ᕉᑎᐅᑉ ᐅᓂᒃᑲᐅᓯᓂᖓ 1:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᓁᐅᒥᐅᓪᓕ ᐅᖃᐅᑎᕔᑦ, “ᓁᐅᒥᒥᒃ ᑍᔭᐅᔪᒪᔪᓐᓃᕐᑐᖓ; ᐃᒫᖔᕐᓕ ᒫᕋᒥᒃ, ᒎᑎᐅᑉ ᐊᔪᒐᖃᖏᑦᑑᑉ ᕿᒃᓵᖕᓇᕐᑐᐊᓗᖕᒥᒃ ᐱᑎᓚᐅᕐᒪᖓ.

ᕉᑎᐅᑉ ᐅᓂᒃᑲᐅᓯᓂᖓ 1:20 Iomraidhean Croise

ᒨᓯᓯ ᓯᕗᓪᓖᑦ 17:1

ᐂᑉᕋᒻᓕ 99ᓂᒃ ᐊᕐᕌᒍᖃᓕᕐᓗᓂ, ᐊᑕᓂᐅᑉ ᓴᖅᑭᕝᕕᒋᕚ ᐅᖃᐅᑎᓪᓗᒍᓗ, “ᐅᕙᖓ ᒎᑎᐅᕗᖓ ᐊᔪᒐᖃᖏᑦᑐᖅ; ᓵᓐᓂ ᐃᓅᒋᑦ ᐸᓯᔭᒃᓴᐅᖏᓪᓗᑎᓪᓗ.

ᒨᓯᓯ ᓯᕗᓪᓖᑦ 43:14

ᒎᑎᐅᑉ ᐊᔪᒐᖃᖏᑦᑑᑉ ᓂᑲᒋᔭᐅᔪᓐᓇᕐᑎᓪᓕᓯ ᑖᑦᓱᒧᖓ ᐊᖑᒻᒧᑦ, ᐅᑎᕈᓐᓇᖁᓪᓗᓯ ᖃᑕᓐᖑᑎᓯ ᐃᓚᒋᓕᕐᓗᒍ ᐱᓐᔭᒥᓂᓗ. ᐅᕙᖓᓕ ᕿᑐᕐᖓᓐᓄᑦ ᕿᒃᓵᒃᑎᑕᐅᔭᕆᐊᖃᕈᒪ, ᑕᕝᕙ ᕿᒃᓵᖕᓂᐊᕐᐳᖓ.”

ᔫᐱᐅᑉ ᐊᒡᓚᖏᑦ 11:7

ᖃᐅᔨᔪᓐᓇᕋᓱᒋᕖᑦ ᒎᑎᐅᑉ ᖃᐅᔨᒪᓂᕐᔪᐊᖓᓂᒃ? ᐊᔪᒐᖃᖏᑦᑐᕐᔪᐊᖑᓂᖓᓗ ᐃᓱᓕᓪᓗᒍ ᖃᐅᔨᔪᓐᓇᕋᓱᒋᕕᐅᒃ?

ᔫᐱᐅᑉ ᐊᒡᓚᖏᑦ 19:6

ᖃᐅᔨᔪᓐᓇᓐᖏᓚᓰ ᒎᑎᐅᑉ ᐅᕙᓐᓄᑦ ᑍᒤᓕᐅᕐᓂᖓᓂᒃ? ᐱᓇᓱᐊᕐᓗᓂᖓ ᓄᓗᐊᕐᑎᑕᒥᑐᑦ ᑍᒤᓯᒪᖕᒪᖓ.

ᔫᐱᐅᑉ ᐊᒡᓚᖏᑦ 5:17

ᑕᑯᒋᑦ, ᐃᓄᒃ ᖁᕕᐊᓱᒍᑎᒃᓴᖃᕐᐳᖅ ᒎᑎᐅᑉ ᐋᖅᑭᒋᐊᕐᑕᖓ; ᑍᒤᒻᒪᑦ ᓇᕐᕈᒋᓂᐊᕐᓇᒍ ᐊᔪᒐᖃᖏᑦᑐᒧᑦ ᓱᒋᐊᕐᑕᐅᒍᕕᑦ.

ᔫᐱᐅᑉ ᐊᒡᓚᖏᑦ 6:4

ᒎᑎᐅᑉ ᐊᔪᒐᖃᖏᑦᑑᑉ ᖃᕐᔪᖏᑕ ᐃᓗᒃᑯᑦ ᑲᐱᓯᒪᖕᒪᖓ; ᑐᖁᓐᓇᕐᑐᖏᓐᓂᒡᓗ ᑎᒥᒐ ᐃᒥᕐᓯᒪᓕᕐᓗᓂ; ᒎᑎᐅᑉ ᑲᑉᐱᐊᓱᒃᑎᑦᓯᓂᕐᒥᓄᑦ ᑎᑭᕝᕕᐅᑎᓯᒪᖕᒪᖓ.

ᔫᐱᐅᑉ ᐊᒡᓚᖏᑦ 9:18

ᑕᕾᕐᓯᕈᓐᓁᓪᓕᑎᑉᐹᖓ ᐊᒡᓛᑦ; ᐆᒥᓱᖕᓂᐊᓗᖕᒥᒡᓗ ᐃᓗᒻᒥᕐᑎᓯᒪᕚᖓ.

ᐃᓐᖏᕈᑎᑦ 73:14

ᐅᓪᓗᖅ ᓈᓪᓗᒍ ᐃᓱᒪᔮᕐᑎᑕᐅᓚᐅᕐᐳᖓ, ᐅᓪᓛᑕᒫᓪᓗ ᐸᓯᔭᐅᓂᕐᒧᑦ ᓱᒋᐊᕐᑕᐅᕙᒃᓗᖓ.

ᐃᓐᖏᕈᑎᑦ 88:15

ᐋᓐᓂᐊᑖᕐᓯᒪᕗᖓ ᑐᖁᑐᐃᓐᓇᕆᐊᖃᓕᕐᓗᖓ ᐃᓅᓱᒃᑑᓪᓗᖓ ᓱᓕ, ᑲᑉᐱᐊᓇᕐᑐᒦᑎᑦᓯᓃᑦ ᐃᓗᖏᕐᑐᕈᑎᒋᕙᕋ; ᐃᑲᔪᕐᑎᒃᓴᖃᕐᓇᖓᓗ.

ᒨᓯᓯ ᐂᑉᐸᖏᑦ 15:23

ᓄᓇᒧᓪᓕ ᒫᕋᒥᒃ ᐊᑎᓕᖕᒧᑦ ᑎᑭᓐᓇᒥᒃ, ᑖᑦᓱᒪ ᐃᒪᖓᓂᒃ ᐃᒥᕈᓐᓇᓚᐅᓐᖏᓚᑦ ᐃᒪᖓ ᖃᓯᓕᓇᕐᑑᓚᐅᕐᒪᑦ; ᑍᒤᒻᒪᑦ ᑕᕝᕙ ᓄᓇ ᐊᑎᖃᕐᑎᑕᐅᓕᕐᐳᖅ ᒫᕋᒥᒃ.

ᒨᓯᓯ ᐂᑉᐸᖏᑦ 6:3

ᓴᖅᑭᓚᐅᕐᐳᖓᓗ ᐂᑉᕋᕼᐋᒧᑦ, ᐂᓴᑭᒧᓪᓗ, ᔧᑯᒧᓪᓗ, ᐊᔪᒐᖃᖏᑦᑑᓪᓗᖓ ᒎᑎᐅᒐᒪ, ᑭᓯᐊᓂᓕ ᐊᑕᓂᕐᒥᒃ ᐊᑎᖃᕐᓂᓐᓂᒃ ᐊᑎᕐᒪᓗ ᐃᑦᔪᕐᓁᓐᓂᖓᓂᒡᓗ ᓇᓗᓁᕐᓯᓚᐅᓐᖏᓚᖓ ᑖᒃᑯᓄᖓ.

ᐂᓮᐊᓯᐅᑉ ᐊᒡᓚᖏᑦ 38:13

ᓂᓪᓕᐊᓚᐅᕐᐳᖓ ᐃᑲᔪᕐᑕᐅᔪᒪᓪᓗᖓ ᐅᓪᓛᒧᑦ ᑎᑭᓪᓗᒍ; ᓛᔭᒧᑦ ᓴᐅᓂᒃᑲ ᖃᖅᑯᐊᕐᑕᐅᔪᑎᑐᑦ ᑍᒤᓚᐅᕐᐳᑦ; ᐅᓪᓗᕐᒥᑦ ᐅᓐᓄᐊᒧᑦ ᑎᑭᑦᑐᑐᑦ ᐃᓱᓕᑎᓚᐅᕐᐸᕐᒪ.

ᐄᑉᕈᐃᓄᑦ 12:11

ᐋᖅᑭᒋᐊᕐᑕᐅᑎᓪᓗᑕ ᐃᓱᒪᒋᕙᕗᑦ ᖁᕕᐊᓱᖏᑦᔪᑎᒃᓴᐅᓇᓱᒋᓪᓗᒍ ᕿᒃᓴᐅᑎᒋᕙᕗᑦ; ᐋᖅᑭᒋᐊᕐᑕᐅᕙᒃᑐᓪᓕ ᐱᕈᕐᓴᑎᓪᓗᒋᑦ ᑭᖑᓂᖓᒍ ᓮᒪᓇᕐᑐᒥᒃ ᐃᓗᐊᕐᑐᒥᒡᓗ ᐃᓅᓯᖃᕈᑕᐅᓂᕐᓴᐅᕗᖅ ᑍᒤᑦᑐᒃᑯᑦ ᐱᒋᐅᕐᓴᕐᑕᐅᓯᒪᔪᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:8

“ᐋᓪᐸᐅᕗᖓ ᐅᒥᒐᐅᓪᓗᖓᓗ,” ᐱᒋᐊᕐᓂᐅᕗᖓ ᑭᖑᓪᓕᕐᐸᐅᓪᓗᖓᓗ, ᐊᑕᓂᖅ ᒎᑎ ᐅᖃᕐᐳᖅ, ᒫᓐᓇ ᑍᒤᑦᑐᖅ ᑍᒤᓚᐅᕐᑐᕐᓗ ᑍᒤᖏᓐᓇᕐᓂᐊᕐᑐᕐᓗ ᐊᔪᒐᖃᖏᑦᑐᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:22

ᐃᒡᓗᒐᓴᒡᔪᐊᓂᓗ ᑕᕝᕙᓂ ᑐᒃᓯᐊᕐᕕᒡᔪᐊᕐᒥᒃ ᑕᑯᓐᖏᓚᖓ, ᐊᑕᓂᖅ ᒎᑎ ᐊᔪᒐᖃᖏᑦᑐᖅ ᓄᕐᕋᐅᔭᕐᓗ ᑐᒃᓯᐊᕐᕕᒡᔪᐊᕆᔭᐅᖕᒪᑦ.