ᕉᒪᒥᐅᓄᑦ 8:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐊᓂᕐᓂᕐᒥᒃ ᐱᑎᑕᐅᓯᒪᖏᓐᓇᑦᓯ ᑭᒡᒐᐅᑎᑦᓯᔪᒥᒃ ᓯᕘᕋᓂᕐᒧᑦ, ᐊᓂᕐᓂᕐᒥᒡᓕ ᑐᓂᓯᕕᐅᕗᓯ ᒎᑎᒧᑦ ᕿᑐᕐᖓᕆᔭᐅᑎᑦᓯᔪᒥᒃ. ᑖᑦᓱᒨᓇ ᓂᓪᓕᐊᕗᒍᑦ, “ᐋᐸ ᐊᑖᑖᒃ!”

ᕉᒪᒥᐅᓄᑦ 8:15 Iomraidhean Croise

ᒨᓯᓯ ᐂᑉᐸᖏᑦ 20:19

ᒨᓯᓯᒧᓪᓗ ᐅᖃᕐᐳᑦ, “ᐅᕙᑦᑎᓐᓄᑦ ᐅᖃᕈᕕᑦ ᓈᓚᖕᓂᐊᕐᐳᒍᑦ, ᑭᓯᐊᓂᓕ ᓯᕘᕋᕗᒍᑦ ᒎᑎᐅᑉ ᐅᖃᕐᕕᒋᒃᐸᑎᒍᑦ ᑐᖁᑐᐃᓐᓇᕆᐊᖃᕋᑦᑕ.”

ᐂᓮᐊᓯᐅᑉ ᐊᒡᓚᖏᑦ 56:5

ᑖᒃᑯᓄᖓ ᑐᓂᓯᔪᒫᕐᐳᖓ ᐃᒡᓗᒪ ᐃᓗᐊᓂ, ᐃᒡᓗᒪᓗ ᐊᑭᓐᓇᖓᓂ, ᐃᖅᑲᐅᒪᑦᔭᐅᔪᑎᒃᓴᖏᓐᓂᒃ ᐊᑎᓕᐅᕐᓗᒋᓪᓗ ᐃᕐᓂᐅᔪᑦ ᐸᓂᐅᔪᓪᓗ ᐊᑎᖏᑕ ᐱᐅᖅᑭᔭᖏᓐᓂᒃ; ᐊᑦᓯᕈᒫᕐᐸᒃᑲ ᐊᑎᕐᒥᒃ ᐃᓱᖃᖏᑦᑐᒧᑦ ᐲᕐᑕᐅᓂᐊᖏᑦᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 3:19

ᐊᑕᓂᖅ ᐅᖃᕐᐳᖅ, “ᐅᖃᓚᐅᕐᐳᖓᓕ, ᖁᕕᐊᓱᒃᑲᔭᓚᐅᕐᐳᖓ ᐃᕐᓂᑦᑐᑦ ᐱᔪᒪᓗᓯ, ᓄᓇᒃᑯᒥᓇᕐᑐᒥᓗ ᓄᓇᖃᕐᑎᓪᓗᓯ. ᐃᓅᖃᑎᒌᒡᔪᐊᓄᑦ ᑭᖑᕐᖑᑎᔭᐅᕙᒃᑐᓂᑦ ᐱᐅᓂᕐᐹᒥᒃ. ᐊᑖᑕᒥᒡᓗ ᑍᔭᐅᕙᖕᓂᐊᕈᒪᓪᓗᖓ, ᖁᔭᓈᕐᑕᐅᓂᐊᕋᓱᒋᓇᖓᓗ.

ᒨᓯᓯ ᓯᑕᒪᖏᑦ 17:12

ᑕᕝᕙ ᐃᓴᕆᐊᓕᒥᐅᑦ ᒨᓯᓯᒧᑦ ᐅᖃᓕᕐᐳᑦ, ᐅᖃᕐᓗᑎᒃ, “ᓱᓕᔪᒥᒃ ᑐᖁᓂᐊᓕᕐᐳᒍᑦ, ᐊᓯᐅᓂᐊᓕᕐᐳᒍᑦ, ᑕᒪᑦᑕ ᐊᓯᐅᓂᐊᓕᕐᐳᒍᑦ!

ᒫᑎᐅᓯᐅᑉ ᐊᒡᓚᖏᑦ 25:25

ᓯᕘᕋᓕᕋᒪ, ᑮᓇᐅᔧᑦ ᐃᔨᕆᐊᕐᑐᓚᐅᕐᐸᕋ ᓄᓇᒧᑦ. ᑕᑯᒋᑦ, ᑕᕝᕙ ᐱᖁᑎᑎᑦ ᐱᓕᒃᑭᑦ.’

ᒫᑯᓯᐅᑉ ᐊᒡᓚᖏᑦ 14:36

ᐃᒫᒃ ᑐᒃᓯᐊᕐᐳᖅ, “ᐋᐸ ᐊᑖᑖᒃ, ᓱᓇᓕᒫᓂᒃ ᐃᓕᖕᓄᑦ ᐊᔪᕐᓇᕐᑐᖃᖏᒻᒪᑦ; ᐃᒥᐅᑦ ᐅᓇ ᐲᕐᑎᓚᐅᕈᒃ ᐅᕙᓐᓂᑦ; ᐱᔪᒪᔭᕋᐅᖏᑦᑐᕐᓕ, ᐱᔪᒪᔧᓪᓕ ᐱᓕ.”

ᓘᑲᓯᐅᑉ ᐊᒡᓚᖏᑦ 11:2

ᔩᓱᓯᐅᑉ ᐅᖃᐅᑎᕔᑦ, “ᑐᒃᓯᐊᓕᕌᖓᑦᓯ ᐃᒫᒃ ᐅᖃᖃᑦᑕᕆᑦᓯ: ᐊᑖᑖᒃ, ᐊᑎᕐᐱᑦ ᐃᑦᔪᕐᓁᓐᓂᖓ ᐃᓱᒪᒋᔭᐅᑦᓯᐊᕐᓕ; ᐊᑕᓂᐅᓃᑦ ᕾᓚᐅᕐᓕ,

ᓘᑲᓯᐅᑉ ᐊᒡᓚᖏᑦ 22:42

ᐅᖃᕐᓗᓂ, “ᐊᑖᑖᒃ, ᐱᔪᒪᒍᕕᑦ, ᐃᒥᐅᑦ ᐅᓇ ᐲᕐᑎᓚᐅᕈᒃ ᐅᕙᓐᓂᑦ; ᐱᔪᒪᔭᕋᐅᖏᑦᑐᕐᓕ, ᐱᔪᒪᔧᓪᓕ ᐱᓕ.”

ᓘᑲᓯᐅᑉ ᐊᒡᓚᖏᑦ 8:28

ᑖᑦᓱᒪ ᔩᓱᓯ ᑕᑯᒐᒥᐅᒃ, ᕾᒐᓛᕐᐳᖅ ᓵᖓᓄᑦ ᐹᒻᒪᒡᓗᓂ, ᓂᐱᖅᑯᕐᑐᓪᓗᓂ ᐅᖃᕐᐳᖅ, “ᖃᓄᐃᓕᐅᕐᓂᐊᕐᐱᖔ ᔩᓱᓯ, ᒎᑎᐅᑉ ᖁᑦᓯᖕᓂᕐᐹᑉ ᐃᕐᓂᖓ? ᕿᓄᕕᒋᕙᒋᑦ ᑲᑉᐱᐊᓱᒃᑎᓐᓂᐊᕐᓇᖓ.”

ᓘᑲᓯᐅᑉ ᐊᒡᓚᖏᑦ 8:37

ᑕᕝᕙ ᐃᓄᐃᑦ ᒋᕌᓴᐅᑉ ᖃᓂᒋᔭᖓᓃᑦᑐᓕᒫᑦ ᔩᓱᓯ ᐊᐅᓪᓚᖁᓕᕐᐹᑦ; ᐊᒃᓱᒻᒪᕆᐊᓗᒃ ᑲᑉᐱᐊᓱᓕᕋᒥᒃ; ᔩᓱᓯ ᐅᒥᐊᒧᑦ ᐃᑭᒐᒥ ᐅᑎᓕᕐᐳᖅ.

ᔪᐊᓇᓯᐅᑉ ᐊᒡᓚᖏᑦ 16:8

ᑎᑭᒍᓂᓗ, ᓯᓚᕐᔪᐊᕐᒥᐅᑦ ᑐᑭᓯᑎᓛᕐᐰᑦ ᐊᔪᕐᓂᕐᒥᒃ ᓇᓛᒎᕐᓂᕐᒥᒡᓗ ᐃᖅᑲᕐᑐᕐᑕᐅᓂᕐᒥᒡᓗ.

ᔪᐊᓇᓯᐅᑉ ᐊᒡᓚᖏᑦ 20:17

ᔩᓱᓯᐅᑉ ᐅᖃᐅᑎᕚ, “ᐊᒃᑐᕐᓂᐊᕐᓇᖓ, ᓱᓕ ᑕᑉᐸᐅᓐᖓᓚᐅᖏᓐᓇᒪ ᐊᑖᑕᓐᓄᑦ; ᐃᓅᖃᑎᒃᑲᓕ ᐅᐸᓕᒃᑭᑦ ᐅᖃᐅᑎᓗᒋᑦ, ᑕᑉᐸᐅᓐᖓᕐᓂᐊᕐᐳᖓ ᐊᑖᑕᓐᓄᑦ ᐊᑖᑕᑦᓯᓐᓄᓪᓗ, ᒎᑎᓐᓄᑦ ᒎᑎᑦᓯᓐᓄᓪᓗ.”

ᐋᐴᓯᑕᓖᑦ ᐱᓂᐊᕐᓂᖏᑦ 16:29

ᑎᒍᔭᐅᓯᒪᕕᐅᑉ ᑲᒪᔨᖓ ᐃᑯᒪᒥᒃ ᕾᑕᐅᖁᔨᕗᖅ, ᑐᐊᕕᕐᓗᓂᓗ ᐃᑎᕐᐳᖅ, ᓴᔪᒡᓗᓂ ᐸᐅᓗᓯᐅᑉ ᓮᓚᓯᐅᓪᓗ ᓵᖓᖕᓄᑦ ᐹᒻᒪᒃᐳᖅ,

ᐋᐴᓯᑕᓖᑦ ᐱᓂᐊᕐᓂᖏᑦ 2:37

ᐃᓄᐃᑦ ᑕᒪᑐᒥᖓ ᑐᓴᕋᒥᒃ ᐆᒻᒪᑎᒥᒍᑦ ᐊᒃᑐᕐᑕᐅᕗᑦ, ᐲᑦᑐᕉᓯᒧᑦ ᐋᐴᓯᑕᓕᖕᓄᓪᓗ ᐅᖃᓕᕐᓗᑎᒃ, “ᐃᓅᖃᑎᕗᑦ ᖃᓄᕐᓕ ᐱᓂᐊᓕᕐᐱᑖ?”

ᕉᒪᒥᐅᓄᑦ 8:16

ᐊᓂᕐᓂᖅ ᓇᖕᒥᓂᖅ ᐊᓂᕐᓂᑦᑎᓐᓄᑦ ᖃᐅᔨᑎᑦᓯᕗᖅ ᒎᑎᒧᑦ ᕿᑐᕐᖓᕆᔭᐅᓂᑦᑎᓐᓂᒃ.

ᕉᒪᒥᐅᓄᑦ 8:23

ᑖᒃᑯᐊᑐᐊᖑᖏᑦᑐᖅ, ᐅᕙᒍᓪᓕᑦᑕᐅᖅ, ᐊᓂᕐᓂᐅᑉ ᐱᕈᕐᑎᑕᖏᓐᓂᒃ ᓯᕗᓪᓕᕐᓂᒃ ᐱᓯᒪᔪᒍᑦ, ᐋᓐᓂᐊᔪᑐᑦ ᓂᓪᓕᐊᖃᑦᑕᕆᕗᒍᑦ ᐃᓗᑦᑎᒍᑦ ᐅᑕᖅᑭᓪᓗᑕ ᑎᒍᐊᕐᑖᖑᔪᒫᕐᓂᑦᑎᓐᓂᒃ, ᑎᒥᕗᑦ ᐱᐅᓕᔭᐅᓕᕐᐸᑕ.

ᕉᒪᒥᐅᓄᑦ 8:26

ᑍᒫᒃᑕᐅᖅ ᓴᓐᖐᓐᓂᑦᑎᓐᓂ ᐊᓂᕐᓂᐅᑉ ᐃᑲᔪᕐᐹᑎᒍᑦ; ᑐᒃᓯᐊᕈᑎᒋᔭᕆᐊᖃᕐᑕᑦᑎᓐᓂᒃ ᖃᓄᖅ ᓈᒻᒪᒃᑐᒥᒃ ᓇᓗᒐᑦᑕ, ᐊᓂᕐᓂᐅᓪᓕ ᑐᒃᓯᐅᑎᕚᑎᒍᑦ ᐊᓂᕐᓴᐅᒥᓂᒃᑯᑦ ᐊᒡᓛᑦ ᐅᖃᐅᓯᕆᔪᓐᓇᕋᔭᓐᖏᑕᑦᑎᓐᓂᒃ.

ᕉᒪᒥᐅᓄᑦ 9:4

ᑖᒃᑯᐊ ᐃᓴᕆᐊᓕᒥᐅᖑᕗᑦ; ᕿᑐᕐᖓᐅᓂᕐᒥᒡᓗ ᐱᖃᕐᐳᑦ, ᓂᕐᑐᕐᓇᕐᓂᕐᒥᒃ ᖃᐅᔨᑎᓯᒪᕔᑦ; ᐊᖏᖃᑎᒌᖕᓂᕐᒥᒡᓗ ᐱᑎᓯᒪᓪᓗᒋᑦ, ᐱᖁᔭᓂᒃ ᑐᓂᓯᕕᒋᓯᒪᕔᑦ, ᑐᒃᓯᐊᖃᑦᑕᕐᓂᕐᒥᒡᓗ ᐊᑐᕐᐳᑦ, ᐊᖏᕐᕕᒋᓯᒪᓪᓗᓂᖏᓪᓗ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:12

ᐊᓂᕐᓂᕐᒥᒃ ᓯᓚᕐᔪᐊᕐᒥᑦ ᐱᔪᒥᒃ ᑐᓂᓯᕕᐅᓯᒪᓐᖏᓚᒍᑦ, ᒎᑎᒥᓪᓕ ᐱᔪᒥᒃ ᐊᓂᕐᓂᕐᒥᒃ ᑐᓂᓯᕕᐅᕗᒍᑦ, ᖃᐅᔨᔪᓐᓇᖁᓪᓗᑕ ᒎᑎᒥᑦ ᑐᓂᕐᕈᓯᐊᑦᑎᓐᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:4

ᐃᓕᑦᓯᓐᓄᑦ ᑎᑭᑦᑐᖃᕐᐸᑦ ᔩᓱᓯᐅᑉ ᐊᓯᐊᓂᒃ ᐊᔪᕆᕐᑐᐃᑦᔪᑎᖃᕐᑐᒥᒃ ᐊᔪᕆᕐᑐᐃᑦᔪᑎᒋᓚᐅᓐᖏᑕᑦᑎᓐᓂᒃ, ᐅᕝᕙᓗ ᐊᓂᕐᓂᕐᒥᒃ ᐃᓚᓕᐅᕐᓯᒍᑦᓯ ᐱᓯᒪᔭᑦᓯ ᐊᑦᔨᒋᓐᖏᑕᖓᓂᒃ, ᐅᕝᕙᓗ ᐅᖃᐅᓰᑦ ᑐᓴᕈᒥᓇᕐᑐᑦ ᐊᓯᐊᓂᒃ ᐃᓚᓕᐅᕐᓯᒍᑦᓯ ᐃᓚᓕᐅᕐᓯᒪᔭᑦᓯ ᐊᑦᔨᒋᓐᖏᑕᖓᓂᒃ, ᑍᒤᑦᑐᓂᒃ ᖃᓄᐃᒃᓴᕋᓯ ᐱᕕᖃᕐᑎᑦᓯᓲᖑᒐᑦᓯ.

ᒐᓔᑎᐊᒥᐅᓄᑦ 2:4

ᐃᓚᖏᑦ ᐅᒃᐱᕐᑑᖃᑕᐅᓐᖑᐊᕐᑐᑦ ᐃᓚᓕᐅᑎᓚᐅᕐᒪᑕ, ᐅᕙᑦᑎᓐᓂᒃ ᖃᐅᔨᓴᕋᓱᐊᕐᓗᑎᒃ ᕿᓚᕈᔮᕐᑕᐅᓯᒪᓂᕆᔭᑦᑎᓐᓂᒃ ᔩᓱᓯ ᙭ᔅᑑᓯᒥᒃ ᐃᓚᖃᕐᓂᑦᑎᓐᓄᑦ, ᐅᕙᑦᑎᓐᓂᒃ ᐊᔪᓕᕐᑎᑦᓯᓗᑎᒃ ᓯᐊᓛᕐᑖᕈᒪᒧᑦ.

ᒐᓔᑎᐊᒥᐅᓄᑦ 5:1

ᐊᔪᕐᓂᕐᒥᑦ ᕿᓚᕈᑦᔮᕐᑕᐅᓯᒪᕗᒍᑦ ᙭ᔅᑑᓯᐅᑉ ᕿᓚᕈᑦᔮᓚᐅᕐᒪᑎᒍᑦ; ᑍᒤᒻᒪᑦ ᓂᑯᕕᖓᑦᓯᐊᕐᓗᓯ ᐃᓅᓕᕆᑦᓯ, ᐃᓕᑦᓯᓐᓂᒡᓗ ᓯᐊᓛᕆᔭᐅᓂᕐᒧᑦ ᑐᓂᒃᑲᓐᓂᕐᑍᓕᓕᕆᑦᓯ.

ᐃᐱᓯᒥᐅᓄᑦ 1:5

ᐃᓱᒪᑖᕇᕐᓯᒪᓚᐅᕐᐳᖅ ᐃᕐᓂᕐᑖᕆᔪᒪᓪᓗᑕ ᔩᓱᓯ ᙭ᔅᑑᓯᒃᑯᑦ, ᑕᒪᓐᓇ ᑕᕝᕙ ᖁᕕᐊᒋᓪᓗᒍ ᐱᔪᒪᔭᕆᓚᐅᕐᑕᖓ.

ᑎᒧᑎᒧᑦ ᐂᑉᐸᖏᑦ 1:7

ᒎᑎᐅᑉ ᑐᓂᓯᕕᒋᓯᒪᖏᒻᒪᑎᒍᑦ ᐊᓂᕐᓂᕐᒥᒃ ᓯᕘᕋᔪᒥᒃ ᐊᓂᕐᓂᕐᒥᒡᓕ ᐃᓗᒻᒥᕐᑎᑉᐹᑎᒍᑦ ᐱᔪᓐᓇᕐᓂᕐᒥᒃ ᓇᒡᓕᖕᓂᕐᒥᒡᓗ ᓇᖕᒥᓂᕐᓗ ᐱᓯᒪᑦᓯᐊᕈᒃᓇᕐᑎᑦᓯᔪᒥᒃ.

ᐄᑉᕈᐃᓄᑦ 2:15

ᑕᒪᑐᒨᓇᓗ ᑕᒪᕐᒥᒃ ᐊᓂᑎᓚᐅᕐᐰᑦ ᐃᓅᓯᓕᒫᒥᓂ ᑎᒍᔭᐅᓯᒪᓚᐅᕐᑐᑦ ᑐᖁᒥᒃ ᐃᕐᓯᒋᔭᖃᕐᓂᕐᒧᑦ.

ᔧᒥᓯᐅᑉ ᐊᒡᓚᖏᑦ 2:19

ᐊᑕᐅᓯᕐᒥᒃ ᒎᑎᒥᒃ ᐅᒃᐱᕆᔭᖃᕐᐳᑎᑦ; ᓈᒻᒪᑦᑎᐊᕐᑐᒥᒃ ᐱᕗᑎᑦ. ᐊᓂᕐᓂᕐᓗᐃᑦᑕᐅᖅ ᑍᒫᒃ ᐅᒃᐱᕐᒥᖕᒪᑕ ᓴᔪᒡᓗᑎᒡᓗ.

ᔪᐊᓇᓯ ᓯᕗᓪᓖᑦ 4:18

ᓇᒡᓕᖕᓂᖅ ᓯᕘᕋᓂᕐᑕᖃᓐᖏᓚᖅ, ᓇᒡᓕᖕᓂᐅᑉ ᓈᒻᒪᒃᓯᑦᓯᐊᕐᑑᑉ ᓯᕘᕋᓂᖅ ᐊᓂᑎᑉᐹ. ᓯᕘᕋᓂᖅ ᓱᒋᐊᕐᑕᐅᓂᕐᒥᒃ ᐱᑦᔪᑎᖃᕐᒪᑦ, ᓯᕘᕋᔫᓪᓗ ᓇᒡᓕᖕᓂᖅ ᓈᒻᒪᒃᓯᑎᓯᒪᓐᖏᓛ.