25 ᓂᕆᐅᒃᑯᑦᑕᓕ ᑕᑯᓐᓇᓐᖏᑕᑦᑎᓐᓂᒃ, ᕿᓄᐃᓵᕐᓗᑕ ᑕᕝᕙ ᐅᑕᖅᑭᕙᕗᑦ.
ᐊᑕᓃᖅ, ᐱᐅᓕᒃᓯᓃᑦ ᐅᑕᖅᑭᕙᕋ.
ᐊᑕᓂᖅ ᐅᑕᖅᑭᒍᒃ; ᑯᒃᓴᓱᖏᓪᓗᑎᑦ, ᑕᕝᕙ ᐆᒻᒪᑏᑦ ᓴᓐᖏᓂᕐᒥᒃ ᑐᓂᓯᕕᒋᓂᐊᕐᐹ; ᐅᖃᕐᐳᖓ, ᐊᑕᓂᖅ ᐊᑏ ᐅᑕᖅᑭᒍᒃ!
ᑕᕐᓂᕋ ᓂᐱᖃᕋᓂ ᐅᑕᖅᑭᕗᖅ ᒎᑎᑐᐊᒥᒃ; ᐱᐅᓕᔭᐅᓂᕋ ᑖᑦᓱᒪᓐᖓᑦ ᐱᖕᒪᑦ.
ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᐅᖃᕐᑐᖃᕈᒫᕐᐳᖅ, “ᑕᑯᒋᑦ ᑕᕝᕙ ᒎᑎᕗᑦ; ᑖᓐᓇ ᐅᑕᖅᑭᔭᕗᑦ, ᓴᐳᑎᓂᐊᕐᒪᑎᒍᑦ, ᐃᓛᒃ ᑖᓐᓇ ᑕᕝᕙ ᐊᑕᓂᖅ, ᐅᑕᖅᑭᓚᐅᕐᑕᕗᑦ; ᖁᕕᐊᓱᓕᕐᑕ ᓯᕆᓗᑕᓗ ᐱᐅᓕᔨᐅᓂᖓ ᐱᓪᓗᒍ.”
ᓱᓕᔪᒃᑯᑦ ᐃᖅᑲᕐᑐᐃᓂᕐᐱᑦ ᐊᖅᑯᑎᖓᒍᑦ, ᐊᑕᓃᖅ ᐅᑕᖅᑭᕙᑦᑎᒋᑦ; ᐊᑎᕐᓂᒡᓗ ᐃᖅᑲᐅᒪᓂᖅ ᑕᕐᓂᑦᑕ ᐱᔪᒪᔭᑐᐊᕆᕚ.
ᕿᓄᐃᓵᕐᓂᑦᓯᓐᓄᑦ ᑭᓯᐊᓂ ᐃᓕᑦᓯᓐᓂᒃ ᐱᐅᓕᔪᒫᕐᐳᓯ.”
ᐱᕈᕐᓯᐊᒃᓴᓪᓕ ᓄᓇᒧᑦ ᐃᑦᔪᑦᓯᐊᕆᒃᑐᒧᑦ ᑲᑕᒃᑐᑦ, ᐃᒤᑦᑐᓂᒃ ᑐᑭᖃᕐᐳᑦ, ᐅᖃᐅᓯᕐᓂᒃ ᑐᓴᕐᑐᑦ, ᐱᓯᒤᓐᓇᕐᓗᒋᑦ ᓈᓚᑦᓯᐊᕐᓂᒃᑯᑦ ᐆᒻᒪᑎᒥᒍᑦ, ᓱᕐᕋᔪᐃᑦᑑᓪᓗᑎᒃ ᐱᕈᕐᕕᐅᓚᐅᖏᓐᓂᕐᒥᖕᓂ ᕿᓄᐃᓵᕐᓂᒃᑯᑦ.”
ᓂᕆᐅᖕᓂᑦᓯᓄᑦ ᖁᕕᐊᓱᒃᑎᑕᐅᒋᑦᓯ, ᐊᒃᓱᕈᑎᑕᐅᓂᕐᒥᒃ ᕿᓄᐃᓵᕆᑦᓯ, ᑐᒃᓯᐊᑦᓮᓐᓇᕐᓗᓯ.
ᕿᓄᐃᓵᕐᓗᑎᒡᓕ ᐱᐅᔪᒥᒃ ᐱᓇᓱᐊᕐᑐᑦ, ᓂᕐᑐᕐᑕᐅᓂᕐᒥᒃ ᕿᓂᕐᑐᑦ, ᐅᐱᒋᔭᐅᓂᕐᒥᒡᓗ, ᑐᖁᓱᐃᑦᑑᓂᕐᒥᒡᓗ, ᑖᑦᓱᒪ ᑐᓂᓯᕕᒋᔪᒫᕐᐰᑦ ᐃᓅᓯᕐᒥᒃ ᓄᖑᓱᐃᑦᑐᒥᒃ;
ᑖᒃᑯᐊᑐᐊᖑᖏᑦᑐᖅ, ᐅᕙᒍᓪᓕᑦᑕᐅᖅ, ᐊᓂᕐᓂᐅᑉ ᐱᕈᕐᑎᑕᖏᓐᓂᒃ ᓯᕗᓪᓕᕐᓂᒃ ᐱᓯᒪᔪᒍᑦ, ᐋᓐᓂᐊᔪᑐᑦ ᓂᓪᓕᐊᖃᑦᑕᕆᕗᒍᑦ ᐃᓗᑦᑎᒍᑦ ᐅᑕᖅᑭᓪᓗᑕ ᑎᒍᐊᕐᑖᖑᔪᒫᕐᓂᑦᑎᓐᓂᒃ, ᑎᒥᕗᑦ ᐱᐅᓕᔭᐅᓕᕐᐸᑕ.
ᓲᖑᓯᑎᑕᐅᖁᓪᓗᓯᓗ ᐱᔪᓐᓇᕐᓂᕐᓄᑦ ᑕᒤᓐᓄᑦ, ᒎᑎᐅᑉ ᐊᔪᒐᖃᖏᓐᓂᖓᓄᑦ ᐱᓐᓇᕐᓇᕐᑐᒧᑦ, ᓱᖁᓯᕐᑍᓕᔪᓐᓇᕐᓯᖁᓪᓗᓯ ᕿᓄᐃᓵᕈᓐᓇᕐᓯᓗᓯ ᖁᕕᐊᓱᖕᓂᖃᕐᓗᓯᓗ.
ᐃᖅᑲᐅᒪᒐᑦᑕ ᒎᑎᑦᑕ ᐊᑖᑕᑦᑕᓗ ᓵᖓᓂ ᐅᒃᐱᕐᓂᖃᕐᓗᓯ ᐱᓂᐊᕐᓂᑦᓯᒍᑦ ᓴᖅᑭᑎᑕᐅᖕᒪᑦ ᓇᒡᓕᖕᓂᕐᒧᓪᓗ ᐊᒃᓱᕈᕐᓗᓯ ᐱᓇᓱᐊᕐᓂᑦᓯᓐᓂᒃ, ᓂᕆᐅᖕᓂᓯᓗ ᓱᕐᕋᔪᐃᑦᑑᓂᖓ ᐊᑕᓂᑦᑎᓐᓂᒃ ᔩᓱᓯ ᙭ᔅᑑᓯᒥ.
ᐊᑕᓂᐅᑉ ᐆᒻᒪᑎᓯ ᑕᓯᐅᕐᓕᒋᑦ ᒎᑎᐅᑉ ᓇᒡᓕᖕᓂᖓᓄᑦ ᙭ᔅᑑᓯᐅᓪᓗ ᓱᖁᓯᔪᐃᑦᑑᓂᖓᓄᑦ.
ᕿᓄᐃᓵᕆᐊᖃᕐᐳᓯᓕ, ᒎᑎᐅᑉ ᐱᔪᒪᔭᖓᓂᒃ ᐊᑐᕈᓐᓇᖁᓪᓗᓯ ᐊᖏᕈᑕᐅᓯᒪᔪᒥᒡᓗ ᐃᓚᖏᐅᑎᑎᑕᐅᔪᓐᓇᖁᓪᓗᓯ.
ᐃᓕᑦᓯᓐᓂᒃ ᐃᕿᐊᓱᓕᖁᔨᓐᖏᓚᒍᑦ, ᒪᓕᖁᕙᑦᓯᓕ ᐅᒃᐱᕐᓗᑎᒃ ᕿᓄᐃᓵᓚᐅᕐᑐᓄᑦ ᐊᖏᕈᑕᐅᓯᒪᔪᓂᒡᓗ ᐱᑎᑕᐅᓚᐅᕐᑐᓄᑦ.
ᐂᑉᕋᕼᐊᒻᓗ ᕿᓄᐃᓵᓚᐅᕐᓗᓂ, ᐊᖏᕈᑕᐅᓯᒪᔪᒥᒃ ᐱᑎᑕᐅᓚᐅᕐᐳᖅ.
ᔪᐊᓇᓯᐅᕗᖓ, ᐅᒃᐱᑑᖃᑎᓯ, ᔩᓱᓯᒥᒃ ᒪᓕᒃᑎᐅᓂᓐᓄᑦ ᐃᓕᑦᓯᓐᓄᑦ ᐋᓐᓂᐊᓇᕐᑐᑎᒎᖃᑕᐅᕗᖓ ᕿᓄᐃᓵᖃᑕᐅᓪᓗᖓᓗ ᑎᑭᐅᑎᕙᒃᑐᑎᒍᑦ ᑖᑦᓱᒪ ᐊᑕᓂᐅᕕᖓᓂ ᐃᓅᔪᓄᑦ, ᕿᑭᕐᑕᒧᑦ ᐹᑦᒨᓯᒥᒃ ᐊᑎᓕᖕᒧᐊᕐᑕᐅᓚᐅᕐᐳᖓ ᒎᑎᐅᑉ ᐅᖃᐅᓯᖓᓂᒃ ᐱᑦᔪᑎᖃᕐᓗᑎᒃ ᔩᓱᓯᒥᒡᓗ ᓇᓗᓁᕐᓯᖃᑦᑕᕐᓂᓐᓄᑦ.
ᓇᓪᓕᐊᑦ ᑎᒍᔭᐅᓂᐊᕐᓂᕈᓂ, ᑎᒍᔭᐅᓗᓂ ᑭᓯᐊᓂᐅᓂᐊᕐᐳᖅ; ᓇᓪᓕᐊᓪᓗ ᓴᕕᒡᔪᐊᒧᑦ ᑐᖁᑕᐅᓂᐊᕐᓂᕈᓂ ᑐᖁᑕᐅᓗᓂ ᑭᓯᐊᓂᐅᓂᐊᕆᕗᖅ. ᑕᕝᕙᓂ ᐃᑦᔪᕐᓁᑦᑐᑦ ᕿᓄᐃᓵᖁᔭᐅᕗᑦ ᐅᒃᐱᕐᓂᖃᕐᓗᑎᒃ.”
ᑕᕝᕙᓂ ᕿᓄᐃᓵᕐᓂᖃᖁᔭᐅᕗᑦ ᐃᑦᔪᕐᓁᑦᑐᑦ, ᒎᑎᐅᑉ ᐱᖁᔭᖏᓐᓂᒃ ᓈᓚᒃᑐᑦ ᔩᓱᓯᒧᓪᓗ ᐅᒃᐱᕐᓂᖃᕐᓗᑎᒃ.
