ᕉᑎᐅᑉ ᐅᓂᒃᑲᐅᓯᓂᖓ 3:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐳᐊᓯ ᐅᖃᕐᐳᖅ, “ᑐᒃᓯᐊᕐᐳᖓ ᐊᑕᓂᕐᒧᑦ ᓮᒻᒪᕐᑕᐅᖁᓪᓗᑎᑦ, ᐃᓚᒌᑦ ᐱᐅᓯᕆᔭᕆᐊᖃᕐᑕᖏᓐᓂᒃ ᐃᒃᐱᒍᓱᑦᓯᐊᕐᓂᕐᓂᒃ ᓴᖅᑭᑎᑦᓯᒋᐊᓪᓚᒃᐳᑎᑦ ᒫᓐᓇ, ᓴᑭᖕᓄᑦ ᐱᓂᐊᕐᓂᕆᓚᐅᕐᑕᕐᓂᑦ, ᐊᖑᒻᒥᒃ ᐅᕕᒃᑲᒥᒃ ᖃᓄᐃᑦᑐᑐᐃᓐᓇᕐᒥᒡᓘᓃᑦ ᐅᐃᑖᕋᓱᐊᖏᓐᓃᑦ ᐱᑦᔪᑎᒋᓪᓗᒍ.

ᕉᑎᐅᑉ ᐅᓂᒃᑲᐅᓯᓂᖓ 3:10 Iomraidhean Croise

ᒨᓯᓯ ᓯᕗᓪᓖᑦ 24:31

ᐅᖃᕐᓗᓂᓗ, “ᐅᕙᑦᑎᓐᓄᐊᓚᐅᕆᑦ; ᖃᐅᔨᒐᒪ ᐊᑕᓂᐅᑉ ᓮᒻᒪᕐᑎᓯᒪᖕᒪᑎᑦ; ᓱᖕᒪᑦ ᓯᓚᒥ ᓇᖏᑐᐃᓐᓇᕐᐲᑦ? ᐃᒡᓗ ᐃᓂᒃᓴᓕᐅᕐᓯᒪᕙᕋ, ᑳᒥᓕᖁᑎᑎᓪᓗ ᐃᓂᒃᓴᖃᕐᓗᑎᒃ.”

ᕉᑎᐅᑉ ᐅᓂᒃᑲᐅᓯᓂᖓ 1:8

ᓁᐅᒥᐅᑉ ᐅᑯᐊᖕᓂ ᐅᖃᐅᑎᕚᒃ, “ᐊᖏᕐᕋᓕᕆᑦᓯᒃ ᐊᓈᓇᒃᑯᓯᖕᓄᑦ, ᐃᑲᔪᑦᓯᐊᖃᑦᑕᓚᐅᕋᑦᓯᒃ ᐅᕙᓐᓂᒃ ᐃᓚᒋᓚᐅᕐᑕᑦᑎᓐᓂᒡᓗ ᐃᓅᔪᓐᓃᕐᑐᓂᒃ, ᐊᑕᓂᖅ ᑐᒃᓯᐊᕐᕕᒋᕙᕋ ᐃᑲᔪᑦᓯᐊᖁᓪᓗᒍᑦᑕᐅᖅ ᐃᓕᑦᓯᖕᓂᒃ.

ᕉᑎᐅᑉ ᐅᓂᒃᑲᐅᓯᓂᖓ 2:11

ᐳᐊᓯᐅᑉ ᑭᐅᕚ ᐅᖃᕐᓗᓂᓗ, “ᑕᒤᓐᓂᒃ ᐅᖃᐅᑦᔭᐅᓚᐅᕋᒪ ᓴᑭᖕᓂᒃ ᑲᒪᑦᓯᐊᖃᑦᑕᕐᓂᕐᓂᒃ ᑍᒪᓐᖓᓂᑦ ᐅᐃᕕᑦ ᑐᖁᓂᖓᑕ ᑭᖑᓂᖓᓂ, ᖃᐅᔨᒪᓪᓗᖓᓗ ᐊᖓᔪᖅᑳᑎᑦ ᑕᒪᕐᒥᒃ ᕿᒪᒃᓯᒪᓕᕋᕕᒋᑦ ᓄᓇᓗ ᐃᓅᕕᒋᓯᒪᔧᑦ, ᐃᓄᖕᓄᓪᓗ ᑎᑭᓯᒪᓕᕐᓗᑎᑦ ᓯᕗᓂᖓᒍᑦ ᖃᐅᔨᒪᓚᐅᕐᓯᒪᓐᖏᑕᕐᓄᑦ.

ᕉᑎᐅᑉ ᐅᓂᒃᑲᐅᓯᓂᖓ 2:20

ᑕᕝᕙ ᓁᐅᒥᐅᑉ ᐅᑯᐊᓂ ᐅᖃᐅᑎᕚ, “ᐊᑕᓂᖅ ᑐᒃᓯᐊᕐᕕᒋᕙᕋ ᐳᐊᓯ ᓮᒻᒪᕐᑎᑕᐅᖁᓪᓗᒍ, ᐊᑕᓂᖅ ᐊᖏᕈᑎᒋᓯᒪᔭᒥᓂᒃ ᐱᑦᓯᐊᕐᓂᕐᒥᓂᒡᓗ ᐳᐃᒍᓚᐅᕐᓯᒪᖏᒻᒪᑦ ᐃᓅᔪᓄᑦ ᑐᖁᖓᔪᓄᓪᓗ.” ᓁᐅᒥᓗ ᐅᖃᒃᑲᓐᓂᕐᐳᖅ, “ᑖᓐᓇ ᐳᐊᓯ ᐅᐃᒋᓚᐅᕐᑕᒪ ᑭᖑᕚᖑᖃᑎᖏᑕ ᐃᓚᒋᖕᒪᒍ, ᐅᕙᑦᑎᓐᓂᒃ ᐰᕆᒃᓯᒋᐊᖃᕐᑐᑦ ᐃᓚᖓᑦ.”

ᕉᑎᐅᑉ ᐅᓂᒃᑲᐅᓯᓂᖓ 2:4

ᑕᒪᑐᒪ ᑭᖑᓂᖓᒍᑦ ᑕᑯᒋᑦ ᐳᐊᓯ ᐱᑦᓕᐊᒥᖔᕐᐳᖅ, ᐅᖃᕐᓗᓂᓗ ᑲᑎᕐᓱᐃᔨᖁᑎᒥᓄᑦ, “ᐊᑕᓂᐅᑉ ᐃᓚᒋᓕᓯ.” ᑖᒃᑯᐊᓗ ᑭᐅᕗᑦ, “ᐊᑕᓂᐅᑉ ᓮᒻᒪᕐᑎᓪᓕᑎᑦ!”

ᕉᑎᐅᑉ ᐅᓂᒃᑲᐅᓯᓂᖓ 3:9

ᐊᐱᕆᕚᓗ, “ᑭᓇᐅᕖᑦ?” ᕉᑎᓗ ᓇᓗᖁᑎᓪᓗᓂ ᑭᐅᕗᖅ, “ᕉᑎᐅᕗᖓ ᐅᐃᒋᓚᐅᕐᑕᒃᑯᑦ ᐃᓚᒋᒐᒃᑭᑦ, ᐅᕙᓐᓂᒃ ᐰᕆᒃᓯᒋᐊᖃᕋᕕᑦ, ᐅᐃᒋᓚᐅᕐᑕᕋ ᐱᑦᔪᑎᒋᓪᓗᒍ ᐃᓚᒌᓪᓚᕆᒃᐳᒍᒃ.”

ᓴᒧᐃᓕ ᓯᕗᓪᓖᑦ 15:13

ᓴᒧᐃᓕᓗ ᓴᐅᓕᒧᐊᕐᐳᖅ, ᓴᐅᓕᐅᓪᓗ ᐅᖃᐅᑎᕚ, “ᓮᒻᒪᕐᑎᑕᐅᒋᑦ ᐊᑕᓂᕐᒥᑦ ᐱᔪᑎᑦ; ᐊᑕᓂᐅᑉ ᐱᖁᔨᑦᔪᑎᒋᓚᐅᕐᑕᖏᑦ ᑲᔪᓯᑎᓚᐅᕐᐸᒃᑲ.”