ᕉᑎᐅᑉ ᐅᓂᒃᑲᐅᓯᓂᖓ 1:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᑕᕝᕙᓐᖓᑦ ᐊᐅᓪᓚᕐᑎᓪᓗᑕ ᐊᑕᖏᐅᒪᑦᓯᐊᓚᐅᕐᐳᒍᑦ ᐃᓚᒌᑎᒍᑦ, ᐊᑕᓂᐅᓪᓕ ᐅᑎᕐᑎᓕᕐᐸᖓ ᐃᓕᐊᕐᔫᓕᕐᓗᖓ. ᓱᖕᒪᑦ ᓱᓕ ᓁᐅᒥᒥᒃ ᑍᔪᒪᕕᓯᓐᖔ? ᐊᑕᓂᐅᑉ ᐊᔪᒐᖃᖏᑦᑑᑉ ᐅᕙᓐᓂᒃ ᓈᒻᒪᒃᓴᖏᓐᓂᕐᒥᓂᒃ ᖃᐅᔨᑎᓯᒪᓕᕐᒪᖓ, ᕿᒃᓵᖕᓇᕐᑐᒦᑎᓪᓗᖓᓗ.”

ᕉᑎᐅᑉ ᐅᓂᒃᑲᐅᓯᓂᖓ 1:21 Iomraidhean Croise

ᔫᐱᐅᑉ ᐊᒡᓚᖏᑦ 1:21

ᐅᖃᕐᓗᓂᓗ, “ᐃᕐᓂᐊᖑᓚᐅᕐᐳᖓ ᓱᓇᖃᕐᓇᖓ, ᑐᖁᓂᐊᕆᕗᖓ ᓱᓇᖃᖏᓪᓗᖓ. ᐊᑕᓂᐅᑉ ᑐᓂᓚᐅᕐᐰᑦ ᒫᓐᓇᓗ ᐊᑕᓂᐅᑉ ᑎᒍᒋᕔᑦ. ᐊᑕᓂᐅᑉ ᐊᑎᖓ ᓂᕐᑐᕐᑕᐅᓕ!”

ᔫᐱᐅᑉ ᐊᒡᓚᖏᑦ 10:17

ᖃᐅᔨᓴᕐᑎᖁᑎᕾᓐᓇᕐᐳᑎᑦ ᐅᕙᓐᓂᒃ ᖃᐅᔨᓇᓱᒃᑐᓂᒃ, ᓂᓐᖓᐅᒪᓃᓪᓗ ᐅᕙᓐᓄᑦ ᐱᕙᓪᓕᐊᑐᐃᓐᓇᕐᓗᓂ ᑍᒪᓐᖓᑦ; ᐃᓱᒪᒃᓴᕐᓯᐅᕐᐳᑎᑦ ᖃᓄᒃᑲᓐᓂᖅ ᐅᕙᓐᓂᒃ ᐊᑭᕋᕐᑐᕆᐊᒃᓴᖅ.

ᔫᐱᐅᑉ ᐊᒡᓚᖏᑦ 13:26

ᐅᕙᓐᓄᑦ ᖃᓯᓕᓇᕐᑐᓂᒃ ᑎᑎᕋᓚᐅᕐᐳᑎᑦ, ᐃᓅᓱᒃᑑᑎᓪᓗᖓ ᐊᔪᕐᑐᓕᓂᕆᓚᐅᕐᑕᒃᑲ ᐱᑦᔪᑎᒋᓪᓗᒋᑦ.

ᔫᐱᐅᑉ ᐊᒡᓚᖏᑦ 16:8

ᐊᑦᓱᖏᐅᑎᓯᒪᕚᖓ, ᑕᒪᓐᓇᓗ ᓇᓗᓁᒃᑯᑕᐅᕗᖅ ᐊᑭᕋᕐᑐᕐᑕᐅᓂᓐᓄᑦ; ᓴᓪᓗᐊᓘᓕᕐᐳᖓ ᓴᐅᓃᓐᓇᐅᓕᕐᓗᖓᓗ, ᖁᓚᖏᑦᔪᑕᐅᓕᕐᐳᕐᓗ ᐸᓯᔭᒃᓴᐅᓂᓐᓄᑦ ᑍᒤᓐᓂᕋᕐᑕᐅᓪᓗᖓ.

ᔫᐱᐅᑉ ᐊᒡᓚᖏᑦ 30:11

ᒎᑎᐅᑉ ᓴᓐᖐᓕᑎᓪᓗᓂᖓ ᓇᓗᖅᑯᑎᓕᕐᑎᒻᒪᖓ, ᓱᓇᐅᔪᓐᓁᕐᑐᒥᒃ ᖃᐅᔨᓕᕋᒥᒃ ᐱᑦᓯᐊᖏᕕᒡᔪᐊᓕᕐᐳᑦ.

ᒪᓚᑬᑉ ᐊᒡᓚᖏᑦ 3:5

“ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᕉᑎᐅᑉ ᐅᓂᒃᑲᐅᓯᓂᖓ 1:13

ᐅᑦᑕᖅᑭᔪᓐᓇᕋᔭᕐᐱᓰᒃ ᐱᕈᕐᕇᕐᓯᐊᕆᓗᒋᒃ? ᑍᒫᒃ ᐊᑯᓂᐊᓗᒃ ᐅᐃᓂᒃᑍᓕᑦᔪᑎᒋᒐᔭᕐᐱᓯᒃᑰᒃ? ᐸᓃᒃᑲ ᖃᐅᔨᒪᕗᓯᒃ ᑍᒫᒃ ᐊᔪᕐᓇᑦᓯᐊᕐᑐᖅ; ᐊᖏᔪᒥᒃ ᕿᒃᓵᒍᑎᒋᒐᓗᐊᕐᐸᑦᓯᒃ ᓇᒡᓕᒋᓪᓗᓯᒃ ᑭᓯᐊᓂ ᐊᑕᓂᐅᑉ ᑍᒤᑦᓱᓐᓁᓪᓕᑎᑖᖓ.”