ᓲᓗᒨᓂᐅᑉ ᐃᓐᖏᕈᓯᖏᑦ 3:2 - ᐊᒡᓔᑦ ᐃᑦᔪᕐᖕᓁᑦᑐᑦ

² “ᒫᓐᓇ ᒪᑭᓪᓗᖓ ᐃᒡᓗᒐᓴᖕᓂ ᕿᓂᕈᒪᓕᕐᐸᕋ, ᐊᖅᑯᑎᓂ ᐊᖅᑯᑏᓪᓗ ᐱᕕᑐᓂᖏᓐᓂ; ᐅᖓᔭᕋ ᕿᓂᕐᓂᐊᕐᐸᕋ.” ᕿᓂᕋᓗᐊᕋᒃᑯ, ᓇᓂᓐᖏᓚᕋ.

ᓲᓗᒨᓂᐅᑉ ᐃᓐᖏᕈᓯᖏᑦ 3:2 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:34

ᐃᓄᒃ ᖁᕕᐊᓱᒍᑎᒃᓴᖃᕐᐳᖅ ᐅᕙᓐᓂᒃ ᓈᓚᒃᑐᖅ; ᐃᑎᕐᑕᕐᕕᖁᑎᓐᓂ ᖃᐅᑕᒫᑦ ᖃᐅᔨᓮᓐᓇᕐᑐᖅ, ᐃᑎᕐᑕᕐᕕᖁᑎᒪ ᐅᒃᑯᐊᖓᑕ ᓴᓂᐊᓂ ᐅᑕᖅᑭᓗᓂ.

ᓲᓗᒨᓂᐅᑉ ᐃᓐᖏᕈᓯᖏᑦ 1:7

ᓇᒡᓕᒋᔮᒃ, ᐅᖃᐅᑎᓚᐅᓐᖓ, ᓇᓂ ᓰᐱᖁᑎᖕᓂᒃ ᒥᐊᓂᕐᓯᕙᒃᐱᑦ? ᓇᓂᓗ ᐅᓪᓗᑯᑦ ᑕᕾᕐᓯᕐᐸᒃᐸᑦ? ᓱᖕᒪᑦ ᓰᐱᓂᒃ ᐃᓚᕕᑦ ᒥᐊᓂᕐᓯᕕᖏᑕ ᖃᓂᒋᔮᓂ ᐱᓱᑲᑕᑐᐃᓐᓇᕐᑎᑉᐹᖓ?

ᓲᓗᒨᓂᐅᑉ ᐃᓐᖏᕈᓯᖏᑦ 3:3

ᐅᓐᓄᐊᒃᑯᑦ ᖃᐅᔨᓴᕐᑎᑦ ᑲᑎᒐᒃᑭᑦ, ᐃᒡᓗᒐᓴᖕᓂ ᐱᓱᑲᑕᒃᑎᓪᓗᒋᑦ. ᐊᐱᕆᕙᒃᑲ, “ᐅᖓᔭᕋ ᑕᑯᓚᐅᕐᐱᓯᐅᒃ?”

ᓲᓗᒨᓂᐅᑉ ᐃᓐᖏᕈᓯᖏᑦ 5:5

ᒪᑭᑉᐳᖓ ᓇᒡᓕᒋᔨᒐ ᐅᒃᑯᐃᕈᑎᔭᕐᑐᕐᓗᒍ, ᐊᒡᒐᒃᑲ ᑯᑐᓕᕐᐳᑦ ᒨᕆᒥᒃ, ᒨᕆᒧᓪᓗ ᐊᒡᒐᒃᑲ ᖃᐅᓯᕐᑎᑦᓯᕗᑦ ᓴᓐᓂᕈᐊᑉ ᑎᒍᓕᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 64:7

ᓇᓪᓕᐊᓐᓂᒃ ᐊᑎᕐᓄᑦ ᑐᒃᓯᐊᕐᑐᖃᓚᐅᕐᓯᒪᔪᓐᓃᕐᐳᖅ, ᐊᒃᓱᕈᕐᓗᓂᓗ ᐃᓕᖕᓄᑦ ᐊᔪᐃᓐᓇᕐᑐᖃᓚᐅᕐᓯᒪᔪᓐᓃᕐᐳᖅ; ᑮᓁᑦ ᐅᕙᑦᑎᓐᓄᑦ ᐃᔨᕐᓯᒪᓕᕋᕕᐅᒃ, ᓄᖑᑕᐅᕙᓪᓕᐊᑐᐃᓐᓇᓕᕐᐳᒍᑦ ᐊᔪᕐᓂᑦᑎᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 5:1

ᔨᕉᓴᓕᒥᐅᑕᐅᔪᓯ ᐊᖅᑯᑎᓯ ᐱᓱᑲᑕᒡᓗᒋᑦ ᕿᓂᓚᐅᕆᑦᓯ, ᑲᑎᕕᐅᕙᒃᑐᓪᓗ ᐃᓄᖕᓄᑦ, ᑕᑯᔪᓐᓇᕐᒪᖔᑦᓯ ᐊᑕᐅᓯᕐᒥᒃ ᐊᑲᐅᔪᒥᒃ ᐃᓅᓇᓱᐊᕐᑐᒥᒃ ᓱᓕᔪᒥᒡᓗ ᐃᓕᖅᑯᓯᖃᕋᓱᐊᕐᑐᒥᒃ ᐃᓄᒃᑕᖃᕐᒪᖔᑦ, ᑕᕝᕙ ᔨᕉᓴᓕᒻ ᐃᓱᒪᒋᔪᓐᓁᕐᕕᒋᓂᐊᕐᐸᕋ.

ᔪᐊᓇᓯᐅᑉ ᐊᒡᓚᖏᑦ 1:6

ᒎᑎ ᑎᓕᓯᓚᐅᕐᐳᖅ ᐃᓄᖕᒥᒃ, ᔪᐊᓇᓯᒥᒃ ᐊᑎᓕᖕᒥᒃ,

ᕉᒪᒥᐅᓄᑦ 13:11

ᑍᒤᒻᒪᑦ ᑐᑭᓯᒋᑦᓯ ᐃᑲᕐᕋᖅ ᓇᓪᓕᐅᑎᖕᒪᑦ ᑐᐸᒃᓯᒪᔭᕆᐊᖅᑲᓕᕐᐳᓯ ᓯᓂᑐᐃᓐᓇᕈᓐᓃᕐᓗᓯ. ᐱᐅᓕᔭᐅᓂᖅ ᖃᓂᓐᓂᕐᓴᐅᓕᕐᒪᑦ ᑍᒪᓐᖓᑦ ᐅᒃᐱᓕᓚᐅᕐᓂᑦᑎᓐᓂᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:34

ᐃᓱᒪᑖᑦᓯᐊᓚᐅᕆᑦᓯ, ᐊᔪᕐᑐᓕᔪᓐᓃᕐᓗᓯᓗ. ᐃᓚᖏᑦ ᒎᑎᒥᒃ ᖃᐅᔨᒪᖏᒻᒪᑕ. ᑍᒤᓕᕗᖓ ᑲᓐᖑᓱᒃᑎᑕᐅᖁᓪᓗᓯ.

ᐃᐱᓯᒥᐅᓄᑦ 5:14

ᑍᒤᒻᒪᑦ ᐅᖃᕐᓯᒪᔪᖃᕐᐳᖅ, “ᑐᐸᓕᕆᑦ, ᓯᓂᒃᑐᑎᑦ, ᒪᑭᓪᓗᑎᓪᓗ ᑐᖁᖓᔪᓂᑦ, ᑕᕝᕙ ᙭ᔅᑑᓯᐅᑉ ᖃᐅᒻᒪᒃᕕᒋᓂᐊᕐᐹᑎᑦ.”