ᕉᑎᐅᑉ ᐅᓂᒃᑲᐅᓯᓂᖓ 1:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐊᒻᒪ ᐅᑯᐊᖏᒃ ᓂᐱᖃᕐᓗᑎᒃ ᕿᐊᓯᒃᑲᓐᓂᕆᕘᒃ; ᑕᕝᕙ ᐆᕐᐸᐅᑉ ᓴᑭᓂ ᐃᕿᓪᓗᒍ ᑕᕝᕙᐅᕗᑏᕐᐹ ᕿᒪᕉᑎᓕᕐᓗᓂᓗ, ᕉᑎᐅᓪᓕ ᓴᑭᓂ ᓴᒃᑯᑦᓱᓐᓁᓪᓕᕚ.

ᕉᑎᐅᑉ ᐅᓂᒃᑲᐅᓯᓂᖓ 1:14 Iomraidhean Croise

ᒨᓯᓯ ᓯᕗᓪᓖᑦ 31:28

ᐱᕕᖃᕐᑎᓚᐅᖏᓐᓇᕕᖓᓗ ᐃᕐᖑᑕᒃᑲᓘᓐᓃᑦ ᐸᓂᒃᑲᓗ ᑯᓂᓚᐅᓐᖏᓚᒃᑲ ᑕᕝᕙᐅᕗᑏᕐᓗᒋᑦ, ᑍᒤᓕᐅᕐᓗᑎᑦ ᓯᓔᑦᑐᐊᓗᖕᒥᒃ ᐱᓂᐊᓚᐅᕐᐳᑎᑦ.

ᒨᓯᓯ ᓯᕗᓪᓖᑦ 31:55

ᖃᐅᑎᓪᓗᒍᓕ ᐅᓪᓛᒻᒪᕆᒃᑯᑦ ᓔᐸᓂᐅᑉ ᐃᕐᖑᑕᓂ ᐸᓂᓂᓗ ᑯᓂᒃᐰᑦ ᓮᒻᒪᕐᑎᓪᓗᒋᓪᓗ; ᑕᕝᕙᓐᖓᓪᓗ ᐊᐅᓪᓚᓯᕗᖅ ᐊᖏᕐᕋᐅᓕᕐᓗᓂ.

ᓴᒧᐃᓕ ᐂᑉᐸᖏᑦ 19:39

ᑍᕕᑎᒃᑯᑦ ᐃᓄᖁᑎᖏᓪᓗ ᐃᑳᓚᐅᕐᐳᑦ ᔪᐊᕐᑕᓂᐅᑉ ᑰᖓᓂᒃ; ᐊᖓᔪᖅᑳᕐᔪᐊᓪᓗ ᑯᓂᒃᐹ ᐸᕐᔨᓔ ᓮᒻᒪᕐᑎᓪᓗᒍᓗ, ᐸᕐᔨᓔᓗ ᐅᑎᓚᐅᕐᐳᖅ ᐊᖏᕐᕋᒥᓄᑦ.

ᐊᑕᓃᑦ ᓯᕗᓪᓖᑦ 19:20

ᐃᒻᒧᒃᓯᐅᒐᖁᑎᓂ ᕿᒪᒡᓗᒋᑦ ᐃᓔᑦᔭ ᐅᓪᓚᒡᓗᓂ ᐅᐸᒃᐹ, ᐅᖃᐅᑎᓪᓗᒍᓗ, “ᐊᑖᑕᒐᓗ ᐊᓈᓇᒐᓗ ᑯᓂᒋᐊᕐᑐᑬᓐᓇᕐᓛᒃᑲᒃ, ᑭᖑᕐᖓᒍᓪᓗ ᒪᓕᖕᓂᐊᕐᐸᒋᑦ.” ᐃᓔᑦᔭᐅᑉ ᐅᖃᐅᑎᕚ, “ᐊᑏ ᐅᑎᑬᓐᓇᕆᑦ; ᓄᖅᑲᕐᑎᓐᓂᐊᓐᖏᓚᒋᑦ!”

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:17

ᐃᓚᓐᓇᕆᔭᖅ ᓇᒡᓕᒍᓱᐃᓐᓇᕈᓐᓇᕐᐳᖅ ᖃᓄᐃᑦᑐᖃᕋᓗᐊᕐᐸᑦ, ᖃᑕᓐᖑᓪᓗ ᐃᓅᓕᕐᓯᒪᕗᖅ ᐅᖁᒤᑦᑐᖃᓕᕐᐸᑦ ᐃᑲᔪᕐᑎᐅᖁᓪᓗᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:24

ᐃᓚᓐᓈᖃᕐᑐᖃᕐᐳᖅ ᐃᓚᓐᓇᕆᔭᐅᓐᖑᐊᕐᑐᓂᒃ, ᐃᓚᓐᓈᖃᓪᓚᕆᒃᑐᕐᓕ ᖃᑕᓐᖑᑎᒥᑦ ᖃᓂᓐᓂᕐᓴᐅᔪᓐᓇᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 14:1

ᐊᑕᓂᖅ ᓂᑲᒍᓱᓕᒃᑲᓐᓂᕈᒫᕆᕗᖅ ᔧᑰᑉ ᑭᖑᕚᖏᓐᓂᒃ ᐃᓴᕆᐊᓕᒥᐅᓪᓗ ᓂᕈᐊᕐᓯᒪᓕᕈᒫᕆᓪᓗᒋᑦ, ᓄᓇᑐᖃᖏᓐᓄᓪᓗ ᓇᖕᒥᓂᖏᓐᓄᑦ ᐃᓕᔪᒫᕆᕔᑦ, ᓄᓇᖃᑎᑐᖃᕆᓐᖏᑕᖏᓪᓗ ᔧᑰᑉ ᑭᖑᕚᖏᓐᓂᒃ ᐃᓚᕾᓐᓇᕈᒪᔪᒫᕐᐳᑦ.

ᓴᑲᕅᐊᐅᑉ ᐊᒡᓚᖏᑦ 8:23

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᒫᒃ ᐅᖃᕐᐳᖅ; ᐅᓪᓗᓂ ᑍᒃᑯᓇᓂ ᐃᒫᒃ ᐱᔪᖃᕈᒫᕐᐳᖅ, ᐊᖑᑎᑦ ᖁᓕᑦ ᐃᓅᖃᑎᒌᒡᔪᐊᓂᑦ ᐅᖃᐅᓯᖃᑎᒌᖏᑦᑐᑦ, ᔫᑎᒥᒃ ᐊᓐᓄᕌᖓᒍᑦ ᑎᒍᓯᔪᒫᕐᐳᑦ ᐅᖃᐅᑎᓗᒍᓗ, ‘ᑍᑯᓐᖓᖃᑎᒋᓚᐅᕐᓚᑦᑎᒋᑦ ᑐᓴᐅᒪᒐᑦᑕ ᒎᑎᐅᑉ ᐃᓚᒋᖕᒪᓯ.’”

ᒫᑎᐅᓯᐅᑉ ᐊᒡᓚᖏᑦ 10:37

“ᓇᓪᓕᐊᑦ ᐊᑖᑕᒥᓂᒃ ᐊᓈᓇᒥᓂᒡᓘᓐᓃᑦ ᐅᕙᓐᓂᑦ ᐅᖓᒋᔭᖃᕐᓂᕐᓴᐅᒃᐸᑦ, ᑖᓐᓇ ᐅᕙᓐᓄᑦ ᐃᓚᒋᔭᐅᔪᓐᓇᓐᖏᓚᖅ; ᓇᓪᓕᐊᓪᓗ ᐃᕐᓂᕐᒥᓂᒃ ᐸᓂᖕᒥᓂᒡᓘᓐᓃᑦ ᐅᕙᓐᓂᑦ ᐅᖓᒋᔭᖃᕐᓂᕐᓴᐅᒃᐸᑦ, ᑖᓐᓇ ᐅᕙᓐᓄᑦ ᐃᓚᒋᔭᐅᔪᓐᓇᖏᓚᖅ.

ᒫᑎᐅᓯᐅᑉ ᐊᒡᓚᖏᑦ 16:24

ᑕᕝᕙ ᔩᓱᓯᐅᑉ ᐃᓕᓐᓂᐊᕐᑎᓂ ᐅᖃᐅᑎᕔᑦ, “ᓇᓪᓕᐊᑦ ᐅᕙᓐᓄᑦ ᒪᓕᒍᒪᔪᖅ, ᐱᓇᓱᐊᕈᒪᔭᒥᓂᒃ ᖁᔭᓈᕐᓯᔪᒃᓴᐅᕗᖅ, ᓴᓐᓂᖓᔪᓕᒥᓂᒃ ᐊᒡᔭᕐᓯᓗᓂ, ᒪᓕᒃᑐᒃᓴᐅᕗᖅ ᐅᕙᓐᓂᒃ.

ᒫᑎᐅᓯᐅᑉ ᐊᒡᓚᖏᑦ 19:22

ᐃᓅᓱᒃᑑᑉ ᑕᒪᓐᓇ ᑐᓴᕋᒥᐅᒃ ᑕᕝᕙᓐᖓᑦ ᕿᒪᕉᑎᓕᕐᐳᖅ ᕿᒃᓵᓕᕐᓗᓂ, ᐊᔪᕐᓴᖏᑦᑐᐊᓘᒐᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 17:34

ᐊᖑᑏᑦ ᐃᓚᖏᑕ ᐃᓚᒋᓕᕐᐹᑦ ᐅᒃᐱᓕᕐᓗᑎᒃ, ᐅᑯᐊ ᑕᕝᕙ ᐃᓚᖏᑦ ᑎᐅᓂᓯᐊᓯ, ᑲᑎᒪᔨᐅᖃᑕᐅᔪᖅ ᐊᕆᐅᐳᒐᓯᓂ ᐃᓚᐅᓪᓗᓂ, ᐊᕐᓇᕐᓗ ᑖᒪᕇᓯᒥᒃ ᐊᑎᓕᒃ, ᐊᓯᖏᓪᓗ ᐃᓄᐃᑦ ᐃᓚᐅᓕᓚᐅᕆᕗᑦ.

ᒨᓯᓯ ᑕᓪᓕᒪᖏᑦ 10:20

ᐊᑕᓂᖅ ᒎᑎᒋᔭᓯ ᓈᓚᒐᒃᓴᕆᕙᓯ ᑖᓐᓇᓗ ᑭᓯᒥ ᑐᒃᓯᐊᕐᕕᒋᓗᒍ. ᑖᑦᓱᒧᖓᓗ ᓱᖁᓯᔪᐃᑦᑑᔪᒃᓴᐅᕗᓯ ᑖᑦᓱᒪᓗ ᐊᑎᖓᒍᑦ ᑭᓯᐊᓂ ᐊᖏᒻᒪᕆᒃᑐᒃᓴᐅᕗᓯ.

ᒨᓯᓯ ᑕᓪᓕᒪᖏᑦ 4:4

ᐃᓕᑦᓯᓕ ᐊᑕᓂᕐᒥᑦ ᒎᑎᑦᓯᓐᓂᑦ ᓅᓚᐅᖏᑦᑐᓯᒍᑦ ᓱᓕ ᐅᓪᓗᒥ ᐃᓅᕗᓯ.

ᑎᒧᑎᒧᑦ ᐂᑉᐸᖏᑦ 4:10

ᑏᒪᓯᐅᑉ ᕿᒪᖕᒪᖓ, ᓯᓚᕐᔫᑉ ᐱᖏᑦ ᐅᖓᒋᓕᕋᒥᒋᑦ, ᑎᓴᓗᓁᑲᒧᐊᓚᐅᕐᒪᑦ; ᑯᕇᓯᓃᓯᓗ ᒐᓔᑎᐊᒧᐊᓚᐅᐳᖅ, ᑍᑑᓯᓗ ᑕᓪᒪᑎᐊᒧᐊᓚᐅᕆᓪᓗᓂ.

ᐄᑉᕈᐃᓄᑦ 10:39

ᐅᕙᒍᓪᓕ ᐃᓚᒋᓐᖏᓚᕗᑦ ᓴᐱᓕᖃᑦᑕᕐᑐᑦ ᓱᒋᐊᕐᑕᐅᔪᒫᓕᕐᑐᓪᓗ, ᐃᓚᒋᕙᕗᓪᓕ ᐅᒃᐱᕐᓂᖃᕐᑐᑦ ᑕᕐᓂᖏᑕ ᐱᐅᓕᔭᐅᑦᔪᑎᒋᔭᖓᓂᒃ.

ᕉᑎᐅᑉ ᐅᓂᒃᑲᐅᓯᓂᖓ 1:13

ᐅᑦᑕᖅᑭᔪᓐᓇᕋᔭᕐᐱᓰᒃ ᐱᕈᕐᕇᕐᓯᐊᕆᓗᒋᒃ? ᑍᒫᒃ ᐊᑯᓂᐊᓗᒃ ᐅᐃᓂᒃᑍᓕᑦᔪᑎᒋᒐᔭᕐᐱᓯᒃᑰᒃ? ᐸᓃᒃᑲ ᖃᐅᔨᒪᕗᓯᒃ ᑍᒫᒃ ᐊᔪᕐᓇᑦᓯᐊᕐᑐᖅ; ᐊᖏᔪᒥᒃ ᕿᒃᓵᒍᑎᒋᒐᓗᐊᕐᐸᑦᓯᒃ ᓇᒡᓕᒋᓪᓗᓯᒃ ᑭᓯᐊᓂ ᐊᑕᓂᐅᑉ ᑍᒤᑦᓱᓐᓁᓪᓕᑎᑖᖓ.”

ᕉᑎᐅᑉ ᐅᓂᒃᑲᐅᓯᓂᖓ 1:15

ᑕᕝᕙ ᓁᐅᒥᐅᑉ ᐅᖃᐅᑎᕚ, “ᑕᑯᒋᑦ ᐆᐸ ᐃᓅᖃᑎᒥᓄᑦ ᒎᑎᒋᔭᒥᓄᓪᓗ ᐅᑎᓯᕗᖅ; ᐅᑎᖃᑎᒋᓕᕈᒃ.”

ᕉᑎᐅᑉ ᐅᓂᒃᑲᐅᓯᓂᖓ 1:7

ᑍᒤᒻᒪᑦ ᐊᐅᓪᓚᖃᑎᒌᓕᕐᐳᑦ ᑕᕝᕙᓐᖓᑦ ᓇᔪᕐᑕᒥᖕᓂᑦ, ᓁᐅᒥᐅᑉ ᓄᓇᑐᖃᖓᓄᑦ ᔫᑕᒦᑦᑐᒧᑦ; ᑍᑯᓐᖓᐅᓕᕐᓗᑎᒡᓕ;

ᕉᑎᐅᑉ ᐅᓂᒃᑲᐅᓯᓂᖓ 2:11

ᐳᐊᓯᐅᑉ ᑭᐅᕚ ᐅᖃᕐᓗᓂᓗ, “ᑕᒤᓐᓂᒃ ᐅᖃᐅᑦᔭᐅᓚᐅᕋᒪ ᓴᑭᖕᓂᒃ ᑲᒪᑦᓯᐊᖃᑦᑕᕐᓂᕐᓂᒃ ᑍᒪᓐᖓᓂᑦ ᐅᐃᕕᑦ ᑐᖁᓂᖓᑕ ᑭᖑᓂᖓᓂ, ᖃᐅᔨᒪᓪᓗᖓᓗ ᐊᖓᔪᖅᑳᑎᑦ ᑕᒪᕐᒥᒃ ᕿᒪᒃᓯᒪᓕᕋᕕᒋᑦ ᓄᓇᓗ ᐃᓅᕕᒋᓯᒪᔧᑦ, ᐃᓄᖕᓄᓪᓗ ᑎᑭᓯᒪᓕᕐᓗᑎᑦ ᓯᕗᓂᖓᒍᑦ ᖃᐅᔨᒪᓚᐅᕐᓯᒪᓐᖏᑕᕐᓄᑦ.