ᕉᑎᐅᑉ ᐅᓂᒃᑲᐅᓯᓂᖓ 1:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᕉᑎᐅᓪᓕ ᑭᐅᕚ, “ᐃᓕᖕᓂᒃ ᕿᒤᖁᓐᖏᓚᐅᓐᖓ, ᐅᑎᖁᖏᓪᓗᖓᓗ ᒪᓕᒍᒪᒐᒃᑭᑦ; ᓇᒧᑐᐃᓐᓇᖅ ᐂᒐᓗᐊᕈᕕᑦ ᒪᓕᖕᓂᐊᕐᐳᖓ, ᓄᓇᖃᕐᕕᒋᔭᕐᓂᓗ ᓄᓇᖃᕐᓂᐊᕐᐳᖓ, ᐃᓅᖃᑎᑎᑦ ᐃᓅᖃᑎᒋᓂᐊᕐᐸᒃᑲ, ᒎᑏᓪᓗ ᒎᑎᒋᓂᐊᕐᐸᕋ.

ᕉᑎᐅᑉ ᐅᓂᒃᑲᐅᓯᓂᖓ 1:16 Iomraidhean Croise

ᓴᒧᐃᓕ ᐂᑉᐸᖏᑦ 15:21

ᐃᑍᓕ ᑭᐅᕗᖅ, “ᐊᖓᔪᖅᑳᒃ, ᐊᑕᓂᖅ ᐃᓅᖕᒪᑦ, ᐊᑕᓂᕋᓗ ᐊᖓᔪᖅᑳᕐᔪᐊᕋ ᐃᓅᓪᓗᓂ, ᐊᖓᔪᖅᑳᕐᔪᐊᕋ ᐊᑕᓂᕋᓗ ᓇᒧᓐᖓᑐᐊᕐᐸᑦ ᒪᓖᓐᓇᐅᔭᕐᓂᐊᕐᐸᕋ, ᑐᖁᓂᐊᕋᓗᐊᕈᒪ ᐃᓅᓂᐊᕈᒪᓘᓐᓃᑦ ᓇᔪᕐᑕᖓᓃᖃᑕᐅᖏᓐᓇᕐᓂᐊᕐᐳᖓ.”

ᐃᓐᖏᕈᑎᑦ 45:10

ᐊᖓᔪᖅᑳᕐᔪᐊᑉ ᓄᓕᐊᒃᓴᖓ, ᓈᓚᒋᑦ, ᐃᓱᒪᑦᓯᐊᕆᑦ ᓯᐅᑏᒃᑭᒡᓗ ᒪᓂᓗᒋᒃ; ᐃᓅᖃᑎᑎᑦ ᐳᐃᒍᕐᓗᒋᑦ, ᓇᖕᒥᓂᕐᓗ ᐃᓚᑎᑦ;

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:17

ᐃᓚᓐᓇᕆᔭᖅ ᓇᒡᓕᒍᓱᐃᓐᓇᕈᓐᓇᕐᐳᖅ ᖃᓄᐃᑦᑐᖃᕋᓗᐊᕐᐸᑦ, ᖃᑕᓐᖑᓪᓗ ᐃᓅᓕᕐᓯᒪᕗᖅ ᐅᖁᒤᑦᑐᖃᓕᕐᐸᑦ ᐃᑲᔪᕐᑎᐅᖁᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 14:1

ᐊᑕᓂᖅ ᓂᑲᒍᓱᓕᒃᑲᓐᓂᕈᒫᕆᕗᖅ ᔧᑰᑉ ᑭᖑᕚᖏᓐᓂᒃ ᐃᓴᕆᐊᓕᒥᐅᓪᓗ ᓂᕈᐊᕐᓯᒪᓕᕈᒫᕆᓪᓗᒋᑦ, ᓄᓇᑐᖃᖏᓐᓄᓪᓗ ᓇᖕᒥᓂᖏᓐᓄᑦ ᐃᓕᔪᒫᕆᕔᑦ, ᓄᓇᖃᑎᑐᖃᕆᓐᖏᑕᖏᓪᓗ ᔧᑰᑉ ᑭᖑᕚᖏᓐᓂᒃ ᐃᓚᕾᓐᓇᕈᒪᔪᒫᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 2:47

ᐊᖓᔪᖅᑳᕐᔪᐊᕐᓗ ᐅᖃᕐᐳᖅ ᑖᓂᐊᓕᒧᑦ, “ᓱᓕᔪᒥᒃ ᒎᑏᑦ ᒎᑎᓄᑦ ᒎᑎᒋᔭᐅᕗᖅ, ᐊᑕᓂᐅᓪᓗᓂᓗ ᐊᖓᔪᖅᑳᕐᔪᐊᓄᑦ, ᓇᓗᓇᕐᑐᓂᒃ ᓴᖅᑭᑎᑦᓯᔪᓐᓇᕐᑐᖅ, ᖃᐅᔨᑦᔪᑎᒐ ᑕᕝᕙ ᓇᓗᓇᕐᑐᒥ ᑕᒪᑐᒥᖓ ᖃᐅᔨᑎᑕᐅᒐᕕᑦ.”

ᑖᓂᐊᓕᐅᑉ ᐊᒡᓚᖏᑦ 3:29

“ᑍᒤᒻᒪᑦ ᐱᖁᔭᓕᐅᓕᕐᐳᖓ ᐃᓄᐃᑦ ᓇᑭᑐᐃᓐᓇᖅ ᐱᓯᒪᔪᑦ ᐅᖃᐅᓯᖃᑎᒌᖏᑦᑐᓪᓗ, ᓇᓪᓕᐊᓐᓂᒃ ᐊᑭᕋᕐᑐᕐᓂᕐᒥᒃ ᐅᖃᕐᑐᖃᕐᐸᑦ, ᓵᑐᕌᑭᐅᑉ ᒥᓵᑭᐅᓪᓗ ᐊᐱᓐᑎᒎᓪᓗ ᒎᑎᖓᓐᓄᑦ, ᑍᒤᓕᐅᕐᑑᑉ ᑎᒥᖓ ᐊᕕᒃᑐᕐᑕᐅᔪᒃᓴᐅᕗᖅ ᐃᒡᓗᖓᓗ ᓯᖁᒥᑕᐅᓗᓂ ᓴᓂᑐᐃᓐᓇᐅᓕᕐᓗᓂ: ᒎᑎᑕᖃᖏᒻᒪᑦ ᐊᓯᐊᓂᒃ ᑍᒫᒃ ᓴᐳᑦᔨᔪᓐᓇᕐᑎᒋᔪᒥᒃ.”

ᑖᓂᐊᓕᐅᑉ ᐊᒡᓚᖏᑦ 4:37

“ᒫᓐᓇᓕ ᐅᕙᖓ, ᓂᐱᑯᓁᓴ, ᕿᓚᖕᒥᐅᑦ ᐊᖓᔪᖅᑳᕐᔪᐊᖓᑦ ᓂᕐᑐᕐᐸᕋ ᐊᖏᔪᕈᕐᑎᓪᓗᒍᓗ, ᖃᓄᐃᓕᐅᕐᓂᖏᑦ ᐊᑲᐅᔪᐃᓐᓇᐅᖕᒪᑕ, ᐱᓂᐊᕐᓂᓕᒫᖏᓪᓗ ᐊᑦᔨᒌᒃᑎᑦᓯᓪᓗᑎᒃ, ᐱᔪᓐᓇᕋᓱᒋᓂᕐᒥᓗ ᐃᓅᔪᑦ ᒥᑭᒃᓕᑎᕈᓐᓇᕐᐰᑦ.”

ᕼᐆᓯᐊᑉ ᐊᒡᓚᖏᑦ 13:4

“ᐅᕙᖓᐅᕗᖓ ᐊᑕᓂᖅ ᒎᑏᑦ ᐄᑦᔨᑉᑎᐅᑉ ᓄᓇᖓᓂᑦ ᐊᐅᓪᓚᕐᑎᑦᓯᓚᐅᕐᑐᖅ; ᐊᓯᓐᓂᒃ ᒎᑎᒥᒃ ᖃᐅᔨᓂᐊᓐᖏᓚᑎᑦ, ᐊᓯᓐᓂᒡᓗ ᐱᐅᓕᔨᑕᖃᕐᓇᓂ.

ᓴᑲᕅᐊᐅᑉ ᐊᒡᓚᖏᑦ 8:23

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᒫᒃ ᐅᖃᕐᐳᖅ; ᐅᓪᓗᓂ ᑍᒃᑯᓇᓂ ᐃᒫᒃ ᐱᔪᖃᕈᒫᕐᐳᖅ, ᐊᖑᑎᑦ ᖁᓕᑦ ᐃᓅᖃᑎᒌᒡᔪᐊᓂᑦ ᐅᖃᐅᓯᖃᑎᒌᖏᑦᑐᑦ, ᔫᑎᒥᒃ ᐊᓐᓄᕌᖓᒍᑦ ᑎᒍᓯᔪᒫᕐᐳᑦ ᐅᖃᐅᑎᓗᒍᓗ, ‘ᑍᑯᓐᖓᖃᑎᒋᓚᐅᕐᓚᑦᑎᒋᑦ ᑐᓴᐅᒪᒐᑦᑕ ᒎᑎᐅᑉ ᐃᓚᒋᖕᒪᓯ.’”

ᒫᑎᐅᓯᐅᑉ ᐊᒡᓚᖏᑦ 8:19

ᐱᖁᔭᓂᒃ ᐃᓕᓮᔨᐅᑉ ᔩᓱᓯ ᐅᐸᒃᐹ, ᐅᖃᐅᑎᓪᓗᒍ, “ᐊᔪᕆᕐᑐᐃᔩ, ᒪᓕᖕᓂᐊᕐᐸᒋᑦ ᓇᒧᑐᐃᓐᓇᖅ ᐂᒐᓗᐊᕈᕕᑦ.”

ᔪᐊᓇᓯᐅᑉ ᐊᒡᓚᖏᑦ 13:37

ᐲᑦᑐᕉᓯᐅᑉ ᐅᖃᐅᑎᕚ, “ᐊᑕᓃᖅ ᓱᖕᒪᑦ ᒫᓐᓇ ᒪᓕᒍᓐᓇᓐᖏᓚᒌᑦ? ᐃᓕᖕᓂᒃ ᑐᖁᑕᐅᑦᔪᑎᖃᕋᓗᐊᕈᒪ ᖃᓄᐃᒃᓴᓐᖏᓚᖓ.”

ᐋᐴᓯᑕᓖᑦ ᐱᓂᐊᕐᓂᖏᑦ 21:13

ᐸᐅᓗᓯᓕ ᑭᐅᕗᖅ, “ᓱᖕᒪᑦ ᕿᐊᕕᓰ? ᐆᒻᒪᑎᒃᑯᑦ ᓰᖁᒥᑎᓐᓇᑦᓯᓐᖓ, ᐅᐸᓗᖕᒊᕐᓯᒪᕗᖓᓕ ᕿᓚᒃᓱᕐᑕᐅᓂᕐᒧᑐᐃᓐᓇᐅᖏᑦᑐᖅ, ᑐᖁᑕᐅᓂᕐᒧᓪᓕ ᐊᒡᓛᑦ ᔨᕉᓴᓕᒻᒥ ᐊᑕᓂᖅ ᔩᓱᓯ ᐱᑦᔪᑎᒋᓗᒍ.”

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:9

ᐃᓄᓕᒫᑦ ᐃᓕᑦᓯᓐᓂᒃ ᐅᓐᓂᕐᓯᐅᑎᖃᕐᒪᑕ ᐅᕙᑦᑎᓐᓂᒃ ᑐᓐᖓᓱᒃᑎᑦᓯᓂᕆᓚᐅᕐᑕᑦᓯᓐᓂᒃ ᑎᑭᑎᓪᓗᑕ, ᖃᓄᕐᓗ ᒎᑎᓐᖑᐊᖃᕐᓂᒥᒃ ᕿᒤᓪᓗᓯ ᒎᑎᒧᑦ ᓵᒋᐊᓚᐅᕐᓂᑦᓯᓐᓂᒃ, ᒎᑎ ᓱᓕᔪᑐᐊᖅ ᐱᔨᑦᓯᓕᕐᓗᒍ.

ᔮᓱᐊᑉ ᐊᒡᓚᖏᑦ 24:18

ᓄᓇᑖᕐᐸᓪᓕᐊᓕᕐᑎᓪᓗᑕᓗ ᐊᑕᓂᐅᑉ ᓄᓇᓕᓕᒫᑦ ᓯᖏᓚᐅᕐᐰᑦ ᓯᕗᓂᑦᑎᓐᓂ, ᐊᒧᕅᒥᐅᓪᓗ ᑕᒫᓂ ᓄᓇᖃᕐᑐᑦ ᐱᖃᑕᐅᓪᓗᑎᒃ; ᑍᒤᒻᒪᑦ ᐅᕙᒍᑦᑕᐅᖅ ᐊᑕᓂᖅ ᐱᔨᑦᓯᕐᓂᐊᕐᐸᕗᑦ, ᑖᓐᓇ ᒎᑎᒋᒐᑦᑎᒍ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:4

ᑖᒃᑯᐊᓗ ᐃᒻᒥᖕᓂᒃ ᓴᓗᒤᓕᑎᓚᐅᓐᖏᓚᑦ ᐊᕐᓇᓂᒃ ᓄᓕᐊᕐᓂᕐᒧᑦ, ᐃᒻᒥᖕᓂᒃ ᐊᕐᓇᒥᒃ ᐃᓐᓇᖓᖃᑎᖃᓚᐅᕐᓯᒪᓐᖏᓐᓇᒥᒃ; ᓄᕐᕋᐅᔭᖅ ᒪᓕᖃᑦᑕᕐᐹᑦ ᓇᒧᑐᐃᓐᓇᖅ ᐂᓕᕌᖓᑦ; ᑖᒃᑯᐊ ᐊᑭᓕᕐᑕᐅᓪᓗᑎᒃ ᐅᑎᕐᑎᑕᐅᓯᒪᕗᑦ ᐃᓅᖃᑎᓕᒫᒥᖕᓂᑦ ᓯᕗᓪᓕᕐᐹᖑᕗᑦ ᒎᑎᒧᑦ ᓄᕐᕋᐅᔭᕐᒧᓪᓗ ᑐᓂᕐᕈᑕᐅᓯᒪᔪᓂᑦ,

ᕉᑎᐅᑉ ᐅᓂᒃᑲᐅᓯᓂᖓ 1:15

ᑕᕝᕙ ᓁᐅᒥᐅᑉ ᐅᖃᐅᑎᕚ, “ᑕᑯᒋᑦ ᐆᐸ ᐃᓅᖃᑎᒥᓄᑦ ᒎᑎᒋᔭᒥᓄᓪᓗ ᐅᑎᓯᕗᖅ; ᐅᑎᖃᑎᒋᓕᕈᒃ.”

ᕉᑎᐅᑉ ᐅᓂᒃᑲᐅᓯᓂᖓ 1:17

ᑐᖁᕕᒋᔭᕐᓂ ᑐᖁᓂᐊᕐᐳᖓ, ᑕᕝᕙᓂᓗ ᐃᓗᕕᕐᑕᐅᓗᖓ, ᓱᓕᖏᒃᑯᒪ ᐊᑕᓂᐅᑉ ᓱᒋᐊᓛᕐᐹᖓ ᑐᖁᒨᖏᑦᑐᖅ ᓇᔪᕈᓐᓃᕐᓂᕈᒃᑭᑦ.”

ᕉᑎᐅᑉ ᐅᓂᒃᑲᐅᓯᓂᖓ 2:6

ᐊᖓᔪᖅᑳᕆᔭᐅᑎᑕᖓᑕ ᑭᐅᕚ, “ᐅᓇ ᓄᓇᖃᑎᒋᓐᖏᑕᕗᑦ ᒧᐊᐱᒥᐅᑕᖅ ᓁᐅᒥᐅᑉ ᑎᑭᖃᑎᒋᓚᐅᕐᑕᖓ ᓄᓇᒥᑦ ᒧᐊᐱᒥᑦ.

ᕉᑎᐅᑉ ᐅᓂᒃᑲᐅᓯᓂᖓ 4:15

ᐅᑯᐊᕕᑦ ᓇᒡᓕᒋᒐᒥᑎᑦ, ᐊᒡᓛᑦ ᐃᕐᓂᖃᕋᔭᕈᕕᑦ 7ᓂᒃ ᐃᑲᔪᕐᓂᕐᓴᕆᕚᑎᑦ, ᒫᓐᓇᓕ ᐃᕐᖑᑕᕐᑖᕐᑎᒻᒪᑎᑦ ᐊᖑᑎᑯᓗᖕᒥᒃ, ᐃᓕᖕᓂᒃ ᐋᖅᑭᒃᓯᒃᑲᓐᓂᕐᓂᐊᕐᑐᒥᒃ ᐃᓄᑐᖃᐅᓕᕐᑎᓪᓗᑎᓪᓗ ᐰᕆᔨᒋᓂᐊᕐᑕᕐᓂᒃ.”