ᓲᓗᒨᓂᐅᑉ ᐃᓐᖏᕈᓯᖏᑦ 4:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐆᒻᒪᑎᒐ ᐊᐅᓚᑦᔭᒃᓯᒪᒐᕕᐅᒃ, ᓇᔮᒃ, ᓄᓕᐊᒃᓵᒃ; ᐆᒻᒪᑎᒐ ᐊᐅᓚᑦᔭᒃᑎᓯᒪᒐᕕᐅᒃ ᑕᑯᓴᕐᓂᑐᐃᓐᓇᕐᓄᑦ, ᐅᔭᒥᒃᐱᓪᓗ ᐱᐅᓴᐅᑎᖓᑕ ᐃᓚᖓᓐᓄᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 4:9 Iomraidhean Croise

ᒨᓯᓯ ᓯᕗᓪᓖᑦ 20:12

ᐃᓛᒡᓕ ᓱᓕᔪᒥᒃ ᓇᔭᓪᓚᕆᒋᒐᓗᐊᕐᐸᕋ, ᐊᑖᑕᒪ ᐸᓂᒋᖕᒪᒍ, ᐊᓈᓇᒪᓕ ᐸᓂᖏᓇᓂᐅᒃ; ᑖᓐᓇᓗ ᓄᓕᐊᕐᑖᕆᓚᐅᕐᐸᕋ.

ᒨᓯᓯ ᓯᕗᓪᓖᑦ 41:42

ᑕᕝᕙ ᐰᕉᑉ ᕿᑎᕐᓯᕐᒥᐅᑕᓂ ᐊᑐᕐᑕᓂ ᐲᕐᓗᒍ ᔫᓯᐱ ᐊᑎᑎᑉᐹ, ᐅᓕᒡᔪᐊᒥᒡᓗ ᖃᓪᓗᓈᕐᑕᑦᓯᐊᕙᖕᒥᒃ ᐊᑎᑎᓪᓗᒍ, ᒎᓗᓂᒡᓗ ᖁᖓᓯᕐᒥᐅᑕᕐᓂᒃ ᐊᑎᑎᒃᑭᓪᓗᒍ;

ᐃᓐᖏᕈᑎᑦ 45:9

ᐊᖓᔪᖅᑳᕐᔪᐊᑉ ᐸᓂᖏᑦ ᐃᓚᒋᔭᐅᕗᑦ ᐊᕐᓇᓄᑦ ᐅᐱᒋᔭᐅᔪᓄᑦ; ᑕᓕᕐᐱᖕᓃᑉᐳᕐᓗ ᑯᐃᓐ, ᐊᑐᕐᑐᖅ ᒎᓗᓂᒃ ᐅᐱᕼᐃᒥᐅᑕᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:9

ᓄᓇᕋᕐᓂᒃ ᑕᑯᒥᓇᕐᑐᓂᒃ ᓂᐊᖂᓯᕐᓯᓯᒪᔪᑎᑐᑦ ᑍᒤᒻᒪᑕ, ᓲᕐᓗ ᐅᔭᒦᓪᓘᓐᓃᑦ ᑕᑯᒥᓇᕐᑐᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:25

ᐃᓂᖁᓇᕐᓂᖓ ᐆᒻᒪᑎᒃᑯᑦ ᐃᒃᓯᒋᓕᕐᑍᓕᒍᒃ, ᖃᓪᓗᕐᓱᕐᓂᖓᓄᓪᓗ ᐅᐃᕕᕆᔭᐅᑦᑍᓕᒋᑦ ᑖᑦᓱᒧᖓ.

ᓲᓗᒨᓂᐅᑉ ᐃᓐᖏᕈᓯᖏᑦ 1:10

ᐅᓗᐊᒃᑭᒃ ᑕᑯᒥᓇᕐᐴᒃ ᐱᐅᓴᐅᑎᓄᑦ, ᖁᖓᓰᓪᓗ ᐅᔭᒥᒃᓯᒪᓪᓗᓂ ᒎᓗᓂᒃ.

ᓲᓗᒨᓂᐅᑉ ᐃᓐᖏᕈᓯᖏᑦ 1:15

ᑕᑯᒋᑦ, ᓇᒡᓕᒋᔮᒃ, ᐃᓂᖁᓇᕐᑐᐊᓘᔪᑎᑦ; ᐄᓛᒃ ᐃᓂᖁᓇᕐᑐᐊᓘᔪᑎᑦ; ᐃᔩᒃᑭᒃᓗ ᑑᕕᑎᑐᑦ ᐱᖁᓐᓂᕐᑎᒋᕘᒃ.

ᓲᓗᒨᓂᐅᑉ ᐃᓐᖏᕈᓯᖏᑦ 3:11

ᐂᓕᕆᑦᓯ, ᓮᐅᓂᐅᑉ ᐸᓂᖏᑦ, ᑕᑯᔭᕐᑐᓕᕐᓯᐅᒃ ᐊᖓᔪᖅᑳᕐᔪᐊᖅ ᓲᓗᒨᓂ, ᐊᖓᔪᖅᑳᕐᔪᐊᕐᓯᐅᑎᒥᒃ ᓇᓴᕐᓯᒪᔪᖅ ᐊᓈᓇᖓᑕ ᐊᑎᑎᓚᐅᕐᑕᖓᓂᒃ ᐅᓪᓗᒥ ᑲᑎᑎᑕᐅᕕᖓᓂ, ᐆᒻᒪᑎᖓ ᖁᕕᐊᓱᑦᓯᐊᕐᑎᓪᓗᒍ.

ᓲᓗᒨᓂᐅᑉ ᐃᓐᖏᕈᓯᖏᑦ 4:10

ᓇᒡᓕᖕᓃᑦ ᒪᒪᕐᑐᐊᓘᖕᒪᑦ, ᓇᔮᒃ, ᓄᓕᐊᒃᓵᒃ! ᓇᒡᓕᖕᓃᑦ ᒪᒪᕐᓂᕐᓴᐅᕗᖅ ᕔᓂᒥᑦ, ᐅᕐᓱᕐᑎᕈᑎᕕᓪᓗ ᑎᐱᖓ ᒪᒪᕐᓂᕐᓴᐅᕗᖅ ᑎᐱᑦᓯᐊᕆᒃᑐᓂᑦ ᑕᒤᓐᓂᑦ!

ᓲᓗᒨᓂᐅᑉ ᐃᓐᖏᕈᓯᖏᑦ 4:12

ᐱᕈᕐᓰᕕᒃᑐᑦ ᐊᑦᑐᖏᕐᓯᒪᔪᑎᑐᑦ ᑍᒤᑉᐳᖅ, ᓇᔭᒐ, ᓄᓕᐊᒃᓴᕋ, ᐱᕈᕐᓰᕕᒃᑐᑦ ᐊᑦᑐᖏᕐᓯᒪᔪᑐᑦ, ᐳᐂᓚᕕᒃᑐᑦ ᓯᒥᒃᓯᒪᔪᑐᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 6:12

ᐅᑦᔨᕈᓱᓐᖏᑎᓪᓗᖓ, ᑲᔪᖏᕐᓂᕐᒪ ᐊᖓᔪᖅᑳᕐᔪᐊᑉ ᐃᑭᒪᕝᕕᖏᑕ ᐊᒃᓴᓗᐊᓖᑦ ᐊᑯᓐᓂᖓᓃᑦᑑᔮᕐᑎᓕᓚᐅᕐᐹᖓ.

ᓲᓗᒨᓂᐅᑉ ᐃᓐᖏᕈᓯᖏᑦ 6:5

ᑕᑯᓐᓇᓐᖏᓚᐅᓐᖓ, ᐃᔨᖕᓄᑦ ᓵᓚᐅᓕᕋᒪ, ᓄᔭᕐᑎᑦ ᒎᑦᓯᑎᑐᑦ ᕿᕐᓂᕐᑕᑎᑐᑦ ᑕᑯᒥᓇᕐᑎᒋᕗᑦ, ᖃᖅᑲᒥᑦ ᒋᓕᐊᑎᒥᑦ ᐊᖅᑲᕐᑎᕐᑐᑎᑐᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 7:10

ᓇᒡᓕᒋᔭᒪ ᐱᒋᕚᖓ, ᐅᕙᓐᓂᒡᓗ ᐱᔪᒪᔭᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 54:5

ᐱᓐᖑᕐᑎᑦᑎᔨᓯ ᐅᐃᒋᒐᑦᓯᐅᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓂᒃ ᐊᑎᖃᕐᑐᖅ; ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐃᒻᒥᓄᑦ ᐅᑎᕐᑎᑦᓯᔨᒋᒐᑦᓯᐅᒃ, ᓄᓇᕐᔪᐊᕐᒥᐅᓕᒫᑦ ᒎᑎᖓᓂᒃ ᑍᔭᐅᔪᖅ.

ᐂᓮᐊᓯᐅᑉ ᐊᒡᓚᖏᑦ 62:5

ᐃᓅᓱᒃᑑᑉ ᓄᓕᐊᓂᒃᐸᖕᓂᖓᑐᑦ ᐊᕐᓇᒥᒃ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᒥᒃ, ᑍᒫᒃᑕᐅᖅ ᐃᕐᓂᓯ ᑲᑎᑎᑕᐅᖃᑎᒋᔪᒫᕆᕙᓯ, ᐊᖑᑎᐅᑉ ᐊᕐᓇᒧᑦ ᑲᑎᑎᑕᐅᔭᕌᖓᒥ ᖁᕕᐊᓱᖕᓂᕆᕙᒃᑕᖓᑐᑦ, ᑍᒫᒃ ᒎᑎᑦᓯ ᖁᕕᐊᓲᑎᒋᔪᒫᕆᕚᓯ.

ᐃᓯᑭᐊᓕᐅᑉ ᐊᒡᓚᖏᑦ 16:11

ᐱᐅᓴᐅᓯᕐᓱᓚᐅᕐᐸᒋᓪᓗ, ᐊᒡᒐᐅᒻᒥᐅᑕᓂᒡᓗ ᐊᑎᑎᓪᓗᑎᑦ, ᖁᖓᓯᕐᒥᐅᑕᓂᒡᓗ ᐅᔭᒥᒃᓗᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 16:8

“ᐊᖅᑯᓵᓕᕐᒥᒐᒃᑭᑦ ᑕᑯᓕᓚᐅᕆᕙᒋᑦ, ᑕᑯᒋᑦ, ᐂᑉᐸᖃᕈᓐᓇᓕᓚᐅᕐᐳᑎᑦ; ᐊᓐᓄᕌᖃᖏᓐᓇᕕᑦ ᐊᑐᕐᑕᓐᓂᒃ ᖃᓪᓕᕐᐹᒥᒃ ᐅᓕᓚᐅᕐᐸᒋᑦ ᐊᓐᓄᕌᖃᖏᓐᓃᑦ ᑕᓕᑎᑕᐅᖁᓪᓗᒍ: ᐃᓛᒃ, ᓄᓕᐊᕐᑖᕆᔪᒪᓪᓗᑎᑦ ᐊᖏᖃᑎᒌᒍᑎᓕᐅᓚᐅᕐᐳᖓ, ᐱᑖᕆᓚᐅᕐᐸᒋᓪᓗ, ᐊᑕᓂᖅ ᒎᑎ ᐅᖃᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 5:7

ᐊᖓᔪᖅᑳᕐᔪᐊᕐᓗ ᕾᖁᔨᕗᖅ ᓇᓚᐅᑦᑍᔨᓂᒃ, ᑳᓪᑎᐊᒥᐅᓪᓗ ᓯᓚᑐᔪᖁᑎᖏᓐᓂᒃ, ᐊᖓᒃᑯᓂᒡᓗ, ᐅᖃᐅᑎᓪᓗᒋᓪᓗ ᐹᐱᓘᓂᒥᐅᑦ ᓯᓚᑐᔪᖁᑎᖏᑦ, “ᓇᓪᓕᐊᑦ ᐅᑯᓂᖓ ᑎᑎᖅᑲᓂᒃ ᐅᖃᓕᒫᕐᑐᖅ, ᖃᓄᐃᓕᖕᒪᖔᑕᓗ ᐅᖃᐅᑎᓗᖓ, ᐊᓐᓄᕌᕐᑎᓐᓂᐊᕐᐸᕋ ᐊᐅᐸᓪᓚᕆᒃᑐᓂᒃ ᒎᓗᒥᒡᓗ ᐅᔭᒥᒃᑎᓪᓗᒍ, ᐊᖓᔪᖅᑲᐅᓂᓐᓂᓗ ᑐᖏᓕᕐᒪ ᐱᖓᔪᒋᓕᕐᓂᐊᐹ.”

ᔨᐸᓁᐊᐅᑉ ᐊᒡᓚᖏᑦ 3:17

ᐊᑕᓂᐅᑉ ᒎᑎᑦᓯ ᐃᓚᒋᕚᓯ, ᐊᔪᒐᖃᖏᑦᑐᑐᐊᑉ ᐱᐅᓕᔪᒫᕐᐹᓯ. ᖁᕕᐊᓲᑎᒋᔪᒫᕐᐹᓯ, ᓂᐸᖏᕐᑎᑦᓱᒫᕐᐹᓯ ᓇᒡᓕᖕᓂᕐᒥᓄᑦ, ᖁᕕᐊᓲᑎᒋᔪᒫᕐᐹᓯ ᐃᓐᖏᕐᓗᓂ.

ᒫᑎᐅᓯᐅᑉ ᐊᒡᓚᖏᑦ 12:50

ᓇᓪᓕᐊᑦ ᐊᑖᑕᒪ ᕿᓚᖕᒦᑦᑑᑉ ᐱᓂᐊᕐᑕᐅᖁᔭᖓᓂᒃ ᐱᓇᓱᐊᕐᑐᖅ, ᑖᓐᓇ ᖃᑕᓐᖑᑎᒋᕙᕋ, ᓇᔭᒋᓪᓗᒍᓗ, ᐊᓈᓇᒋᕙᕋ.”

ᔪᐊᓇᓯᐅᑉ ᐊᒡᓚᖏᑦ 3:29

ᐅᐃᒃᓴᖅ ᑖᓐᓇᐅᕗᖅ ᓄᓕᐊᒃᓴᒥᒃ ᓇᖕᒥᓂᓕᒃ; ᐅᐃᒃᓴᐅᓪᓕ ᐱᖃᓐᓇᕆᔭᖓᑕ, ᓴᓂᐊᓂ ᓇᖏᕐᑑᑉ ᑐᓴᕐᑑᓪᓗ, ᖁᕕᐊᓱᒍᑎᒋᕚ ᐅᐃᒃᓴᐅᑉ ᓂᐱᖓᓂᒃ ᑐᓴᕋᒥ; ᑍᒫᒃ ᑕᕝᕙ ᐅᕙᖓ ᓇᖕᒥᓂᖅ ᖁᕕᐊᓱᖕᓂᕋ ᓈᒻᒪᒃᓯᑦᓯᐊᕐᐳᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:5

ᐅᒃᐱᕐᑐᒥᒃ ᓄᓕᐊᒡᒋᕐᓯᒪᔪᒃᓴᐅᓐᖏᓚᒎᑦ? ᓲᕐᓗ ᐋᐴᓯᑕᓖᑦ ᐱᕙᖕᒪᑕ ᐊᑕᓂᐅᓪᓗ ᐃᓅᖁᑎᖏᑦ ᓰᐸᓯᓗ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:2

ᒎᑎᒥᑦ ᐱᔪᒥᒃ ᓯᖕᓇᓂᕐᒥᒃ ᐃᒃᐱᒍᓱᒃᑲᒪ ᐃᓕᑦᓯᓐᓄᑦ, ᐊᕐᓇᑐᑦ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᑎᑐᑦ ᓄᓕᐊᒃᓴᐅᖁᓪᓗᓯ ᑐᓂᔪᒪᒐᑦᓯ ᙭ᔅᑑᓯᒧᑦ ᑖᑦᓱᒥᖓ ᐅᐃᑖᖁᓪᓗᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:2

ᐃᒡᓗᒐᓴᒡᔪᐊᓪᓗ ᐃᑦᔪᕐᓁᑦᑐᑦ ᑕᑯᕙᒃᑲ, ᔨᕉᓴᓕᒻ ᓄᑖᖅ, ᕿᓚᖕᒥᑦ ᐊᖅᑲᕐᑐᖅ ᒎᑎᒥᑦ, ᐊᑐᐃᓐᓇᕈᕐᓯᒪᓕᕐᑐᖅ ᓄᓕᐊᒃᓴᑐᑦ ᐊᓐᓄᕌᕐᓯᒪᑦᓯᐊᓕᕐᑐᑎᑐᑦ ᐅᐃᒃᓴᒥᓄᑦ ᐊᑐᐃᓐᓇᐅᓕᕐᑐᑎᑐᑦ.