ᕉᒪᒥᐅᓄᑦ 8:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᒎᑎ ᐱᓂᐊᕐᓯᒪᖕᒪᑦ ᐱᖁᔧᑦ ᐊᔪᕐᑕᖓᓂᒃ, ᑎᒥᐅᑉ ᐃᓕᖅᑯᓯᖓᓄᑦ ᓴᓐᖐᓕᑎᑕᐅᓯᒪᔪᓂᒃ, ᐃᕐᓂᓂ ᓇᖕᒥᓂᓂ ᑎᓕᓚᐅᕐᒪᒍ ᐃᓄᒃ ᐊᔪᕐᓂᓕᒃ ᐊᑦᔨᒋᓕᕐᓗᒍ ᐊᔪᕐᓂᒧᑦ ᑐᓂᕐᕈᑎᒃᓴᐅᖁᓪᓗᒍ, ᑍᒤᒻᒪᑦ ᐃᒋᑕᒃᓴᓐᖑᕐᑎᓚᐅᕐᐹ ᐃᓅᑉ ᐊᔪᕐᓂᖓ.

ᕉᒪᒥᐅᓄᑦ 8:3 Iomraidhean Croise

ᒨᓯᓯ ᓯᑕᒪᖏᑦ 21:9

ᑍᒤᒻᒪᑦ ᒨᓯᓯ ᖁᒡᓗᒋᐊᖑᐊᒥᒃ ᑲᓐᓄᔭᒥᒃ ᓴᓇᕗᖅ, ᓇᐸᔪᒧᓪᓗ ᐃᓕᓪᓗᒍ; ᐃᒫᒡᓗ ᐱᓚᐅᕐᐳᑦ, ᖁᒡᓗᒋᐊᒧᑦ ᑮᔭᐅᔪᕕᓃᑦ, ᖁᒡᓗᒋᐊᓐᖑᐊᒥᒃ ᖃᑯᕐᓕᖕᒥᒃ ᑕᑯᔪᑦ, ᐃᓅᓕᓚᐅᕐᐳᑦ.

ᒨᓯᓯ ᓯᑕᒪᖏᑦ 28:22

ᐃᓚᖃᕐᓗᑎᒃ ᒎᑦᓯᒥᒃ ᐊᑕᐅᓯᕐᒥᒃ ᐊᔪᕐᓂᖅ ᐱᓪᓗᒍ, ᐃᓱᒪᒋᔪᓐᓁᕐᕕᐅᖁᓪᓗᓯ.

ᒫᑯᓯᐅᑉ ᐊᒡᓚᖏᑦ 15:27

ᐅᓇᑕᕐᑐᒃᓮᑦ ᑭᑭᐊᒃᑐᐃᓚᐅᕆᕗᑦ ᐊᖑᑏᖕᓂᒃ ᒪᕐᕉᖕᓂᒃ ᐱᕋᔮᖕᓂᒃ, ᐂᑉᐹ ᑕᓕᕐᐱᐊᓄᑦ ᐂᑉᐹᓗ ᓴᐅᒥᐊᓄᑦ. [

ᔪᐊᓇᓯᐅᑉ ᐊᒡᓚᖏᑦ 1:14

ᐅᖃᐅᓯᖅ ᑎᒥᑖᓚᐅᕐᐳᖅ ᐃᓅᖃᑎᒋᓕᓚᐅᕐᐸᕗᓪᓗ, ᓂᕐᑐᕐᓇᕐᓂᕐᔪᐊᖓ ᑕᑯᓚᐅᕐᐸᕗᑦ, ᓂᕐᑐᕐᓇᕐᓂᕐᔪᐊᖅ ᐊᑖᑕᒥᑦ ᐱᓯᒪᔭᖓ ᐃᕐᓂᑐᐊᖑᓂᕐᒥᓄᑦ; ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓱᓕᑦᓯᐊᕐᓂᕐᒥᒡᓗ ᑕᑕᑦᑐᖅ.

ᔪᐊᓇᓯᐅᑉ ᐊᒡᓚᖏᑦ 9:24

ᑕᕝᕙ ᑭᖑᓪᓕᕐᒥ ᑕᐅᑐᓚᐅᖏᑦᑐᖅ ᕾᖁᓕᕆᕚᑦ, ᐅᖃᐅᑎᓪᓗᒍᓗ, “ᒎᑎ ᓂᕐᑐᓚᐅᕈᒃ; ᖃᐅᔨᒪᕗᒍᑦ ᐊᖑᑦ ᑖᓐᓇ ᐊᔪᕐᑐᓕᔫᖕᒪᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 13:39

ᑖᑦᓱᒨᓇ ᑕᒪᕐᒥᑦᓯᐊᑦ ᐅᒃᐱᕐᑐᑦ ᕿᓚᕈᑦᔮᕐᑕᐅᕗᑦ ᕿᓚᒃᓱᕐᑕᐅᕕᒋᓯᒪᔭᓕᒫᒥᖕᓂᑦ, ᒨᓯᓯᐅᑉ ᐱᖁᔭᖏᑎᒍᑦ ᕿᓚᕈᑦᔮᕐᑕᐅᕕᒋᔪᓐᓇᓐᖏᑕᒥᖕᓂᑦ.

ᕉᒪᒥᐅᓄᑦ 3:20

ᑍᒤᒻᒪᑦ ᒎᑎᐅᑉ ᓵᖓᓂ ᓈᒻᒪᒋᔭᐅᔪᓐᓇᕐᑐᖃᕐᓂᐊᓐᖏᓚᖅ ᐱᖁᔭᓂᒃ ᒪᓕᖕᓂᒃᑯᑦ, ᐱᖁᔭᑎᒍᑦ ᖃᐅᔨᑎᑕᐅᒐᑦᑕ ᐊᔪᕐᓂᕐᒥᒃ.

ᕉᒪᒥᐅᓄᑦ 6:6

ᖃᐅᔨᒪᒐᑦᑕ ᐃᓅᓯᑐᖃᕗᖅ ᙭ᔅᑑᓯᐅᑉ ᑭᑭᐊᒃᑐᕐᑕᐅᖃᑎᒋᓚᐅᕐᒪᒍ ᓴᓐᓂᖓᔪᓕᖕᒥ ᑎᒥᐅᑉ ᐊᔪᕐᑐᓕᔪᒪᓂᖓ ᓵᓚᐅᖁᓪᓗᒍ, ᕿᓚᒃᓱᕐᑕᐅᓯᒪᔪᓐᓃᖁᓪᓗᑕᓗ ᐊᔪᕐᓂᕐᒧᑦ.

ᕉᒪᒥᐅᓄᑦ 7:18

ᖃᐅᔨᒪᕗᖓ ᐱᐅᔪᒥᒃ ᐃᓗᓐᓃᑦᑐᖃᖏᒻᒪᑦ, ᑕᕝᕙ ᑎᒥᓐᓂ. ᓈᒻᒪᒃᑐᒥᒃ ᐱᔪᒪᓂᖃᕋᓗᐊᕐᐳᖓ, ᑭᓯᐊᓂᓕ ᐱᔪᓐᓇᓐᖏᓚᕋ.

ᕉᒪᒥᐅᓄᑦ 8:32

ᑖᑦᓱᒪ ᓇᖕᒥᓂᖅ ᐃᕐᓂᓂ ᐊᓐᓂᕆᓇᒍ ᐅᕙᑦᑎᓐᓄᓕᒫᖅ ᑐᓂᓚᐅᕐᒪᒍ, ᑕᕝᕙᓖ ᑐᓂᓯᓂᐊᓐᖏᓛᑎᒍᑦ ᓱᓇᓕᒫᓂᒃ ᑖᑦᓱᒨᓇ?

ᕉᒪᒥᐅᓄᑦ 9:3

ᓇᖕᒥᓂᖅ ᐊᒡᓛᑦ ᓇᕐᕈᓇᕐᓯᑎᑕᐅᔪᒪᒐᔭᕐᐳᖓ ᙭ᔅᑑᓯᒥᓪᓘᓐᓃᑦ ᐊᕕᑎᑕᐅᖔᕐᓗᖓ ᐃᓅᖃᑎᒃᑲ ᐱᑦᔪᑎᒋᓪᓗᒋᑦ, ᔫᑎᐅᖃᑎᒃᑲ ᑎᒥᒃᑯᑦ ᐃᓚᒋᔭᒃᑲ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:21

ᐊᔪᕐᑐᓕᓂᕐᒥᒃ ᖃᐅᔨᓚᐅᕐᓯᒪᖏᑦᑐᖅ ᒎᑎᐅᑉ ᐊᔪᕐᑐᓕᔪᓐᖑᕐᑎᓚᐅᕐᐹ ᐱᑦᔪᑎᒋᓪᓗᑕ, ᐅᕙᒍᑦ ᑖᑦᓱᒨᓇ ᒎᑎᒧᑦ ᐃᓗᐊᕐᑐᓐᖑᕐᑎᑕᐅᖁᓪᓗᑕ.

ᒐᓔᑎᐊᒥᐅᓄᑦ 3:13

᙭ᔅᑑᓯᐅᑉ ᐱᐅᓕᓚᐅᕐᐹᑎᒍᑦ ᐱᖁᔧᑦ ᐱᐅᖏᑦᑐᐊᓘᓂᕅᓂᖓᓂᑦ, ᑖᑦᓱᒪ ᐱᑦᔪᑎᒋᓪᓗᑕ ᐱᐅᖏᑦᑐᐊᓘᓂᕋᕐᑕᐅᓂᖓᓄᑦ; ᐅᖃᕐᓯᒪᔪᖃᕐᒪᑦ, “ᓇᐹᕐᑐᒥ ᓂᕕᓐᖓᕐᑕᐅᔪᑦ ᑕᒪᕐᒥᒃ ᒎᑎᒧᑦ ᐱᐅᖏᑦᑐᐊᓘᓂᕋᕐᑕᐅᕗᑦ.”

ᒐᓔᑎᐊᒥᐅᓄᑦ 3:21

ᑍᒪᓕ ᐱᖁᔧᑦ ᐊᑭᕋᕐᑐᕐᐹᑦ ᒎᑎᐅᑉ ᐊᖏᕈᑎᒋᓯᒪᔭᖏᓐᓄᑦ? ᑍᒤᓐᖏᓚᖅ; ᐃᓄᐃᑦ ᐱᖁᔭᓂᒃ ᐱᑎᑕᐅᓚᐅᕐᐸᑕ ᐃᓅᓯᖃᕐᓇᕐᑐᓂᒃ, ᐃᓗᐊᕐᑐᓐᖑᕈᓐᓇᕋᔭᓚᐅᕐᐳᑦ ᒪᓕᑦᓯᐊᕐᓂᕐᒥᖕᓄᑦ ᐱᖁᔭᓂᒃ.

ᐱᓕᐱᒥᐅᓄᑦ 2:7

ᐃᓱᒪᕐᓱᑦᓯᐊᕐᓗᓂᓕ ᐱᔪᒪᔭᒥᓂᒃ ᓴᒃᑯᐃᓚᐅᕐᐳᖅ, ᐱᔨᑐᐃᓐᓇᕐᑎᑐᑦ ᑍᒤᓕᕐᓗᓂ, ᐃᓄᑐᐃᓐᓇᕐᑐᓪᓗ ᑍᒤᓕᓚᐅᕐᐳᖅ ᐃᓄᑐᐃᓐᓇᕐᑎᑐᓪᓗ ᑕᑯᒃᓴᐅᓂᖃᓕᕐᓗᓂ.

ᐄᑉᕈᐃᓄᑦ 10:12

᙭ᔅᑑᓯᓕ ᐊᑕᐅᓯᐊᕐᓗᓂ ᑐᓂᕐᕈᓯᐅᑎᓚᐅᕐᐳᖅ ᑐᖁᑕᐅᖁᓪᓗᒍ ᐊᔪᕐᓃᑦ ᐱᓪᓗᒋᑦ, ᒫᓐᓇᓕ ᐃᒃᓯᕙᓕᕐᐳᖅ ᒎᑎᐅᑉ ᑕᓕᕐᐱᐊᓂ,

ᐄᑉᕈᐃᓄᑦ 10:14

ᑐᓂᕐᕈᓯᕐᓂᕐᒧᑦ ᐊᑕᐅᓯᕐᒧᑦ ᐃᑦᔪᕐᓁᑎᑕᐅᓂᐊᕐᑐᑦ ᑕᐅᕗᖓᓕᒫᖅ ᓈᒻᒪᒃᓯᑎᓚᐅᕐᐰᑦ.

ᐄᑉᕈᐃᓄᑦ 2:14

ᑍᒤᒻᒪᑦ ᕿᑐᕐᖓᐅᔪᑦ ᐃᓄᑐᐃᓐᓇᐅᕗᑦ ᑎᒥᖃᕐᑐᑦ, ᑕᕝᕙ ᔩᓱᓯ ᓇᖕᒥᓂᖅ ᑖᒃᑯᓄᖓ ᐊᑦᔨᒋᔭᐅᓕᓚᐅᕐᐳᖅ ᐃᓄᑐᐃᓐᓇᐅᓪᓗ ᐃᓅᓯᖓᓂᒃ ᐃᓚᖏᐅᑎᖃᑎᒋᓪᓗᒋᑦ, ᑍᒤᓕᐅᓚᐅᕐᐳᖅ ᑐᖁᒥᒍᑦ ᓵᑖᓇᓯ ᓱᓇᐅᔪᓐᓃᕐᑎᑉᐹ, ᑖᓐᓇ ᑐᖂᑉ ᐱᔪᓐᓇᕐᓂᖓᓂᒃ ᐱᖃᕐᑐᖅ,

ᐄᑉᕈᐃᓄᑦ 2:17

ᑍᒤᒻᒪᑦ ᐃᓅᖃᑎᓂ ᐊᑦᔨᒋᓕᕆᐊᖃᓚᐅᕐᐰᑦ ᓇᐅᒃᑯᑐᐃᓐᓇᓕᒫᖅ, ᓂᑲᒍᓱᒃᑑᓗᓂ ᓱᕐᕋᔪᐃᑦᑑᓗᓂᓗ ᑐᓂᕐᕈᓯᕐᑎᑦᓯᔨᐅᓗᓂ ᐊᖓᔪᖅᑲᐅᖁᓪᓗᒍ ᑖᒃᑯᓄᖓ ᐱᔨᑦᓯᕐᓗᓂ ᒎᑎᒥᒃ, ᐃᓄᐃᑦ ᐊᔪᕐᓂᖏᑦ ᐃᓱᒪᒋᔪᓐᓁᕐᑕᐅᖁᓪᓗᒋᑦ.

ᐄᑉᕈᐃᓄᑦ 4:15

ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖃᖏᓐᓇᑦᑕ ᐃᓚᑦᓱᒍᓱᒍᓐᓇᖏᑦᑐᒥᒃ ᓴᓐᖐᓐᓂᑦᑎᓐᓂᒃ, ᐃᓘᓐᓈᒍᓪᓕ ᖃᓄᑐᐃᓐᓇᖅ ᐱᐅᓐᖏᑦᑐᒧᑦ ᐱᔪᒥᓵᕐᑕᐅᓯᒪᕗᖅ ᐅᕙᑦᑎᑐᑦ, ᐊᔪᕐᑐᓕᓚᐅᕋᓂᓕ.

ᐲᑦᑐᕉᓯ ᓯᕗᓪᓖᑦ 2:24

ᑖᑦᓱᒪ ᓇᖕᒥᓂᖅ ᐊᔪᕐᓂᕗᑦ ᑎᒥᒥᒍᑦ ᓇᒃᓴᓚᐅᕐᐰᑦ ᓴᓐᓂᖓᔪᓕᖕᒧᑦ, ᐊᔪᕐᓂᕐᒧᑦ ᑐᖁᖁᓪᓗᑕ ᒪᑭᖁᓪᓗᑕᓗ ᐃᓗᐊᕐᑐᓕᕐᓂᕐᒧᑦ. ᑖᑦᓱᒪ ᐃᑭᖏᓐᓄᑦ ᐋᖅᑭᒃᑕᐅᓯᒪᕗᓯ.