ᕉᒪᒥᐅᓄᑦ 7:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᑍᒤᒃᑭᕗᓯᑦᑕᐅᖅ ᐃᓚᒃᑳ, ᐱᖁᔭᒧᑦ ᑐᖁᓯᒪᒐᑦᓯ ᙭ᔅᑑᓯᐅᑉ ᑎᒥᖓᒍᑦ, ᐊᓯᑦᓯᓐᓄᑦ ᐱᑖᕆᔭᐅᖁᓪᓗᓯ, ᑖᑦᓱᒧᖓ ᑐᖁᖓᔪᓂᑦ ᒪᑭᓚᐅᕐᑐᒧᑦ ᒎᑎᐅᑉ ᐱᓇᓱᐊᕐᓂᖓᓄᑦ ᐸᐅᕐᖓᕆᔭᐅᖁᓪᓗᑕ.

ᕉᒪᒥᐅᓄᑦ 7:4 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 54:5

ᐱᓐᖑᕐᑎᑦᑎᔨᓯ ᐅᐃᒋᒐᑦᓯᐅᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓂᒃ ᐊᑎᖃᕐᑐᖅ; ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐃᒻᒥᓄᑦ ᐅᑎᕐᑎᑦᓯᔨᒋᒐᑦᓯᐅᒃ, ᓄᓇᕐᔪᐊᕐᒥᐅᓕᒫᑦ ᒎᑎᖓᓂᒃ ᑍᔭᐅᔪᖅ.

ᐂᓮᐊᓯᐅᑉ ᐊᒡᓚᖏᑦ 62:5

ᐃᓅᓱᒃᑑᑉ ᓄᓕᐊᓂᒃᐸᖕᓂᖓᑐᑦ ᐊᕐᓇᒥᒃ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᒥᒃ, ᑍᒫᒃᑕᐅᖅ ᐃᕐᓂᓯ ᑲᑎᑎᑕᐅᖃᑎᒋᔪᒫᕆᕙᓯ, ᐊᖑᑎᐅᑉ ᐊᕐᓇᒧᑦ ᑲᑎᑎᑕᐅᔭᕌᖓᒥ ᖁᕕᐊᓱᖕᓂᕆᕙᒃᑕᖓᑐᑦ, ᑍᒫᒃ ᒎᑎᑦᓯ ᖁᕕᐊᓲᑎᒋᔪᒫᕆᕚᓯ.

ᒫᑎᐅᓯᐅᑉ ᐊᒡᓚᖏᑦ 26:26

ᓱᓕ ᓂᕆᖃᑎᒌᒃᓗᑎᒃ, ᔩᓱᓯ ᓂᐊᖂᔭᒥᒃ ᑎᒍᓯᕗᖅ, ᖁᔭᓕᓪᓗᓂ ᑐᒃᓯᐅᑎᒐᒥᐅᒃ, ᓂᐊᖂᔭᖅ ᐊᕕᒃᐹ, ᐃᓕᓐᓂᐊᕐᑎᒥᓄᑦ ᑐᓂᓪᓗᒍ ᐅᖃᕐᐳᖅ, “ᑎᒍᓗᒍ ᓂᕆᓯᐅᒃ, ᑕᕝᕙ ᑎᒥᒐ.”

ᒫᑯᓯᐅᑉ ᐊᒡᓚᖏᑦ 4:20

ᐃᓚᖏᓪᓕ ᐃᓄᐃᑦ ᐱᕈᕐᓯᐊᒃᓴᑎᑐᑦ ᐃᑦᔪᖃᑦᓯᐊᕐᑐᒧᑦ ᑲᓐᖓᕐᓲᑎᒋᔭᐅᔪᑎᑐᑦ ᑍᒤᑉᐳᑦ; ᑖᒃᑯᐊᖑᕗᑦ ᐅᖃᐅᓯᕐᓂᒃ ᑐᓴᕋᒥᒃ ᐃᓚᓕᐅᕆᔪᑦ ᐱᕈᕐᕕᐅᓕᕐᓗᑎᒃ, ᐃᓚᖏᑦ 30ᓂᒃ, ᐃᓚᖏᓪᓗ 60ᓂᒃ, ᐃᓚᖏᓪᓗ 100ᓂᒃ.”

ᔪᐊᓇᓯᐅᑉ ᐊᒡᓚᖏᑦ 15:8

ᑕᒪᒃᑯᑎᒎᓇᖅ ᐊᑖᑕᒐ ᓂᕐᑐᕐᓇᕐᑎᑕᐅᓂᐊᕐᐳᖅ, ᐸᐅᕐᖓᖃᓕᕈᑦᓯ ᐊᒥᓱᓂᒃ; ᐃᓕᓐᓂᐊᕐᑎᐅᓂᓯᓗ ᐅᕙᓐᓄᑦ ᓇᓗᓁᕐᓗᓂ.

ᔪᐊᓇᓯᐅᑉ ᐊᒡᓚᖏᑦ 3:29

ᐅᐃᒃᓴᖅ ᑖᓐᓇᐅᕗᖅ ᓄᓕᐊᒃᓴᒥᒃ ᓇᖕᒥᓂᓕᒃ; ᐅᐃᒃᓴᐅᓪᓕ ᐱᖃᓐᓇᕆᔭᖓᑕ, ᓴᓂᐊᓂ ᓇᖏᕐᑑᑉ ᑐᓴᕐᑑᓪᓗ, ᖁᕕᐊᓱᒍᑎᒋᕚ ᐅᐃᒃᓴᐅᑉ ᓂᐱᖓᓂᒃ ᑐᓴᕋᒥ; ᑍᒫᒃ ᑕᕝᕙ ᐅᕙᖓ ᓇᖕᒥᓂᖅ ᖁᕕᐊᓱᖕᓂᕋ ᓈᒻᒪᒃᓯᑦᓯᐊᕐᐳᖅ.

ᔪᐊᓇᓯᐅᑉ ᐊᒡᓚᖏᑦ 6:51

ᐅᕙᖓ ᓂᐊᖂᔭᐅᕗᖓ ᐆᒪᔪᖅ ᕿᓚᖕᒥᑦ ᐱᓯᒪᔪᖅ; ᑭᓇᑐᐃᓐᓇᖅ ᑕᕝᕙᓐᖓᑦ ᓂᐊᖂᔭᑐᕐᑐᖅ, ᐃᓅᓯᖃᓕᕐᓂᐊᕐᐳᖅ ᐃᓱᖃᖏᑦᑐᒧᑦ; ᓂᐊᖂᔭᕐᓗ ᑐᓂᓂᐊᕐᑕᕋ ᐃᓅᓯᖃᓕᕐᑎᑦᑎᔪᓇᕐᐳᖅ ᓯᓚᕐᔪᐊᕐᒥᐅᓂᒃ, ᑖᓐᓇ ᑕᑉᕙ ᑎᒥᒐ.”

ᕉᒪᒥᐅᓄᑦ 6:11

ᑍᒫᒃᑕᐅᖅ ᐃᓕᑦᓯᓐᓂᒃ ᐃᓱᒪᒋᔪᒃᓴᐅᕗᓯ ᐊᔪᕐᓂᕐᒧᑦ ᑐᖁᓯᒪᓂᑦᓯᓐᓂᒃ ᐃᓅᓗᓯᓗ ᒎᑎᒧᑦ ᙭ᔅᑑᓯ ᔩᓱᓯᒥ.

ᕉᒪᒥᐅᓄᑦ 6:14

ᐊᔪᕐᓂᖅ ᐱᔪᓐᓇᕐᓂᖃᕈᓐᓃᕐᒪᑦ ᐃᓕᑦᓯᓐᓄᑦ, ᐱᖁᔭᓄᑦ ᐱᓯᒪᔭᐅᔪᓐᓃᕋᑦᓯ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᐱᓯᒪᔭᐅᓕᕐᐳᓯ.

ᕉᒪᒥᐅᓄᑦ 6:2

ᑍᒤᑦᑐᓐᓇᖏᑦᑐᖅ! ᐅᕙᒍᑦ ᐊᔪᕐᓂᕐᒧᑦ ᑐᖁᓯᒪᔪᒍᑦ, ᓱᓕ ᐃᓅᔪᒃᓴᐅᒋᕕᑖ ᐊᔪᕐᓂᕐᒥ?

ᕉᒪᒥᐅᓄᑦ 6:22

ᒫᓐᓇᓕ ᐊᔪᕐᓂᕐᒥᑦ ᕿᓚᕈᑦᔮᕐᑕᐅᓯᒪᓕᕋᑦᓯ ᒎᑎᒧᓪᓗ ᑭᒡᒐᐅᓕᕐᓗᓯ, ᐊᑭᓕᕐᑕᐅᕗᓯ ᑕᕝᕙ ᐃᑦᔪᕐᓁᑎᑕᐅᓂᕐᒥᒃ ᐃᓱᐊᓂᓗ ᐃᓅᓯᕐᒥᒃ ᓄᖑᓱᐃᑦᑐᒥᒃ.

ᕉᒪᒥᐅᓄᑦ 7:3

ᐊᓯᓐᓂᐊᕐᑐᒥᒃ ᑍᔭᐅᒐᔭᕐᐳᖅ ᐊᖑᒻᒥᒃ ᐊᓯᐊᓂᒃ ᓇᔪᕐᑎᖃᕈᓂ ᐅᐃᖓ ᐃᓅᑎᓪᓗᒍ ᓱᓕ; ᐅᐃᖓᓕ ᑐᖁᒃᐸᑦ ᐱᖁᔭᒧᑦ ᕿᓚᒃᓱᕐᑕᐅᓯᒪᔪᓐᓃᕐᐳᖅ, ᐊᓯᐊᓂᒃ ᐅᐃᓂᒃᑲᓗᐊᕈᓂ ᐊᓯᓐᓂᐊᕐᑐᒥᒃ ᑍᔭᐅᓐᖏᓚᖅ.

ᕉᒪᒥᐅᓄᑦ 7:6

ᒫᓐᓇᓕ ᐱᖁᔭᒥᑦ ᐲᕐᑎᑕᐅᓯᒪᓕᕋᑦᑕ, ᑐᖁᖓᓕᕐᐳᒍᑦ ᑖᑦᓱᒧᖓ ᑎᒍᒥᐊᕐᑎᒋᓚᐅᕐᑕᑦᑎᓐᓄᑦ, ᑭᒡᒐᕐᑐᖁᓇᑕ ᐱᖁᔧᑦ ᑎᑎᕋᕐᓯᒪᔪᑐᕾᑦ ᒪᓕᒡᓗᒋᑦ, ᑭᒡᒐᕐᑐᖁᓪᓗᑕᓕ ᐃᓅᓯᕐᒥᒃ ᓄᑖᒥᒃ ᐊᓂᕐᓂᒃᑯᑦ.

ᕉᒪᒥᐅᓄᑦ 8:2

᙭ᔅᑑᓯ ᔩᓱᓯᒃᑯᑦ ᐊᓂᕐᓂᐅᑉ ᐃᓅᓯᖃᕐᑎᑦᓯᔫᑉ ᐱᖁᔭᖏᑎᒍᑦ ᕿᓚᕈᑦᔮᕐᑕᐅᒐᒪ ᐊᔪᕐᓂᐅᑉ ᑐᖂᓪᓗ ᐱᖁᔭᖏᓐᓂᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:16

ᐃᒥᐅᑎ ᓮᒻᒪᕐᑎᑕᐅᓇᕐᑐᖅ ᒎᑎᒧᑦ ᖁᔭᓕᑦᔪᑎᒋᔭᕗᑦ ᐊᑕᓂᐅᑉ ᐅᓐᓄᒍᒻᒥᑕᖓᓂ ᙭ᔅᑑᓯᐅᑉ ᐊᐅᖓᓂᒃ ᐱᑎᑕᐅᑦᔪᑎᒋᓐᖏᓚᕘᑦ? ᓂᐊᖂᔭᕐᓗ ᐊᕕᒃᑕᕗᑦ ᙭ᔅᑑᓯᐅᑉ ᑎᒥᖓᓂᒃ ᐱᑎᑕᐅᑦᔪᑎᒋᓐᖏᓚᕘᑦ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:2

ᒎᑎᒥᑦ ᐱᔪᒥᒃ ᓯᖕᓇᓂᕐᒥᒃ ᐃᒃᐱᒍᓱᒃᑲᒪ ᐃᓕᑦᓯᓐᓄᑦ, ᐊᕐᓇᑐᑦ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᑎᑐᑦ ᓄᓕᐊᒃᓴᐅᖁᓪᓗᓯ ᑐᓂᔪᒪᒐᑦᓯ ᙭ᔅᑑᓯᒧᑦ ᑖᑦᓱᒥᖓ ᐅᐃᑖᖁᓪᓗᓯ.

ᒐᓔᑎᐊᒥᐅᓄᑦ 3:13

᙭ᔅᑑᓯᐅᑉ ᐱᐅᓕᓚᐅᕐᐹᑎᒍᑦ ᐱᖁᔧᑦ ᐱᐅᖏᑦᑐᐊᓘᓂᕅᓂᖓᓂᑦ, ᑖᑦᓱᒪ ᐱᑦᔪᑎᒋᓪᓗᑕ ᐱᐅᖏᑦᑐᐊᓘᓂᕋᕐᑕᐅᓂᖓᓄᑦ; ᐅᖃᕐᓯᒪᔪᖃᕐᒪᑦ, “ᓇᐹᕐᑐᒥ ᓂᕕᓐᖓᕐᑕᐅᔪᑦ ᑕᒪᕐᒥᒃ ᒎᑎᒧᑦ ᐱᐅᖏᑦᑐᐊᓘᓂᕋᕐᑕᐅᕗᑦ.”

ᒐᓔᑎᐊᒥᐅᓄᑦ 5:18

ᐊᓂᕐᓂᕐᒧᓪᓕ ᑕᓯᐅᕐᑕᐅᒍᑦᓯ ᐱᖁᔭᓄᑦ ᑕᑉᕙ ᐊᐅᓚᑕᐅᑐᐃᓐᓇᕐᓂᐊᖏᓚᓯ.

ᐃᐱᓯᒥᐅᓄᑦ 2:15

ᔫᑎᓪᓗ ᐱᖁᔭᖏᑦ ᐊᕕᓯᒪᑎᑦᓯᔪᑦ ᐊᑐᕈᓐᓃᕐᑎᓚᐅᕐᐰᑦ, ᑖᒃᑯᐊ ᒪᕐᕈᐃᓕᖓᔪᑦ ᐊᑕᐅᓯᓐᖑᕐᑎᑕᐅᖁᓪᓗᒋᑦ ᐃᒻᒥᒍᑦ ᓄᑖᓐᖑᕐᑎᑕᐅᓗᑎᒃ, ᐃᓅᖃᑎᒌᑦᓯᐊᓕᕐᑎᓪᓗᒋᓪᓗ.

ᐱᓕᐱᒥᐅᓄᑦ 1:11

ᐃᓅᓯᓯᓗ ᐃᓗᒻᒥᕐᑕᐅᓂᐊᕐᐳᖅ ᓇᓛᒎᕐᓂᐅᑉ ᐱᕈᕐᑎᑕᖏᓐᓂᒃ ᔩᓱᓯ ᙭ᔅᑑᓯᒃᑯᑦ ᓴᖅᑭᑦᑐᓂᒃ, ᒎᑎ ᓂᕐᑐᕐᑕᐅᖁᓪᓗᒍ ᐱᓐᓇᕐᓇᕐᓯᑎᑕᐅᖁᓪᓗᒍᓗ.

ᐱᓕᐱᒥᐅᓄᑦ 4:17

ᑐᓂᓯᕕᐅᔪᒪᓗᖓ ᐱᓐᖏᓚᖓ; ᐊᑭᓕᕐᑕᐅᓂᒃᓴᓯᓕ ᐱᓂᐊᕐᓂᕕᓂᑦᓯᓐᓄᑦ ᑕᒪᓐᓇ ᐱᔪᒪᕙᕋ.

ᑯᓘᓯᐊᒥᐅᓄᑦ 1:10

ᐃᓅᓯᖃᕈᓐᓇᖁᓪᓗᓯ ᐊᑕᓂᐅᑉ ᓈᒻᒪᒋᔭᖓᒍᑦ, ᖁᕕᐊᒋᔭᐅᓗᓯᓗ ᑖᑦᓱᒧᖓ, ᐃᓅᓯᑦᓯᒍᓪᓗ ᐱᐅᔪᓂᒃ ᐱᕈᕐᑎᑦᓯᖁᓪᓗᓯ ᐊᑦᔨᒌᖏᑦᑐᓂᒃ ᖃᐅᔨᕙᓪᓕᐊᓗᓯᓗ ᒎᑎᒥᒃ.

ᑯᓘᓯᐊᒥᐅᓄᑦ 1:22

ᒫᓐᓇᓕ ᐃᕐᓂᖓᑕ ᑐᖁᓂᖓᒍᑦ ᐅᑎᕐᑎᓯᒪᕚᓯ, ᐃᑦᔪᕐᓁᓕᖁᓪᓗᓯ ᓴᓗᒪᑦᓯᐊᓕᕐᓗᓯᓗ ᐸᓯᔭᒃᓴᐅᔪᓐᓃᕐᓗᓯᓗ ᑖᑦᓱᒪ ᓵᖓᓂ,

ᑯᓘᓯᐊᒥᐅᓄᑦ 1:6

ᐅᖃᐅᓰᑦ ᑐᓴᕈᒥᓇᕐᑐᑦ ᑎᑭᐅᑎᓯᒪᖕᒪᑕ ᐃᓕᑦᓯᓐᓄᑦ, ᓯᓚᕐᔪᐊᕐᒥᐅᓕᒫᓄᓪᓗ ᓯᐊᒻᒪᓕᕐᒪᑕ ᐱᕈᕐᑎᑦᓯᓪᓗᑎᒃ ᐊᖏᓕᕙᓪᓕᐊᑎᑦᓯᓪᓗᑎᒡᓗ, ᑍᒫᒃᑕᐅᖅ ᐃᓕᑦᓯᓐᓂ ᐱᒋᐊᕐᓯᒪᒋᕗᑦ, ᑍᒪᓐᖓᓂᑦ ᑐᓴᕋᑦᓯᐅᒃ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓱᓕᓂᖓᓗ ᑐᑭᓯᓪᓗᒍ.

ᑯᓘᓯᐊᒥᐅᓄᑦ 2:14

ᐃᖅᑲᕐᑐᕐᑕᐅᑦᔪᑎᒃᓴᕗᑦ ᑎᑎᕋᕐᓯᒪᓚᐅᕐᑐᑦ ᓵᑕᐅᑦᔪᑎᒃᓴᕗᑦ ᐲᓚᐅᕐᐰᑦ; ᑕᒪᕐᒥᒡᓗ ᐊᑐᕈᓐᓃᕐᑎᓪᓗᒋᑦ, ᑭᑭᐊᒃᑐᓚᐅᕐᐰᑦ ᓴᓐᓂᖓᔪᓕᖕᒧᑦ.

ᑯᓘᓯᐊᒥᐅᓄᑦ 2:20

᙭ᔅᑑᓯ ᑐᖁᖃᑎᒋᓯᒪᒐᑦᓯᐅᒃ ᓯᓚᕐᔪᐊᓪᓗ ᐱᔪᓐᓇᕐᓂᖏᓐᓂᑦ ᕿᓚᕈᑦᔮᕐᑕᐅᓯᒪᓕᕐᓗᓯ, ᓱᖕᒪᓪᓕ ᓱᓕ ᓯᓚᕐᔪᐊᕐᒥᐅᑎᑐᑦ ᐃᓅᓯᖃᕋᓱᐊᕐᐱᓰ ᓱᖕᒪᓪᓗ ᒪᓕᓕᕐᐱᓰ ᒪᑯᓂᖓ ᐱᖁᔭᓂᒃ ᐃᒤᓕᔪᓂᒃ,

ᐄᑉᕈᐃᓄᑦ 10:10

ᑕᕝᕙ ᑖᑦᓱᒪ ᐱᓂᐊᕐᑕᐅᖁᔭᖓᓄᑦ ᓴᓗᒻᒪᕐᑕᐅᕗᒍᑦ ᔩᓱᓯᐅᑉ ᙭ᔅᑑᓯᐅᑉ ᑎᒥᖓᑕ ᑐᓂᕐᕈᑕᐅᓂᖓᓄᑦ ᐊᑕᐅᓯᐊᕐᓗᓂ ᐱᒃᑲᓐᓂᕆᐊᖃᖏᑦᑐᒥᒃ.

ᐲᑦᑐᕉᓯ ᓯᕗᓪᓖᑦ 2:24

ᑖᑦᓱᒪ ᓇᖕᒥᓂᖅ ᐊᔪᕐᓂᕗᑦ ᑎᒥᒥᒍᑦ ᓇᒃᓴᓚᐅᕐᐰᑦ ᓴᓐᓂᖓᔪᓕᖕᒧᑦ, ᐊᔪᕐᓂᕐᒧᑦ ᑐᖁᖁᓪᓗᑕ ᒪᑭᖁᓪᓗᑕᓗ ᐃᓗᐊᕐᑐᓕᕐᓂᕐᒧᑦ. ᑖᑦᓱᒪ ᐃᑭᖏᓐᓄᑦ ᐋᖅᑭᒃᑕᐅᓯᒪᕗᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:7

ᖁᕕᐊᓱᒡᓗᑕ ᐊᖏᒡᓕᑎᕐᓚᕗᑦ ᓂᕐᑐᕐᓗᒍᓗ, ᓄᕐᕋᐅᔭᐅᑉ ᑲᑎᑎᑕᐅᕕᒃᓴᖓ ᓇᓪᓕᐅᑎᖕᒪᑦ, ᓄᓕᐊᒃᓴᖓᓗ ᐊᑐᐃᓐᓇᕈᕐᓗᓂ ᑖᑦᓱᒧᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:9

ᐂᖏᓖᓪᓗ 7ᐅᓚᐅᕐᑐᑦ ᖃᓪᓗᑎᓂᒃ 7ᓂᒃ ᑎᒍᒥᐊᕐᓗᑎᒃ ᑲᑉᐱᐊᓇᕐᑐᕐᔪᐊᓂᒃ 7ᓂᒃ ᐃᒪᖃᕐᑐᓂᒃ, ᐃᓚᖓᑦᑕ ᕾᓪᓗᓂ ᐅᖃᐅᑎᕚᖓ, “ᕾᒋᑦ, ᓄᓕᐊᒃᓴᒥᒃ ᑕᑯᑎᓐᓂᐊᕋᒃᑭᑦ, ᓄᕐᕋᐅᔭᐅᑉ ᓄᓕᐊᒃᓴᖓᓂᒃ.”