ᓲᓗᒨᓂᐅᑉ ᐃᓐᖏᕈᓯᖏᑦ 4:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑐᐸᓕᕆᑦ, ᐊᓄᕇ ᐅᓐᓄᐊᓪᓗᐊᒥᑦ ᐱᔪᑎᑦ, ᐊᓄᕇᓗ ᐅᓪᓗᓪᓗᐊᑉ ᓇᓛᓂᑦ ᐱᔪᑎᑦ, ᐱᕈᕐᓰᕕᖁᑎᒐ ᓱᐴᓕᕈᒃ, ᑎᐱᑦᓯᐊᖓ ᓯᐊᒻᒪᖁᓪᓗᒍ ᐅᖓᓯᒃᑐᒧᑦ. ᓇᒡᓕᒋᔭᕋ ᐱᕈᕐᓰᕕᖁᑎᒥᓄᑦ ᕾᓂᐊᕐᒪᑦ, ᐸᐅᕐᖓᖏᓐᓂᒡᓗ ᒪᒪᕐᓂᕐᐹᓂᒃ ᓂᕆᓗᓂ.

ᓲᓗᒨᓂᐅᑉ ᐃᓐᖏᕈᓯᖏᑦ 4:16 Iomraidhean Croise

ᐃᓕᓯᒪᓃᑦ ᐃᒃᓖᓯᐊᓯᑏᔅ 1:6

ᐊᓄᕆ ᓯᕿᓂᕐᒧᑦ ᐃᖏᕐᕋᕗᖅ. ᓴᖑᓪᓗᓂᓗ ᐅᑎᓕᕆᕗᖅ ᐅᓐᓄᐊᓪᓗᐊᒧᑦ; ᑕᕝᕙ ᐅᐃᑦᔮᖃᑦᑕᓕᕆᕗᖅ ᑍᒪᓐᖓᑦ, ᐊᒻᒪ ᐅᑎᓕᕆᓪᓗᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:5

ᐱᕈᕐᓰᕕᖕᓂᒃ ᓇᐹᕐᑐᓂᒡᓗ ᐸᐅᕐᖓᓕᒃᓴᓂᒃ ᐱᕈᕐᓰᓚᐅᕐᐳᖓ, ᐱᕈᕐᓰᓚᐅᕐᐳᖓ ᓇᐹᕐᑐᓂᒃ ᖃᓄᐃᑦᑐᑐᐃᓐᓇᕐᓂᒃ ᐸᐅᕐᖓᓕᖕᓂᒃ.

ᓲᓗᒨᓂᐅᑉ ᐃᓐᖏᕈᓯᖏᑦ 1:13

ᓇᒡᓕᒋᔭᕋ, ᐅᕙᓐᓄᑦ ᒨᕆᑐᑦ ᐃᒃᐱᐊᕐᔪᖕᒧᑦ ᐴᕐᓯᒪᔪᑐᑦ ᑎᐱᑦᓯᐊᕆᒃᑐᑐᑦ ᑍᒤᑉᐳᑎᑦ, ᐅᓐᓄᐊᖅ ᓈᓪᓗᒍ ᐃᕕᐊᖏᕐᒪ ᐊᑯᓐᓂᖓᓂ ᐊᑭᓯᕐᓯᒪᔪᑐᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 1:4

ᐊᐅᓪᓚᕈᑎᓚᐅᓐᖓ! ᐊᑏ ᑐᐊᕕᓕᕐᓗᒃ. ᐊᖓᔪᖅᑳᕐᔪᐊᑉ ᐃᒡᓗᕈᓯᕐᒥᓄᑦ ᐃᑎᐅᑎᕚᖓ. ᑕᕝᕙ ᖁᕕᐊᓱᖃᑎᒌᖕᓂᐊᕐᐳᒍᑦ; ᓇᒡᓕᖕᓃᑦ ᕔᓂᒥᑦ ᐃᖅᑲᐅᒪᓂᕐᓴᕆᓂᐊᕐᐸᕗᑦ; ᐃᓛᒃ ᓱᓪᓕᑕᐅᓪᓗᑎ ᓇᒡᓕᒋᔭᐅᕗᑎᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 2:3

ᓇᐹᕐᑐᑐᑦ ᐋᐳᓂᒃ ᐸᐅᕐᖓᓕᒃᑐᑦ, ᓇᐹᕐᑐᑐᐃᓐᓁᑦ ᐊᑯᓐᓂᖓᓃᑦᑐᑐᑦ, ᓇᒡᓕᒋᔭᕋ ᑍᒤᑉᐳᖅ ᐊᖑᑏᑦ ᐃᓅᓱᒃᑐᐃᑦ ᐊᑯᕐᖓᓂ. ᖁᕕᐊᓱᒻᒪᕆᒡᓗᖓ ᐃᒃᓯᕚᕐᐳᖓ ᑕᕐᕋᓕᓂᖓᓂ, ᐸᐅᕐᖓᖏᓪᓗ ᒪᒪᕐᐳᑦ ᓂᕆᒋᐊᖏᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 2:8

ᐅᖓᒋᔨᒪ ᓂᐱᖓ ᑐᓴᕐᐸᕋ. ᑕᑯᒋᑦ ᕾᕗᖅ, ᐊᓪᓗᖃᕐᑕᕐᓗᓂ ᖃᖅᑬᑦ ᖄᖏᑎᒍᑦ, ᐱᖑᐃᓪᓗ ᖄᖏᑎᒍᑦ ᕿᒡᒋᖃᕐᑕᕐᓗᓂ.

ᓲᓗᒨᓂᐅᑉ ᐃᓐᖏᕈᓯᖏᑦ 5:1

ᐱᕈᕐᓰᕕᖁᑎᓐᓄᑦ ᕾᕗᖓ, ᓇᔮᒃ, ᓄᓕᐊᒃᓵᒃ, ᒨᕆᖁᑎᒃᑲ ᓂᕿᓄᓪᓗ ᒪᒪᕐᓴᐅᑎᖁᑎᒃᑲ ᑲᑎᑉᐸᒃᑲ; ᕼᐊᓂᐅᑉ ᐃᓂᖏᑦ ᓂᕆᕙᒃᑲ ᕼᐊᓂ ᓂᕆᖃᓯᐅᑎᓪᓗᒍ, ᕔᓂᖁᑎᓐᓂᒃ ᐃᒥᕐᐳᖓ ᐃᒻᒧᖁᑎᓐᓂᒡᓗ. ᐃᓚᓐᓇᕆᔭᒃᑳ, ᓂᕆᒋᑦᓯ! ᐃᒥᕐᓗᓯᓗ, ᐊᖏᔪᒥᒃ ᐃᒥᕆᑦᓯ, ᓇᒡᓕᒋᔭᐅᔪᓯ.

ᓲᓗᒨᓂᐅᑉ ᐃᓐᖏᕈᓯᖏᑦ 6:2

ᓇᒡᓕᒋᔭᕋ ᐱᕈᕐᓰᕕᖕᒥᓄᑦ ᐂᓯᒪᕗᖅ, ᐱᕈᕐᑐᓄᑦ ᓂᖀᑦ ᐃᓚᐅᕈᑎᒃᓴᖏᓐᓄᑦ ᒪᒪᕐᑐᓄᑦ, ᓰᐱᖁᑎᒥᓂᒃ ᐰᕐᓯᔭᕐᑐᕐᓯᒪᕗᖅ ᐱᕈᕐᓰᕕᖁᑎᒥᓂ, ᓄᓇᕋᕐᓂᒡᓗ ᓕᓕᓂᒃ ᑲᑎᕐᓱᐃᔭᕐᑐᕐᓯᒪᓪᓗᓂ.

ᓲᓗᒨᓂᐅᑉ ᐃᓐᖏᕈᓯᖏᑦ 8:12

ᐱᕈᕐᓰᕕᖁᑎᒐᓕ ᕔᓂᒃᓴᓕ ᐱᒋᕙᕋ, ᓲᓗᒨᓂ ᑮᓇᐅᔭᓂᒃ 1,000ᓂᒃ ᐱᔭᕆᐊᖃᕐᐳᖅ, ᑲᒪᔨᐅᔪᓪᓗ ᑮᓇᐅᔭᓂᒃ 200ᓂᒃ ᐱᔭᕆᐊᖃᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 64:1

ᐊᑏ ᕿᓚᒃ ᐊᓕᒡᓗᒍ ᐊᖅᑲᓚᐅᕆᑦ, ᖃᖅᑳᓗᐃᑦ ᓴᔪᒃᐱᓗᖕᓂᐊᕐᒪᑕ ᓇᔫᑎᓂᕐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 37:9

ᑕᕝᕙ ᐅᖃᐅᑎᕚᖓ, “ᐃᓅᑉ ᐃᕐᓂᖓ, ᐊᓂᕐᓂᖅ ᐅᖃᖁᔭᓐᓂᒃ ᐅᖃᐅᑎᒍᒃ, ᐅᖃᕐᓗᑎᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐊᓄᕆᓂᑦ ᓯᑕᒪᓂᑦ ᐊᓄᕌᓚᐅᕆᑦ, ᐊᓂᕐᓃᖅ, ᐅᑯᐊᐅ ᑐᖁᖓᔪᑦ ᐊᓂᕐᓵᕐᕕᒋᓚᐅᒃᑭᑦ, ᐆᒻᒪᖁᓪᓗᒋᑦ.”

ᒫᑎᐅᓯᐅᑉ ᐊᒡᓚᖏᑦ 26:10

ᔩᓱᓯᐅᓪᓕ ᖃᐅᔨᒪᒐᒥᒋᑦ, ᐅᖃᐅᑎᕔᑦ, “ᓱᖕᒪᑦ ᐊᕐᓇᖅ ᐊᒡᕕᐊᕋᓱᐊᕐᐱᓯᐅᒃ? ᑖᑦᓱᒪ ᐱᐅᔪᒥᒃ ᓈᒻᒪᑦᓯᐊᕐᑐᒥᒡᓗ ᐱᓂᐊᕐᕕᒋᕚᖓ.

ᒫᑎᐅᓯᐅᑉ ᐊᒡᓚᖏᑦ 26:12

ᑖᑦᓱᒪ ᐊᕐᓇᐅᑉ ᑎᒥᓐᓄᑦ ᑎᐱᑦᓯᐊᕆᒃᓴᐅᒻᒥᒃ ᑯᕕᓯᓂᕐᒥᓄᑦ ᐅᐸᓗᖕᒊᔭᕐᐹᖓ ᐃᓗᕕᕐᑕᐅᓂᒃᓴᓐᓄᑦ.

ᔪᐊᓇᓯᐅᑉ ᐊᒡᓚᖏᑦ 3:8

ᐊᓄᕆ ᓇᒧᑐᐃᓐᓇᖅ ᐊᓄᕌᕐᕕᒋᔪᒪᔭᒥᓄᑦ ᐊᓄᕌᕐᐸᒃᐳᖅ; ᓱᓗᒃᓱᕐᓂᖓ ᑐᓵᒐᓗᐊᕐᐸᑦ, ᖃᐅᔨᒪᓐᖏᓚᑎᓪᓕ ᓇᑭᑦ ᐱᖕᒪᖔᑦ ᓇᒧᓪᓗ ᐂᖕᒪᖔᑦ; ᑍᒤᒃᑭᕗᑦᑕᐅᖅ ᐊᓂᕐᓂᕐᒥᑦ ᐃᕐᓂᐊᖑᔪᑦ.”

ᔪᐊᓇᓯᐅᑉ ᐊᒡᓚᖏᑦ 5:8

ᔩᓱᓯᐅᑉ ᐅᖃᐅᑎᕚ, “ᒪᑭᒋᑦ, ᓇᓚᕖᑦ ᑎᒍᓗᒍ, ᐱᓱᓕᕆᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 4:31

ᑐᒃᓯᐊᕐᒪᑕ, ᑖᓐᓇ ᑲᑎᒪᕝᕕᒋᔭᖓᑦ ᐊᐅᓚᕗᖅ; ᐊᓂᕐᓂᕐᒥᒡᓗ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᕗᑦ ᑕᒪᕐᒥᒃ, ᒎᑎᐅᑉ ᐅᖃᐅᓯᖏᓐᓂᒃ ᐅᖃᓪᓚᓕᓚᐅᕐᐳᑦ ᓯᕘᕋᓇᑎᒃ.

ᕉᒪᒥᐅᓄᑦ 15:16

ᐱᔨᑦᓯᕐᑎᐅᖁᓪᓗᖓ ᙭ᔅᑑᓯ ᔩᓱᓯᒥᒃ ᔫᑎᐅᖏᑦᑐᓄᑦ ᑐᓂᕐᕈᓯᕐᑎᑦᓯᔨᑎᑐᑦ ᐱᓇᓱᐊᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᒥᑦ ᐱᔪᓂᒃ, ᔫᑎᐅᖏᑦᑐᑦ ᑐᓂᕐᕈᑕᐅᓗᑎᒃ ᓈᒻᒪᒋᔭᐅᖁᓪᓗᒋᑦ ᒎᑎᒧᑦ, ᐃᑦᔪᕐᓁᑎᑕᐅᓗᑎᒡᓗ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ.

ᕉᒪᒥᐅᓄᑦ 15:28

ᑍᒤᒻᒪᑦ ᑕᒪᓐᓇ ᐱᔭᕇᕈᒃᑯ, ᑍᒃᑯᐊᓗ ᐱᔭᕆᐊᖃᕐᑕᒥᖕᓂ ᑐᓂᕐᕈᑎᓂᒃ ᑲᑎᑕᐅᓯᒪᔪᓂᒃ ᐱᒃᐸᑕ, ᓯᐰᓂᒧᐊᓕᕈᒪ ᐊᖅᑯᓵᓛᕈᒪᕙᑦᓯ;

ᐲᑦᑐᕉᓯ ᓯᕗᓪᓖᑦ 2:5

ᐃᓕᑦᓯᑦᑕᐅᖅ, ᐅᔭᕋᒃᑎᑐᑦ ᐆᒪᔪᑎᑐᑦ, ᐃᒡᓗᓕᐊᖑᓕᕐᐳᓯ ᐊᓂᕐᓂᒃᑯᑦ ᐃᒡᓗᓕᐊᕆᔭᐅᔪᒧᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᐃᑦᔪᕐᓁᑦᑑᓗᓯ, ᐊᓂᕐᓂᒃᑯᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᒎᑎᒧᑦ ᓈᒻᒪᒋᔭᐅᔪᒥᒃ ᔩᓱᓯ ᙭ᔅᑑᓯᒃᑯᑦ.

ᐲᑦᑐᕉᓯ ᐂᑉᐸᖏᑦ 3:18

ᐱᕈᕐᐸᓪᓕᐊᓕᕆᑦᓯᓕ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂ ᖃᐅᔨᕙᓪᓕᐊᓗᓯᓗ ᐊᑕᓂᑦᑎᓐᓂᒃ ᐱᐅᓕᔨᑦᑎᓐᓂᒡᓗ ᔩᓱᓯ ᙭ᔅᑑᓯᒥᒃ. ᑖᓐᓇ ᓂᕐᑐᕐᑕᐅᓕ ᒫᓐᓇᒥᑦ ᐃᓱᖃᖏᑦᑐᒧᓪᓗ ᐋᒦᓐ.