ᕉᒪᒥᐅᓄᑦ 8:35 - ᐊᒡᓔᑦ ᐃᑦᔪᕐᖕᓁᑦᑐᑦ

³⁵ ᑭᐊ ᐊᕕᑎᔪᓐᓇᕐᐹᑎᒍᑦ ᙭ᔅᑑᓯᐅᑉ ᓇᒡᓕᖕᓂᖓᓂᑦ? ᐃᓗᐊᖏᑦᔪᑎᒃᓴᖃᕐᓂᖅ ᐊᕕᑎᑦᓯᔪᓐᓇᕐᐹ, ᐅᕝᕙᓗ ᐅᖁᒤᒃᓴᕐᓂᖅ, ᐊᑭᕋᕐᑐᕐᑕᐅᓂᖅ, ᐅᕝᕙᓗ ᑳᖕᓇᕐᑐᕐᔪᐊᖅ, ᐋᓐᓄᕋᖃᖏᓐᓂᖅ ᐅᕝᕙᓗ ᑲᑉᐱᐊᓇᕐᑐᒦᓐᓂᖅ, ᑐᖁᑕᐅᓂᕐᓘᓐᓃᑦ?

ᕉᒪᒥᐅᓄᑦ 8:35 Iomraidhean Croise

ᐃᓐᖏᕈᑎᑦ 103:17

ᐊᑕᓂᐅᓪᓕ ᓇᒡᓕᖕᓂᖓ ᓄᖑᓐᓂᐊᖏᑦᑐᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᑐᕌᕐᐳᖅ ᓯᕘᕋᒋᔭᖃᕐᑐᓄᑦ ᑖᑦᓱᒥᖓ, ᐃᓱᐊᕐᑐᓕᓂᖓᓗ ᕿᑐᕐᖓᖏᑕ ᕿᑐᕐᖓᖏᓐᓄᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 3:4

ᕿᒪᕋᑖᕐᓗᒋᓪᓗ, ᐅᖓᔭᕋ ᓇᓂᕙᕋ, ᐃᕿᓐᓇᒃᑯ, ᓴᑯᑦᓱᒪᔪᓐᓃᕐᐸᕋ, ᐊᓈᓇᒪ ᐃᒡᓗᖓᓄᐊᕈᑎᓚᐅᖅᑳᕐᓇᒍ, ᐃᒡᓗᕈᓯᕐᒧᑦ ᕿᑐᕐᖓᒃᓴᕐᑖᖑᕕᒋᓚᐅᕐᑕᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 31:3

ᐊᑕᓂᖅ ᓯᕗᓕᑦᑎᓐᓄᑦ ᓴᖅᑭᑉᐸᓚᐅᕐᐳᖅ, ᐅᖃᕐᓯᒪᓪᓗᓂᓗ, ᓇᒡᓕᒋᕙᑦᓯ ᓇᒡᓕᒍᓱᖕᓂᕐᒧᑦ ᐃᓱᓕᓐᓂᐊᖏᑦᑐᒧᑦ, ᕾᖁᓚᐅᕐᐸᑦᓯᓗ ᓇᒡᓕᒍᓱᖕᓂᓐᓄᑦ ᐱᑦᓯᐊᕐᕕᒋᓪᓗᓯ.

ᔪᐊᓇᓯᐅᑉ ᐊᒡᓚᖏᑦ 10:28

ᐃᓅᓯᕐᒥᒃ ᓄᖑᓱᐃᑦᑐᒥᒃ ᑐᓂᓯᕕᒋᕙᒃᑲ, ᐊᓯᐅᔪᖃᕐᓂᐊᓐᖏᓚᑦ, ᓇᓪᓕᐊᓐᓂᒃᓘᓐᓃᑦ ᐊᕐᓵᕐᑕᐅᓂᐊᓐᖏᓚᖓ ᑖᒃᑯᓂᖓ ᐱᓯᒪᔭᓐᓂ.

ᔪᐊᓇᓯᐅᑉ ᐊᒡᓚᖏᑦ 13:1

ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᕕᒃᓴᐅᑉ ᓯᕗᓂᖓᓂ, ᔩᓱᓯ ᖃᐅᔨᒪᒐᒥ ᐊᑖᑕᒥᓄᑦ ᐊᐅᓪᓚᕐᕕᒃᓴᖓ ᓯᓚᕐᔪᐊᕐᒥᑦ ᓇᓪᓕᐅᑎᓕᕐᒪᑦ, ᓇᖕᒥᓂᖅ ᐃᓄᖁᑎᓂ ᓇᒡᓕᒋᒐᒥᒋᑦ ᓯᓚᕐᔪᐊᕐᒦᑦᑐᑦ, ᐃᓱᓕᑦᑎᕕᒋᔭᓂ ᑎᑭᓪᓗᒍ ᓇᓪᓕᒌᓐᓇᓚᐅᕐᐰᑦ.

ᔪᐊᓇᓯᐅᑉ ᐊᒡᓚᖏᑦ 16:33

ᑕᒪᒃᑯᓂᖓ ᐅᖃᐅᑎᓚᐅᕐᐸᑦᓯ, ᐅᕙᓐᓃᓪᓗᓯ ᐃᓱᒪᔮᖁᓇᓯ. ᓯᓚᕐᔪᐊᕐᒥ ᐅᖁᒤᒃᓴᕐᓇᕐᑐᒦᑉᐳᓯ; ᓯᕘᕋᓇᓯᓕ, ᓯᓚᕐᔪᐊᖅ ᓵᓚᒋᓯᒪᒐᒃᑯ.”

ᐋᐴᓯᑕᓖᑦ ᐱᓂᐊᕐᓂᖏᑦ 14:22

ᐃᓕᓐᓂᐊᕐᑎᑦ ᐱᕙᓪᓕᕐᑎᑉᐰᑦ ᐃᓇᓪᓗᒋᑦ ᐅᒃᐱᕐᓂᕐᒦᖁᓪᓗᒋᑦ, ᐅᖃᐅᑎᓪᓗᒋᑦ. “ᐅᖁᒤᓐᓇᕐᑐᓂᒃ ᑲᑉᐱᐊᓇᕐᑐᓂᒡᓗ ᐊᒥᓱᓂᒃ ᐊᖅᑯᓵᕐᓯᔭᕆᐊᖃᕋᑦᑕ ᒎᑎᐅᑉ ᐊᑕᓂᐅᕕᖓᓄᑦ ᐃᑎᖁᓪᓗᑕ.”

ᕉᒪᒥᐅᓄᑦ 2:9

ᐅᖁᒤᓐᓇᕐᑐᖃᕈᒫᕐᐳᖅ ᐃᓱᒫᓗᓇᕐᑐᖃᕈᒫᕐᓗᓂᓗ ᐃᓄᓕᒫᓄᑦ ᐊᔪᕐᑐᓕᔪᓄᑦ, ᔫᑎᓄᑦ ᓯᕗᓪᓕᕐᒥᒃ ᒍᕇᑭᓄᓪᓗ,

ᕉᒪᒥᐅᓄᑦ 8:17

ᕿᑐᕐᖓᕆᔭᐅᒍᑦᑕᓗ, ᑭᖑᕐᖑᑦᔨᔪᒃᓴᐅᓕᕐᐳᒍᑦ, ᒎᑎᐅᑉ ᐃᓄᖁᑎᒥᓄᑦ ᑭᖑᕐᖑᑎᔭᒃᓴᐅᑎᑕᖏᓐᓂᒃ ᙭ᔅᑑᓯᓗ ᑭᖑᕐᖑᑦᔨᖃᑎᒋᔪᒫᓕᕐᓗᒍᑦ, ᙭ᔅᑑᓯ ᐅᖁᒤᒃᓴᖃᑎᒋᕙᕗᑦ ᓂᕐᑐᕐᓇᕐᓯᑎᑕᐅᓂᖓᓂᒃᑕᐅᖅ ᐱᖃᑕᐅᔪᒫᖁᓪᓗᑕ.

ᕉᒪᒥᐅᓄᑦ 8:37

ᑕᒪᒃᑯᐊᓕ ᐊᑐᕐᑍᓐᓇᕆᒐᓗᐊᕐᓗᒋᑦ ᓵᓚᖃᕐᑎᑕᐅᓪᓚᕆᒃᐳᒍᑦ ᑖᑦᓱᒨᓇ ᓇᒡᓕᒋᔨᑦᑎᒍᑦ.

ᕉᒪᒥᐅᓄᑦ 8:39

ᐳᕐᑐᓂᕐᔫᓪᓘᓐᓃᑦ, ᐃᑎᓂᕐᔫᓪᓘᓐᓃᑦ, ᐱᓐᖑᕐᑎᓯᒪᔪᓄᓪᓘᓐᓃᑦ ᓱᓇᑐᐃᓐᓇᕐᓄᑦ, ᑕᒪᒃᑯᓄᖓᑦ ᐊᕕᑎᑕᐅᔪᓐᓇᓐᖏᓐᓇᑦᑕ ᒎᑎᐅᑉ ᓇᒡᓕᖕᓂᖓᓂᑦ ᙭ᔅᑑᓯ ᔩᓱᓯᒥ ᐊᑕᓂᑦᑎᓐᓃᑦᑐᒥᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:11

ᒫᓐᓇᒧᑦ ᑎᑭᓪᓗᒍ ᑳᒃᐳᒍᑦ ᐃᒥᕈᒃᓗᑕᓗ, ᐊᓐᓄᕌᕗᑦ ᐊᓕᒃᑐᕐᓯᒪᕗᑦ ᐊᓇᐅᓕᕐᑕᐅᕙᒃᓗᑕᓗ; ᓇᒧᑐᐃᓐᓇᕐᓗ ᓄᒃᑕᕐᐳᒍᑦ ᐊᖏᕐᕋᖃᕋᑕ ᑕᒫᓂᕐᕆᔭᒃᑐᑎᑐᑦ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:12

ᓇᖕᒥᓂᖅ ᐊᒡᒐᑦᑎᓐᓄᑦ ᐊᒃᓱᕈᕐᓇᕐᑐᒥᒃ ᐱᓇᓱᐊᕐᐳᒍᑦ. ᓇᕐᕈᓇᕐᓂᕋᕐᑕᐅᔭᕌᖓᑦᑕ, ᓮᒻᒪᕐᑎᑦᓯᕙᒃᐳᒍᑦ; ᐊᑭᕋᕐᑐᕐᑕᐅᓕᕅᒐᑦᑕ, ᕿᓄᐃᓵᕈᑎᒋᕙᒃᐸᕗᑦ;

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:10

ᑍᒤᒻᒪᑦ ᙭ᔅᑑᓯ ᐱᓪᓗᒍ, ᑕᕝᕙ ᓈᒻᒪᒃᓴᕐᐳᖓ ᓴᓐᖐᓐᓂᓐᓂᒃ, ᐅᖃᕐᓂᕐᓘᑎᒋᔭᐅᓂᕐᓂᒃ, ᐅᖁᒤᒃᓴᕐᑎᑕᐅᓂᕐᓂᒃ, ᐊᑭᕋᕐᑐᕐᑕᐅᓂᕐᓂᒃ, ᐊᒃᓱᕈᓐᓇᕐᑐᓂᒡᓗ; ᓴᓐᖐᑦᑑᓕᕌᖓᒪᓕ, ᐱᔪᓐᓇᕐᓂᖃᕐᓂᕐᓴᐅᓕᕐᐸᒃᐳᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:17

ᒪᑯᐊ ᐊᑯᓂᐅᖏᑦᑐᖅ ᐅᖁᒻᒤᒃᓴᕐᑎᑕᐅᓂᕆᕙᒃᑕᕗᑦ ᐅᕙᑦᑎᓐᓂᒃ ᐅᐸᓗᖕᒊᔧᖕᒪᑕ ᐱᓐᓇᕐᓇᕐᑐᕐᔪᐊᒧᑦ ᐃᓱᖃᖏᑦᑐᒧᑦ; ᐊᑦᔨᒋᔭᐅᑎᑕᒃᓴᐅᖏᑦᑐᒧᓪᓘᓐᓃᑦ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:8

ᖃᓄᑐᐃᓐᓇᖅ ᐅᑯᒤᒃᓴᕐᑎᑕᐅᕗᒍᑦ, ᐊᔪᓕᕐᑎᑕᐅᓇᑕᓕ; ᖁᓚᕐᓇᕐᑐᒦᑎᑕᐅᕗᒍᑦ, ᓴᐱᓕᕐᑎᑕᐅᓇᑕᓕ;

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:9

ᐊᑭᕋᕐᑐᕐᑎᖃᕐᐳᒍᑦ, ᐃᓚᖃᕈᓐᓁᓪᓕᓇᑕᓕ; ᐋᓐᓂᐊᑎᑕᐅᒐᓗᐊᕐᐳᒍᑦ, ᑐᖁᑕᐅᓇᑕᓕ;

ᐃᐱᓯᒥᐅᓄᑦ 3:19

ᖃᐅᔨᖁᓪᓗᓯᓗ ᙭ᔅᑑᓯᐅᑉ ᓇᒡᓕᖕᓂᖓᓂᒃ ᖃᐅᔨᔭᐅᔪᓐᓇᕐᑐᑦ ᐅᖓᑖᓃᑦᑐᒥᒃ, ᐃᓗᒻᒥᕐᑕᐅᖁᓪᓗᓯᓗ ᒎᑎᐅᓂᖓᑕ ᐃᓕᖅᑯᓯᓕᒫᖓᓂᒃ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:16

ᒫᓐᓇᓕ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᓇᖕᒥᓂᖅ, ᒎᑎᑦᑕᓗ ᐊᑖᑕᑦᑕ, ᐅᕙᑦᑎᓐᓂᒃ ᓇᒡᓕᒍᓱᒃᑑᑉ ᐃᓱᖃᖏᑦᑐᒥᒃ ᓮᒻᒪᕐᑎᒻᒪᑎᒍᑦ ᓂᕆᐅᒋᔭᒃᓴᒥᒡᓗ ᐱᐅᔪᒥᒃ ᑐᓂᓯᕕᒋᓪᓗᑕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ,

ᑎᒧᑎᒧᑦ ᐂᑉᐸᖏᑦ 1:12

ᑍᒤᒻᒪᑦ ᐊᒃᓱᕈᕐᑎᑕᐅᕗᖓ. ᑕᒪᓐᓇᓕ ᑲᓐᖑᓲᑎᒋᓐᖏᓚᕋ, ᐅᒃᐱᕐᕕᒋᔭᕋ ᖃᐅᔨᒪᒐᒃᑯ, ᖁᓚᖏᓐᓇᒪ ᐅᕙᓐᓄᑦ ᐱᓂᐊᕐᑕᐅᖁᓯᒪᔭᓂ ᓴᐳᑎᓯᒪᔪᓐᓇᕐᓂᐊᕐᒪᒍ ᐅᓪᓗᖅ ᑍᓐᓇ ᓇᓪᓕᐅᑎᔪᒃᓴᖅ ᑎᑭᓪᓗᒍ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:5

ᔩᓱᓯ ᙭ᔅᑑᓯᒥᓪᓗ ᓱᖁᓯᔪᐃᑦᑑᓪᓗᓂ ᖃᐅᔨᑎᑦᓯᔪᒥᑦ, ᐃᕐᓂᕐᑖᕆᔭᐅᖄᕐᓯᒪᔪᒥᑦ ᑐᖁᖓᔪᓂᑦ ᒪᑭᑎᑕᐅᓯᒪᔪᓂᑦ, ᐊᖓᔪᖅᑳᕐᔪᐊᖑᔪᒥᓪᓗ ᐊᖓᔪᖅᑳᕐᔪᐊᓕᒫᓄᑦ ᓄᓇᕐᔪᐊᕐᒥ. ᑖᑦᓱᒪ ᓇᒡᓕᒋᖕᒪᑎᒍᑦ ᕿᓚᕈᑦᔮᓚᐅᕐᐹᑎᒍᓪᓗ ᐊᔪᕐᓂᑦᑎᓐᓂᑦ ᐊᐅᖕᒥᓄᑦ.