ᕉᑎᐅᑉ ᐅᓂᒃᑲᐅᓯᓂᖓ 2:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᓂᕆᓐᓇᕐᓯᖕᒪᑦ ᐳᐊᓯᐅᑉ ᕉᑎ ᑐᓐᖓᓴᕐᐹ, ᓂᐊᖂᔭᕐᑐᖁᓪᓗᓂᐅᒃ ᒥᓱᒃᐸᒡᓗᒍ ᐸᐅᕐᖎᑦ ᐃᑦᑎᖓᓄᑦ, ᐃᒃᓯᕙᖃᑕᐅᓕᕐᒪᓪᓗ ᐃᖅᑲᓁᔭᕐᑎᖁᑎᖏᓐᓄᑦ, ᐳᐊᓯᐅᑉ ᓂᐊᖂᔭᒃᓴᓂᒃ ᐃᒐᒧᑦ ᐆᓯᒪᔪᓂᒃ ᑐᓂᓯᕕᒋᕚ. ᕉᑎᓗ ᓂᕆᓕᕋᒥ ᐊᕿᐊᑦᑐᑦᓯᐊᕐᐳᖅ ᐊᒥᐊᒃᑯᒻᒪᕆᒡᓗᓂ.

ᕉᑎᐅᑉ ᐅᓂᒃᑲᐅᓯᓂᖓ 2:14 Iomraidhean Croise

ᓴᒧᐃᓕ ᐂᑉᐸᖏᑦ 17:28

ᑖᒃᑯᐊ ᓇᒃᓴᕐᐳᑦ ᐊᐅᒻᒥᓯᓂᒃ, ᐴᒍᑕᕐᓂᒃ, ᐅᒃᑯᓯᖕᓂᒡᓗ ᒪᕐᕋᕕᓂᕐᓂᒃ, ᓂᕿᒃᓴᓂᒡᓗ, ᓂᐊᖂᔭᒃᓮᓪᓗ ᓄᕗᖕᒥᐅᑕᖏᓐᓂᒃ ᐹᕐᓕᓂᒃ, ᓂᕿᓂᒡᓗ, ᓂᕿᓕᐅᕐᓯᒪᔪᓂᒃ ᐊᓗᒐᒃᓴᓂᒃ, ᐲᓐᓂᓯᓂᒡᓗ ᓂᕿᒧᓪᓗ ᐃᓚᒃᓴᓂᒃ ᓕᓐᑎᓂᒃ,

ᐃᓐᖏᕈᑎᑦ 23:5

ᓂᕐᕆᕕᖕᒥᒃ ᓂᕆᓂᐊᕐᑕᓐᓂᒃ ᐋᖅᑭᒃᓱᐃᕗᑎᑦ ᐊᑭᕋᕐᑐᕐᑎᒪ ᑕᒃᑯᐊᓐᓂ. ᓂᐊᖁᕋ ᓇᐹᕐᑑᑉ ᐅᕐᓱᖓᓄᑦ ᑯᕝᕕᕆᕙᑦ; ᐃᒥᐅᑎᒐ ᐊᒡᓛᑦ ᑕᑕᓗᐊᓕᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 32:8

ᐱᔪᓐᓇᑦᓯᐊᕐᑐᕐᓕ ᐱᔪᒥᓇᕐᑐᓂᒃ ᐱᓇᓱᐊᕈᒪᕗᖅ, ᐱᔪᒥᓇᑦᓯᐊᕐᑐᓂᒃ ᐱᓂᐊᕐᓂᖃᕋᒥ ᐊᐅᓚᑦᔭᒃᑕᐅᔪᓐᓇᖏᑦᑐᒥᒃ ᐃᓕᖅᑯᓯᖃᕋᒥᒃ.

ᐂᓮᐊᓯᐅᑉ ᐊᒡᓚᖏᑦ 58:7

ᐃᒫᖑᓐᖏᓛᖅ ᑳᒃᑐᑦ ᓂᕆᑎᖃᑦᑕᕐᓗᒋᑦ ᓂᕿᒃᓴᑦᓯᓐᓂᑦ, ᐊᔪᕐᓴᕐᓂᕐᒧᑦ ᐊᖏᕐᕋᒃᓴᖃᖏᑦᑐᑦ ᐊᖏᕐᕋᑦᓯᓐᓄᑦ ᐃᑎᕐᑎᑉᐸᒡᓗᒋᑦ; ᐊᓐᓄᕌᒃᓴᖃᖏᑦᑐᑦ ᐊᓐᓄᕌᕐᑎᑉᐸᒡᓗᒋᑦ, ᐃᓅᖃᑎᒋᒐᑦᓯᐅᒃ ᑐᓄᒋᐊᑐᐃᓐᓇᕐᐸᖏᓪᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 14:20

ᑕᒪᕐᒥᒃ ᓂᕆᕗᑦ ᓈᒻᒪᒃᓯᓪᓗᑎᒃ. ᑕᕝᕙ ᐃᓕᓐᓂᐊᕐᑎᑦ ᐃᕕᐅᔭᓂᒃ 12ᓂᒃ ᑎᒍᓯᕗᑦ, ᐊᒥᐊᒃᑯᓂᒃ ᐊᒡᒍᕐᓯᒪᔪᓂᒃ ᑖᒃᑯᐊ ᑕᑕᑕᐅᕗᑦ.

ᒨᓯᓯ ᑕᓪᓕᒪᖏᑦ 11:15

ᐱᕈᕐᓰᕕᖁᑎᑦᓯᓐᓂᓗ ᐃᕕᒐᕐᓂᒃ ᐱᕈᕐᑐᖃᑦᓯᐊᕐᓂᐊᕐᐳᖅ ᐃᒻᒧᒃᓯᐅᒐᖁᑎᓯ ᓂᕿᒃᓴᖃᑦᓯᐊᖁᓪᓗᒋᑦ, ᓂᕿᒃᓴᖃᑦᓯᐊᕐᓂᐊᕐᐳᓯᓗ ᓂᕆᔪᓐᓇᕐᑕᓕᒫᑦᓯᓐᓂᒃ.

ᒨᓯᓯ ᑕᓪᓕᒪᖏᑦ 8:10

ᑕᕝᕙᓂ ᓂᕆᔪᒪᓲᓕᒫᑦᓯᓐᓂᒃ ᓂᕆᔪᓐᓇᕐᓂᐊᕐᐳᓯ, ᐊᑕᓂᕐᓗ ᒎᑎᓯ ᑕᒪᒃᑯᓄᖓ ᖁᔭᒋᓂᐊᕐᐸᓯ ᓱᓇᑐᐃᓐᓇᖃᑦᓯᐊᕐᑐᒥᒃ ᓄᓇᒥᒃ ᐃᓕᑦᓯᓐᓄᑦ ᑐᓂᓯᓯᒪᓂᖓ ᐱᑦᔪᑎᒋᓗᒍ.”

ᕉᑎᐅᑉ ᐅᓂᒃᑲᐅᓯᓂᖓ 2:13

ᑕᕝᕙ ᕉᑎᐅᑉ ᑭᐅᕚ, “ᐊᖓᔪᖅᑳᕋ; ᐅᕙᓐᓄᑦ ᐱᑦᓯᐊᕐᑐᐊᓘᕗᑎᑦ ᓯᕘᕋᔪᓐᓃᕐᑎᓐᓇᕕᖓ ᐅᖃᐅᑦᔨᑦᓯᐊᕐᓂᒃᑯᑦ, ᑲᑎᕐᓱᐃᔨᖁᑎᒃᑐᑦ ᑍᒤᑦᑑᑎᓐᓇᖓ.”

ᕉᑎᐅᑉ ᐅᓂᒃᑲᐅᓯᓂᖓ 2:15

ᕉᑎᓕ ᐱᕈᕐᓰᕕᖕᒧᐊᕐᒥᖕᒪᑦ ᑲᑎᑦᓯᔭᕐᑐᕐᓗᓂ ᓂᐊᖂᔭᒃᓴᓂᒃ: ᐳᐊᓯᐅᑉ ᑲᑎᕐᓱᐃᔨᖁᑎᓂ ᐊᖑᑎᑦ ᐅᖃᐅᑎᕔᑦ, “ᐃᓱᒪᕐᓱᕐᓗᓂ ᕉᑎ ᑲᑎᑦᓯᓚᐅᕐᓕ ᑲᑎᑦᓴᕇᕐᓯᒪᔪᓪᓘᓐᓃᑦ ᐊᑯᕐᖓᓐᓂᑦ ᐱᒐᓗᐊᕐᐸᑦ ᓱᖁᑎᒋᔭᐅᑦᑍᓕᓂᐊᕐᐳᖅ.

ᕉᑎᐅᑉ ᐅᓂᒃᑲᐅᓯᓂᖓ 2:18

ᑖᒃᑯᐊᓗ ᑲᑎᓚᐅᕐᑕᓂ ᐊᖏᕐᕋᐅᑎᕔᑦ ᐃᒡᓗᒐᓴᖕᓄᑦ, ᓴᑭᖓᑕᓗ ᑕᑯᕔᑦ ᑲᑎᑕᕕᓂᖏᑦ. ᓴᑭᓂᓗ ᒥᓇᕐᐹ ᓂᕆᓪᓗᑎᒃ ᐊᒥᐊᒃᑯᒋᓚᐅᕐᑕᒥᓂᒃ.

ᓴᒧᐃᓕ ᓯᕗᓪᓖᑦ 17:17

ᔨᓯᓗ ᐃᕐᓂᕐᒥᓄᑦ ᑍᕕᑎᒧᑦ ᐅᖃᕐᐳᖅ, “ᐅᑯᐊ ᐊᖓᔪᖕᓄᐊᕈᑎᓚᐅᒃᑭᑦ ᓂᐊᖂᔭᒃᓮᑦ ᖁᓕᑦ ᐸᓂᕐᑐᓪᓗ ᓂᐅᖂᔧᑦ, ᐅᓪᓚᒡᓗᑎᑦ ᐊᖓᔪᖕᓄᐊᕈᑎᓚᐅᒃᑭᑦ ᑕᖕᒫᕐᓯᒪᕕᒋᔭᖏᓐᓄᑦ.

ᓴᒧᐃᓕ ᓯᕗᓪᓖᑦ 25:18

ᑕᕝᕙ ᐊᐱᒊᓕ ᑐᐊᕕᕐᓗᓂ ᑲᑎᕐᓱᐃᕗᖅ 200ᓂᒃ ᓂᐊᖂᔭᓂᒃ, ᕿᓰᖕᓂᒡᓗ ᒪᕐᕉᖕᓂᒃ ᕔᓂᖃᐅᑏᖕᓂᒃ, ᑕᓪᓕᒪᓂᒡᓗ ᓰᐱᓂᒃ ᐆᓯᒪᔪᓂᒃ, ᐃᕕᐅᔮᖕᓂᒡᓗ ᒪᕐᕉᖕᓂᒃ ᐆᓯᒪᔪᓂᒃ ᓂᐊᖂᔭᒃᓴᓂᒃ, 100ᓂᒡᓗ ᐊᕕᒃᑐᕇᕐᓯᒪᔪᓂᒃ ᐸᐅᕐᖓᐅᔭᓂᒃ, 200ᓂᒡᓗ ᑬᓕᐊᕆᓯᒪᔪᓂᒃ ᐱᒋᓕᖕᓂᒃ, ᑕᒪᒃᑯᐊᓗ ᓯᐅᑎᖅᑯᕐᑐᔪᓄᑦ ᐅᓯᓕᕐᓲᑎᕔᑦ.