ᕉᒪᒥᐅᓄᑦ 8:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᙭ᔅᑑᓯ ᔩᓱᓯᒃᑯᑦ ᐊᓂᕐᓂᐅᑉ ᐃᓅᓯᖃᕐᑎᑦᓯᔫᑉ ᐱᖁᔭᖏᑎᒍᑦ ᕿᓚᕈᑦᔮᕐᑕᐅᒐᒪ ᐊᔪᕐᓂᐅᑉ ᑐᖂᓪᓗ ᐱᖁᔭᖏᓐᓂᑦ.

ᕉᒪᒥᐅᓄᑦ 8:2 Iomraidhean Croise

ᐃᓐᖏᕈᑎᑦ 51:12

ᐱᐅᓕᒃᓯᓂᕐᐱᑦ ᖁᕕᐊᓇᕐᓂᖓ ᐅᑎᕐᑎᓚᐅᕈᒃ ᐅᕙᓐᓄᑦ, ᑐᓂᓯᕕᒋᓗᖓᓗ ᐊᓂᕐᓂᕐᒥᒃ ᓈᓚᑦᓯᐊᕈᓐᓇᕐᑐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 1:21

ᐆᒪᔪᑦ ᐃᖏᕐᕋᓯᔭᕌᖓᑕ, ᐃᖏᕐᕋᓯᖃᑕᐅᕙᒃᑭᕗᑦ; ᓂᑯᕕᑉᐸᑕ, ᓂᑯᕕᖃᑕᐅᕙᒃᓗᑎᒃ; ᓄᓇᒥᑦ ᖃᖓᑦᑕᕐᐸᑕ, ᖃᖓᑦᑕᖃᑕᐅᕙᒃᑭᓪᓗᑎᒃ; ᐆᒪᔪᑦ ᐊᓂᕐᓂᖏᓐᓄᑦ ᐊᒃᓴᓗᐊᑦ ᐊᐅᓚᑕᐅᒐᒥᒃ.

ᔪᐊᓇᓯᐅᑉ ᐊᒡᓚᖏᑦ 4:10

ᔩᓱᓯᐅᑉ ᑭᐅᕚ, “ᖃᐅᔨᒪᒍᕕᑦ ᒎᑎᐅᑉ ᑐᓂᕐᕈᑖᓂᒃ, ᑭᓇᐅᖕᒪᖔᓪᓗ ᐃᓕᖕᓄᑦ ᐃᒥᕐᑎᑕᐅᔪᒪᔪᖅ, ᑐᓂᓯᕕᐅᔪᒪᒐᔭᕐᐳᑎᑦ ᑖᑦᓱᒧᖓ, ᑖᑦᓱᒪᓗ ᑐᓂᓯᕕᒋᒐᔭᕐᐹᑎᑦ ᐃᒥᕐᒥᒃ ᐃᓅᓯᖃᕐᓇᕐᑐᒥᒃ.”

ᔪᐊᓇᓯᐅᑉ ᐊᒡᓚᖏᑦ 4:14

ᓇᓪᓕᐊᓪᓕ ᐃᒥᕐᒥᒃ ᑐᓂᔭᓐᓂᒃ ᐃᒥᕐᓂᐊᕐᑐᖅ ᐃᒥᕈᓕᒃᑲᓐᓂᕐᓂᐊᓐᖏᓚᖅ; ᐃᒥᖅ ᑐᓂᓂᐊᕐᑕᕋ ᑖᑦᓱᒧᖓ ᐃᓗᐊᓂᑦ ᑰᓕᕐᓂᐊᕐᐳᖅ ᐃᓅᓯᖃᕐᓇᕐᑐᒥᒃ ᓄᖑᓱᐃᑦᑐᒥᒃ.”

ᔪᐊᓇᓯᐅᑉ ᐊᒡᓚᖏᑦ 6:63

ᐊᓂᕐᓂᖅ ᐃᓅᓯᕐᑖᕐᑎᑦᓯᕗᖅ; ᑎᒥᐅᑉ ᐱᔪᓐᓇᕐᓂᖓ ᐃᑲᔪᕈᓐᓇᓐᖏᓚᖅ ᑕᒪᑐᒧᖓ; ᐃᓕᑦᓯᓐᓄᑦ ᐅᖃᐅᓯᕆᔭᒃᑲ ᐊᓂᕐᓂᐅᕗᑦ ᐃᓅᓯᐅᓪᓗᑎᒡᓗ.

ᔪᐊᓇᓯᐅᑉ ᐊᒡᓚᖏᑦ 8:32

ᓱᓕᔪᖅ ᖃᐅᔨᓂᐊᕐᐸᓯ, ᓱᓕᔫᓪᓗ ᕿᓚᕈᑦᔮᕐᓂᐊᕐᐹᓯ.”

ᔪᐊᓇᓯᐅᑉ ᐊᒡᓚᖏᑦ 8:36

ᐃᕐᓂᐅᑉ ᕿᓚᕈᑦᔮᕐᐸᓯ, ᑕᕝᕙ ᕿᓚᕈᑦᔮᕐᓯᒪᓪᓚᕆᖕᓂᐊᕐᐳᓯ.

ᕉᒪᒥᐅᓄᑦ 16:3

ᑕᕝᕙᐅᕗᑏᕐᑎᑉᐹᒃᑲᒃ ᐳᕆᓯᓚ ᐊᑯᐃᓚᓗ, ᐱᓇᓱᐊᖃᑏᒃᑲᒃ ᙭ᔅᑑᓯ ᔩᓱᓯᒥ,

ᕉᒪᒥᐅᓄᑦ 3:27

ᖃᓄᕐᓕ ᓂᕐᑐᕐᓇᐅᑎᒃᓴᖃᕐᐱᑖ? ᓂᕐᑐᕐᓇᐅᑎᒃᓴᖃᓐᖏᓚᒍᑦ. ᓱᓇ ᐱᑦᔪᑎᒋᓪᓗᒍ? ᐱᖁᔭᓂᒃ ᒪᓕᒋᐊᖃᕐᓂᖅ ᐱᑦᔪᑎᒋᓪᓗᒍ ᐅᖃᐅᓯᐅᓐᖏᓛᖅ? ᑍᒤᓐᖏᓚᖅ, ᐅᒃᐱᕐᓂᖅ ᐱᑦᔪᑎᒋᓪᓗᒍ.

ᕉᒪᒥᐅᓄᑦ 5:21

ᑕᕝᕙ ᐊᔪᕐᓂᐅᑉ ᐊᐅᓚᑦᓯᓂᖓ ᑐᖁᓐᓇᕐᑐᒥᒃ ᓴᖅᑭᑎᑦᓯᓚᐅᕐᒪᑦ, ᑍᒫᒃᑕᐅᖅ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐊᐅᓚᑦᓯᔨᐅᓕᕆᕗᖅ ᐃᓗᐊᕐᑐᓕᔪᓐᖑᕐᑎᑕᐅᓂᕐᒧᑦ, ᐃᓅᓯᖃᕐᓇᕐᑐᑎᒥᒃ ᐃᓱᖃᖏᑦᑐᒧᑦ ᔩᓱᓯ ᙭ᔅᑑᓯᒃᑯᑦ ᐊᑕᓂᑦᑎᒍᑦ.

ᕉᒪᒥᐅᓄᑦ 6:14

ᐊᔪᕐᓂᖅ ᐱᔪᓐᓇᕐᓂᖃᕈᓐᓃᕐᒪᑦ ᐃᓕᑦᓯᓐᓄᑦ, ᐱᖁᔭᓄᑦ ᐱᓯᒪᔭᐅᔪᓐᓃᕋᑦᓯ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᐱᓯᒪᔭᐅᓕᕐᐳᓯ.

ᕉᒪᒥᐅᓄᑦ 6:18

ᐊᔪᕐᓂᕐᒥᑦ ᕿᓚᕈᑦᔮᕐᑕᐅᓯᒪᓂᑦᓯᓐᓄᑦ, ᐃᓗᐊᕐᑐᓕᓂᕐᒧᑦ ᑭᒡᒐᕆᔭᐅᓕᕐᓯᒪᒐᑦᓯ.

ᕉᒪᒥᐅᓄᑦ 6:22

ᒫᓐᓇᓕ ᐊᔪᕐᓂᕐᒥᑦ ᕿᓚᕈᑦᔮᕐᑕᐅᓯᒪᓕᕋᑦᓯ ᒎᑎᒧᓪᓗ ᑭᒡᒐᐅᓕᕐᓗᓯ, ᐊᑭᓕᕐᑕᐅᕗᓯ ᑕᕝᕙ ᐃᑦᔪᕐᓁᑎᑕᐅᓂᕐᒥᒃ ᐃᓱᐊᓂᓗ ᐃᓅᓯᕐᒥᒃ ᓄᖑᓱᐃᑦᑐᒥᒃ.

ᕉᒪᒥᐅᓄᑦ 7:21

ᐱᖁᔭᖅ ᖃᐅᔨᕙᕋ ᐱᐅᔪᒥᒃ ᐱᓂᐊᖁᔨᔪᖅ ᓈᒻᒪᒃᑐᒥᒃ ᐱᓂᐊᕈᒪᑎᓪᓗᖓ, ᐱᐅᖏᑦᑑᓪᓕ ᓇᔪᕐᑎᒌᓐᓇᕐᐹᖓ.

ᕉᒪᒥᐅᓄᑦ 7:23

ᖃᐅᔨᕗᖓᓕ ᑎᒥᓐᓂ ᐱᖁᔧᑦ ᐊᓯᖏᓐᓂᒃ ᐅᓇᑕᕐᑐᓂᒃ ᐃᓱᒪᒪ ᐱᖁᔭᖓᓄᑦ ᑖᒃᑯᐊᓗ ᑎᒍᔭᐅᓯᒪᑎᑉᐹᖓ ᐊᔪᕐᓂᐅᑉ ᐱᖁᔭᖓᓄᑦ ᑎᒥᓐᓃᑦᑐᒧᑦ.

ᕉᒪᒥᐅᓄᑦ 7:4

ᑍᒤᒃᑭᕗᓯᑦᑕᐅᖅ ᐃᓚᒃᑳ, ᐱᖁᔭᒧᑦ ᑐᖁᓯᒪᒐᑦᓯ ᙭ᔅᑑᓯᐅᑉ ᑎᒥᖓᒍᑦ, ᐊᓯᑦᓯᓐᓄᑦ ᐱᑖᕆᔭᐅᖁᓪᓗᓯ, ᑖᑦᓱᒧᖓ ᑐᖁᖓᔪᓂᑦ ᒪᑭᓚᐅᕐᑐᒧᑦ ᒎᑎᐅᑉ ᐱᓇᓱᐊᕐᓂᖓᓄᑦ ᐸᐅᕐᖓᕆᔭᐅᖁᓪᓗᑕ.

ᕉᒪᒥᐅᓄᑦ 8:1

ᑍᒤᒻᒪᑦ ᑕᕝᕙ ᒫᓐᓇ ᐃᒋᑕᒃᓴᐅᔪᖃᕐᓂᐊᕈᓐᓃᕐᐳᖅ ᙭ᔅᑑᓯ ᔩᓱᓯᒦᑦᑐᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:45

ᐃᒫᒃ ᑎᑎᕋᕐᓯᒪᖕᒪᑦ, “ᐋᑕᒥ ᓯᕗᓪᓕᖅ ᐆᒻᒪᕐᑎᑕᐅᓚᐅᕐᐳᖅ ᑎᒥᖃᕐᓗᓂ”; ᐋᑕᒥᓕ ᑭᖑᓪᓕᖅ ᐊᓂᕐᓂᒃᑯᑦ ᐃᓅᓯᕐᑖᕐᑎᑦᓯᕗᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:17

ᐊᑕᓂᕐᓕ ᐊᓂᕐᓂᐅᖕᒪᑦ; ᐊᑕᓂᐅᓪᓗ ᐊᓂᕐᓂᖓ ᓇᔫᑎᓕᕌᖓᑦ, ᑕᕝᕙᓂ ᕿᓚᕈᑦᔮᕐᓯᒪᓂᖃᕐᐳᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:6

ᑖᑦᓱᒪ ᐱᔪᓐᓇᕐᑎᒻᒪᑎᒍᑦ ᐱᔨᑦᓯᕐᑎᐅᖁᓪᓗᑕ ᐊᖏᖃᑎᒌᒍᑎᒥᒃ ᓄᑖᒥᒃ, ᐱᖁᔭᑎᒍᑦ ᑎᑎᕋᕐᓯᒪᔪᑎᒎᖏᑦᑐᖅ ᐊᓂᕐᓂᑯᓪᓕ; ᐱᖁᔧᑦ ᑐᖁᑎᑦᓯᖕᒪᑕ, ᐊᓂᕐᓂᕐᓕ ᐃᓅᓯᕐᒥᒃ ᑐᓂᓯᕗᖅ.

ᒐᓔᑎᐊᒥᐅᓄᑦ 2:19

ᐱᖁᔧᑦ ᒪᓕᒡᓗᒋᑦ ᑐᖁᕗᖓ ᐱᖁᔭᓄᑦ ᑐᖁᑕᐅᓪᓗᖓ, ᒎᑎᒥ ᐃᓅᔪᓐᓇᕐᓯᖁᓪᓗᖓ. ᙭ᔅᑑᓯ ᑭᑭᐊᒃᑐᕐᑕᐅᖃᑎᒋᒐᒃᑯ;

ᒐᓔᑎᐊᒥᐅᓄᑦ 5:1

ᐊᔪᕐᓂᕐᒥᑦ ᕿᓚᕈᑦᔮᕐᑕᐅᓯᒪᕗᒍᑦ ᙭ᔅᑑᓯᐅᑉ ᕿᓚᕈᑦᔮᓚᐅᕐᒪᑎᒍᑦ; ᑍᒤᒻᒪᑦ ᓂᑯᕕᖓᑦᓯᐊᕐᓗᓯ ᐃᓅᓕᕆᑦᓯ, ᐃᓕᑦᓯᓐᓂᒡᓗ ᓯᐊᓛᕆᔭᐅᓂᕐᒧᑦ ᑐᓂᒃᑲᓐᓂᕐᑍᓕᓕᕆᑦᓯ.

ᒐᓔᑎᐊᒥᐅᓄᑦ 6:2

ᐅᖁᒤᑦᑐᑎᒍᑦ ᐃᑲᔪᖃᑦᑕᐅᑎᖃᑦᑕᕆᑦᓯ, ᑍᒤᓕᐅᕈᑦᓯ ᑕᕝᕙ ᙭ᔅᑑᓯᐅᑉ ᐱᖁᔭᖓᓂᒃ ᓈᓚᖕᓂᐊᕐᐳᓯ.

ᔧᒥᓯᐅᑉ ᐊᒡᓚᖏᑦ 1:25

ᑭᓇᑐᐃᓐᓇᖅ ᑕᑯᑦᓯᐊᕐᑐᖅ ᐱᖁᔭᓂᒃ ᕿᓚᕈᑦᔮᕐᓯᔪᓂᒃ, ᐃᓄᖕᓂᒃ, ᐊᑕᕕᒌᓐᓇᓕᕐᓗᒋᓪᓗ, ᑖᓐᓇ ᓈᓚᑐᐃᓐᓇᓐᖏᓚᖅ ᐳᐃᒍᑐᐃᓐᓇᕋᓂᓗ ᐱᓂᐊᕈᑎᒋᓪᓗᒋᓪᓕ ᐊᑐᓕᕐᐰᑦ, ᐃᓄᒃ ᑍᒤᓕᐅᕐᑐᖅ ᓮᒻᒪᕐᑎᑕᐅᓂᐊᕐᐳᖅ ᐱᓇᓱᐊᕐᓂᕆᔭᒥᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:11

ᐅᓪᓗᓪᓕ ᐱᖓᓱᑦ ᓇᑉᐸᕐᓗ ᓈᒃᐸᑕ ᐊᓂᕐᓂᕐᒥᒃ ᐃᓅᓯᖃᕐᓇᕐᑐᒥᒃ ᒎᑎᒥᑦ ᐱᔪᒥᒃ ᐃᑎᕐᕕᐅᔪᒫᕐᐴᒃ ᐆᒻᒪᕐᓗᑎᒡᓗ ᓂᑯᕕᑦᓱᒫᕐᐴᒃ, ᑕᑯᓐᓇᕐᑐᓕᒫᓪᓗ ᐊᖏᔪᒥᒃ ᑲᑉᐱᐊᓱᓕᕈᒫᕐᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:1

ᑕᕝᕙ ᐂᖏᓕᐅᑉ ᑕᑯᑎᒃᑭᕚᖓ ᑰᖕᒥᒃ ᐃᓅᓯᖃᕐᓇᕐᑐᒥᒃ ᐃᒪᓕᖕᒥᒃ, ᐊᓕᒍᕐᑐᑦ ᑍᒤᑦᑐᒥᒃ ᑲᑭᐊᒃᑐᒥᒃ ᐃᒪᓕᖕᒥᒃ, ᒎᑎᐅᑉ ᓄᕐᕋᐅᔭᐅᓪᓗ ᐃᒃᓯᕙᐅᑕᕐᔪᐊᖓᓐᓂᑦ ᑰᒃᑐᒥᒃ