ᕉᑎᐅᑉ ᐅᓂᒃᑲᐅᓯᓂᖓ 4:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐊᒻᒪᓗ, ᕉᑎ ᐱᖃᓯᐅᑎᓪᓗᒍ ᒧᐊᐱᒥᐅᑕᖅ ᒪᕼᐊᓚᓂᐅᑉ ᓄᓕᐊᕆᓚᐅᕐᑕᖓ ᓄᓕᐊᕐᑖᕆᔭᕆᐊᖃᓕᕋᒃᑯ, ᑍᒤᑐᐊᕐᐸᑦ ᑖᓐᓇ ᐱᕈᕐᓰᕕᒃ ᑍᒃᑯᓄᖓ ᐃᓚᒋᓚᐅᕐᑕᑦᑎᓐᓄᑦ ᑐᕌᖎᓐᓇᕐᓂᐊᕐᒪᑦ, ᐊᑎᖓᑕᓗ ᐃᓚᒌᖕᓂᖏᑕ ᑭᖑᕚᕇᖕᓂᖓᓂ ᑲᔪᓰᓐᓇᕈᓐᓇᕐᓂᐊᕐᒪᑦ ᓄᓇᑐᖃᖏᓪᓗ. ᑕᒪᑐᒥᖓ ᐃᓕᑦᓯ ᐅᓪᓗᒥ ᖃᐅᔨᒪᑦᔪᑕᐅᓂᐊᕐᐳᓯ.”

ᕉᑎᐅᑉ ᐅᓂᒃᑲᐅᓯᓂᖓ 4:10 Iomraidhean Croise

ᒨᓯᓯ ᓯᕗᓪᓖᑦ 29:27

ᑲᑎᑎᑕᐅᓵᕐᑑᒃ ᐱᐅᓯᖓᓂᒃ ᐱᓇᓱᐊᕈᓯᖅ ᐊᓂᒍᕐᓯᐊᕆᓕᕈᒃ, ᐊᓂᒍᕐᓯᒪᓕᕐᐸᑦ ᕅᒋᓕ ᑐᓂᔪᒫᕐᐸᕋ ᐃᓕᖕᓄᑦ ᐱᔨᑦᓯᒃᑲᓐᓂᕇᕈᕕᖓ ᓱᓕ ᐊᕐᕌᒍᓂᒃ 7ᓂᒃ.”

ᒨᓯᓯ ᓯᕗᓪᓖᑦ 38:9

ᐅᓇᓐᓕ ᖃᐅᔨᒪᒐᒥ ᑭᖑᕚᒃᓴᓕᐅᕈᓂ ᓇᖕᒥᓂᕆᓂᐊᖏᓐᓇᒥᒋᑦ; ᐊᖓᔪᐊᑕ ᓄᓕᐊᖓᓄᐊᕐᐳᖅ, ᐃᓐᓇᖓᖃᑎᒋᓕᕌᖓᒥᐅᒡᓕ ᑕᒪᐅᖓᑐᐃᓐᓇᖅ ᖃᐰᖃᑦᑕᕐᐳᖅ, ᐊᖓᔪᒥᓂᒃ ᑭᖑᕚᒃᓴᓕᐅᕈᒪᓇᓂ.

ᐃᓐᖏᕈᑎᑦ 109:15

ᑖᑦᓱᒪ ᐊᔪᕐᓂᖏᑦ ᐊᑕᓂᐅᑉ ᐃᖅᑲᐅᒤᓐᓇᕐᓕᒋᑦ, ᐃᖅᑲᐅᒪᔭᐅᓂᖓ ᓄᓇᒥ ᐲᕐᑕᐅᑦᓯᐊᒻᒪᕆᖁᓪᓗᒍ!

ᐃᓐᖏᕈᑎᑦ 34:16

ᐊᑕᓂᐅᓪᓕ ᑮᓇᖓᑕ ᐱᐅᖏᑦᑐᓕᔪᑦ ᐊᑭᕋᕐᑐᕐᐰᑦ, ᓄᓇᕐᔪᐊᒥᑦ ᐃᖅᑲᐅᒪᔭᐅᓂᖏᑦ ᐲᔭᕈᒪᓪᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:22

ᓄᓕᐊᒃᓴᒥᓂᒃ ᓇᒡᕚᕐᑐᖅ ᐱᐅᔪᒥᒃ ᓇᒡᕚᕐᐳᖅ, ᐊᑕᓂᐅᓪᓗ ᓈᒻᒪᒋᔭᖓᓂᒃ ᐱᓪᓗᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:14

ᐃᒡᓗᖃᕐᓂᖅ ᐊᒃᓱᐃᓐᓂᕐᓗ ᑭᖑᕐᖑᑦᔨᓂᐅᕗᑦ ᐊᖓᔪᖅᑳᖏᓐᓂᑦ ᐱᔪᓂᒃ, ᓄᓕᐊᕐᓕ ᓯᕗᓂᒃᓴᑦᓯᐊᒥᒃ ᕿᓂᕐᑐᖅ ᐊᑕᓂᕐᒥᑦ ᐱᕗᖅ.

ᐂᓮᐊᓯᐅᑉ ᐊᒡᓚᖏᑦ 48:19

ᑭᖑᕚᓯ ᓯᐅᕋᕐᑎᑐᑦ ᐅᓄᕐᑎᒋᒐᔭᓚᐅᕐᐳᑦ, ᕿᑐᕐᖓᓯᓗ ᓂᐊᖂᔭᒃᓮᑦ ᓯᖃᓪᓕᓯᒪᔪᑦ ᐅᓄᕐᓂᖏᑎᑐᑦ ᑍᒤᓪᓗᑎᒃ; ᐊᑎᖏᑦ ᐃᓱᓕᖃᑦᑕᕋᔭᓚᐅᓐᖏᓚᑦ ᐊᓯᕈᕐᑕᐅᖃᑦᑕᕋᔭᕋᑎᒡᓗ ᓵᓐᓂ.”

ᕼᐆᓯᐊᑉ ᐊᒡᓚᖏᑦ 12:12

ᔧᑯ ᕿᒫᓚᐅᕐᐳᖅ ᓯᕆᐊᒧᑦ, ᐂᑉᐸᕐᑖᕈᒪᓂᕐᒥᓄᑦ ᐱᔨᐅᓚᐅᕐᐳᖅ, ᓄᓕᐊᕐᑖᒥᓄᑦ ᐊᑭᓕᐅᑦᔨᓪᓗᓂ ᓰᐱᓂᒃ ᐰᕐᓯᔨᐅᓕᓚᐅᕐᐳᖅ.

ᕼᐆᓯᐊᑉ ᐊᒡᓚᖏᑦ 3:2

ᑍᒤᒻᒪᑦ ᓂᐅᕕᐊᕆᒐᓱᐊᕐᓗᒍ ᐊᕐᓇᖅ ᐊᑭᓖᓚᐅᕐᐳᖓ 15ᓂᒃ ᓯᐅᓪᕕᕆᓂᒃ ᐃᕕᐅᔭᕐᓂᓪᓗ 7ᓂᒃ ᓂᐊᖂᔭᒃᓴᓂᒃ ᐃᓗᓕᓕᖕᓄᑦ.

ᓴᑲᕅᐊᐅᑉ ᐊᒡᓚᖏᑦ 13:2

ᐅᓪᓗᖅ ᓇᓪᓕᐅᑎᒃᐸᑦ ᐱᔪᖃᕈᒫᕐᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ, ᒎᑎᓐᖑᐊᑦ ᐊᑎᖏᑦ ᓄᖑᑎᑦᓱᒫᕐᐸᒃᑲ ᑕᒫᖓᑦ ᓄᓇᒥᑦ, ᐃᖅᑲᕐᑕᐅᖃᑦᑕᕈᓐᓁᕈᒫᕐᐳᓪᓗ, ᓇᓚᐅᑦᑍᔪᑦ ᓄᓇᒥᑦ ᓄᖅᑲᕐᑎᑦᓱᒫᕐᐸᒃᑲ ᐊᓂᕐᓃᓪᓗ ᐱᐅᖏᑦᑐᑦ ᓄᓇᒥᑦ ᐊᐅᓪᓚᕐᑎᑦᓱᒫᕐᐸᒃᑲ.

ᒪᓚᑬᑉ ᐊᒡᓚᖏᑦ 2:14

ᐊᐱᕆᒐᓗᐊᕐᐳᓯ, “ᓱᓇ ᐱᑦᔪᑎᒋᓪᓗᒍ?” ᐊᑕᓂᖅ ᖃᐅᔨᓚᐅᕐᒪᑦ ᓄᓕᐊᓪᓗ ᐃᓅᓱᒃᑑᑎᓪᓗᓯᒃ ᐊᖏᖃᑎᒌᓚᐅᕐᓂᑦᓯᓐᓂᒃ, ᑖᑦᓱᒪ ᐊᓯᐊᓄᐊᕐᓯᒪᒐᕕᑦ; ᑖᓐᓇ ᐊᕐᓇᖅ ᐂᑉᐸᕆᒐᓗᐊᕐᓗᒍ ᓄᓕᐊᕆᓪᓗᒍᓗ ᐊᖏᖃᑎᒌᖕᓂᒃᑯᑦ.

ᐃᐱᓯᒥᐅᓄᑦ 5:25

ᐃᓕᑦᓯ ᐊᖑᑎᐅᔪᓯ, ᓄᓕᐊᓯ ᓇᒡᓕᒋᓯᒋᒃ, ᙭ᔅᑑᓯᐅᑦᑕᐅᖅ ᐅᒃᐱᕐᑑᖃᑎᒌᑦ ᓇᒡᓕᒋᓚᐅᕐᒪᒋᑦ ᐃᒻᒥᓂᒡᓗ ᑐᓂᓪᓗᓂ ᑖᒃᑯᐊ ᐱᓪᓗᒋᑦ.

ᒨᓯᓯ ᑕᓪᓕᒪᖏᑦ 25:6

ᐃᕐᓂᕐᑖᕈᑎᒡᓗ ᓯᕗᓪᓕᕐᐹᒥᒃ ᑐᖁᓯᒪᔫᑉ ᐃᕐᓂᖓᓂᒃ ᑍᔭᐅᔪᒃᓴᐅᕗᖅ ᐊᑎᖃᐅᑎᒋᓕᕐᓗᓂᐅᒡᓗ, ᑖᒃᑯᐊ ᑭᖑᕚᕆᖕᓂᖏᑕ ᐊᑎᖏᑦ ᓄᖑᑐᐃᓐᓇᖁᓇᒋᑦ ᐃᓴᕆᐊᓕᒥᐅᓂ.

ᐄᑉᕈᐃᓄᑦ 13:4

ᓄᓕᐊᕇᖕᓂᖅ ᑕᒤᓐᓄᑦ ᐅᐱᒋᔭᐅᑦᓯᐊᕆᐊᖃᕐᐳᖅ, ᓄᓕᐊᕇᓪᓗ ᐃᓐᓇᖓᕕᐊ ᓇᕐᕈᓇᕐᓯᑎᑕᐅᑦᑍᓕᓕ; ᓄᓕᐊᕇᖕᓂᕐᒥᒃ ᐊᑐᕐᓂᕐᓗᒃᑐᑦ ᐊᓯᓐᓂᐊᕐᑐᓪᓗ ᒎᑎᐅᑉ ᓱᒋᐊᕈᒫᕐᒪᒋᑦ.

ᔮᓱᐊᑉ ᐊᒡᓚᖏᑦ 7:9

ᑬᓇᓂᒥᐅᑉ ᓄᓇᓕᓕᒫᓪᓗ ᖃᓂᒋᔮᓃᑦᑐᑦ ᑐᓴᕐᓂᐊᕐᐳᑦ ᑕᒪᑐᒥᖓ, ᐊᕙᓗᔭᐅᓗᑕ ᑐᖁᑕᐅᓂᐊᓕᕐᐳᒍᑦ! ᖃᓄᐃᓕᐅᕐᓂᐊᕐᐱᓪᓖ ᐊᑎᕐᐱᑦ ᐅᐱᓐᓇᕐᓂᖓ ᓴᐳᑎᓗᒍ?”

ᕉᑎᐅᑉ ᐅᓂᒃᑲᐅᓯᓂᖓ 4:9

ᐳᐊᓯᓗ ᑖᒃᑯᓄᖓ ᑲᑎᒪᖃᑕᐅᔪᓄᑦ ᐊᖓᔪᖅᑳᓄᑦ ᐃᓚᖏᓐᓄᓪᓗ ᐅᖃᕐᐳᖅ, “ᐃᓕᑦᓯ ᖃᐅᔨᒪᓂᐊᓕᕐᐳᓯ ᐅᓪᓗᒥ ᓁᐅᒥᒥᑦ ᓂᐅᕕᕋᒪ ᐃᓔᒥᓕᑭᒧᑦ ᑐᕌᖓᓚᐅᕐᑐᓕᒫᓂᒃ, ᐃᕐᓂᖏᓐᓄᓪᓗ ᓯᓕᐅᓂᒧᑦ ᒪᕼᐊᓚᓂᒧᓪᓗ.