ᕉᒪᒥᐅᓄᑦ 9:30 - ᐊᒡᓔᑦ ᐃᑦᔪᕐᖕᓁᑦᑐᑦ

³⁰ ᖃᓄᕐᓕ ᑕᕝᕙ ᐅᖃᕐᑐᒃᓴᐅᓕᕐᐱᑖ? ᔫᑎᐅᖏᑦᑐᑦ ᐃᓗᐊᕐᓯᑎᑕᐅᓂᕐᒥᒃ ᕿᓂᓚᐅᖏᑦᑐᑦ ᐃᓗᐊᕐᓯᑎᑕᐅᓯᒪᓕᕐᐸᑕ, ᑕᕝᕙ ᐃᓗᐊᕐᑑᓂᕋᕐᑕᐅᓂᕐᒥᑦ ᐅᒃᐱᕐᓂᑯᑦ ᐱᔪᒥᒃ.

ᕉᒪᒥᐅᓄᑦ 9:30 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:9

ᐱᐅᖏᑦᑐᑦ ᐊᖅᑯᑎᖏᑦ ᐊᑕᓂᐅᑉ ᓇᕐᕈᒋᕔᑦ, ᐊᑕᓂᐅᓪᓕ ᓇᒡᓕᒋᕚ ᐃᓱᐊᕐᓯᑎᑕᐅᓂᕐᒥᒃ ᕿᓂᕐᑐᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:21

ᐃᓱᐊᕐᓂᕐᒥᒃ ᐱᑦᓯᐊᕐᓂᕐᒥᒡᓗ ᕿᓂᕐᑐᖅ ᐃᓅᓯᕐᒥᒃ ᓇᓂᓯᕗᖅ ᐅᐱᒋᔭᐅᓂᕐᒥᒡᓗ.

ᐂᓮᐊᓯᐅᑉ ᐊᒡᓚᖏᑦ 51:1

“ᓈᓚᒃᓯᓐᖓ, ᐃᓕᑦᓯ ᓇᓛᒎᕐᓂᕐᒥᒃ ᒪᓕᒃᑐᓯ, ᐊᑕᓂᕐᒥᒡᓗ ᕿᓂᕐᑐᓯ; ᕾᕐᑐᖅ ᐃᓚᓐᖔᔭᐅᕕᒋᓯᒪᔭᓯ ᓵᕝᕕᒋᓯᐅᒃ, ᐃᑎᕐᓴᓕᐅᕐᓯᒪᔪᕐᓗ ᑕᑯᓗᒍ ᐅᔭᕋᖕᓂᐊᕐᕕᐅᔪᑎᑐᑦ ᐲᕐᓯᕕᐅᕕᒋᓚᐅᕐᑕᓯ.

ᕉᒪᒥᐅᓄᑦ 10:10

ᐆᒻᒪᑎᒃᑰᕐᑐᒥᒃ ᐅᒃᐱᕐᓂᖃᕐᑐᖅ ᐸᓯᔭᒃᓴᐅᔪᓐᓃᕐᑎᑕᐅᖕᒪᑦ, ᖃᓂᕐᒥᒍᓪᓗ ᐅᖃᐅᓯᖃᕐᑐᖅ ᑖᓐᓇ ᐱᐅᓕᔭᐅᓂᐊᕐᐳᖅ.

ᕉᒪᒥᐅᓄᑦ 10:20

ᑕᕝᕙ ᐂᓮᐊᓯ ᓯᕘᕋᓇᓂ ᐅᖃᓚᐅᕆᕗᖅ, “ᓇᓂᔭᐅᓯᒪᕗᖓ ᐅᕙᓐᓂᒃ ᕿᓂᖏᑦᑐᓄᑦ; ᐅᕙᓐᓂᒃ ᑕᑯᔭᐅᑎᑉᐳᖓ ᐅᕙᓐᓂᒃ ᐊᐱᖅᑯᑎᖃᖏᑦᑐᓄᑦ.”

ᕉᒪᒥᐅᓄᑦ 10:6

ᐃᓗᐊᕐᓂᕋᕐᑕᐅᓗᓂᓕ ᐅᒃᐱᕐᓂᕐᒥᒃ ᑐᓐᖓᕕᓕᒃ ᐅᖃᕐᐳᖅ, ᐃᓗᒃᑯᑦ ᐃᓱᒪᓂᐊᕐᓇᒃ, “ᑭᓇ ᕿᓚᖕᒧᑦ ᖁᒻᒧᐊᖕᓂᐊᕐᐹ?” (ᐃᒫᒃ, ᙭ᔅᑑᓯ ᐊᖅᑲᕐᑎᑦᓴᕐᑐᕐᓗᒍ.)

ᕉᒪᒥᐅᓄᑦ 3:5

ᐊᔪᕐᑐᓕᓂᕗᓪᓕ ᓴᖅᑭᑎᑦᓯᒃᑲᓐᓂᕐᐸᑕ ᒎᑎᐅᑉ ᓈᒻᒪᒃᑐᑑᓂᖓᓂᒃ, ᖃᓄᖅ ᐅᖃᕐᑐᒃᓴᐅᕕᑕ? ᒎᑎᒧᑦ ᓈᒻᒪᓈᖏᑦᑐᒥᒃ ᓂᓐᖓᒡᕕᐅᓂᕋᕈᓐᓇᕐᐱᑖ? (ᐃᓄᐃᑦ ᐃᓱᒪᑦᔪᓯᖓᒍᑦ ᒫᓐᓇ ᐅᖃᕐᐳᖓ.)

ᕉᒪᒥᐅᓄᑦ 4:11

ᑭᐱᔭᐅᓂᖓᓕ ᓇᓗᓁᒃᑯᑕᐅᓚᐅᕐᐳᖅ ᓇᓗᓁᕐᓯᑦᔪᑕᐅᓪᓗᓂᓗ ᐃᓗᐊᕐᑑᓂᕋᕐᑕᐅᖕᒪᑦ ᐅᒃᐱᕐᓂᖅ ᐱᑦᔪᑎᒋᓪᓗᒍ, ᑭᐱᔭᐅᓚᐅᕋᓂ ᓱᓕ ᐱᓚᐅᕐᑕᒥᓄᑦ ᑕᒤᓐᓄᑦ ᐅᒃᐱᕐᑐᓄᑦ ᐊᑖᑕᒋᔭᐅᖁᓪᓗᒍ ᑭᐱᔭᐅᓯᒪᖏᑦᑑᒐᓗᐊᓄᑦ ᐃᓗᐊᕐᑑᓂᕋᕐᑕᐅᓂᕐᒥᒃ ᐱᖃᑕᐅᖁᓪᓗᒋᑦ.

ᕉᒪᒥᐅᓄᑦ 4:13

ᐂᑉᕋᕼᐋᒻ ᑭᖑᕚᖏᓪᓗ ᒎᑎᐅᑉ ᐊᖏᕐᕕᒋᓚᐅᕐᐰᑦ, ᓯᓚᕐᔪᐊᕐᒥᒃ ᐱᒃᓴᖃᕐᑎᓐᓂᐊᕐᓂᕋᕐᓗᒋᑦ ᐱᖁᔭᓂᒃ ᓈᓚᑦᓯᐊᕐᓂᕐᒥᖕᓄᑦ ᐱᑦᔪᑎᖃᕋᑎᒃ ᐃᓗᐊᕐᑑᓂᕋᕐᑕᐅᓂᕐᒥᒍᓪᓕ ᐅᒃᐱᕐᓂᕐᒥᖕᓄᑦ.

ᕉᒪᒥᐅᓄᑦ 4:22

ᑍᒤᒻᒪᑦ ᐂᑉᕋᕼᐋᒻ ᐅᒃᐱᕐᓂᒃᑯᑦ, “ᐃᓗᐊᕐᓯᑎᑕᐅᓂᕋᑕᐅᓚᐅᕐᐳᖅ.”

ᕉᒪᒥᐅᓄᑦ 4:9

ᖁᕕᐊᓱᒍᑎᒃᓴᖃᕐᓂᖅ ᑕᒪᓐᓇ ᑍᕕᑎᐅᑉ ᐅᖃᐅᓯᕆᔭᖓ ᑭᐱᔭᐅᓯᒪᔪᓄᑐᐊᖅ ᑐᕌᖓᕚ ᐅᕝᕙᓗ ᑭᐱᔭᐅᓯᒪᖏᑦᑐᓄᑦ ᑐᕌᖓᒋᕚ? ᐃᒫᒃ ᐅᖃᕋᑦᑕ ᐂᑉᕋᕼᐋᒻ ᐅᒃᐱᕐᓂᒃᑯᑦ ᐃᓗᐊᕐᓯᑎᑕᐅᓂᕋᑕᐅᓚᐅᕐᐳᖅ.

ᕉᒪᒥᐅᓄᑦ 5:1

ᑍᒤᒻᒪᓪᓕ ᒫᓐᓇ ᒎᑎᒧᑦ ᐸᓯᔭᒃᓴᐅᖏᓐᓂᕋᕐᑕᐅᔪᒍᑦ ᐅᒃᐱᕐᓂᒃᑯᑦ, ᒎᑎᒧᑦ ᐃᓱᒫᓘᑎᖃᕈᓐᓃᕐᐳᒍ ᐊᑕᓂᑦᑎᒍᑦ ᔩᓱᓯ ᙭ᔅᑑᓯᒃᑯᑦ.

ᕉᒪᒥᐅᓄᑦ 9:14

ᖃᓄᕐᓕ ᐅᖃᕐᑐᒃᓴᐅᓕᕐᐱᑖ? ᒎᑎᐅᑉ ᐱᓂᐊᕐᓂᖓ ᐸᓯᔭᒃᓴᐅᓂᖃᕐᐹ? ᑍᒤᖏᒻᒪᕆᒃᐳᖅ!

ᕉᒪᒥᐅᓄᑦ 9:31

ᐃᓴᕆᐊᓕᒥᐅᓪᓕ ᐃᓗᐊᕐᓯᑎᑕᐅᓂᕐᒥᒃ ᕿᓂᓚᐅᕐᑐᑦ ᐱᖁᔭᓂᒃ ᑐᓐᖓᕕᖃᕐᓂᒃᑯᑦ ᐃᓗᐊᕐᓯᑎᑕᐅᓚᐅᓐᖏᓚᑦ ᐱᖁᔭᑎᒍᑦ ᐱᔪᒥᒃ.

ᒐᓔᑎᐊᒥᐅᓄᑦ 2:16

ᖃᐅᔨᒪᕗᒍᓪᓕ ᐃᓄᒃ ᓈᒻᒪᒃᓯᑎᑕᐅᖕᒪᑦ ᐱᖁᔧᑦ ᐱᓂᐊᖁᔭᖏᑎᒎᖏᑦᑐᖅ ᐅᒃᐱᕐᓂᖅᑲᕐᓂᑯᓪᓕ ᔩᓱᓯ ᙭ᔅᑑᓯᒧᑦ. ᐅᕙᒍᑦᑕᐅᖅ ᔩᓱᓯ ᙭ᔅᑑᓯᒧᑦ ᐅᒃᐱᓕᕐᓯᒪᒐᑦᑕ, ᐸᓯᔭᒃᓴᐅᔪᓐᓃᕐᑎᑕᐅᓪᓗᑕ ᐅᒃᐱᕐᓂᑦᑎᒍᑦ ᙭ᔅᑑᓯᒧᑦ, ᐱᖁᔭᓂᒃ ᒪᓕᑦᓯᐊᕐᓂᕐᒨᖏᑦᑐᖅ, ᐱᖁᔧᑦ ᒪᓕᒃᑕᐅᑦᓯᐊᕐᓂᖏᑎᒍᑦ ᐸᓯᔭᒃᓴᐅᔪᓐᓃᕐᑐᖃᕈᓐᓇᖏᒻᒪᑦ.

ᒐᓔᑎᐊᒥᐅᓄᑦ 3:24

ᑕᕝᕙ ᐱᖁᔭᑦ ᐅᕙᑦᑎᓐᓂᒃ ᐊᐅᓚᑦᓯᓚᐅᕐᐳᑦ ᙭ᔅᑑᓯ ᑎᑭᓚᐅᕐᑎᓐᓇᒍ, ᐅᒃᐱᕐᓂᒃᑯᑦ ᐸᓯᔭᒃᓴᐅᔪᓐᓃᕈᓐᓇᖁᓪᓗᑕ.

ᒐᓔᑎᐊᒥᐅᓄᑦ 3:8

ᐊᒡᓔᑦ, ᓯᕗᓂᒃᓴᒥᒃ ᓇᓗᓁᕐᓯᓚᐅᕐᒪᑕ ᔫᑎᐅᖏᑦᑐᑦ ᒎᑎᐅᑉ ᐸᓯᔭᒃᓴᐅᔪᓐᓃᕐᑎᑦᓱᒫᕐᒪᒋᑦ ᐅᒃᐱᕐᓂᖏᑎᒍᑦ, ᑍᒤᒻᒪᑦ ᐂᑉᕋᕼᐋᒻ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᕐᕕᐅᔭᕇᕐᓂᕐᐳᖅ ᓯᕗᓂᖓᒍᑦ, ᐃᒫᒃ, “ᐃᕝᕕᑦ ᐊᖅᑯᑎᒋᓗᑎᑦ ᐃᓅᖃᑎᒌᒡᔪᐊᓕᒫᑦ ᓮᒻᒪᕐᑎᑕᐅᔪᒫᕐᐳᑦ.”

ᒐᓔᑎᐊᒥᐅᓄᑦ 5:5

ᐊᓂᕐᓂᒃᑯᑦ ᐅᑕᖅᑭᕗᒍᑦ ᐅᒃᐱᕐᓂᑦᑎᒍᑦ, ᓂᕆᐅᒃᓗᑕ ᐃᓗᐊᕐᓯᑎᑕᐅᓂᒃᓴᑦᑎᓐᓂᒃ.

ᐃᐱᓯᒥᐅᓄᑦ 2:12

ᐃᕾᒋᑦᓯ ᑍᑦᓱᒪᓂ ᙭ᔅᑑᓯᖃᕋᓯ ᐊᕝᕗᑎᓯᒪᓚᐅᕐᑐᓯ, ᐃᓴᕆᐊᓕᒥᐅᓪᓗ ᓂᕈᐊᕐᑕᐅᓯᒪᓂᖏᓐᓄᑦ ᐃᓚᒋᔭᐅᓚᐅᖏᑦᑐᓯ, ᐊᖏᕈᑕᐅᓯᒪᔪᒥᒡᓗ ᐱᓯᒪᖃᑕᐅᓚᐅᖏᑦᑐᓯ, ᑍᒤᑦᑑᓪᓗᓯ ᐃᓅᓚᐅᕐᑐᕐᓯ ᐅᕙᓂ ᓯᓚᕐᔪᐊᕐᒥ ᓂᕆᐅᒋᔭᒃᓴᖃᕋᓯ ᒎᑎᖃᕋᓯᓗ.

ᐱᓕᐱᒥᐅᓄᑦ 3:9

ᑖᑦᓱᒥᖓᓗ ᐃᓅᖃᑎᖃᑦᓯᐊᕈᓐᓇᖁᓪᓗᖓ, ᐅᕙᓐᓂᑦ ᐱᔪᒥᒃ ᐱᖁᔭᓂᒃ ᒪᓕᖕᓂᒃᑯᑦ ᓇᓛᒎᓐᓂᖃᕋᓱᐊᖁᓇᖓ, ᓇᓛᒎᕐᓂᕐᒥᒡᓕ ᐱᑎᑕᐅᕗᖓ ᐅᒃᐱᕐᓂᑯᑦ ᙭ᔅᑑᓯᒥ, ᑕᒪᓐᓇ ᓇᓛᒎᕐᓂᖅ ᒎᑎᒥᑦ ᐱᔪᖅ ᑐᓐᖓᕕᖃᕐᒪᑦ ᐅᒃᐱᕐᓂᒥᒃ;

ᑎᒧᑎᒧᑦ ᓯᕗᓪᓖᑦ 6:11

ᐃᕝᕕᓪᓕ ᒎᑎᐅᑉ ᐃᓄᖁᑎᖓ, ᑕᒪᒃᑯᐊ ᐱᓇᓱᐊᕐᓂᐊᕐᓇᒋᑦ; ᐱᓇᓱᐊᓕᕆᓪᓕ ᐃᓗᐊᕐᑐᓕᓂᕐᒥᒃ, ᒎᑎᒧᑦ ᐅᒃᐱᕐᓂᕐᒥᒃ, ᐅᒃᐱᕐᓂᕐᒥᒃ, ᓇᒡᓕᖕᓂᕐᒥᒃ, ᕿᓄᐃᓵᕐᓂᕐᒥᒃ, ᐃᓕᕋᑦᑖᖏᓐᓂᕐᒥᒃ.

ᐄᑉᕈᐃᓄᑦ 11:7

ᐅᒃᐱᕐᓂᑯᑦ ᓄᐊ, ᒎᑎᒧᑦ ᖃᐅᔨᑎᑕᐅᓕᕋᒥ ᓯᕗᓂᒃᓴᒥᒃ ᓱᓕ ᑕᑯᒃᓴᐅᖏᑦᑐᓂᒃ, ᒎᑎᒥᒃ ᓈᓚᒡᓗᓂ ᐅᒥᐊᕐᔪᐊᕐᒥᒃ ᓴᓇᓚᐅᕐᐳᖅ ᐃᒡᓗᒥᐅᖃᑎᖏᑕ ᐱᐅᓕᔭᐅᕕᒃᓴᖓᓂᒃ; ᑕᒪᑐᒨᓇᓗ ᓯᓚᕐᔪᐊᕐᒥᐅᑦ ᐃᖅᑲᕐᑐᕐᐰᑦ ᑭᖑᕐᖑᑦᔨᑎᑕᐅᓪᓗᓂᓗ ᐃᓗᐊᕐᓯᑎᑕᐅᓂᕐᒥᒃ ᐅᒃᐱᕐᓂᒥᑦ ᐱᔪᒥᒃ.

ᐲᑦᑐᕉᓯ ᓯᕗᓪᓖᑦ 4:3

ᐊᓂᒍᕐᓯᒪᓕᕐᒪᑕ ᐃᓅᓯᕆᓚᐅᕐᑕᓯ ᐅᒃᐱᖏᑦᑐᑦ ᐱᔪᒪᓂᖏᑦ ᒪᓕᒃᓗᒋᑦ, ᐃᓅᓯᒪᒐᑦᓯ ᑲᓐᖑᓇᕐᑐᓕᓂᕐᓂᒃ, ᐃᒃᖠᒍᖕᓂᕐᓂᒃ, ᐋᖓᔮᕐᓂᕐᓂᒃ, ᓄᓕᐊᕐᓂᕐᓂᒃ, ᐃᒥᐊᓗᖕᒧᑦ ᖁᕕᐊᓲᑎᖃᕐᓂᕐᓂᒃ, ᓇᕐᕈᓇᕐᑐᓄᓪᓗ ᑐᒃᓯᐊᖃᑦᑕᕐᓂᕐᓂᒃ ᒎᑎᐅᖏᑦᑐᓄᑦ.