ᕉᑎᐅᑉ ᐅᓂᒃᑲᐅᓯᓂᖓ 4:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐊᖑᑎᐅᑉ ᑭᐅᕚ, “ᑍᒤᓕᖓᓂᐊᑐᐊᕐᐸᑦ ᓯᕗᓪᓕᐅᔭᕆᐊᖃᕐᓂᕋ ᐂᑑᑎᒋᖔᕐᐸᕋ ᐃᓕᖕᓄᑦ, ᓂᐅᕕᐊᕆᑐᐊᕈᒃᑯ ᕿᑐᕐᖓᒃᑲ ᑭᖑᕚᒃᑲᓗ ᑖᑦᓱᒥᖓ ᐱᕈᕐᓰᕕᖕᒥᒃ ᑭᖑᕐᖑᑦᔨᔪᓐᓇᑦᔮᖏᒻᒪᑕ, ᐃᕝᕕᑦ ᓂᐅᕕᐊᕆᓕᕈᒃ, ᓂᐅᕕᐊᕆᔪᓐᓇᖏᓐᓇᒃᑯ.”

ᕉᑎᐅᑉ ᐅᓂᒃᑲᐅᓯᓂᖓ 4:6 Iomraidhean Croise

ᒨᓯᓯ ᓯᕗᓪᓖᑦ 38:8

ᑕᕝᕙ ᔫᑕ ᐅᓇᓐᒧᑦ ᐅᖃᕐᐳᖅ, “ᐊᖓᔪᕕᑦ ᓄᓕᐊᖓᓄᐊᓕᕆᑦ, ᓄᓕᐊᕐᑖᕆᓗᒍ ᖃᑕᓐᖑᑍᕐᑑᓪᓗ ᐱᔭᒃᓴᕆᔭᖓᓂᒃ ᐊᑐᕐᕕᒋᓕᕈᒃ, ᐊᖓᔪᕕᑦ ᑭᖑᕚᖏᓐᓂᒃ ᐱᕈᕐᓮᖁᓪᓗᑎᑦ.”

ᒨᓯᓯ ᐱᖓᔪᖏᑦ 25:25

ᐃᓴᕆᐊᓕᒥᐅᑦ ᐃᓚᖓᑦ ᐊᔪᕐᓴᓕᕐᐸᑦ ᓄᓇᖁᑎᒥᓂᒡᓗ ᓂᐅᕐᕈᑎᖃᕆᐊᖃᓕᕐᓗᓂ, ᐃᓚᒋᔭᖓᑕ ᓇᖕᒥᓂᖓᑕ ᓴᑐᕐᓯᑦᔪᑎᔭᕆᐊᖃᕐᐹ.

ᒨᓯᓯ ᑕᓪᓕᒪᖏᑦ 25:7

ᑐᖁᓚᐅᕐᑑᓪᓕ ᓄᑲᖓ ᐂᒥᓂᒃ ᓄᓕᐊᓂᒍᒪᖏᑉᐸᑦ, ᑕᕝᕙ ᐊᕐᓇᖅ ᓄᓇᓕᖕᓂ ᐊᖓᔪᖅᑳᓄᑦ ᐅᐸᒍᑎᔪᒃᓴᐅᕗᖅ ᐅᖃᐅᑎᓗᒋᓪᓗ, ‘ᐅᐃᒋᓚᐅᕐᑕᒪ ᓄᑲᖓ ᐱᔭᒃᓴᕆᔭᒥᓂᒃ ᑲᔪᓯᑎᑦᓯᔪᒪᖏᒻᒪᑦ; ᐊᖓᔪᒋᓚᐅᕐᑕᓂᓗ ᑭᖑᕚᒃᓴᓕᐅᕈᒪᓇᓂᐅᒃ ᐃᓴᕆᐊᓕᒥᐅᑦ ᑭᖑᕚᕇᖕᓂᖏᑎᒍᑦ.’

ᒨᓯᓯ ᑕᓪᓕᒪᖏᑦ 25:8

ᑕᕝᕙ ᓄᓇᓕᖕᓂ ᐊᖓᔪᖅᑳᑦ ᐊᖑᑦ ᕾᖁᓗᒍ ᐅᖃᐅᑎᔭᒃᓴᕆᕚᑦ. ᓱᓕᓕ ᐂᒥᓂᒃ ᓄᓕᐊᓂᒍᒪᖏᑉᐸᑦ,

ᒨᓯᓯ ᑕᓪᓕᒪᖏᑦ 25:9

ᑕᕝᕙ ᐊᕐᓇᐅᑉ ᐂᓂ ᐅᐸᒃᑕᒃᓴᕆᕚ ᓄᓇᓕᖕᓂ ᐊᖓᔪᖅᑳᑦ ᑕᑯᓐᓇᕐᑎᓪᓗᒋᑦ, ᐊᖑᑎᐅᓪᓗ ᐃᑎᒐᒍᑎᖓᑕ ᐃᒡᓗᐊ ᐲᕐᓗᓂᐅᒃ, ᑮᓇᖓᑦ ᑎᕝᕗᐊᕐᕕᒋᔭᒃᓴᕆᕚ, ᐅᖃᕐᓗᓂᓗ, ‘ᐊᖑᑦ ᑍᒤᓕᐅᕐᑕᐅᔪᒃᓴᐅᕗᖅ ᐊᖓᔪᒥᓂᒃ ᑭᖑᕚᒃᓴᓕᐅᕈᒪᖏᑦᑐᖅ.’

ᕉᑎᐅᑉ ᐅᓂᒃᑲᐅᓯᓂᖓ 2:20

ᑕᕝᕙ ᓁᐅᒥᐅᑉ ᐅᑯᐊᓂ ᐅᖃᐅᑎᕚ, “ᐊᑕᓂᖅ ᑐᒃᓯᐊᕐᕕᒋᕙᕋ ᐳᐊᓯ ᓮᒻᒪᕐᑎᑕᐅᖁᓪᓗᒍ, ᐊᑕᓂᖅ ᐊᖏᕈᑎᒋᓯᒪᔭᒥᓂᒃ ᐱᑦᓯᐊᕐᓂᕐᒥᓂᒡᓗ ᐳᐃᒍᓚᐅᕐᓯᒪᖏᒻᒪᑦ ᐃᓅᔪᓄᑦ ᑐᖁᖓᔪᓄᓪᓗ.” ᓁᐅᒥᓗ ᐅᖃᒃᑲᓐᓂᕐᐳᖅ, “ᑖᓐᓇ ᐳᐊᓯ ᐅᐃᒋᓚᐅᕐᑕᒪ ᑭᖑᕚᖑᖃᑎᖏᑕ ᐃᓚᒋᖕᒪᒍ, ᐅᕙᑦᑎᓐᓂᒃ ᐰᕆᒃᓯᒋᐊᖃᕐᑐᑦ ᐃᓚᖓᑦ.”

ᕉᑎᐅᑉ ᐅᓂᒃᑲᐅᓯᓂᖓ 3:13

ᑕᕝᕙᓃᑐᐃᓐᓇᓕᕆᑦ ᒫᓐᓇ ᐅᓐᓄᒃ, ᐅᓪᓚᒃᑯᑦ ᖃᐅᔨᒋᐊᕐᓂᐊᕐᐳᒍᒃ ᑍᓐᓇ ᐃᓚᒋᓂᕐᓴᕆᔧᑦ ᐅᐃᒋᓚᐅᕐᑕᒃᑯᑦ ᑲᔪᓯᔪᒪᖕᒪᖔᑦ ᐃᓕᖕᓄᑦ, ᑲᔪᓯᓂᐊᑐᐊᕐᐸᑦ ᓈᒻᒪᖕᓂᐊᕐᐳᖅ. ᑭᓯᐊᓂᓕ ᑲᔪᓯᔪᓐᓇᖏᑉᐸᑦ, ᐊᑕᓂᖅ ᐃᓅᖕᒪᑦ, ᓱᓕᑦᓯᐊᕐᓗᖓ ᑲᔪᓯᓂᐊᓪᓚᕆᒃᐳᖓ ᒎᑎᐅᑉ ᒎᑎᓪᓚᕆᑐᐊᖑᔫᑉ ᖃᐅᔨᒪᓂᐊᕐᐸᖓ, ᒫᓐᓇᓕ ᑕᕝᕙᓂ ᓯᓂᑐᐃᓐᓇᓕᕆᑦ ᐅᓪᓚᓐᖑᓚᐅᖏᓐᓂᖓᓂ.”

ᕉᑎᐅᑉ ᐅᓂᒃᑲᐅᓯᓂᖓ 3:9

ᐊᐱᕆᕚᓗ, “ᑭᓇᐅᕖᑦ?” ᕉᑎᓗ ᓇᓗᖁᑎᓪᓗᓂ ᑭᐅᕗᖅ, “ᕉᑎᐅᕗᖓ ᐅᐃᒋᓚᐅᕐᑕᒃᑯᑦ ᐃᓚᒋᒐᒃᑭᑦ, ᐅᕙᓐᓂᒃ ᐰᕆᒃᓯᒋᐊᖃᕋᕕᑦ, ᐅᐃᒋᓚᐅᕐᑕᕋ ᐱᑦᔪᑎᒋᓪᓗᒍ ᐃᓚᒌᓪᓚᕆᒃᐳᒍᒃ.”