ᕉᒪᒥᐅᓄᑦ 8:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᖃᐅᔨᒪᒐᑦᑕ ᑭᓱᑐᐃᓐᓁᑦ ᒎᑎᒥᒃ ᓇᒡᓕᒋᔭᖃᕐᑐᓄᑦ ᐱᐅᔪᒧᑦ ᐋᖅᑭᒃᑕᐅᕙᖕᒪᑕ, ᕾᖁᔭᐅᓯᒪᔪᓄᑦ ᒎᑎᐅᑉ ᐱᓇᓱᐊᕈᒪᔭᖓᓄᑦ.

ᕉᒪᒥᐅᓄᑦ 8:28 Iomraidhean Croise

ᒨᓯᓯ ᓯᕗᓪᓖᑦ 50:20

ᐃᓕᑦᓯᓕ ᐃᓱᒪᖃᓚᐅᕋᓗᐊᕐᐳᓯ ᐱᐅᖏᑦᑐᒥᒃ ᐅᕙᓐᓄᑦ ᐱᓇᓱᐊᕈᒪᓪᓗᓯ; ᒎᑎᐅᓪᓕ ᑕᒪᓐᓇ ᐱᐅᔪᒧᑦ ᐋᖅᑭᒃᓯᒪᓚᐅᕐᐹ, ᐃᓄᐃᑦ ᐅᓄᕐᑐᕐᔪᐊᑦ ᐃᓅᑎᑕᐅᖁᓪᓗᒋᑦ, ᓲᕐᓗ ᐅᓪᓗᒥ ᑍᒤᒻᒪᑦ.

ᓴᒧᐃᓕ ᐂᑉᐸᖏᑦ 16:12

ᐊᑕᓂᐅᑉ ᖁᕕᐊᓱᖏᓐᓂᓐᓂᒃ ᖃᐅᔨᒍᓂᖓ, ᐊᑭᓕᕐᓂᐊᕐᐹᖓ ᐱᐅᔪᒥᒃ ᐅᓪᓗᒥ ᓇᕐᕈᓇᕐᑎᑕᐅᓂᕋ ᐲᖔᕐᓗᓂᐅᒃ.”

ᓂᕼᐃᒤᐊᐅᑉ ᐊᒡᓚᖏᑦ 1:5

ᐅᖃᕐᓗᖓᓗ, “ᐊᑕᓃᖅ ᒎᑏ ᕿᓚᖕᒦᑦᑐᑎᑦ, ᐊᖏᔪᕐᔪᐊᖑᔪᑎᑦ ᐃᓕᕋᓇᕐᑑᓪᓗᑎᓪᓗ ᒎᑎᐅᔪᑎᑦ, ᐊᖏᖃᑎᒌᒍᑎᒋᓯᒪᔭᕐᓂᒃ ᓇᒡᓕᒍᓱᖕᓂᕐᓂᒡᓗ ᑲᔪᓯᑎᑦᓯᖃᑦᑕᕐᑐᑎᑦ ᐃᓕᖕᓂᒃ ᐅᖓᒋᔭᖃᕐᑐᓄᑦ ᐱᖁᔭᕐᓂᒡᓗ ᒪᓕᒃᑐᓄᑦ.

ᐃᓐᖏᕈᑎᑦ 69:36

ᐱᔨᖏᑕᓗ ᑭᖑᕚᖏᑕ ᐱᑖᕆᔪᒫᕆᕚᑦ, ᐊᑎᖓᓂᒡᓗ ᓇᒡᓕᒍᓱᒃᑐᑦ ᐃᓂᒋᔪᒫᕐᐹᑦ.

ᒨᓯᓯ ᐂᑉᐸᖏᑦ 20:6

ᐅᕙᓐᓂᒡᓕ ᓇᒡᓕᒍᓱᒃᑐᓄᑦ ᓇᒡᓕᒍᓱᖕᓂᓐᓂᒃ ᑕᑯᑎᑦᓯᓂᐊᕐᐳᖓ ᐱᖁᔭᓐᓂᒡᓗ ᓈᓚᒃᑐᓄᑦ ᑭᖑᕚᕇᑦ 1,000ᓗᐊᕐᑐᑦ ᑎᑭᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 51:29

ᓄᓇ ᓴᔪᒃᐱᓗᒃᐳᖅ ᐋᓐᓂᕇᓯᕐᑐᑎᑐᑦ, ᐊᑕᓂᐅᑉ ᐹᐱᓘᓂᒥᐅᓄᑦ ᐊᑭᓂᐊᕐᓂᕆᔪᒪᔭᖓ ᓇᓪᓕᐅᑎᖕᒪᑦ, ᐹᐱᓘᓂᒥᐅᑦ ᓄᓇᖓᑦ ᓱᓁᕈᑦᔭᐅᖕᒪᑦ ᓄᓇᖃᕐᕕᐅᔪᓐᓇᕈᓐᓃᕐᐳᖅ ᑭᓇᒃᑯᑐᐃᓐᓇᕐᓄᑦ.

ᓴᑲᕅᐊᐅᑉ ᐊᒡᓚᖏᑦ 13:9

ᑖᒃᑯᐊ ᐱᖓᔪᖏᑦ ᐃᑯᒪᒃᑰᕐᑎᓱᒪᕙᒃᑲ, ᓯᐅᓪᕕᕆᑎᑐᓪᓗ ᐊᐅᒃᑎᓪᓗᒋᑦ ᓴᓗᒻᒪᕐᓴᕈᒪᕙᒃᑲ, ᐆᒃᑐᕐᓗᒋᓪᓗ ᒎᓗᐃᑦ ᐆᒃᑐᕐᑕᐅᑦᔪᓯᖏᑎᑐᑦ: ᐊᑎᓐᓄᓪᓗ ᓂᓪᓕᐊᔪᒫᕐᐳᑦ ᑭᐅᔪᒫᕐᐸᒃᑲᓗ, ᐅᖃᓕᕐᓗᖓᓗ, ‘ᐅᑯᐊ ᑕᕝᕙ ᐃᓄᖁᑎᒃᑲ,’ ᑖᒃᑯᐊᓗ ᐅᖃᓕᕐᓗᑎᒃ, ‘ᐊᑕᓂᖅ ᒎᑎᒋᕙᕗᑦ.’”

ᒫᑯᓯᐅᑉ ᐊᒡᓚᖏᑦ 12:30

ᐊᑕᓂᖅ ᒎᑎᓯ ᓇᒡᓕᒋᔭᒃᓴᕆᕙᓯ ᐆᒻᒪᑎᑦᓯᓐᓄᑦ ᑕᒤᓐᓄᑦ, ᑕᕐᓂᑦᓯᓐᓄᓪᓗ ᑕᒤᓐᓄᑦ, ᐃᓱᒪᑦᓯᓐᓄᓪᓗ ᑕᒤᓐᓄᑦ, ᐱᔪᓐᓇᕐᓂᑦᓯᓐᓄᓪᓗ ᑕᒤᓐᓄᑦ.’

ᐋᐴᓯᑕᓖᑦ ᐱᓂᐊᕐᓂᖏᑦ 13:48

ᔫᑎᐅᖏᑦᑐᓪᓕ ᑕᒪᑐᒥᖓ ᑐᓴᕋᒥᒃ ᖁᕕᐊᓱᒃᑐᐊᓘᕗᑦ, ᐊᑕᓂᖅ ᓂᕐᑐᕐᐹᑦ ᐅᖃᐅᓯᖏᑦ ᐱᓪᓗᒋᑦ; ᐃᓄᓯᕐᒥᒃ ᓄᖑᓱᐃᑦᑐᒥᒃ ᐱᑎᑕᐅᒐᒥᒃ ᐅᒃᐱᓕᕐᓗᑎᒡᓗ.

ᕉᒪᒥᐅᓄᑦ 11:29

ᒎᑎᐅᑉ ᑐᓂᕐᕈᑎᓂ ᕾᖁᔨᓂᓂᓗ ᐊᓯᑦᔨᕐᓯᒪᖏᒻᒪᒋᑦ.

ᕉᒪᒥᐅᓄᑦ 8:30

ᓯᕗᓂᖓᒍᓪᓗ ᓂᕈᐊᕐᓯᒪᔭᓂ ᕾᖁᓚᐅᕆᕔᑦ; ᕾᖁᔭᓂᓗ ᐸᓯᔭᒃᓴᐅᔪᓐᓃᕐᑎᓚᐅᕐᐰᑦ; ᐸᓯᔭᒃᓴᐅᔪᓐᓃᕐᑎᑕᓂᓗ ᓂᕐᑐᕐᓇᕐᓂᕐᒥᓂᒃ ᐃᓚᖏᐅᑎᑎᓚᐅᕆᕔᑦ.

ᕉᒪᒥᐅᓄᑦ 9:11

ᓱᓕ ᐃᓅᓚᐅᕐᑎᓐᓇᒋᒃ ᐱᐅᔪᒥᒡᓘᓐᓃᑦ ᐱᐅᖏᑦᑐᒥᒡᓘᓐᓃᑦ ᓱᓕ ᐊᑐᓚᐅᕐᑎᓐᓇᒋᒃ, ᒎᑎᐅᑉ ᓂᕈᐊᕐᓯᓂᖓ ᕾᖁᔨᓂᕐᒥᒍᑦ ᑲᔪᓯᖁᓪᓗᒍ, ᐱᓂᐊᕐᓂᕐᒥᒃ ᐱᑦᔪᑎᖃᕐᑎᓐᓇᒍ ᕾᖁᔨᓂᖓᓕ ᐱᑦᔪᑎᒋᓪᓗᒍ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:2

ᒎᑎᐅᑉ ᐃᓚᒌᒃᑐᖁᑎᖏᓐᓄᑦ ᐅᒃᐱᕐᑐᓄᑦ ᑯᕆᓐᑎᒦᑦᑐᓄᑦ, ᐃᑦᔪᕐᓁᑎᑕᐅᓯᒪᔪᓄᑦ ᔩᓱᓯ ᙭ᔅᑑᓯᒃᑯᑦ, ᐃᑦᔪᕐᓁᑎᑕᐅᖁᓪᓗᒋᑦ ᕾᖁᔭᐅᓯᒪᔪᓕᒫᓄᑦ ᑐᒃᓯᐊᕐᐸᒃᑐᓄᓪᓗ ᐊᑕᓂᐅᑉ ᔩᓱᓯ ᙭ᔅᑑᓯᐅᑉ ᐊᑎᖓᓄᑦ, ᐊᑕᓂᕆᔭᒥᖕᓄᑦ ᐊᑕᓂᕆᔭᑦᑎᓐᓄᓪᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:24

ᒎᑎᐅᓪᓕ ᕾᖁᓯᒪᔭᖏᓐᓄᑦ, ᑕᒤᓐᓄᑦ ᔫᑎᓄᑦ ᒍᕇᑭᓄᓪᓗ, ᙭ᔅᑑᓯ ᒎᑎᒧᑦ ᐱᔪᓐᓇᕐᓂᐅᕗᖅ ᓯᓚᑐᓂᐅᓪᓗᓂᓗ ᒎᑎᒧᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:9

ᒎᑎ ᓱᖁᓯᔪᐃᑦᑑᖕᒪᑦ, ᕾᖁᔨᓯᒪᔪᖅ ᐃᓕᑦᓯᓐᓂᒃ ᐃᓅᖃᑎᖃᖁᔨᓪᓗᓂ ᐃᕐᓂᖓᓂᒃ, ᔩᓱᓯ ᙭ᔅᑑᓯᒥᒃ ᐊᑕᓂᕐᒥᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:9

ᐊᒡᓚᖕᓂ ᑎᑎᕋᕐᓯᒪᖕᒪᑦ: “ᓇᓪᓕᐊᓐᓄᑦ ᑕᑯᔭᐅᓚᐅᖏᑦᑐᖅ ᑐᓴᕐᑕᐅᓚᐅᖏᑦᑐᕐᓘᓐᓃᑦ, ᓇᓪᓕᐊᓐᓄᓪᓘᓐᓃᑦ ᐃᓱᒪᒋᔭᐅᓚᐅᖏᑦᑐᖅ ᐱᒐᔭᕐᒪᖔᑦ, ᑕᒪᓐᓇ ᒎᑎᐅᑉ ᐅᐸᓗᖕᒊᕈᑎᒋᓯᒪᓚᐅᕐᐹ ᐱᓐᓇᕆᔨᒥᓄᑦ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:1

ᖃᐅᔨᒪᒐᑦᑕ ᓄᓇᒥ ᑐᐱᕗᑦ ᓇᔪᕐᑕᕗᑦ ᐊᓯᕈᕐᐸᑦ, ᐃᒡᓗᒃᓴᖃᕋᑦᑕ ᒎᑎᒥᑦ ᐱᔪᒥᒃ, ᐊᒡᒐᓄᑦ ᓴᓇᔭᐅᓯᒪᖏᑦᑐᒥᒃ, ᕿᓚᖕᒥ ᐃᒡᓗᒋᔪᒫᕐᑕᑦᑎᓐᓂᒃ ᐃᓱᖃᖏᑦᑐᒧᑦ.

ᒐᓔᑎᐊᒥᐅᓄᑦ 1:15

ᒎᑎᐅᓪᓕ ᓂᕈᐊᕐᓯᒪᓚᐅᕐᐹᖓ ᐃᓅᓕᓚᐅᕐᑎᓐᓇᖓ ᓱᓕ, ᐱᑦᓯᐊᕐᓂᒥ ᐱᔪᓐᓇᕐᑎᑦᓯᓂᕐᒥᒍᑦ ᕾᖁᓚᐅᕐᐹᖓ,

ᒐᓔᑎᐊᒥᐅᓄᑦ 1:6

ᑲᒪᓂᐊᕈᑎᒋᕙᑦᓯ ᕿᒤᓯᒪᓕᕇᕋᑦᓯ ᕾᖁᔭᐅᓂᕆᓚᐅᕐᑕᑦᓯᓐᓂᒃ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐊᓯᖏᓐᓂᒡᓗ ᐅᖃᐅᓯᕐᓂᒃ ᑐᓴᕈᒥᓇᕐᑑᓂᕋᕐᑕᐅᖕᒥᔪᓂᒃ ᐃᓚᓕᐅᕐᓯᓪᓗᓯ.

ᒐᓔᑎᐊᒥᐅᓄᑦ 5:8

ᓇᓗᓇᓐᖏᓚᕐᓕ ᐃᓕᑦᓯᓐᓂᒃ ᕾᖁᔨᓚᐅᕐᑑᑉ ᑕᒪᓐᓇ ᑍᒤᑎᖏᒻᒪᒍ.

ᐃᐱᓯᒥᐅᓄᑦ 3:11

ᒎᑎ ᐃᓱᖃᖏᑦᑐᒥᑦ ᐱᓇᓱᐊᕈᒪᓯᒪᔭᒥᓂᒃ ᓈᒪᒃᓯᑎᑦᓯᓚᐅᕐᐳᖅ ᙭ᔅᑑᓯ ᔩᓱᓯᒃᑯᑦ ᐊᑕᓂᑦᑎᒍᑦ.

ᐃᐱᓯᒥᐅᓄᑦ 4:1

ᑍᒤᒻᒪᑦ, ᐃᓇᑉᐸᑦᓯ ᐅᕙᖓ ᑎᒍᔭᐅᓯᒪᕕᖕᒦᑦᑐᖓ ᐊᑕᓂᖅ ᐱᑦᔪᑎᒋᓪᓗᒍ, ᒎᑎᒧᑦ ᕾᖁᔭᐅᓯᒪᓂᓯ ᐊᑐᑦᓯᐊᕐᓗᒍ ᐃᓅᖁᓪᓗᓯ ᑕᒪᑐᒧᖓ ᕾᖁᔭᐅᓯᒪᒐᑦᓯ.

ᒨᓯᓯ ᑕᓪᓕᒪᖏᑦ 6:5

ᑖᓐᓇ ᐊᑕᓂᖅ ᒎᑎᒋᔧᑦ ᐱᓐᓈᕆᔭᒃᓴᕆᕙᑦ ᐆᒻᒪᑎᖕᓄᑦ ᐊᑕᖏᕐᑐᒧᑦ, ᑕᕐᓂᕐᓄᓪᓗ ᐊᑕᖏᕐᑐᒧᑦ, ᐱᔪᓐᓇᕐᓂᕐᓄᓪᓗ ᐊᑕᖏᕐᑐᒧᑦ.

ᒨᓯᓯ ᑕᓪᓕᒪᖏᑦ 8:16

ᓱᓇᖃᖏᑦᑐᒥ ᓂᕆᑎᓚᐅᕐᐹᓯ ᓂᕿᒃᓴᒥᒃ ᒫᓇᒥᒃ ᓯᕗᓕᑦᓯ ᖃᐅᔨᓚᐅᕐᓯᒪᓐᖏᑕᖏᓐᓂᒃ, ᒥᑭᒡᓕᑎᕈᓐᓇᖁᓪᓗᓯ ᖃᐅᔨᓴᕈᒪᓪᓗᓂᓯᓗ, ᑕᒪᓐᓇ ᐊᓂᒍᕐᐸᑦ ᓮᒻᒪᕐᑎᑦᓱᒪᓪᓗᓂᓯ ᐱᕙᓪᓕᐅᑎᒃᓴᑦᓯᓂᒡᓗ ᐱᑎᑦᓱᒪᓪᓗᓂᓯ.

ᐱᓕᐱᒥᐅᓄᑦ 3:14

ᓯᕗᒧᐊᑦᓯᐊᕋᓱᐊᕐᐳᖓ ᓵᓚᖃᐅᑎᒃᓴᖅ ᐱᕕᐊᕐᓇᕐᑐᕐᔪᐊᖅ ᐱᑖᕆᔪᒪᓪᓗᒍ ᑕᒪᓐᓇ ᒎᑎᐅᑉ ᕾᖁᔨᑦᔪᑎᒋᖕᒪᒍ ᔩᓱᓯ ᙭ᔅᑑᓯᒥ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:9

ᒎᑎᐅᑉ ᓯᕗᓂᖃᕐᑎᓚᐅᖏᒻᒪᑎᒍᑦ ᓂᓐᖓᐅᑎᔭᒃᓴᓕᐊᕆᓗᑕ, ᐱᐅᓕᔭᐅᓂᕐᒥᒡᓕ ᐱᖁᓚᐅᕐᐹᑎᒍᑦ ᐊᑕᓂᑦᑎᒍᑦ ᔩᓱᓯ ᙭ᔅᑑᓯᒃᑯᑦ,

ᑎᒧᑎᒧᑦ ᐂᑉᐸᖏᑦ 1:9

ᑖᑦᓱᒪ ᐱᐅᓕᓚᐅᕐᒪᑎᒍᑦ ᕾᖁᓪᓗᑕᓗ ᕾᖁᔨᓂᕐᒧᑦ ᐃᑦᔪᕐᓁᑦᑐᒧᑦ, ᐱᓇᓱᐊᕈᓐᓇᕐᓂᕗᑦ ᐱᑦᔪᑎᒋᓇᒋᑦ ᐱᓇᓱᐊᕈᒪᔭᓂᓕ ᐱᑦᔪᑎᒋᓪᓗᒍ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᑐᓂᕐᕈᑎᒋᓯᒪᔭᖓ ᙭ᔅᑑᓯ ᔩᓱᓯᒃᑯᑦ ᓱᓇᓕᒫᑦ ᐱᒋᐊᓚᐅᖅᑳᕐᑎᓐᓇᒋᑦ.

ᑎᒧᑎᒧᑦ ᐂᑉᐸᖏᑦ 2:19

ᒎᑎᐅᓪᓕ ᑐᓐᖓᕕᓕᐊᕆᓯᒪᔭᖓ ᐊᐅᓚᖏᑦᑐᖅ ᓱᕐᕋᒃᑕᐅᔪᓐᓇᓐᖏᓚᖅ; ᐃᒤᑦᑐᓂᒃ ᓇᓗᓁᒃᑯᑕᓕᒃ: “ᐊᑕᓂᐅᑉ ᐃᓄᖁᑎᓂ ᖃᐅᔨᒪᕔᑦ,” ᐊᒻᒪᓗ, “ᑕᒪᕐᒥᒃ ᐊᑕᓂᕐᒧᑦ ᐃᓄᖁᑕᐅᔪᑦ ᐱᐅᖏᑦᑐᓕᓂᕐᓂᒃ ᐊᑐᕈᓐᓁᕐᓕᑦ.”

ᐄᑉᕈᐃᓄᑦ 9:15

ᑕᒪᓐᓇ ᐱᑦᔪᑎᒋᓪᓗᒍ ᙭ᔅᑑᓯ ᐱᑦᔪᑦᔨᔨᐅᕗᖅ ᐊᖏᖃᑎᒌᒍᑎᒧᑦ ᓄᑖᒧᑦ, ᑖᒃᑯᐊ ᕾᖁᔭᐅᔪᑦ ᐊᖏᕈᑕᐅᒪᔪᒥᒃ ᐃᓱᖃᖏᑦᑐᒧᑦ ᑭᖑᕐᖑᑦᔨᖁᓪᓗᒋᑦ; ᒫᓐᓇᓕ ᑐᖁᒥᒍᑦ ᐱᐅᓕᔭᐅᑦᔪᑎᒃᓴᐅᓕᕐᐳᖅ ᐊᔪᕐᓂᕐᒥᑦ ᕿᓚᕈᑦᔮᕐᓯᖅᑯᓪᓗᒍ ᐊᑐᓚᐅᕐᑕᖏᓐᓂᑦ ᐊᖏᖃᑎᒌᖕᓂᕐᒥ ᓯᕗᓪᓕᕐᒥ.

ᔧᒥᓯᐅᑉ ᐊᒡᓚᖏᑦ 1:12

ᐃᓄᒃ ᓮᒻᒪᕐᑎᑕᐅᑦᔪᑎᒃᓴᖃᕐᐳᖅ ᐱᐅᓐᖏᑦᑐᒧᑦ ᐱᔪᒥᓵᕐᑕᐅᓂᕐᒥᒃ ᕿᓄᐃᓵᕐᓗᓂ ᐊᓂᒍᐃᔪᖅ, ᐱᐅᖏᑦᑐᒥᒃ ᐱᔪᒥᓵᕐᑕᐅᓂᕐᒥᒃ ᐊᓂᒍᐃᒍᓂ ᑕᕝᕙ ᓂᐊᖂᓯᕐᑕᐅᔪᒫᕐᐳᖅ ᐃᓅᓯᕐᒥᒃ ᒎᑎᐅᑉ ᐊᖏᕈᑎᒋᓯᒪᔭᖓᓂᒃ ᓇᒡᓕᒋᔨᒥᓄᑦ.

ᔧᒥᓯᐅᑉ ᐊᒡᓚᖏᑦ 2:5

ᑐᓴᕆᑦᓯ ᐅᒃᐱᕐᑑᖃᑎᒃᑳ ᓇᒡᓕᖕᓇᕐᑐᑦ. ᓯᓚᕐᔪᐊᕐᒥ ᐊᔪᕐᓴᕐᑐᑦ ᒎᑎᐅᑉ ᓂᕈᐊᕐᓯᒪᓐᖏᓔᑦ ᐅᒃᐱᕐᓂᕐᒥ ᐊᔪᕐᓴᕈᓐᓃᖁᓪᓗᒋᑦ ᑭᖑᕐᖑᑦᔨᖁᓪᓗᒋᓪᓗ ᐊᑕᓂᐅᕕᖕᒥᒃ ᓇᒡᓕᒃᑎᒥᓄᑦ ᐊᖏᕈᑎᒋᓯᒪᔭᒥᓂᒃ?

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.

ᐲᑦᑐᕉᓯ ᓯᕗᓪᓖᑦ 3:9

ᐱᐅᖏᑦᑐᖅ ᐊᑭᓂᐊᕐᑍᓕᓗᒍ ᐱᐅᖏᑦᑐᒧᑦ ᐅᕝᕙᓗ ᐅᖃᕐᓂᕐᓗᖕᓂᖅ ᐅᖃᕐᓂᕐᓗᖕᓂᕐᒧᑦ; ᓮᒻᒪᕐᑎᑕᐅᖁᔨᒋᑦᓯ, ᑕᒪᑐᒧᖓ ᕾᖁᔭᐅᓯᒪᒐᑦᓯ, ᓮᒻᒪᕐᑎᑕᐅᖁᓪᓗᓯᑦᑕᐅᖅ.

ᐲᑦᑐᕉᓯ ᓯᕗᓪᓖᑦ 5:10

ᐊᑯᓂᐅᖏᑦᑐᖅ ᐊᒃᓱᕈᖕᓇᕐᑐᔪᐊᒦᑎᑕᐅᓚᐅᕐᓗᓯ, ᒎᑎ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᖃᕐᑐᑉ, ᐃᓕᑦᓯᓐᓂᒃ ᕾᖁᔨᓚᐅᕐᑑᑉ ᐃᓱᖃᖏᑦᑐᒧᑦ ᐱᓐᓇᕐᓇᕐᑐᕐᔪᐊᒧᑦ ᙭ᔅᑑᓯᒥ, ᑖᑦᓱᒪ ᓇᖕᒥᓂᖅ ᐋᖅᑭᒃᓱᕐᓂᐊᕐᐹᓯ, ᐅᒃᐱᕐᓂᒃᑯᑦ ᑐᓐᖓᕕᓕᑦᓯᐊᕐᓗᓯ, ᓴᓐᖏᔫᓕᕐᑎᓪᓗᓯᓗ.

ᔪᐊᓇᓯ ᓯᕗᓪᓖᑦ 4:10

ᑕᒪᓐᓇ ᑕᕝᕙ ᓇᒡᓕᖕᓂᖅ, ᒎᑎ ᓇᒡᓕᒋᓯᒪᒐᑦᑎᒎᖏᑦᑐᖅ ᑖᑦᓱᒪᓕ ᓇᒡᓕᒋᖄᓚᐅᕐᒪᑎᒍᑦ ᐃᕐᓂᓂᓗ ᑎᓕᓚᐅᕐᒪᒍ ᐊᔪᕐᓂᕗᑦ ᑖᑦᓱᒨᓇ ᐃᓱᒪᒋᔪᓐᓁᕐᑕᐅᖁᓪᓗᒋᑦ.

ᔪᐊᓇᓯ ᓯᕗᓪᓖᑦ 4:19

ᓇᒡᓕᖕᓂᖃᕐᐳᒍᑦ, ᑖᑦᓱᒪ ᓇᒡᓕᒋᖅᑳᓚᐅᕐᒫᑎᒍᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:19

ᓇᒡᓕᒋᔭᒃᑲ ᐃᓂᕐᑎᕐᓗᒋᑦ ᓱᒋᐊᖃᑦᑕᕐᐸᒃᑲ; ᑍᒤᒻᒪᑦ ᑲᑦᓱᖕᒊᓪᓗᑎᑦ ᖃᕿᐊᓕᕆᑦ.