ᓲᓗᒨᓂᐅᑉ ᐃᓐᖏᕈᓯᖏᑦ 5:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐱᕈᕐᓰᕕᖁᑎᓐᓄᑦ ᕾᕗᖓ, ᓇᔮᒃ, ᓄᓕᐊᒃᓵᒃ, ᒨᕆᖁᑎᒃᑲ ᓂᕿᓄᓪᓗ ᒪᒪᕐᓴᐅᑎᖁᑎᒃᑲ ᑲᑎᑉᐸᒃᑲ; ᕼᐊᓂᐅᑉ ᐃᓂᖏᑦ ᓂᕆᕙᒃᑲ ᕼᐊᓂ ᓂᕆᖃᓯᐅᑎᓪᓗᒍ, ᕔᓂᖁᑎᓐᓂᒃ ᐃᒥᕐᐳᖓ ᐃᒻᒧᖁᑎᓐᓂᒡᓗ. ᐃᓚᓐᓇᕆᔭᒃᑳ, ᓂᕆᒋᑦᓯ! ᐃᒥᕐᓗᓯᓗ, ᐊᖏᔪᒥᒃ ᐃᒥᕆᑦᓯ, ᓇᒡᓕᒋᔭᐅᔪᓯ.

ᓲᓗᒨᓂᐅᑉ ᐃᓐᖏᕈᓯᖏᑦ 5:1 Iomraidhean Croise

ᒨᓯᓯ ᓯᕗᓪᓖᑦ 37:25

ᑕᕝᕙ ᐃᖏᑉᐳᑦ ᓂᕆᓇᓱᐊᓕᕐᓗᑎᒃ; ᑕᑯᓴᕋᒥᒡᓗ ᑕᑯᕗᑦ, ᐃᓯᒤᓕᒥᐅᓂᒃ ᐅᓄᕐᑐᓂᒃ ᐃᖏᕐᕋᖃᑎᒌᒃᑐᓂᒃ, ᓄᓇᒥᑦ ᒋᓕᐊᑎᒥᑦ ᐱᔪᓂᒃ ᑳᒥᓕᒃᑯᑦ ᐃᖏᕐᕋᔪᓂᒃ, ᑎᐱᑦᓯᐊᕆᒃᓴᐅᑎᓂᒃ ᓇᒃᓴᕐᑐᑦ, ᐹᓪᒥᓂᒃ, ᒧᕆᓂᒡᓗ, ᐄᑦᔨᑉᑎᒧᓐᖓᐅᑎᔭᒥᖕᓂᒃ.

ᐃᓐᖏᕈᑎᑦ 147:11

ᐊᑕᓂᐅᓪᓕ ᓯᕘᕋᒋᔨᓂ ᖁᕕᐊᒋᕔᑦ, ᑖᑦᓱᒪ ᓇᒡᓕᖕᓂᖓᓂᒃ ᓱᖁᓯᔪᐃᑦᑐᒥᒃ ᓂᕆᐅᒋᔭᒃᓴᖃᕐᑐᑦ.

ᐃᓐᖏᕈᑎᑦ 16:3

ᐃᑦᔪᕐᓁᑦᑐᓪᓕ ᓄᓇᒦᑦᑐᑦ, ᓈᒻᒪᒋᔭᐅᔪᓪᓗ, ᑖᒃᑯᐊ ᖁᕕᐊᒋᕙᒃᑲ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:13

ᐃᕐᓃᒃ, ᕼᐊᓂᒥᒃ ᓂᕆᖃᑦᑕᕆᑦ, ᒪᒪᕐᑑᖕᒪᑦ; ᕼᐊᓂ ᐃᒍᑦᓮᑦ ᓰᕐᓇᐅᑎᖓᓂᑦ ᐱᔪᖅ ᓰᕐᓇᕐᑑᒪᑦ ᖃᓂᕐᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 9:5

“ᕾᓗᑎᑦ, ᓂᕆᔭᒃᓴᖁᑎᓐᓂᒃ ᓂᕆᓕᕆᑦ ᐸᐅᕐᖎᓪᓗ ᐃᑦᑎᖓᓂᒃ ᐃᒥᕐᓗᑎᑦ ᐃᓚᐅᕈᓯᕐᓯᒪᔭᓐᓂᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:5

ᐱᕈᕐᓰᕕᖕᓂᒃ ᓇᐹᕐᑐᓂᒡᓗ ᐸᐅᕐᖓᓕᒃᓴᓂᒃ ᐱᕈᕐᓰᓚᐅᕐᐳᖓ, ᐱᕈᕐᓰᓚᐅᕐᐳᖓ ᓇᐹᕐᑐᓂᒃ ᖃᓄᐃᑦᑐᑐᐃᓐᓇᕐᓂᒃ ᐸᐅᕐᖓᓕᖕᓂᒃ.

ᓲᓗᒨᓂᐅᑉ ᐃᓐᖏᕈᓯᖏᑦ 1:13

ᓇᒡᓕᒋᔭᕋ, ᐅᕙᓐᓄᑦ ᒨᕆᑐᑦ ᐃᒃᐱᐊᕐᔪᖕᒧᑦ ᐴᕐᓯᒪᔪᑐᑦ ᑎᐱᑦᓯᐊᕆᒃᑐᑐᑦ ᑍᒤᑉᐳᑎᑦ, ᐅᓐᓄᐊᖅ ᓈᓪᓗᒍ ᐃᕕᐊᖏᕐᒪ ᐊᑯᓐᓂᖓᓂ ᐊᑭᓯᕐᓯᒪᔪᑐᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 4:16

ᑐᐸᓕᕆᑦ, ᐊᓄᕇ ᐅᓐᓄᐊᓪᓗᐊᒥᑦ ᐱᔪᑎᑦ, ᐊᓄᕇᓗ ᐅᓪᓗᓪᓗᐊᑉ ᓇᓛᓂᑦ ᐱᔪᑎᑦ, ᐱᕈᕐᓰᕕᖁᑎᒐ ᓱᐴᓕᕈᒃ, ᑎᐱᑦᓯᐊᖓ ᓯᐊᒻᒪᖁᓪᓗᒍ ᐅᖓᓯᒃᑐᒧᑦ. ᓇᒡᓕᒋᔭᕋ ᐱᕈᕐᓰᕕᖁᑎᒥᓄᑦ ᕾᓂᐊᕐᒪᑦ, ᐸᐅᕐᖓᖏᓐᓂᒡᓗ ᒪᒪᕐᓂᕐᐹᓂᒃ ᓂᕆᓗᓂ.

ᓲᓗᒨᓂᐅᑉ ᐃᓐᖏᕈᓯᖏᑦ 4:8

ᓄᓕᐊᒃᓵᒃ, ᓕᐸᓈᓂᒥᑦ ᐊᐅᓪᓚᖃᑎᒋᓚᐅᓐᖓ, ᓕᐸᓇᓂᒥᑦ ᐊᐅᓪᓚᖃᑎᒋᓗᖓ. ᐊᒫᓇᐅᑉ ᖄᖓᓂᑦ ᐊᐅᓪᓚᕐᓗᓄᒃ, ᓯᓂᐊᕆᐅᑉ ᖄᖓᓂᑦ ᕼᐊᕐᒪᓂᐅᓪᓗ ᖄᖓᓂᑦ, ᓛᔧᓪᓗ ᓯᑎᖏᓐᓂᑦ, ᓕᐸᕐᑦᓗ ᐃᓂᖏᓐᓂᑦ ᖃᖅᑲᓂᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 6:11

ᐊᖅᑲᕐᑎᓚᐅᕐᐳᖓ ᖃᖅᑲᒥᑦ ᓇᐹᕐᑐᓄᑦ ᖃᖅᑯᐊᒐᓂᒃ ᐱᕈᕐᕕᐅᕙᒃᑐᓄᑦ, ᐱᕈᓕᕐᑐᓂᒃ ᓇᕐᓴᒥ ᑕᑯᔪᒪᓪᓗᖓ, ᒍᕅᑉᓯᓪᓗ ᕔᓂᓕᒃᓴᒥ ᐱᕈᓕᕐᒪᖔᑕ, ᐹᒪᒍᕌᓂᒃᓮᓪᓗ ᓄᓇᕋᖏᑦ ᓄᐃᓕᕐᒪᖔᑕ.

ᓲᓗᒨᓂᐅᑉ ᐃᓐᖏᕈᓯᖏᑦ 6:2

ᓇᒡᓕᒋᔭᕋ ᐱᕈᕐᓰᕕᖕᒥᓄᑦ ᐂᓯᒪᕗᖅ, ᐱᕈᕐᑐᓄᑦ ᓂᖀᑦ ᐃᓚᐅᕈᑎᒃᓴᖏᓐᓄᑦ ᒪᒪᕐᑐᓄᑦ, ᓰᐱᖁᑎᒥᓂᒃ ᐰᕐᓯᔭᕐᑐᕐᓯᒪᕗᖅ ᐱᕈᕐᓰᕕᖁᑎᒥᓂ, ᓄᓇᕋᕐᓂᒡᓗ ᓕᓕᓂᒃ ᑲᑎᕐᓱᐃᔭᕐᑐᕐᓯᒪᓪᓗᓂ.

ᓲᓗᒨᓂᐅᑉ ᐃᓐᖏᕈᓯᖏᑦ 8:1

ᑕᕝᕙᑐᖅ ᐊᓂᑦᑐᑦ ᑍᒤᓪᓚᒋᑦ, ᐊᓈᓇᒪ ᐃᕕᐊᖏᖏᖕᓂᑦ ᐊᒫᒫᒃᑐᕕᓂᕐᑎᑐᑦ! ᓯᓚᒥ ᑕᑯᒍᒃᑭᑦ ᑯᓂᒃᓴᑐᐃᓐᓇᖃᑕᕋᔭᕋᒃᑭᑦ, ᑭᓇᒥᒃ ᑲᓐᖑᓱᖏᓪᓗᖓ.

ᓲᓗᒨᓂᐅᑉ ᐃᓐᖏᕈᓯᖏᑦ 8:13

ᐃᓕᑦᓯ ᐱᕈᕐᓰᕕᖕᓂ ᐃᓂᖃᕐᑐᓯ, ᐃᓚᓐᓇᕆᔭᑦᓯᓂᒡᓗ ᐃᓚᖃᕐᑐᓯ, ᓂᐱᓯ ᑐᓴᓚᐅᕐᓚᒃᑲ!

ᐂᓮᐊᓯᐅᑉ ᐊᒡᓚᖏᑦ 23:18

ᓂᐅᕕᕋᕐᑎᑦᓯᓂᕐᒧᓪᓗ ᑮᓇᐅᔭᕐᑖᕆᔭᑎᒃ ᐊᑕᓂᕐᒧᑦ ᑐᕌᖓᑎᑦᓱᒫᕐᐰᑦ; ᑮᓇᐅᔭᒃᑯᕕᖕᓄᑦ ᑲᑎᕐᓱᕈᒫᓐᖏᓔᑦ. ᐊᑕᓂᕐᒥᒡᓕ ᐅᐱᒍᓱᒃᑐᑦ ᑮᓇᐅᔭᖏᓐᓂᒃ ᓂᕿᑖᕋᓲᑎᖃᕈᒫᕐᐳᑦ ᐊᓐᓄᕌᒃᓴᕐᑖᕈᑎᒋᓗᒋᓪᓗ ᐱᔭᕆᐊᖃᕐᑕᒥᖕᓂᒃ.

ᐂᓮᐊᓯᐅᑉ ᐊᒡᓚᖏᑦ 5:1

ᐃᓐᖏᓚᐅᕐᓚᖓ ᐆᒥᖓ ᓇᒡᓕᒋᔭᓐᓄᑦ, ᓇᒡᓕᖕᓂᕐᒥᒃ ᐃᓐᖏᐅᑎᖃᕐᓗᖓ ᕔᓂᒃᓴᓂᒃ ᐱᕈᕐᓰᕕᖁᑎᖓᓂᒃ; ᓇᒡᓕᒋᔭᕋ ᕔᓂᒃᓴᓂᒃ ᐱᕈᕐᓰᕕᖁᑎᖃᓚᐅᕐᐳᖅ ᐱᕈᕐᕕᐅᑦᓯᐊᕐᓇᕐᑐᒥᒃ ᐱᖒᑉ ᖄᖓᓂ.

ᐂᓮᐊᓯᐅᑉ ᐊᒡᓚᖏᑦ 51:3

ᐊᑕᓂᐅᑉ ᓮᒻᒪᕐᓴᕈᒫᕐᐹ ᓮᐅᓂ, ᓯᖁᑦᑎᕐᑕᐅᓯᒪᓂᖏᓪᓗ ᐋᖅᑭᒃᓗᒋᑦ, ᓄᓇᖁᑎᖓ ᓱᓇᖃᕈᓐᓁᓚᐅᕐᑐᖅ ᐱᕈᕐᓰᕕᒃᑐᑦ ᐄᑕᓂᑎᑐᑦ ᑍᒤᑎᑦᓱᒫᕐᐹ, ᓄᓇᖓᑕᓗ ᐃᓚᖓ ᓯᐅᕅᓐᓇᖅ ᐊᑕᓂᐅᑉ ᐱᕈᕐᓰᕕᖁᑎᖓᓄᑦ ᐊᑦᔨᐅᓕᕐᑎᑦᓱᒫᕐᓗᒍ, ᑕᕝᕙᓂ ᖁᕕᐊᓱᖕᓂᖃᕈᒫᕐᐳᑦ ᐊᓕᐊᓁᒍᓱᒡᓗᑎᒡᓗ, ᖁᔭᓕᔪᒫᕐᐳᑦ ᓂᕐᑐᐃᓗᑎᒡᓗ ᐃᓐᖏᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 53:11

ᑕᕐᓂᕐᒥᒍᑦ ᐊᒃᓱᕈᕐᓇᕐᑐᒦᑎᑕᐅᓂᖓᑕ ᐸᐅᕐᖓᖏᓐᓂᒃ ᑕᑯᔪᒫᕐᐳᖅ ᓈᒻᒪᒋᓗᒋᓪᓗ; ᖃᐅᔨᒪᓂᕐᒥᒍᑦ ᓇᓛᒎᕐᑐᖅ ᐱᔨᒐ ᐅᓄᕐᑐᓂᒃ ᐃᓱᐊᕐᓯᑎᑦᓯᔪᒫᕐᐳᖅ, ᐊᔪᕐᑐᓕᓂᖏᓐᓂᒃ ᐊᒡᔭᕐᓯᔪᒫᕐᒪᑦ.

ᐂᓮᐊᓯᐅᑉ ᐊᒡᓚᖏᑦ 58:11

ᐊᑕᓂᐅᑉ ᑕᕝᕙ ᑕᓯᐅᖏᓐᓇᕐᓂᐊᕐᐹᓯ, ᑕᕐᓂᑦᓯᓗ ᑭᓐᖒᒪᔭᖏᑦ ᓈᒻᒪᒃᓯᑎᓐᓂᐊᕐᐰᑦ, ᓴᐅᓂᓯ ᓴᓐᖏᔫᓕᕐᑎᓪᓗᒋᑦ; ᐃᒪᖃᕐᑎᑕᐅᔪᑎᑐᑦ ᐱᕈᕐᓰᕕᒃᑐᑦ ᑍᒤᓐᓂᐊᕐᐳᓯ, ᓄᓇᐅᓪᓗ ᐃᓗᐊᓂᑦ ᑰᒃᕕᐅᔪᑎᑐᑦ, ᐃᒤᕈᓚᐅᕐᓯᒪᖏᑦᑐᑎᑐᑦ ᑍᒤᓪᓗᓯ.

ᐂᓮᐊᓯᐅᑉ ᐊᒡᓚᖏᑦ 61:11

ᓄᓇᑐᑦ ᐱᕈᕐᑐᒃᓴᒥᒃ ᓴᖅᑭᕝᕕᐅᔪᑎᑐᑦ, ᐱᕈᕐᓰᕕᒡᓗ ᐱᕈᕐᑐᒃᓴᓂᒃ ᐱᕈᕐᕕᐅᓕᕐᐸᖕᒪᑦ ᑲᓐᖓᕐᓲᑕᐅᓯᒪᔪᓂᒃ, ᑍᒫᒃᑕᐅᖅ ᐊᑕᓂᐅᑉ ᒎᑎᐅᑉ ᓇᓛᒎᕐᓂᖅ ᓂᕐᑐᓕᕐᓂᕐᓗ ᐱᕈᕐᑎᑦᓱᒫᕆᕔᑦ ᐃᓅᖃᑎᒌᒡᔪᐊᓕᒫᓂ.

ᐂᓮᐊᓯᐅᑉ ᐊᒡᓚᖏᑦ 65:13

ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᑕᑯᓕᕆᑦᓯ, ᐱᔨᒃᑲ ᓂᕆᔪᒫᕐᐳᑦ, ᐃᓕᑦᓯ ᑳᒃᑎᓪᓗᓯ; ᑕᑯᒋᓪᓗ, ᐱᔨᒃᑲ ᐃᒥᕈᒫᕐᐳᑦ, ᐃᓕᑦᓯᓕ ᐃᒥᕈᒍᒫᕐᐳᓯ; ᑕᑯᒋᓪᓗ, ᐱᔨᒃᑲ ᖁᕕᐊᓱᒍᒫᕐᐳᑦ, ᐃᓕᑦᓯᓕ ᑲᓐᖑᓱᒃᑎᑕᐅᔪᒫᕐᐳᓯ;

ᐂᓮᐊᓯᐅᑉ ᐊᒡᓚᖏᑦ 66:14

ᑕᒪᓐᓇ ᑕᑯᓕᕈᑦᓯᐅᒃ, ᐆᒻᒪᑎᓯ ᖁᕕᐊᓱᒃᑐᐊᓘᔪᒫᕐᐳᑦ; ᑎᒥᓯᓗ ᐱᕈᑦᓯᐊᕈᒫᕐᐳᑦ ᐃᕕᒃᓱᒐᕐᑎᑐᑦ; ᖃᐅᔨᒪᔭᐅᓕᕈᒫᕐᒪᑦ ᐊᑕᓂᐅᑉ ᐊᒡᒐᖕᒥᓄᑦ ᐱᔨᓂ ᓇᔪᕐᒪᒋᑦ, ᓂᓐᖓᕕᒡᔪᐊᕐᓂᐊᓗᐊᓗ ᓴᖅᑭᔮᕈᒫᕆᕗᖅ ᐊᑭᕋᕐᑐᕐᑎᖏᓐᓄᑦ.

ᒫᑎᐅᓯᐅᑉ ᐊᒡᓚᖏᑦ 25:40

ᑕᕝᕙ ᐊᖓᔪᖅᑳᕐᔪᐊᑉ ᑭᐅᔪᒫᕐᐰᑦ, ‘ᓱᓕᔪᒥᒃ ᐅᖃᐅᑎᕙᑦᓯ, ᖃᑕᓐᖑᑎᒪ ᒥᑭᓐᓂᕐᐹᕆᔭᖏᓐᓄᑦ ᐱᓇᓱᐊᕐᕕᖃᕌᖓᑦᓯ, ᑕᒪᑐᒥᖓ ᐱᓇᓱᐊᕐᕕᒋᓚᐅᕐᐸᑦᓯᓐᖓ!’

ᓘᑲᓯᐅᑉ ᐊᒡᓚᖏᑦ 12:4

“ᐃᓚᓐᓇᕆᔭᒃᑲ ᐅᖃᐅᑎᕙᑦᓯ, ᓯᕘᕋᒋᓂᐊᕐᓇᒋᑦ ᑎᒥᒥᒃ ᑐᖁᑦᓯᔪᓐᓇᕐᑐᑦ, ᑭᖑᓂᖓᒍᑦ ᐱᔪᓐᓇᕐᓂᖃᓐᖏᓚᑦ ᖃᓄᐃᓕᓯᒃᑲᓐᓂᕆᐊᒥᒃ.

ᔪᐊᓇᓯᐅᑉ ᐊᒡᓚᖏᑦ 3:29

ᐅᐃᒃᓴᖅ ᑖᓐᓇᐅᕗᖅ ᓄᓕᐊᒃᓴᒥᒃ ᓇᖕᒥᓂᓕᒃ; ᐅᐃᒃᓴᐅᓪᓕ ᐱᖃᓐᓇᕆᔭᖓᑕ, ᓴᓂᐊᓂ ᓇᖏᕐᑑᑉ ᑐᓴᕐᑑᓪᓗ, ᖁᕕᐊᓱᒍᑎᒋᕚ ᐅᐃᒃᓴᐅᑉ ᓂᐱᖓᓂᒃ ᑐᓴᕋᒥ; ᑍᒫᒃ ᑕᕝᕙ ᐅᕙᖓ ᓇᖕᒥᓂᖅ ᖁᕕᐊᓱᖕᓂᕋ ᓈᒻᒪᒃᓯᑦᓯᐊᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 11:29

ᐅᒃᐱᕐᑐᑦ ᐋᖅᑭᒃᓯᓚᐅᕐᐳᑦ ᐊᑐᓂᑦ ᑐᔪᐃᔪᒪᓪᓗᑎᒃ ᐊᔪᓐᖏᑕᒥᖕᓂᒃ, ᐃᑲᔫᑎᒋᓂᐊᕐᑕᒥᖕᓂᒃ ᐅᒃᐱᕐᑑᖃᑎᒌᓄᑦ ᔫᑎᐊᒥ ᓄᓇᖃᕐᑐᓄᑦ;

ᐃᐱᓯᒥᐅᓄᑦ 5:18

ᐋᖓᔮᕐᓂᐊᕋᓯ ᐅᐂᓂᑐᕐᓂᕐᒧᑦ, ᑕᒪᓐᓇ ᓱᒃᑯᑎᕆᑐᐃᓐᓇᕐᒪᑦ ᐃᓄᓯᑦᓯᓐᓂᒃ; ᐊᓂᕐᓂᕐᒥᒡᓕ ᐃᓗᒻᒥᕐᑕᐅᖔᓕᕆᑦᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:17

ᐊᓂᕐᓂᖅ ᐃᑦᔪᕐᓁᑦᑐᖅ ᓄᓕᐊᒃᓴᕐᓗ ᐅᖃᕐᐴᒃ, “ᕾᒋᑦ.” ᑕᒪᑐᒥᖓᓗ ᑐᓴᕐᑐᑦ ᐅᖃᕐᓕᑦ, “ᕾᒋᑦ.” ᐃᒥᕈᒃᑐᖅ ᕾᓕ, ᐱᔪᒪᔪᖅ ᐃᒥᕐᓕ ᐊᑭᖃᖏᑦᑐᒥᒃ ᐃᒥᕐᒥᒃ ᐆᒪᓇᕐᑐᒥᒃ.

ᐃᓗᐊᕐᓮᔩᑦ ᐊᒡᓚᖏᑦ 14:11

ᐃᓄᐃᓪᓗ ᑕᑯᒐᒥᑦᔪᒃ, ᑎᓕᓯᓚᐅᕐᐳᑦ ᐅᕕᒃᑲᓂᒃ ᐊᖑᑎᓂᒃ 30ᓂᒃ ᓇᔪᕐᑎᒋᓂᐊᕐᑕᖏᓐᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 14:20

ᓵᒻᓲᓂᐅᓪᓗ ᓄᓕᐊᖓ ᑐᓂᔭᐅᕗᖅ ᐊᖑᒻᒧᑦ ᐃᓚᒋᓚᐅᕐᑕᖓᓄᑦ ᑲᑎᑎᑕᐅᓪᓗᓂ ᓵᒻᓲᓂᐅᑉ ᐊᖑᑎᖁᑎᒋᓚᐅᕐᑕᖓᓄᑦ.