14 ᒎᑎᐅᑉ ᐊᓂᕐᓂᖓᑕ ᑕᓯᐅᕐᑕᓕᒫᖏᑦ ᒎᑎᐅᑉ ᕿᑐᕐᖓᕆᖕᒪᒋᑦ.
ᐊᔪᕆᕐᑐᓚᐅᓐᖓ ᐱᔪᒪᔭᕐᓂᒃ ᐊᑐᕈᓐᓇᖁᓪᓗᖓ, ᒎᑎᒋᒐᒃᑭᑦ! ᐊᓂᕐᓂᕐᓄᑦ ᐱᐅᔪᒧᑦ ᑕᓯᐅᓚᐅᓐᖓ ᐊᖅᑯᑎᒧᑦ ᓇᖏᐊᕐᓇᖏᑦᑐᒧᑦ.
ᐱᓱᒃᐳᖓ ᐊᖅᑯᑎᒃᑯᑦ ᓇᓛᒎᕐᓂᒃᑯᑦ; ᐊᑦᔨᒌᒃᑎᑦᓯᓂᐅᓪᓗ ᐊᖅᑯᑎᖓᓂᒃ ᐊᑐᕐᓗᖓ.
ᐃᓴᕆᐊᓕᒥᐅᓪᓕ ᐃᓄᖏᑦ ᓯᐅᕋᕐᑎᑐᑦ ᐃᒪᐅᑉ ᓯᓈᓃᑦᑐᑎᑐᑦ ᐅᓄᕐᑎᒋᔪᒫᕐᐳᑦ, ᐆᒃᑐᕋᕐᑕᐅᔪᓐᓇᖏᓪᓗᑎᒃ ᓈᓴᕐᑕᐅᔪᓐᓇᖏᓪᓗᑎᒡᓗ; ᑕᕝᕙᓂ ᐅᖃᐅᑦᔭᐅᔪᒫᕐᐳᑦ, “ᐃᓄᖁᑎᒋᓐᖏᓚᑦᓯ,” ᐅᖃᕐᕕᐅᓕᕈᒫᕆᕗᑦ, “ᒎᑎᐅᑉ ᐆᒪᔫᑉ ᕿᑐᕐᖓᖏᑦ.”
ᓮᒪᓇᕐᑐᒦᑉᐳᑦ ᐃᓅᖃᑎᒌᑦᓯᐊᖏᑦᑐᓂᒃ ᐃᓚᒌᑦᓯᐊᓕᕐᑎᑦᓯᔪᑦ; ᒎᑎᐅᑉ ᕿᑐᕐᖓᒥᓂᒃ ᑍᔪᒫᕐᒪᒋᑦ.
ᑖᑦᓱᒥᖓᓕ ᐃᓚᓕᐅᕆᔪᓕᒫᑦ, ᐅᒃᐱᓕᕐᓗᑎᒡᓗ ᑖᑦᓱᒪ ᐊᑎᖓᓄᑦ, ᑖᒃᑯᐊ ᕿᑐᕐᖓᑖᕆᔭᐅᔪᓐᓇᕐᓯᑎᑉᐰᑦ ᒎᑎᒧᑦ;
ᐱᓐᖑᕐᑎᑕᐅᓯᒪᔪᓪᓕ ᐅᑕᖅᑭᕗᑦ ᕿᓚᓈᕐᓗᑎᒃ ᒎᑎᐅᑉ ᕿᑐᕐᖓᖏᑕ ᓇᓗᓁᕐᑕᐅᓂᒃᓴᖏᓐᓂᒃ;
ᑎᒥᐅᑉ ᐱᔪᒪᔭᖓᓂᒃ ᓈᓚᒃᑐᑦ ᐃᓱᒪᖃᕐᒪᑕ ᑎᒥᐅᑉ ᐱᔪᒪᔭᖏᓐᓂᒃ; ᐊᓂᕐᓂᐅᓪᓕ ᐱᔪᒪᔭᖓᓂᒃ ᓈᓚᒃᑐᑦ ᐃᓱᒪᖃᕐᐳᑦ ᐊᓂᕐᓂᐅᑉ ᐱᔪᒪᔭᖏᓐᓂᒃ.
ᐃᓕᑦᓯᓕ ᑎᒥᐅᑉ ᐱᔪᒪᔭᖓᓃᓐᖏᓚᓯ, ᐊᓂᕐᓂᕐᒦᑉᐳᓯᓕ, ᒎᑎᐅᑉ ᐊᓂᕐᓂᖓ ᐃᓂᖃᕐᐸᑦ ᐃᓕᑦᓯᓐᓂ. ᙭ᔅᑑᓯᐅᑉ ᐊᓂᕐᓂᖓᓂᒃ ᐱᖃᖏᑦᑐᖅ ᑖᑦᓱᒧᖓ ᐱᖁᑎᒋᔭᐅᓐᖏᓚᖅ.
“ᑕᕝᕙᓂᑦᓮᓐᓇᖅ ᐅᖃᐅᑦᔭᐅᕝᕕᕕᓂᕐᒥᖕᓂ, ‘ᐃᓄᖁᑎᒋᓐᖏᓚᑦᓯ,’ ᑍᔭᐅᓕᕈᒫᕐᐳᑦ ‘ᒎᑎᐅᑉ ᐆᒤᓐᓇᕐᑑᑉ ᕿᑐᕐᖓᖏᓐᓂᒃ.’”
ᐅᓇ ᑐᑭᓕᒃ ᑎᒥᒃᑯᑦ ᑭᖑᕚᖑᔪᑑᖏᑦᑐᑦ ᒎᑎᐅᑉ ᕿᑐᕐᖓᕆᖕᒪᒋᑦ; ᐊᖏᕐᓯᒪᓂᒃᑯᓪᓕ ᕿᑐᕐᖓᐅᔪᑦ ᐂᑉᕋᕼᐋᒻᒧᑦ ᑭᖑᕚᖑᓂᕋᕐᑕᐅᖕᒪᑕ.
ᐃᓕᑦᓯᓐᓄᑦ ᐊᑖᑕᒋᔭᐅᓂᐊᕐᐳᖓ, ᐅᕙᖓᓕ ᐃᕐᓂᕆᓂᐊᕐᐸᑦᓯ ᐸᓂᒋᓗᓯᓗ, ᐊᑕᓂᖅ ᐊᔪᒐᖃᖏᑦᑐᖅ ᐅᖃᕐᐳᖅ.”
᙭ᔅᑑᓯ ᔩᓱᓯᒃᑯ ᑕᒪᑦᓯ ᒎᑎᐅᑉ ᕿᑐᕐᖓᕆᕚᓯ, ᐅᒃᐱᕐᓂᑦᓯᒃᒍᑦ
ᐱᖁᔭᓄᑦ ᐊᐅᓚᑕᐅᔪᑦ ᐱᐅᓕᔪᒪᓪᓗᒋᑦ, ᑎᒍᐊᕐᑖᖑᓗᑕ ᕿᑐᕐᖓᕐᑖᕆᔭᐅᖁᓪᓗᑕ.
ᕿᑐᕐᖓᕆᔭᐅᓕᕋᑦᓯᓗ, ᒎᑎᐅᑉ ᐃᕐᓂᕐᒥ ᐊᓂᕐᓂᖓ ᐃᓗᑦᓯᓐᓄᐊᕐᑎᑉᐹ, ᑖᓐᓇ ᓂᓪᓕᐊᔪᖅ, “ᐋᐸ, ᐊᑖᑖᒃ!”
ᐅᖃᕐᐳᖓᓕ, ᐊᓂᕐᓂᒃᑯᑦ ᐃᓅᓚᐅᕆᑦᓯ, ᑕᕝᕙ ᑎᒥᐅᑉ ᐱᔪᒪᔭᖓᓄᑦ ᐊᐅᓚᑕᐅᓂᐊᓐᖏᓚᓯ.
ᐊᓂᕐᓂᕐᒧᓪᓕ ᑕᓯᐅᕐᑕᐅᒍᑦᓯ ᐱᖁᔭᓄᑦ ᑕᑉᕙ ᐊᐅᓚᑕᐅᑐᐃᓐᓇᕐᓂᐊᖏᓚᓯ.
ᐃᓱᒪᑖᕇᕐᓯᒪᓚᐅᕐᐳᖅ ᐃᕐᓂᕐᑖᕆᔪᒪᓪᓗᑕ ᔩᓱᓯ ᙭ᔅᑑᓯᒃᑯᑦ, ᑕᒪᓐᓇ ᑕᕝᕙ ᖁᕕᐊᒋᓪᓗᒍ ᐱᔪᒪᔭᕆᓚᐅᕐᑕᖓ.
ᖃᐅᒪᔫᑉ ᐱᕈᕐᑎᑕᖏᑦ ᐊᒥᒐᖏᒻᒪᑕ ᐱᑦᓯᐊᕐᓃᑦ ᖃᓄᐃᑦᑐᑐᐃᓐᓁᑦ ᓇᓛᒎᕐᓂᖅ, ᓱᓕᓂᕐᓗ.
ᖃᐅᔨᒋᑦᓯ ᖃᓄᐃᑦᑐᒥᒃ ᓇᒡᓕᖕᓂᕐᒥᒃ ᐊᑕᑖᐅᑉ ᑐᓂᓯᕕᒋᖕᒪᖔᑎᒍᑦ, ᒎᑎᐅᑉ ᕿᑐᕐᖓᖏᓐᓂᒃ ᑍᔭᐅᔪᓐᓇᕐᓯᖁᓪᓗᑕ; ᑕᕝᕙ ᕿᑐᕐᖓᐅᓕᕐᐳᒍᑦ! ᑍᒤᒻᒪᑦ ᓯᓚᕐᔪᐊᕐᒥᐅᑦ ᐃᓕᑕᕆᓐᖏᓛᑎᒍᑦ ᑖᓐᓇ ᐃᓕᑕᕆᖏᓐᓇᒥᑦᔪᒃ.
ᓇᓪᓕᐊᑦ ᑖᑦᓱᒪ ᐱᖁᔭᖏᓐᓂᒃ ᒪᓕᒃᑐᖅ ᑖᓐᓇ ᑖᑦᓱᒪᓃᑉᐳᖅ, ᑖᓐᓇᓗ ᑖᑦᓱᒪᓃᓪᓗᓂ. ᐃᒫᒡᓗ ᖃᐅᔨᒪᔪᓐᓇᕐᐳᒍᑦ ᐅᕙᑦᑎᓐᓃᓐᓂᓐᖓᓂᒃ; ᐊᓂᕐᓂᕐᒧᑦ ᑐᓂᕐᕈᓯᐊᑦᑎᓐᓄᑦ ᑖᑦᓱᒧᖓ ᖃᐅᔨᑎᑕᐅᓗᑕ.
ᓇᓪᓕᐊᑦ ᓵᓚᖃᕐᑐᖅ ᑍᒤᑦᑐᒥᒃ ᑭᖑᕐᖑᑦᔨᓂᐊᕐᐳᖅ, ᑖᑦᓱᒪᓗ ᒎᑎᒋᓂᐊᕐᐹᖓ ᐅᕙᖓᓗ ᐃᕐᓂᕆᓂᐊᕐᐸᕋ.
