ᕉᒪᒥᐅᓄᑦ 9:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᓱᓕ ᐃᓅᓚᐅᕐᑎᓐᓇᒋᒃ ᐱᐅᔪᒥᒡᓘᓐᓃᑦ ᐱᐅᖏᑦᑐᒥᒡᓘᓐᓃᑦ ᓱᓕ ᐊᑐᓚᐅᕐᑎᓐᓇᒋᒃ, ᒎᑎᐅᑉ ᓂᕈᐊᕐᓯᓂᖓ ᕾᖁᔨᓂᕐᒥᒍᑦ ᑲᔪᓯᖁᓪᓗᒍ, ᐱᓂᐊᕐᓂᕐᒥᒃ ᐱᑦᔪᑎᖃᕐᑎᓐᓇᒍ ᕾᖁᔨᓂᖓᓕ ᐱᑦᔪᑎᒋᓪᓗᒍ,

ᕉᒪᒥᐅᓄᑦ 9:11 Iomraidhean Croise

ᐃᓐᖏᕈᑎᑦ 51:5

ᓱᓕᔪᒥᒃ ᐊᔪᕐᑐᓕᓂᕐᒥ ᐃᕐᓂᐊᖑᓚᐅᕐᐳᖓ, ᐊᔪᕐᓂᕐᒥᓗ ᐊᓈᓇᒪ ᓇᑦᔨᐊᕆᓕᓚᐅᕐᐹᖓ.

ᐂᓮᐊᓯᐅᑉ ᐊᒡᓚᖏᑦ 14:24

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕕᒡᓗᓂ ᐊᖏᕐᓯᒪᖕᒪᑦ: “ᐃᓱᒪᓕᐅᕇᕐᓯᒪᒐᒪ, ᑍᒤᑦᓱᒫᕐᓗᓂᓗ, ᐋᖅᑭᒃᓱᕇᕐᓯᒪᒐᒃᑯ ᓴᖑᓂᐊᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 23:9

ᐊᑕᓂᐅᑉ ᐊᔪᒐᖄᖏᑦᑑᑉ ᑕᒪᓐᓇ ᐃᓱᒪᓕᐊᕆᓚᐅᕐᐹ, ᐱᔪᓐᓇᕋᓱᒋᓗᐊᕐᓂᖏᑦ ᓇᕐᕈᓇᕐᓯᖁᓪᓗᒋᑦ, ᐃᓄᖏᑕᓗ ᐅᐱᒋᔭᐅᓗᐊᕐᓂᖏᑦ ᑕᒪᕐᒥᒃ ᓇᓗᖅᑯᑎᑦᔪᑎᒃᓴᓐᖑᖁᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 51:29

ᓄᓇ ᓴᔪᒃᐱᓗᒃᐳᖅ ᐋᓐᓂᕇᓯᕐᑐᑎᑐᑦ, ᐊᑕᓂᐅᑉ ᐹᐱᓘᓂᒥᐅᓄᑦ ᐊᑭᓂᐊᕐᓂᕆᔪᒪᔭᖓ ᓇᓪᓕᐅᑎᖕᒪᑦ, ᐹᐱᓘᓂᒥᐅᑦ ᓄᓇᖓᑦ ᓱᓁᕈᑦᔭᐅᖕᒪᑦ ᓄᓇᖃᕐᕕᐅᔪᓐᓇᕈᓐᓃᕐᐳᖅ ᑭᓇᒃᑯᑐᐃᓐᓇᕐᓄᑦ.

ᕉᒪᒥᐅᓄᑦ 4:17

ᐊᒡᓔᑦ ᐅᖃᕐᒪᑕ, “ᐃᓅᖃᑎᒌᒡᔪᐊᓄᑦ ᐊᒥᓱᓄᑦ ᐊᑖᑕᒋᔭᐅᓕᕐᑎᑉᐸᒋᑦ.” ᒎᑎᐅᑉ ᓵᖓᓂ ᑖᑦᓱᒪ ᐅᒃᐱᕐᕕᒋᔭᖓᑕ, ᑖᑦᓱᒪ ᑐᖁᖓᔪᑦ ᐆᒻᒪᕐᑎᑉᐰᑦ ᐱᖁᔨᓂᕐᒥᓄᓪᓗ ᓴᖅᑭᔮᓚᐅᖏᑦᑐᓂᒃ ᓴᖅᑭᑎᑦᓯᓯᒪᓪᓗᓂ.

ᐃᐱᓯᒥᐅᓄᑦ 2:3

ᑕᒪᑦᑕ ᐃᓚᒃ ᑍᑯᑎᑐᓇᖅ ᐃᓅᓯᒪᒐᑦᑕ ᐱᔪᒪᔭᑐᐃᓐᓇᕗᑦ ᐃᒃᐱᒋᔭᕗᓪᓗ ᒪᓕᒡᓗᒋᑦ, ᑎᒥᑦᑕᓗ ᐃᓱᒪᑦᑕᓗ ᐱᔪᒪᓕᑐᐃᓐᓇᕐᑕᖓᓂᒃ ᐊᑐᕐᐸᒃᓗᑕ, ᐃᓕᖅᑯᓯᑐᐃᓐᓇᖅ ᒪᓕᒡᓗᒍ ᑕᒤᓐᓂᒃ ᐊᑦᔨᖃᑐᐃᓐᓇᕐᓯᒪᕗᒍᑦ, ᑍᒤᑎᓪᓗᑕᓗ ᒎᑎᐅᑉ ᓂᓐᖓᐅᓯᖓᑕ ᕿᑐᕐᖓᕆᓚᐅᕐᐹᑎᒍᑦ.

ᐃᐱᓯᒥᐅᓄᑦ 2:9

ᐱᓂᐊᕐᓂᒃᑯᑦ ᐃᒻᒥᓂᒃ ᐱᓯᒪᔪᖃᖏᒻᒪᑦ, ᑍᒤᒻᒪᑦ ᓇᓪᓕᐊᓪᓘᓐᓃᑦ ᐱᐅᔪᕆᑦᔪᑎᖃᕈᓐᓇᓐᖏᓚᖅ ᑕᒪᑐᒥᖓ.

ᐃᐱᓯᒥᐅᓄᑦ 3:11

ᒎᑎ ᐃᓱᖃᖏᑦᑐᒥᑦ ᐱᓇᓱᐊᕈᒪᓯᒪᔭᒥᓂᒃ ᓈᒪᒃᓯᑎᑦᓯᓚᐅᕐᐳᖅ ᙭ᔅᑑᓯ ᔩᓱᓯᒃᑯᑦ ᐊᑕᓂᑦᑎᒍᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:4

ᐅᒃᐱᕐᑑᖃᑎᕗᑦ, ᖃᐅᔨᒪᒐᑦᑕ ᒎᑎᐅᑉ ᓇᒡᓕᒋᖕᒪᓯ, ᑖᑦᓱᒪᓗ ᓂᕈᐊᕐᓯᒪᖕᒪᓯ;

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:12

ᐃᓅᓯᖃᖁᓪᓗᓯ ᒎᑎᐅᑉ ᓈᒻᒪᒋᔭᖓᓂᒃ, ᑖᑦᓱᒪ ᕾᖁᓚᐅᕐᒪᓯ ᐊᑕᓂᐅᕕᖕᒥᓄᑦ ᐱᓐᓇᕐᓇᕐᓂᕐᔪᐊᒥᓄᓪᓗ.

ᑎᒧᑎᒧᑦ ᐂᑉᐸᖏᑦ 1:9

ᑖᑦᓱᒪ ᐱᐅᓕᓚᐅᕐᒪᑎᒍᑦ ᕾᖁᓪᓗᑕᓗ ᕾᖁᔨᓂᕐᒧᑦ ᐃᑦᔪᕐᓁᑦᑐᒧᑦ, ᐱᓇᓱᐊᕈᓐᓇᕐᓂᕗᑦ ᐱᑦᔪᑎᒋᓇᒋᑦ ᐱᓇᓱᐊᕈᒪᔭᓂᓕ ᐱᑦᔪᑎᒋᓪᓗᒍ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᑐᓂᕐᕈᑎᒋᓯᒪᔭᖓ ᙭ᔅᑑᓯ ᔩᓱᓯᒃᑯᑦ ᓱᓇᓕᒫᑦ ᐱᒋᐊᓚᐅᖅᑳᕐᑎᓐᓇᒋᑦ.

ᑍᑑᓯᒧᑦ 3:5

ᑖᑦᓱᒪ ᓴᐳᑎᓚᐅᕐᐹᑎᒍᑦ, ᐱᓇᓱᐊᑦᓯᐊᕐᓂᕆᓚᐅᕐᑕᕗᑦ ᐱᑦᔪᑎᒋᓇᒋᑦ, ᓇᖕᒥᓂᕐᓕ ᓂᑲᒍᓱᖕᓂᕐᒥᓄᑦ ᐱᐅᓕᓚᐅᕐᐹᑎᒍᑦ, ᐅᐊᓴᕐᓗᑕ ᓄᑖᒥᒃ ᐃᓅᓯᕐᑖᕐᑎᓚᐅᕐᐹᑎᒍᑦ ᐊᓂᕐᓂᒃᑯᓪᓗ ᐃᑦᔪᕐᓁᑦᑐᒃᑯᑦ ᓄᑖᓐᖑᑎᓪᓗᑕ.

ᐲᑦᑐᕉᓯ ᓯᕗᓪᓖᑦ 5:10

ᐊᑯᓂᐅᖏᑦᑐᖅ ᐊᒃᓱᕈᖕᓇᕐᑐᔪᐊᒦᑎᑕᐅᓚᐅᕐᓗᓯ, ᒎᑎ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᖃᕐᑐᑉ, ᐃᓕᑦᓯᓐᓂᒃ ᕾᖁᔨᓚᐅᕐᑑᑉ ᐃᓱᖃᖏᑦᑐᒧᑦ ᐱᓐᓇᕐᓇᕐᑐᕐᔪᐊᒧᑦ ᙭ᔅᑑᓯᒥ, ᑖᑦᓱᒪ ᓇᖕᒥᓂᖅ ᐋᖅᑭᒃᓱᕐᓂᐊᕐᐹᓯ, ᐅᒃᐱᕐᓂᒃᑯᑦ ᑐᓐᖓᕕᓕᑦᓯᐊᕐᓗᓯ, ᓴᓐᖏᔫᓕᕐᑎᓪᓗᓯᓗ.

ᐲᑦᑐᕉᓯ ᐂᑉᐸᖏᑦ 1:10

ᑍᒤᒻᒪᑦ ᐅᒃᐱᖃᑎᒃᑲ, ᐊᒃᓱᕈᒃᑲᓐᓂᕆᐊᖃᕐᐳᓯ ᕾᖁᔭᐅᓯᒪᓂᓯ ᓂᕈᐊᕐᑕᐅᓯᒪᓂᓯᓗ ᑲᔪᓯᑎᓐᓇᓱᐊᕐᓗᒋᑦ, ᑍᒤᒃᑯᑦᓯ ᐅᒃᐱᕐᓂᕐᒥᑦ ᑲᑕᖕᓂᐊᓐᖏᒻᒪᕆᒃᐳᓯ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:14

ᑖᒃᑯᐊᓗ ᐅᓇᑕᕈᒫᕐᐳᑦ ᓄᕐᕋᐅᔭᒥᒃ, ᓄᕐᕋᐅᔭᕐᓕ ᓵᓚᖃᕈᒫᕐᐳᖅ ᑖᒃᑯᓂᖓ, ᐊᑕᓂᐅᒐᒥ ᐊᑕᓂᕐᓄᑦ ᐊᖓᔪᖅᑳᕐᔪᐊᖑᓪᓗᓂᓗ ᐊᖓᔪᖅᑳᕐᔪᐊᓄᑦ, ᐃᓚᖃᕈᒫᕐᒪᑦ ᕾᖁᔭᐅᓯᒪᔪᓂᒃ ᓂᕈᐊᕐᑕᐅᓯᒪᔪᓂᒡᓗ ᓱᕐᕋᔪᐃᑦᑐᒥᒃ ᒪᓕᒃᑎᐅᔪᓂᒃ ᑖᑦᓱᒥᖓ.”