ᕉᒪᒥᐅᓄᑦ 9:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᒎᑎᐅᑉ ᓂᓐᖓᖕᓂᓂ ᑕᑯᔭᐅᖁᒐᒥᐅᒃ ᐱᔪᓐᓇᕐᓂᓂᓗ ᖃᐅᔨᔭᐅᖁᒐᒥᐅᒃ, ᐃᓗᓕᖅᑯᑎᓕᐊᖑᓯᒪᔪᑦ ᐊᑯᓂ ᕿᓄᐃᓵᕈᑎᒋᕔᑦ ᓂᓐᖓᖕᓂᖓᓄᑦ ᐊᓯᕈᕐᑕᐅᔪᒃᓴᐅᓪᓗᑎᒃ ᓴᓇᔭᐅᓯᒪᔪᑦ,

ᕉᒪᒥᐅᓄᑦ 9:22 Iomraidhean Croise

ᒨᓯᓯ ᓯᕗᓪᓖᑦ 15:16

ᑭᖑᕚᑎᓪᓕ ᐃᕐᓂᕇᑦ ᓯᑕᒪᖏᑦ ᑭᓯᐊᓂ ᐊᓂᒍᕐᐸᑕ ᑕᒪᐅᖓ ᓄᓇᒧᑦ ᐅᑎᕈᒫᕆᕗᑦ, ᐊᒧᕅᑎᑦ ᐊᔪᕐᑐᓕᓂᖏᑦ ᓱᒋᐊᕐᑕᐅᓚᐅᖏᒻᒪᑕ ᓱᓕ.”

ᐃᓐᖏᕈᑎᑦ 90:11

ᑭᓇ ᓂᓐᖓᖕᓂᕕᑦ ᓲᖑᓂᖓᓂᒃ ᖃᐅᔨᔪᓐᓇᕐᐸ? ᑭᓇᓗ ᓂᓐᖓᐅᒪᓂᕐᓂᒃ ᓯᕘᕋᒋᔭᖃᕈᓐᓇᕐᐹ?

ᒨᓯᓯ ᐂᑉᐸᖏᑦ 9:16

ᑭᓯᐊᓂᓕ ᑕᒪᓐᓇ ᐱᑦᔪᑎᒋᓪᓗᒍ ᐃᓅᑎᓚᕿᓯᒪᕙᒋᑦ, ᖃᐅᔨᖁᓪᓗᑎᑦ ᐱᔪᓐᓇᕐᓂᓐᓂᒃ ᓂᕐᑐᕐᓇᕐᓂᕋᓗ ᓄᓇᕐᔪᐊᓕᒫᒥ ᐅᖃᐅᓯᐅᓕᖁᓪᓗᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:4

ᐊᑕᓂᐅᑉ ᓱᓇᑐᐃᓐᓁᑦ ᐱᓐᖑᕐᑎᓚᐅᕐᐰᑦ ᐊᑑᑎᒃᓴᖏᓐᓄᑦ, ᐱᐅᖏᑦᑐᑦ ᐊᒡᓛᑦ ᐊᓯᕈᕐᑕᐅᕕᒃᓴᖏᑦ ᓇᓪᓕᐅᑎᑎᑦᓱᒫᕐᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:22

ᐊᑕᓂᐅᑉ ᓂᒡᓕᒍᓱᖕᓂᖓ ᑲᔪᓯᑦᓮᓐᓇᕐᐳᖅ, ᓂᑲᒍᓱᖕᓂᖓ ᓄᖅᑲᓚᐅᕐᓯᒪᓐᖏᓚᖅ,

ᒨᓯᓯ ᓯᑕᒪᖏᑦ 14:11

ᐊᑕᓂᕐᓗ ᒨᓯᓯᒧᑦ ᐅᖃᕐᐳᖅ: “ᖃᓄᖅ ᐊᑯᓂᐅᑎᒋᔪᒥᒃ ᐃᓄᐃᑦ ᐅᑯᐊ ᐅᕙᓐᓂᒃ ᓇᕐᕈᒋᔭᖃᕐᓂᐊᕐᐹᑦ? ᖃᓄᖅ ᐊᑯᓂᐅᑎᒋᔪᒥᒃ ᐅᕙᓐᓂᒃ ᐅᒃᐱᕈᓱᖕᓂᐊᓐᖏᓚᑦ, ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒃ ᐱᓇᓱᐊᕋᓗᐊᕈᒪ ᐊᑯᓐᓂᖓᓂ?

ᒨᓯᓯ ᓯᑕᒪᖏᑦ 14:18

‘ᐊᑕᓂᖅ ᓂᓐᖓᒃᓴᕅᓐᖏᓚᖅ, ᓇᒡᓕᒍᓱᖕᓂᖓᓗ ᐊᒥᒐᕋᓂ, ᐱᐅᖏᑦᑐᓕᓂᕐᒥᒃ ᑕᒻᒪᕐᓂᕐᒥᒡᓗ ᐃᓱᒪᒋᔪᓐᓁᕐᕕᖃᕐᐳᖅ; ᐸᓯᔭᒃᓴᐅᔪᓂᒡᓕ ᓱᒋᐊᕐᓯᑦᑍᓕᓐᖏᓚᖅ, ᐊᑖᑕᐅᔪᑦ ᐱᐅᖏᑦᑐᓕᓂᖏᑦ ᑎᑭᑦᓱᓐᓇᕐᒪᒋᑦ ᐃᕐᓂᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.’

ᕉᒪᒥᐅᓄᑦ 1:18

ᒎᑎᐅᑉ ᓂᓐᖓᐅᓯᖓ ᕿᓚᖕᒥᑦ ᓴᖅᑭᑎᑕᐅᖕᒪᑦ ᒎᑎᖃᖏᑦᑐᓕᒫᓄᑦ ᐃᓄᐃᓪᓗ ᐱᐅᖏᑐᓕᐅᕐᓂᖏᓐᓄᑦ ᓱᓕᓂᕐᒥᒃ ᐊᒡᕕᐊᕐᓯᔪᓄᑦ ᐱᐅᖏᑦᑐᓕᐅᕐᓂᕐᒥᖕᓄᑦ.

ᕉᒪᒥᐅᓄᑦ 9:17

ᒎᑎᐅᑉ ᐅᖃᐅᓯᖏᑦ ᐰᕉᒧᑦ ᐅᖃᕐᒪᑕ, “ᒪᑭᑎᓚᐅᕐᐸᒋᑦ ᐊᑐᕈᒪᓪᓗᑎᑦ ᐱᔪᓐᓇᕐᓂᕋ ᓴᖅᑭᑎᑦᓱᒪᓪᓗᒍ ᐃᓕᖕᓂᒃ ᐊᑐᕐᓗᖓ, ᐊᑎᕋ ᐅᖃᐅᑎᒋᔭᐅᖁᓪᓗᒍ ᓄᓇᕐᔪᐊᓕᒫᒥ.”

ᕉᒪᒥᐅᓄᑦ 9:20

ᐃᓅᒃ, ᐃᕝᕕᓪᓕ ᑭᓇᐅᕖᑦ, ᒎᑎᒥᒃ ᑭᐅᒪᔪᓐᓇᕋᕕᑦ? ᒪᕐᕋᖅ ᓴᓇᔭᐅᔪᖅ ᓴᓇᔨᒥᓄᑦ ᐅᖃᕈᓐᓇᕐᐹ, “ᓱᖕᒪᑦ ᑍᒫᒃ ᓴᓇᕕᖔ?”

ᕉᒪᒥᐅᓄᑦ 9:21

ᒪᕐᕋᕐᒥᒃ ᐃᓗᓕᖁᑎᓕᐅᕐᑐᖅ ᐃᓱᒪᒥᓂᒃ ᓴᓇᔭᕆᐊᖃᓐᖏᓛᖅ, ᒪᕐᕋᕐᒥᑦ ᑕᕝᕙᓐᖓᑦᓮᓐᓇᖅ ᐂᑉᐸᖓ ᐱᒻᒪᕆᐊᓗᖕᓄᑦ ᑭᓯᐊᓂ ᐊᑐᕐᑕᐅᔪᒃᓴᐅᓂᐊᕐᑎᓪᓗᒍ ᐂᑉᐸᖓᓗ ᖃᐅᑕᒫᕐᓯᐅᑕᐅᓗᓂ ᐊᑐᒐᒃᓴᓕᐊᕆᓗᒍ?

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:16

ᐊᒡᓛᑦ ᔫᑎᐅᖏᑦᑐᓄᑦ ᐅᖃᓪᓚᖃᑦᑕᖁᔨᓇᑎᒃ ᓄᖅᑲᕐᑎᑦᓯᓇᓱᐊᓚᐅᕐᐳᑦ ᐅᕙᑦᑎᓐᓂᒃ, ᐅᖃᐅᓯᕐᓂᒃ ᐱᐅᓕᔭᐅᑦᔪᑎᒃᓴᖏᓐᓂᒃ; ᑍᒤᓕᐅᕐᓗᑎᒃ ᐊᔪᕐᑐᓕᒃᑲᓐᓂᓚᐅᕐᐳᑦ ᐊᖏᓂᕐᓴᒋᐊᓪᓚᖕᒥᒃ. ᒫᓐᓇᓗ ᒎᑎᐅᑉ ᓂᓐᖓᐅᓯᖓᑕ ᑎᑭᕝᕕᒋᓯᒪᓕᕐᐰᑦ!

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:9

ᒎᑎᐅᑉ ᓯᕗᓂᖃᕐᑎᓚᐅᖏᒻᒪᑎᒍᑦ ᓂᓐᖓᐅᑎᔭᒃᓴᓕᐊᕆᓗᑕ, ᐱᐅᓕᔭᐅᓂᕐᒥᒡᓕ ᐱᖁᓚᐅᕐᐹᑎᒍᑦ ᐊᑕᓂᑦᑎᒍᑦ ᔩᓱᓯ ᙭ᔅᑑᓯᒃᑯᑦ,

ᑎᒧᑎᒧᑦ ᐂᑉᐸᖏᑦ 2:20

ᐃᒡᓗᒥ ᐊᖏᔪᒥ ᓂᕐᕆᑎᑕᖃᕐᒪᑦ ᐊᑦᔨᒌᖏᑦᑐᓂᒃ; ᐃᓚᖏᑦ ᒎᓘᕗᑦ ᐃᓚᖏᑦ ᓯᐅᓪᕕᕆᐅᓪᓗᑎᒃ, ᐃᓚᖏᓪᓕ ᕿᔫᕗᑦ ᐃᓚᖏᓪᓗ ᒪᕐᕋᐅᓪᓗᑎᒃ, ᐃᓚᖏᓪᓗ ᓇᓪᓕᐅᓐᓂᕐᓯᐅᕐᑐᖃᓕᕐᐸᑦ ᐊᑐᒐᒃᓴᓕᐊᖑᓯᒪᕗᑦ; ᐃᓚᖏᑦ ᖃᐅᑕᒫᑦ ᐊᑐᒐᒃᓴᓕᐊᕆᓯᒪᓪᓗᑎᒃ.

ᐲᑦᑐᕉᓯ ᓯᕗᓪᓖᑦ 2:8

ᐊᓯᖏᓐᓂ ᐅᖃᕐᓯᒪᔪᖃᕆᕗᖅ, “ᑖᓐᓇ ᐅᔭᕋᒃ ᐃᓄᖕᓂᒃ ᓈᑎᑦᓯᔪᒫᕐᐳᖅ ᐹᓪᓚᒃᑎᑦᓯᔪᒫᕐᓗᓂᓗ.” ᑖᒃᑯᐊ ᐹᓪᓚᒃᐳᑦ ᐅᒃᐱᖏᓐᓇᒥᒃ ᐅᖃᐅᓯᐅᔪᓂᒃ, ᑖᒃᑯᓄᖓ ᑐᕌᖓᔫᒐᓗᐊᓂᒃ.

ᐲᑦᑐᕉᓯ ᓯᕗᓪᓖᑦ 3:20

ᑖᒃᑯᐊ ᐊᓂᕐᓃᑦ ᓈᓚᓚᐅᖏᑦᑐᑦ, ᒎᑎᐅᑉ ᐅᑕᖅᑭᓚᐅᕐᒪᒋᑦ ᕿᓄᐃᓵᕐᓗᓂ ᑍᑦᓱᒪᓂ ᓄᐊᖅ ᐅᒥᐊᕐᔪᐊᓕᐅᕐᑎᓪᓗᒍ, ᐃᓄᐃᑦ ᐅᓄᖏᑦᑐᑦ ᐱᐅᓕᔭᐅᓚᐅᕐᒪᑕ, ᓯᑕᒪᐅᔪᕐᑐᑐᐃᓐᓁᑦ ᐃᒫᓂᑦ ᐊᓐᓇᓚᐅᕐᐳᑦ,

ᐲᑦᑐᕉᓯ ᐂᑉᐸᖏᑦ 2:3

ᐱᔪᒪᓗᐊᕐᓂᕐᒥᖕᓄᑦ ᑖᒃᑯᐊ ᐊᔪᕆᕐᓱᐃᓂᕐᓗᒃᑐᑦ ᑮᓇᐅᔭᓕᐅᕋᓱᑐᐃᓐᓇᕐᓗᑎᒃ ᓇᖕᒥᓂᖅ ᐅᖃᐅᓯᒃᓴᓕᐊᕆᓯᒪᔭᒥᖕᓂᒃ ᓱᓕᖏᑦᑐᓂᒃ ᐅᖃᐅᓯᖃᖃᑦᑕᕈᒫᕐᐳᑦ ᐋᖅᑭᒌᕐᓯᒪᕗᖅ ᐃᖅᑲᕐᑐᐃᔨᒋᔪᒫᕐᑕᖓᑦᑕ ᐅᑕᖅᑭᔪᑎᓕᕐᐰᑦ, ᑖᒃᑯᓂᖓ ᓄᖒᑦᓯᔪᒃᓴᖅ ᓯᓂᖕᓂᐊᓐᖏᓚᖅ ᐅᑕᖅᑭᓗᓂ.

ᐲᑦᑐᕉᓯ ᐂᑉᐸᖏᑦ 2:9

ᑕᕝᕙ ᐊᑕᓂᐅᑉ ᓴᐳᑎᔪᓐᓇᕐᐰᑦ ᒎᑎᒧᑦ ᐅᒃᐱᕐᑐᑦ ᐆᒃᑐᕐᑕᐅᓂᖏᓐᓂᑦ, ᐱᐅᖏᑦᑐᒥᒃ ᐃᓕᖅᑯᓯᖃᕋᓱᐊᕐᑐᑦ ᓱᒋᐊᕐᑕᐅᓂᕐᒦᑎᓐᓂᐊᕐᐰᑦ ᐃᖅᑲᕐᑐᕐᑕᐅᕕᐅᑉ ᐅᓪᓗᖓ ᓈᒻᒪᒃᓯᑦᓯᐊᕆᓗᒍ;

ᐲᑦᑐᕉᓯ ᐂᑉᐸᖏᑦ 3:15

ᖃᐅᔨᒪᓗᓯ ᐊᑕᓂᑦᑕ ᕿᓄᐃᓵᕐᓂᖓ ᐱᐅᓕᔭᐅᓂᕐᒥᒃ ᐱᑦᔪᑎᖃᕐᒪᑦ. ᐸᐅᓗᓯᑦᑕᐅᖅ ᐅᒃᐱᕐᑑᖃᑎᕗᑦ ᓇᒡᓕᖕᓇᕐᑐᖅ ᐃᓕᑦᓯᓐᓄᑦ ᑎᑎᕋᕐᓯᒪᖕᒪᑦ ᓯᓚᑐᓂᕐᒥᒃ ᑐᓂᕐᕈᓯᐊᒥᓂᒃ ᐊᑐᕐᓗᓂ.

ᔫᑎᐅᑉ ᐊᒡᓚᖏᑦ 1:4

ᐃᓚᖏᑦ ᐱᖏᑦᓯᕐᑐᕐᓗᑎᒃ ᐅᕙᑦᑎᓐᓄᑦ ᐃᓚᓕᐅᑎᓯᒪᖕᒪᑕ ᑍᑦᓱᒪᓂᐊᓗᖕᓂᑦ ᐅᖃᐅᓯᐅᔭᕇᕐᓯᒪᔪᑦ ᓱᒋᐊᕐᑕᐅᓛᕐᓂᕐᒥᖕᓂᒃ ᐱᓯᒪᓕᕇᕐᑐᑦ, ᑖᒃᑯᐊ ᐅᒃᐱᖏᑦᑐᑦ ᒎᑎᑦᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓇᕐᕈᓇᕐᓯᑎᑉᐹᑦ ᐃᒃᓯᒎᕐᓂᕐᒥᖕᓂᒃ ᐊᑐᕐᓂᕐᒥᖕᓄᑦ ᓱᓇᐅᑎᓐᖏᓛᓪᓗ ᐊᖓᔪᖅᑳᑐᐊᕗᑦ ᐊᑕᓂᑐᐊᕗᓪᓗ ᔩᓱᓯ ᙭ᔅᑑᓯ.