ᕉᑎᐅᑉ ᐅᓂᒃᑲᐅᓯᓂᖓ 3:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐃᓛᒃ ᓱᓕᔪᑎᑦ ᐅᐃᒋᓚᐅᕐᑕᒃᑯᑦ ᐃᓚᒋᒐᕕᖓ, ᐃᓚᒌᓪᓗ ᐱᐅᓯᕆᔭᕆᐊᖃᕐᑕᖏᑎᒍᑦ ᑲᒪᑦᓯᐊᕆᐊᖃᕋᒪ ᐃᓕᖕᓂᒃ, ᑭᓯᐊᓂ ᐅᐃᒋᓚᐅᕐᑕᒃᑯᑦ ᐃᓚᒋᓂᕐᓴᕐᓂᒃ ᐅᕙᓐᓂᑦ ᑕᒫᓃᑦᑐᖃᕐᒥᖕᒪᑦ.

ᕉᑎᐅᑉ ᐅᓂᒃᑲᐅᓯᓂᖓ 3:12 Iomraidhean Croise

ᒫᑎᐅᓯᐅᑉ ᐊᒡᓚᖏᑦ 7:12

“ᑍᒤᒻᒪᑦ ᐃᓅᖃᑎᑦᓯᓐᓄᑦ ᐱᓇᓱᐊᕐᕕᐅᔪᒪᓂᑦᓯᑎᑐᑦ, ᑍᒫᓪᓗᐊᖅ ᐱᓇᓱᐊᕐᑐᒃᓴᐅᕗᓯ: ᑕᒪᓐᓇ ᑍᒤᓕᐅᕐᓂᖅ ᒨᓯᓯᐅᑉ ᐱᖁᔭᖏᑕ ᑐᑭᒋᖕᒪᒍ, ᓇᓚᐅᑦᑍᔪᓪᓗ ᐊᔪᕆᕐᑐᐃᑦᔪᑎᒋᓪᓗᓂᐅᒃ.”

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:6

ᑍᒤᒻᒪᑦ ᐃᓄᒃ ᐅᒃᐱᕐᑑᖃᑎᒥᓂᒃ ᙭ᔅᑑᓯᒥ ᐅᖁᒤᑎᑦᓯᑦᑍᓕᓕ ᓄᓕᐊᕐᓂᕐᒧᑦ ᐅᐃᕕᕐᕆᓇᒍᓗ ᓱᓇᑐᐃᓐᓇᕐᒧᑦ, ᑕᒪᑐᒥᖓ ᐅᖃᐅᑎᓚᐅᕐᐸᑦᓯ, ᐅᓗᕆᐊᓇᕐᓂᖓᓂᒃ ᐊᑕᓂᖅ ᓱᒋᐊᕐᓯᕙᖕᒪᑦ ᑍᒤᓕᐅᕐᑐᓕᒫᓂᒃ.

ᕉᑎᐅᑉ ᐅᓂᒃᑲᐅᓯᓂᖓ 2:20

ᑕᕝᕙ ᓁᐅᒥᐅᑉ ᐅᑯᐊᓂ ᐅᖃᐅᑎᕚ, “ᐊᑕᓂᖅ ᑐᒃᓯᐊᕐᕕᒋᕙᕋ ᐳᐊᓯ ᓮᒻᒪᕐᑎᑕᐅᖁᓪᓗᒍ, ᐊᑕᓂᖅ ᐊᖏᕈᑎᒋᓯᒪᔭᒥᓂᒃ ᐱᑦᓯᐊᕐᓂᕐᒥᓂᒡᓗ ᐳᐃᒍᓚᐅᕐᓯᒪᖏᒻᒪᑦ ᐃᓅᔪᓄᑦ ᑐᖁᖓᔪᓄᓪᓗ.” ᓁᐅᒥᓗ ᐅᖃᒃᑲᓐᓂᕐᐳᖅ, “ᑖᓐᓇ ᐳᐊᓯ ᐅᐃᒋᓚᐅᕐᑕᒪ ᑭᖑᕚᖑᖃᑎᖏᑕ ᐃᓚᒋᖕᒪᒍ, ᐅᕙᑦᑎᓐᓂᒃ ᐰᕆᒃᓯᒋᐊᖃᕐᑐᑦ ᐃᓚᖓᑦ.”

ᕉᑎᐅᑉ ᐅᓂᒃᑲᐅᓯᓂᖓ 3:11

ᐃᓕᕋᓱᒃᑍᓕᒋᑦ ᕉᑏ, ᑕᒪᓐᓇ ᐃᓚᒌᑦ ᐊᑐᕆᐊᖃᕐᑕᖏᓐᓂᒃ ᑲᔪᓯᔪᒪᓃᑦ ᐱᓇᓱᐊᕐᓂᐊᕐᐸᕋ; ᐃᓅᖃᑎᓕᒫᑦᑎᓐᓂᑦ ᖃᐅᔨᒪᔭᐅᓕᕋᕕᑦ ᐃᓄᑦᓯᐊᕙᐅᓂᕐᓂᒃ.

ᕉᑎᐅᑉ ᐅᓂᒃᑲᐅᓯᓂᖓ 3:13

ᑕᕝᕙᓃᑐᐃᓐᓇᓕᕆᑦ ᒫᓐᓇ ᐅᓐᓄᒃ, ᐅᓪᓚᒃᑯᑦ ᖃᐅᔨᒋᐊᕐᓂᐊᕐᐳᒍᒃ ᑍᓐᓇ ᐃᓚᒋᓂᕐᓴᕆᔧᑦ ᐅᐃᒋᓚᐅᕐᑕᒃᑯᑦ ᑲᔪᓯᔪᒪᖕᒪᖔᑦ ᐃᓕᖕᓄᑦ, ᑲᔪᓯᓂᐊᑐᐊᕐᐸᑦ ᓈᒻᒪᖕᓂᐊᕐᐳᖅ. ᑭᓯᐊᓂᓕ ᑲᔪᓯᔪᓐᓇᖏᑉᐸᑦ, ᐊᑕᓂᖅ ᐃᓅᖕᒪᑦ, ᓱᓕᑦᓯᐊᕐᓗᖓ ᑲᔪᓯᓂᐊᓪᓚᕆᒃᐳᖓ ᒎᑎᐅᑉ ᒎᑎᓪᓚᕆᑐᐊᖑᔫᑉ ᖃᐅᔨᒪᓂᐊᕐᐸᖓ, ᒫᓐᓇᓕ ᑕᕝᕙᓂ ᓯᓂᑐᐃᓐᓇᓕᕆᑦ ᐅᓪᓚᓐᖑᓚᐅᖏᓐᓂᖓᓂ.”

ᕉᑎᐅᑉ ᐅᓂᒃᑲᐅᓯᓂᖓ 4:1

ᐳᐊᓯᓕ ᑲᑎᕕᐅᖃᑦᑕᕐᑐᒧᐊᕐᓗᓂ ᐃᒃᓯᕙᓕᕐᐳᖅ ᓄᓇᓕᑦ ᐃᑎᕐᑕᕐᕕᖓᓐᓂ; ᑕᕝᕙ ᐃᓔᒥᓕᑭᐅᑉ ᐃᓚᒋᔭᖏᑕ ᖃᓂᒋᓂᕐᐹᖓᑦ ᑕᕝᕗᓐᖓᕐᐳᖅ ᐳᐊᓯᐅᑉ ᐅᖃᐅᓯᕆᓚᐅᕐᑕᖓ ᑖᓐᓇ ᕉᑎᒧᑦ. ᐳᐊᓯᐅᑉ ᐅᖃᐅᑎᕚ, “ᕾᓚᐅᕆᑦ ᐃᖏᓪᓗᑎᑦ ᐅᖃᖃᑎᒌᓚᐅᕐᓗᒃ.” ᑕᕝᕙ ᐳᐊᓯᒧᐊᕐᐳᖅ ᐃᒃᓯᕙᖃᑎᒋᓕᕐᓗᒍᓗ.

ᕉᑎᐅᑉ ᐅᓂᒃᑲᐅᓯᓂᖓ 4:4

ᑕᒪᓐᓇ ᐃᓕᖕᓄᑦ ᖃᐅᔨᔭᐅᔭᕆᐊᖃᕋᓱᒋᒐᒃᑯ, ᐱᔪᒪᑐᐊᕈᕕᐅᒃ ᓂᐅᕕᐊᕆᔪᓐᓇᕋᕕᐅᒃ ᐅᑯᐊ ᓄᓇᓕᖕᓂ ᐊᖓᔪᖅᑳᑦ ᑕᒃᑯᐊᓐᓂ. ᓂᐅᕕᐊᕆᔪᓐᓇᖏᒃᑯᕕᐅᒡᓕ ᐅᖃᑦᓯᐊᖁᕙᒋᑦ ᐱᐅᓯᕗᑦ ᒪᓕᒡᓗᒋᑦ ᐃᕝᕕᑦ ᓯᕗᓪᓕᐅᔭᕆᐊᖃᕋᕕᑦ, ᐱᔪᓐᓇᖏᒃᑯᕕᓪᓕ ᐅᕙᖓ ᓂᐅᕕᐊᕆᔭᕆᐊᖃᕋᔭᕋᒃᑯ.” ᑖᓐᓇ ᐊᖑᑦ ᐅᖃᕐᐳᖅ, “ᓂᐅᕕᐊᕆᓂᐊᓕᕐᐸᕋ.”