ᕉᒪᒥᐅᓄᑦ 8:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑎᒥᐅᑉ ᐱᔪᒪᔭᖓᓂᒃ ᓈᓚᖕᓂᖅ ᑐᖁᓐᓇᕐᒪᑦ, ᐊᓂᕐᓂᕐᒥᒡᓕ ᓈᓚᖕᓂᖅ ᐃᓅᓯᐅᕗᖅ ᐃᓱᒫᓗᓇᕐᑐᖃᕋᓂᓗ.

ᕉᒪᒥᐅᓄᑦ 8:6 Iomraidhean Croise

ᔪᐊᓇᓯᐅᑉ ᐊᒡᓚᖏᑦ 14:27

“ᐃᓱᒪᔮᕐᓇᖏᑦᑐᒥᒃ ᕿᒤᕕᒋᕙᑦᓯ; ᐅᕙᖓ ᓇᖕᒥᓂᖅ ᐃᓱᒪᔮᖏᓐᓂᕆᔭᓐᓂᒃ ᑐᓂᓯᕕᒋᕙᑦᓯ; ᑐᓂᓯᓐᖏᓚᖓ ᓯᓚᕐᔪᐊᕐᒥᐅᑦ ᑐᓂᓯᑦᔪᓯᖏᑎᑐᑦ. ᐆᒻᒪᑎᒃᑯᑦ ᕿᒃᓵᖕᓂᐊᕋᓯ, ᓯᕘᕋᓂᐊᕋᓯᓗ.

ᔪᐊᓇᓯᐅᑉ ᐊᒡᓚᖏᑦ 14:6

ᔩᓱᓯᐅᑉ ᐅᖃᐅᑎᕚ, “ᐊᖅᑯᑕᐅᕗᖓ, ᓱᓕᔫᓪᓗᖓ, ᐃᓅᓯᐅᕗᖓ; ᑭᓇᒥᒡᓘᓐᓃᑦ ᐊᑖᑕᒧᐊᕐᑐᖃᕈᓐᓇᓐᖏᓚᖅ, ᐅᕙᒃᑰᕐᓗᓂ ᑭᓯᐊᓂ.

ᔪᐊᓇᓯᐅᑉ ᐊᒡᓚᖏᑦ 17:5

ᒫᓐᓇ, ᐊᑖᑖᒃ ᓂᕐᑐᕐᓇᕐᑎᓚᐅᓐᖓ ᓇᖕᒥᓂᖅ ᓇᔫᑎᓂᕐᓄᑦ ᐱᒋᓚᐅᕐᑕᓐᓄᑦ ᐃᓕᖕᓂ ᓇᔫᑎᑎᓪᓗᖓ ᓯᓚᕐᔪᐊᖅ ᓴᓇᔭᐅᓚᐅᖄᕐᑎᓐᓇᒍ.

ᕉᒪᒥᐅᓄᑦ 13:14

ᐊᑕᓂᖅ ᔩᓱᓯ ᙭ᔅᑑᓯ ᐊᑎᓕᕐᓯᐅᒃ, ᑎᒥᐅᑉ ᐃᓕᖅᑯᓯᖓ ᓈᓚᒍᓐᓃᕐᓯᐅᒃ, ᐱᔪᒪᓂᖓ ᓈᒻᒪᒃᓯᑎᓐᓇᓱᐊᕈᓐᓃᕐᓗᒍ.

ᕉᒪᒥᐅᓄᑦ 14:17

ᒎᑎᐅᑉ ᐊᑕᓂᐅᕕᖓ ᓂᕆᓂᕐᒥᒃ ᐃᒥᕐᓂᕐᒥᒡᓘᓐᓃᑦ ᐱᑦᔪᑎᖃᖏᒻᒪᑦ; ᐱᑦᔪᑎᖃᕐᐳᕐᓕ ᐃᓗᐊᕐᓯᑎᑕᐅᓂᕐᒥᒃ ᐃᓱᒪᔮᖏᓐᓂᕐᒥᒃ ᖁᕕᐊᓱᖕᓂᕐᒥᒡᓗ ᐊᓂᕐᓂᕐᒥ ᐃᑦᔪᕐᓁᑦᑐᒥ,

ᕉᒪᒥᐅᓄᑦ 5:1

ᑍᒤᒻᒪᓪᓕ ᒫᓐᓇ ᒎᑎᒧᑦ ᐸᓯᔭᒃᓴᐅᖏᓐᓂᕋᕐᑕᐅᔪᒍᑦ ᐅᒃᐱᕐᓂᒃᑯᑦ, ᒎᑎᒧᑦ ᐃᓱᒫᓘᑎᖃᕈᓐᓃᕐᐳᒍ ᐊᑕᓂᑦᑎᒍᑦ ᔩᓱᓯ ᙭ᔅᑑᓯᒃᑯᑦ.

ᕉᒪᒥᐅᓄᑦ 5:10

ᒎᑎᒥᒃ ᐊᑭᕋᕐᑐᕐᑎᐅᓚᐅᕐᑐᒍᑦ ᒫᓐᓇ ᒎᑎᒥᒃ ᐃᓚᓐᓈᖃᕐᓂᕐᒧᑦ ᐅᑎᕐᑎᑕᐅᓯᒪᓕᕐᐳᒍᑦ ᐃᕐᓂᖓᑕ ᑐᖁᖓᒍᑦ, ᐊᖏᓂᕐᓴᒥᒡᓕ ᒫᓐᓇ ᐃᓚᓐᓈᖃᕐᓂᕐᒧᑦ ᐅᑎᕐᑎᑕᐅᓯᒪᔪᒍᑦ ᐱᐅᓕᔭᐅᔪᒫᓕᕐᐳᒍᑦ ᑖᑦᓱᒪ ᐃᓅᓯᖓᒍᑦ.

ᕉᒪᒥᐅᓄᑦ 6:21

ᓱᓇᒥᒡᓕ ᑖᒃᑯᓇᓐᖓᑦ ᐱᕙᓪᓕᕈᑎᒃᓴᖃᕐᐱᓰ ᒫᓐᓇ ᑲᓐᖑᓇᕐᓂᕋᓕᕐᑕᑦᓯᓐᓂᒃ? ᑕᒪᒃᑯᐊ ᐃᓱᖃᕐᒪᑕ ᑐᖁᒥᒃ.

ᕉᒪᒥᐅᓄᑦ 6:23

ᐊᔪᕐᓂᐅᑉ ᐊᑭᓕᐅᑖ ᑕᕝᕙ ᑐᖁ, ᒎᑎᐅᓪᓕ ᑐᓂᕐᕈᑖ ᐊᑭᖃᖏᑦᑐᖅ ᑕᕝᕙ ᐃᓅᓯᖅ ᓄᖑᓱᐃᑦᑐᖅ ᙭ᔅᑑᓯ ᔩᓱᓯᒥ ᐊᑕᓂᑦᑎᓐᓂ.

ᕉᒪᒥᐅᓄᑦ 7:11

ᐊᔪᕐᓂᖅ ᐱᖁᔭᒃᑯᑦ ᐱᕕᒃᓴᒥᓂᒃ ᓇᓂᓯᒐᒥ, ᐅᐃᕕᕆᕚᖓ, ᑖᑦᓱᒨᓇᓗ ᐱᖁᔭᒃᑯᑦ ᑐᖁᑕᐅᓪᓗᖓ.

ᕉᒪᒥᐅᓄᑦ 7:5

ᑎᒥᒃᑯᑦ ᐃᓅᑎᓪᓗᑕ, ᐊᔪᕐᓂᕐᒥᒃ ᐱᔪᒪᓂᕗᑦ ᐱᖁᔭᓄᑦ ᐆᒻᒪᕐᑎᑕᐅᕗᑦ, ᑎᒥᕗᑦ ᐱᓇᓱᐊᕐᕕᐅᕗᑦ ᐱᕈᕐᕕᐅᖁᓪᓗᒋᑦ ᑐᖁᒥᒃ.

ᕉᒪᒥᐅᓄᑦ 8:13

ᑎᒥᐅᑉ ᐱᔪᒪᔭᖓ ᒪᓕᒡᓗᒍ ᐃᓄᒎᑦᓯ ᑐᖁᔪᒫᕐᐳᓯ, ᐊᓂᕐᓂᑯᓪᓕ ᑎᒥᐅᑉ ᐱᓂᐊᕐᓂᖏᑦ ᑐᖁᒃᑯᑦᓯᒋᑦ ᐃᓅᔪᒫᕐᐳᓯ.

ᕉᒪᒥᐅᓄᑦ 8:27

ᒎᑎᐅᓪᓗ ᐃᓗᑦᑎᓐᓂᒃ ᖃᐅᔨᓴᕐᑎᐅᔫᑉ ᐊᓂᕐᓂᐅᑉ ᐃᓱᒪᖓ ᖃᐅᔨᒪᕚ, ᐊᓂᕐᓂᖅ ᑐᒃᓯᐅᑦᔨᕙᖕᒪᑦ ᒎᑎᐅᑉ ᐃᓄᖁᑎᖏᓐᓂᒃ ᒎᑎᐅᑉ ᐱᔪᒪᔭᖓ ᒪᓕᒃᓗᒍ.

ᕉᒪᒥᐅᓄᑦ 8:7

ᐃᓱᒪ ᑎᒥᐅᑉ ᐱᔪᒪᔭᖓᓂᒃ ᓈᓚᒃᑐᖅ ᒎᑎᒥᒃ ᐊᑭᕋᕐᑐᕐᒪᑦ; ᐃᒻᒥᓂᒃ ᑐᓂᔪᒪᓐᖏᓚᖅ ᒎᑎᐅᑉ ᐱᖁᔭᖏᓐᓄᑦ; ᐊᓱᐃᓛᒃ ᐊᔪᓪᓚᕆᒃᐳᖅ.

ᒐᓔᑎᐊᒥᐅᓄᑦ 5:22

ᐊᓂᕐᓂᐅᓪᓕ ᐱᕈᕐᑎᑕᖏᑦ ᑕᕝᕙ ᓇᒡᓕᖕᓂᖅ, ᖁᕕᐊᓱᖕᓂᖅ, ᖃᓄᐃᖏᑦᓯᐊᕐᓂᖅ, ᕿᓄᐃᓵᕐᓂᖅ, ᐱᑦᓯᐊᕐᓂᖅ, ᐃᓄᑦᓯᐊᕙᐅᓂᖅ, ᓱᖁᓯᕈᓐᓇᖏᓐᓂᖅ,

ᒐᓔᑎᐊᒥᐅᓄᑦ 6:8

ᑎᒥᐅᑉ ᐱᔪᒪᔭᖓ ᒪᓕᒡᓗᒍ ᑲᓐᖓᕐᓱᐃᔪᖅ ᑲᑎᕐᓱᐃᔪᒫᕐᐳᖅ ᐊᓯᕈᕐᑕᐅᑦᔪᑎᒃᓴᒥᓂᒃ; ᐊᓂᕐᓂᕐᒧᓪᓕ ᑲᓐᖓᕐᓱᐃᒃᐸᑦ ᐊᓂᕐᓂᕐᒥᑦᑕᐅᖅ ᑲᑎᕐᓱᐃᔪᒫᕐᐳᖅ ᐃᓄᓯᕐᒥᒃ ᓄᖑᓱᐃᑦᑐᒥᒃ.