ᕉᒪᒥᐅᓄᑦ 8:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᙭ᔅᑑᓯᓕ ᐃᓕᑦᓯᓐᓃᑉᐸᑦ, ᑎᒥᓯ ᑐᖁᖓᒐᓗᐊᕐᐳᖅ ᐊᔪᕐᓂᕐᒥ, ᐊᓂᕐᓂᓯᓕ ᐆᒪᕗᑦ ᐃᓗᐊᕐᑑᑎᑕᐅᓂᖅ ᐱᑦᔪᑎᒋᓪᓗᒍ.

ᕉᒪᒥᐅᓄᑦ 8:10 Iomraidhean Croise

ᒨᓯᓯ ᐱᖓᔪᖏᑦ 13:40

“ᐊᖑᓪᓕ ᓄᔧᕐᐸᑦ, ᓂᐊᖁᐊ ᓄᔭᖃᕈᓐᓃᕐᓗᓂ, ᑖᓐᓇ ᓴᓗᒤᑦᑑᓐᖏᓚᖅ.

ᔪᐊᓇᓯᐅᑉ ᐊᒡᓚᖏᑦ 14:23

ᔩᓱᓯᐅᑉ ᑭᐅᕚ, “ᐅᕙᓐᓂᒃ ᓇᒡᓕᒍᓱᒃᑑᑉ, ᐅᖃᐅᓯᒃᑲ ᒪᓕᖕᓂᐊᕐᐰᑦ, ᐊᑖᑕᒪᓗ ᓇᒡᓕᒋᓂᐊᕐᐹ, ᐊᑖᑕᒐᓗ ᐅᕙᒍᒃ ᑎᑭᓛᕐᐸᕗᒃ ᑕᕝᕙᓂᓗ ᐊᖏᕐᕋᖃᓕᕐᓗᓄᒃ.

ᔪᐊᓇᓯᐅᑉ ᐊᒡᓚᖏᑦ 15:5

“ᐅᕙᖓ ᓇᐹᕐᑑᕗᖓ ᐸᐅᕐᖓᓕᒃᓴᖅ, ᐃᓕᑦᓯ ᐊᕙᓚᖓᔫᕗᓯ. ᐅᕙᓐᓃᑦᑐᖅ, ᐅᕙᖓᓗ ᑖᑦᓱᒪᓃᓪᓗᖓ, ᐸᐅᕐᖓᖃᕐᓂᐊᕐᐳᖅ ᐊᒥᓱᓂᒃ, ᐱᒋᓇᖓ ᓱᓇᒥᒡᓘᓐᓃᑦ ᐱᓇᓱᐊᕈᓐᓇᖏᓐᓇᑦᓯ.

ᔪᐊᓇᓯᐅᑉ ᐊᒡᓚᖏᑦ 17:23

ᑖᒃᑯᓇᓃᓪᓗᖓ ᐃᕝᕕᓪᓗ ᐅᕙᓐᓃᓪᓗᑎᑦ, ᐊᑕᐅᓯᓪᓚᕆᐅᓕᖁᓪᓗᒋᑦ, ᓯᓚᕐᔪᐊᕐᒥᐅᑦ ᖃᐅᔨᓕᖁᓪᓗᒋᑦ ᑎᓕᓚᐅᕋᕕᖓ ᓇᒡᓕᒋᒐᕕᒋᓪᓗ ᐅᕙᓐᓂᒃ ᓇᒡᓕᒍᓱᖕᓂᕐᑐᑦ.

ᔪᐊᓇᓯᐅᑉ ᐊᒡᓚᖏᑦ 4:14

ᓇᓪᓕᐊᓪᓕ ᐃᒥᕐᒥᒃ ᑐᓂᔭᓐᓂᒃ ᐃᒥᕐᓂᐊᕐᑐᖅ ᐃᒥᕈᓕᒃᑲᓐᓂᕐᓂᐊᓐᖏᓚᖅ; ᐃᒥᖅ ᑐᓂᓂᐊᕐᑕᕋ ᑖᑦᓱᒧᖓ ᐃᓗᐊᓂᑦ ᑰᓕᕐᓂᐊᕐᐳᖅ ᐃᓅᓯᖃᕐᓇᕐᑐᒥᒃ ᓄᖑᓱᐃᑦᑐᒥᒃ.”

ᔪᐊᓇᓯᐅᑉ ᐊᒡᓚᖏᑦ 6:54

ᑎᒥᓐᓂᒃ ᓂᕆᔪᖅ ᐊᐅᓐᓂᒡᓗ ᐃᒥᕐᑐᖅ ᓄᖑᓱᐃᑦᑐᒥᒃ ᐃᓅᓯᖃᕐᐳᖅ, ᐅᕙᖓᓗ ᐆᒻᒪᕐᑎᑦᓱᒫᕐᐸᕋ ᐅᓪᓗᐃᑦ ᑭᖑᓪᓕᕐᐹᖓᓐᓂ.

ᔪᐊᓇᓯᐅᑉ ᐊᒡᓚᖏᑦ 6:56

ᓇᓪᓕᐊᑦ ᑎᒥᓐᓂᒃ ᓂᕆᔪᖅ, ᐊᐅᓐᓂᒡᓗ ᐃᒥᕐᓗᓂ ᑖᓐᓇ ᐅᕙᓐᓃᑉᐳᖅ, ᐅᕙᖓᓗ ᑖᑦᓱᒪᓃᓪᓗᖓ.

ᕉᒪᒥᐅᓄᑦ 5:12

ᑍᒤᒻᒪᑦ ᐊᔪᕐᓂᖅ ᓯᓚᕐᔪᐊᕐᒧᑦ ᑎᑭᓯᒪᕗᖅ ᐃᓄᒃᑯᑦ ᐊᑕᐅᓯᒃᑯᑦ, ᑐᖁᓗ ᑎᑭᓯᒪᓪᓗᓂ ᐊᔪᕐᓂᒃᑯᑦ. ᑍᒤᒻᒪᑦ ᑐᖁ ᐃᓄᓕᒫᓄᑦ ᑎᑭᓯᒪᕗᖅ, ᐃᓄᓕᒫᑦ ᐊᔪᕐᑐᓕᓯᒪᖕᒪᑕ.

ᕉᒪᒥᐅᓄᑦ 5:21

ᑕᕝᕙ ᐊᔪᕐᓂᐅᑉ ᐊᐅᓚᑦᓯᓂᖓ ᑐᖁᓐᓇᕐᑐᒥᒃ ᓴᖅᑭᑎᑦᓯᓚᐅᕐᒪᑦ, ᑍᒫᒃᑕᐅᖅ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐊᐅᓚᑦᓯᔨᐅᓕᕆᕗᖅ ᐃᓗᐊᕐᑐᓕᔪᓐᖑᕐᑎᑕᐅᓂᕐᒧᑦ, ᐃᓅᓯᖃᕐᓇᕐᑐᑎᒥᒃ ᐃᓱᖃᖏᑦᑐᒧᑦ ᔩᓱᓯ ᙭ᔅᑑᓯᒃᑯᑦ ᐊᑕᓂᑦᑎᒍᑦ.

ᕉᒪᒥᐅᓄᑦ 8:11

ᑖᑦᓱᒪᓕ ᐊᓂᕐᓂᖓᑕ ᔩᓱᓯᒥᒃ ᐆᒻᒪᕐᑎᑦᓯᔫᑉ ᑐᖁᒥᑦ ᐃᓂᒋᒃᐸᓯ, ᙭ᔅᑑᓯ ᔩᓱᓯᒥᒃ ᐆᒻᒪᕐᑎᑦᓯᓚᐅᕐᑑᑉ ᑐᖁᒥᑦ ᑎᒥᓯ ᑐᖁᔪᒃᓮᑦ ᐃᓅᓯᑖᕐᑎᓐᓂᐊᕆᕔᑦ ᑖᑦᓱᒪ ᐊᓂᕐᓂᖓᒍᑦ ᐃᓗᑦᓯᓐᓃᑦᑐᒧᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:45

ᐃᒫᒃ ᑎᑎᕋᕐᓯᒪᖕᒪᑦ, “ᐋᑕᒥ ᓯᕗᓪᓕᖅ ᐆᒻᒪᕐᑎᑕᐅᓚᐅᕐᐳᖅ ᑎᒥᖃᕐᓗᓂ”; ᐋᑕᒥᓕ ᑭᖑᓪᓕᖅ ᐊᓂᕐᓂᒃᑯᑦ ᐃᓅᓯᕐᑖᕐᑎᑦᓯᕗᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:5

ᐃᓕᑦᓯᓐᓂᒃ ᖃᐅᔨᓴᕆᑦᓯ ᐅᒃᐱᕐᓂᕐᒦᒻᒪᖔᑦᓯ. ᐆᒃᑐᕆᑦᓯ ᐃᓕᑦᓯᓐᓂᒃ; ᖃᐅᔨᒪᓐᖏᓚᓰ ᔩᓱᓯ ᙭ᔅᑑᓯ ᐃᓗᑦᓯᓐᓃᒻᒪᑦ? ᐅᒃᐱᕐᓂᕐᒥ ᓱᓕᖏᒃᑯᑦᓯ ᑭᓯᐊᓂ ᖃᐅᔨᒐᔭᓐᖏᓚᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:11

ᐃᓅᓂᑦᑎᓐᓂ ᑐᖁᒦᖏᓐᓇᕐᐳᒍᑦ ᔩᓱᓯ ᐱᑦᔪᑎᒋᓪᓗᒍ, ᐃᓅᓯᖓᑦᑕᐅᖅ ᓴᖅᑭᔮᖁᓪᓗᒍ ᑎᒥᑦᑎᓐᓂ ᑐᖁᔪᒃᓴᒥ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:21

ᐊᔪᕐᑐᓕᓂᕐᒥᒃ ᖃᐅᔨᓚᐅᕐᓯᒪᖏᑦᑐᖅ ᒎᑎᐅᑉ ᐊᔪᕐᑐᓕᔪᓐᖑᕐᑎᓚᐅᕐᐹ ᐱᑦᔪᑎᒋᓪᓗᑕ, ᐅᕙᒍᑦ ᑖᑦᓱᒨᓇ ᒎᑎᒧᑦ ᐃᓗᐊᕐᑐᓐᖑᕐᑎᑕᐅᖁᓪᓗᑕ.

ᒐᓔᑎᐊᒥᐅᓄᑦ 2:20

ᐅᕙᖓ ᐃᓅᔪᓐᓃᕐᐳᖓ, ᙭ᔅᑑᓯᓕ ᐅᕙᓐᓂ ᐃᓅᓕᕐᐳᖅ. ᒫᓐᓇ ᑎᒥᓐᓂ ᐃᓅᓯᕋ, ᐅᒃᐱᕐᓂᒃᑯᑦ ᐃᓅᓕᕐᐳᖓ ᒎᑎᐅᑉ ᐃᕐᓂᖓᓄᑦ, ᑖᑦᓱᒪ ᓇᒡᓕᒋᒐᒥᖓ ᐃᓅᓯᓂ ᑐᓂᓚᐅᕐᐹ ᐱᑦᔪᑎᒋᓪᓗᖓ.

ᐃᐱᓯᒥᐅᓄᑦ 3:17

ᑐᒃᓯᐊᕐᐳᖓᓗ ᐅᒃᐱᕐᓂᑯᑦ ᙭ᔅᑑᓯ ᐃᓂᖃᖁᓪᓗᒍ ᐆᒻᒪᑎᑦᓯᓐᓂ; ᑖᑦᓱᒪᓂ ᐊᒫᖃᓕᖁᓪᓗᓯ ᑐᓐᖓᕕᖃᓕᖁᓪᓗᓯᓗ ᓇᒡᓕᖕᓂᕐᒥ,

ᐱᓕᐱᒥᐅᓄᑦ 1:23

ᐅᖁᒤᒃᓴᕋᒪ ᑕᒪᑐᒥᖓ ᐊᕙᒻᒧᑦ ᓄᓱᐊᕐᑕᐅᓪᓗᖓ. ᙭ᔅᑑᓯ ᓇᔪᕈᒪᓪᓗᒍ ᐊᖏᔪᒥᒃ ᑲᔪᖏᕋᓗᐊᕐᐳᖓ, ᑕᒪᓐᓇ ᐱᐅᓂᕐᓴᒻᒪᕆᐊᓘᖕᒪᑦ;

ᐱᓕᐱᒥᐅᓄᑦ 3:9

ᑖᑦᓱᒥᖓᓗ ᐃᓅᖃᑎᖃᑦᓯᐊᕈᓐᓇᖁᓪᓗᖓ, ᐅᕙᓐᓂᑦ ᐱᔪᒥᒃ ᐱᖁᔭᓂᒃ ᒪᓕᖕᓂᒃᑯᑦ ᓇᓛᒎᓐᓂᖃᕋᓱᐊᖁᓇᖓ, ᓇᓛᒎᕐᓂᕐᒥᒡᓕ ᐱᑎᑕᐅᕗᖓ ᐅᒃᐱᕐᓂᑯᑦ ᙭ᔅᑑᓯᒥ, ᑕᒪᓐᓇ ᓇᓛᒎᕐᓂᖅ ᒎᑎᒥᑦ ᐱᔪᖅ ᑐᓐᖓᕕᖃᕐᒪᑦ ᐅᒃᐱᕐᓂᒥᒃ;

ᑯᓘᓯᐊᒥᐅᓄᑦ 1:27

ᒎᑎᐅᑉ ᑕᒪᓐᓇ ᐃᔨᕐᓯᒪᔪᖅ ᖃᐅᔨᔭᐅᑎᑦᓱᒪᓚᐅᕐᐹ ᔫᑎᐅᖏᑦᑐᓄᑦ ᐊᒥᒐᖏᑦᑐᕐᔪᐊᖅ ᓂᕐᑐᕐᓇᕐᑐᕐᔪᐊᕐᓗ ᐃᔨᕐᓯᒪᓚᐅᕐᑐᖅ ᐃᓄᓕᒫᓄᑦ, ᑕᕝᕙ ᙭ᔅᑑᓯ ᐃᓗᑦᓯᓐᓃᑦᑐᖅ, ᓂᕆᐅᒍᑎᒃᓴᐅᖁᓪᓗᒍ ᐱᓐᓇᕐᓇᕐᑐᕐᔪᐊᒥᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:16

ᐊᑕᓂᖅ ᓇᖕᒥᓂᖅ ᕿᓚᖕᒥᑦ ᐊᖅᑲᕈᒫᕐᒪᑦ, ᓂᐱᕐᔪᐊᒧᑦ ᕾᖁᔨᔪᒧᑦ, ᐂᖏᓖᑦ ᐊᖓᔪᖅᑳᖓᑦᑕ ᓂᐱᖓᓄᑦ, ᒎᑎᐅᓪᓗ ᑎᑦᑐᓚᐅᑎᖁᑎᖓᓄᑦ, ᙭ᔅᑑᓯᒥᓗ ᑐᖁᖓᔪᑦ ᐃᓅᓯᕐᒧᑦ ᓯᕗᓪᓕᐅᓗᑎᒃ ᒪᑭᖅᑳᕈᒫᕐᐳᑦ;

ᐄᑉᕈᐃᓄᑦ 12:23

ᑕᒪᓐᓇ ᐅᐸᒃᑕᓯ ᒎᑎᐅᑉ ᐊᖓᔪᒃᓕᕐᐹᖁᑎᖏᑕ ᑲᑎᒪᕕᖓ, ᑕᕝᕙᓃᑦᑐᓪᓗ ᐊᑎᖏᑦ ᑎᑎᕋᕐᓯᒪᕗᑦ ᕿᓚᖕᒥ, ᒎᑎᒧᓪᓗ ᑎᑭᑉᐳᓯ, ᑕᒤᓐᓂᒃ ᐃᖅᑲᕐᑐᐃᔪᒧᑦ, ᐃᓄᐃᓪᓗ ᓇᓛᒎᕐᑐᑦ ᐊᓂᕐᓂᖏᑕ ᓈᒻᒪᒃᓯᑎᑕᐅᕕᖏᓐᓄᑦ,

ᐄᑉᕈᐃᓄᑦ 9:27

ᐃᓄᐃᓪᓗ ᐊᑕᐅᓯᐊᕐᓗᑎᒃ ᑐᖁᔭᕆᐊᖃᕐᒪᑕ, ᑭᖑᓂᖓᒍᓪᓕ ᐃᖅᑲᕐᑐᕐᑕᐅᕕᒃᓴᖃᕐᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:13

ᓂᐱᒥᒡᓗ ᕿᓚᖕᒥᑦ ᑐᓴᕐᐳᖓ ᐅᖃᕐᑐᒥᒃ, “ᑎᑎᕋᕆᑦ ᐅᑯᓂᖓ: ᓮᒪᓇᑐᒦᑉᐳᑦ ᐊᑕᓂᖅ ᐱᓪᓗᒍ ᐱᔨᑦᓯᕐᓗᑎᒃ ᑐᖁᔪᑦ.” ᐊᓂᕐᓂᖅ ᐅᖃᕐᐳᖅ, “ᐃᓛᒃ ᑐᓱᓐᓇᒻᒪᕆᒃᐳᑦ, ᑕᕾᕐᓯᕐᓂᐊᓕᕐᒪᑕ ᐱᓇᓱᐊᕐᓂᕆᓯᒪᔭᒥᖕᓂᑦ, ᐱᓂᐊᕐᓂᕆᓯᒪᔭᖏᑕ ᐃᓚᒋᓂᐊᕐᒪᒋᑦ!”