃᓕᓯᒪᔪᒃᓴᐅᕗᑦ ᒎᓗᓂᒃ ᑐᓐᖓᕕᖃᕐᓗᑎᒃ.

ᒨᓯᓯ ᐂᑉᐸᖏᑦ 39:13

ᓯᑕᒪᖓᓐᓂ ᑐᑭᓕᕇᓂ ᐃᓕᓯᒪᔪᖃᕆᕗᖅ ᐃᒤᑦᑐᓂᒃ ᐅᔭᕋᖕᓂᒃ ᐊᑭᑐᔪᓂᒃ ᐱᕅᐅᓪᒥᒃ, ᑳᕐᓃᓕᐊᓐᒥᒃ, ᔮᔅᐱᕆᒥᒡᓗ. ᑕᒪᒃᑯᐊᓗ ᐃᓕᓯᒪᕗᑦ ᒎᓗᓂᒃ ᑐᓐᖓᕕᖃᕐᓗᑎᒃ.

ᓲᓗᒨᓂᐅᑉ ᐃᓐᖏᕈᓯᖏᑦ 7:2

ᖃᓚᓰᑦ ᐊᖕᒪᓗᕐᐳᖅ ᐃᒥᐅᑎᑐᑦ, ᕔᓂᓂᒃ ᑲᑎᓯᒪᔪᓂᒃ ᐃᒪᕾᓐᓇᕐᑐᑐᑦ. ᓈᑦ ᓂᐊᖂᔭᒃᓴᑎᑐᑦ ᐊᓂᖓᑦᓯᐊᕐᐳᖅ, ᓄᓇᕋᕐᓂᒃ ᓕᓕᓂᒃ ᐊᕙᓗᓯᒪᔪᑐᑦ.

ᐂᓮᐊᓯᐅᑉ ᐊᒡᓚᖏᑦ 52:13

ᑕᑯᒋᑦ, ᐱᔨᒐ ᐱᓇᓱᐊᕐᑕᒥᓂᒃ ᐊᔪᖏᑦᓯᐊᕈᒫᕐᐳᖅ, ᑖᓐᓇ ᐊᖏᒡᓕᑎᕐᑕᐅᔪᒫᕐᐳᖅ, ᖃᖓᑦᑕᕐᑎᑕᐅᓗᓂᓗ, ᖁᒻᒧᒃᑎᑕᐅᒻᒪᕆᒍᒫᕐᓗᓂᓗ.

ᐂᓮᐊᓯᐅᑉ ᐊᒡᓚᖏᑦ 54:11

ᐋᓐᓂᐊᑎᑕᐅᔪᓯ, ᐊᖅᑯᓇᕐᒧᓪᓗ ᐃᒋᑕᐅᖃᑦᑕᕐᑐᓯ, ᐃᑲᔪᕐᑕᐅᓇᓯᓗ, ᑕᑯᒋᑦ, ᐃᓕᐅᕋᕐᓂᐊᕐᐸᑦᓯ ᐅᔭᖅᑲᓄᑦ ᐱᐅᔪᓄᑦ, ᑐᓐᖓᕕᓕᐅᕐᓗᓯᓗ ᐅᔭᕋᖕᓄᑦ ᑕᑯᒥᓇᕐᑐᕐᔪᐊᓄᑦ.

ᐂᓮᐊᓯᐅᑉ ᐊᒡᓚᖏᑦ 9:7

ᐊᖓᔪᖅᑳᖑᓂᖓᓗ ᐱᕈᕐᐸᓪᓕᐊᖏᓐᓇᕈᒫᕐᐳᖅ; ᖃᓄᐃᖏᑦᓯᐊᕐᓇᕐᑐᖅ ᐃᓱᖃᕈᒫᓐᖏᓚᖅ. ᑍᕕᑎᐅᑉ ᐃᒃᓯᕙᐅᑕᕐᔪᐊᖓᓂ, ᐊᖓᔪᖅᑳᕐᔪᐊᖑᕕᖓᓂᓗ, ᐃᓂᑖᕐᑎᓪᓗᒍ ᑲᔪᓯᑎᓪᓗᒍᓗ ᓈᒻᒪᓈᑦᓯᐊᕐᓂᕐᒥᒃ, ᐃᓱᐊᕐᓂᕐᒥᒡᓗ, ᒫᓐᓇᒥᑦ ᐱᒋᐊᕐᓗᓂ ᐃᓱᖃᖏᑦᑐᒧᓪᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐃᓗᖏᕐᑐᕐᓂᖓ ᑕᒪᑐᒥᖓ ᓇᖕᒥᓂᖅ ᐱᓇᓱᐊᕈᒪᖕᒪᑦ.

ᐃᓯᑭᐊᓕᐅᑉ ᐊᒡᓚᖏᑦ 1:16

ᐊᒃᓴᓗᐊᓪᓗ ᑖᒃᑯᐊ ᑕᐅᑦᑐᖏᑦ ᓴᓇᒪᓂᖏᓪᓗ: ᕿᓪᓕᕐᑐᐊᓘᕗᑦ ᐅᔭᕋᒃᑎᑐᑦ ᐱᐅᔪᒃᓴᔭᓪᓚᕆᒃᑎᑐᑦ; ᐊᑐᓂᓪᓗ ᓯᑕᒪᑦ ᐊᑦᔨᒌᒥᒃ ᑕᐅᑦᑐᖃᕐᐳᑦ, ᐊᒃᓴᓗᐊᓪᓗ ᓴᓇᓯᒪᓂᖏᑦ ᐃᓗᐊᒍᑦ ᐊᒃᓴᓗᐊᖃᒃᑲᓐᓂᕐᑑᔮᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 10:6

ᑎᒥᖓ ᐅᔭᕋᒃᑎᑐᑦ ᐱᓐᓇᕐᓇᕐᑐᑎᑐᑦ ᑯᕆᓱᓔᑎᒥᒃ ᐊᑎᓕᒃᑐᑦ ᖁᕐᓱᕐᑕᑐᑦ ᑍᒤᑦᑑᕗᖅ, ᑮᓇᖓ ᖃᐅᒻᒪᓪᓚᒃᑎᑐᑦ ᑕᐅᑦᑐᖃᕐᐳᖅ, ᐃᔨᖏᒡᓗ ᐃᑯᐊᓚᔪᑎᑐᑦ ᑍᒤᑦᑑᕗᒃ, ᑕᓕᖏᒃ ᓂᐅᖏᒡᓗ ᑲᓐᓄᔭᑎᑐᑦ ᕿᓪᓚᕆᒃᓴᕐᓯᒪᔪᑎᑐᑦ ᑍᒤᓪᓗᑎᒃ, ᓂᐱᖃᕐᓗᓂᓗ ᐃᓄᒋᐊᒃᑐᕐᔪᐃᑦ ᓂᐱᖏᑎᑐᑦ.