ᕉᒪᒥᐅᓄᑦ 7:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᓇᓗᖏᓐᓇᑦᓯ ᐅᒃᐱᕐᑑᖃᑎᒃᑲ, ᐱᖁᔭᓂᒃ ᖃᐅᔨᒪᔪᓄᑦ ᐅᖃᕐᐳᖓ, ᐱᖁᔭᖅ ᐊᑐᒐᒃᓴᐅᖕᒪᑦ ᐃᓄᖕᒧᑦ ᐃᓅᓂᖓᓂ ᑭᓯᐊᓂ.

ᕉᒪᒥᐅᓄᑦ 7:1 Iomraidhean Croise

ᐄᓱᕋᐅᑉ ᐊᒡᓚᖏᑦ 7:25

ᐃᕝᕕᓪᓗ ᐄᓱᕌ, ᓯᓚᑐᓃᑦ ᐊᑐᕐᓗᒍ ᒎᑎᐅᑉ ᑐᓂᓚᐅᕐᑕᖓ ᐃᓕᖕᓄᑦ, ᑎᓕᓯᔪᒃᓴᐅᕗᑎᑦ ᑲᒪᔨᐅᓂᐊᕐᑐᓂᒃ ᓯᕗᓕᕐᑎᓂᒃ ᐃᖅᑲᕐᑐᐃᔨᓂᒡᓗ ᐊᐅᓚᑦᓯᔪᒃᓴᓂᒃ ᐃᓄᖕᓂᒃ ᐃᕗᕅᑎᐅᑉ ᓴᐅᒥᖔᖓᓂᒥᐅᓂᒃ ᐃᓅᔪᓂᒃ ᒎᑎᑦᓯ ᐱᖁᔭᖏᑦ ᒪᓕᒡᓗᒋᑦ ᐃᓕᓐᓂᐊᕐᑎᑦᓯᔪᒃᓴᐅᕗᓯᓗ ᐱᖁᔭᓂᒃ ᖃᐅᔨᒪᖏᑦᑐᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:23

ᐱᖁᔧᑦ ᓇᓂᕈᐊᖑᕗᑦ, ᐊᔪᕆᕐᑑᓰᓪᓗ ᖃᐅᒻᒪᖅᑯᑎᐅᓪᓗᑎᒃ, ᐃᓂᕐᑎᕐᑕᐅᓃᓪᓗ ᐋᖅᑭᒋᐊᕐᓯᓃᑦ ᐃᓅᑦᔪᑎᒃᓴᐅᓪᓗᑎᒃ.

ᕉᒪᒥᐅᓄᑦ 1:13

ᖃᐅᔨᒪᖁᕙᑦᓯᓕ ᐅᒃᐱᕐᑐᓯ; ᐅᓄᕐᑐᐃᕐᓱᕐᓗᖓ ᐃᓕᑦᓯᓐᓄᐊᕋᓱᖃᑦᑕᕐᓯᒪᕗᖓ, ᑎᑭᖏᑦᔪᑎᒃᓴᖃᖃᑦᑕᓚᐅᕐᐳᖓᓕ ᒫᓐᓇᒧᑦ ᑎᑭᓪᓗᒍ, ᐃᓕᑦᓯᓐᓂᑦ ᑲᑎᕐᓱᐃᔪᑎᑐᑦ ᑍᒤᑦᓱᒪᓪᓗᖓ, ᔫᑎᐅᖏᑦᑐᓂᓗ ᑍᒫᒃ ᐱᔪᒪᒋᓪᓗᖓ.

ᕉᒪᒥᐅᓄᑦ 10:1

ᐃᓗᖏᕐᓱᕐᓗᖓ ᐃᓅᖃᑎᒃᑲ ᑐᒃᓯᐅᑎᕙᒃᑲ ᒎᑎᒧᑦ ᐱᐅᓕᔭᐅᖁᓪᓗᒋᑦ.

ᕉᒪᒥᐅᓄᑦ 10:4

᙭ᔅᑑᓯ ᐃᓱᓕᑎᑦᓯᖕᒪᑦ ᐱᖁᔧᑦ ᐊᑐᕐᑕᐅᓂᖏᓐᓂᒃ, ᑖᑦᓱᒧᖓ ᐅᒃᐱᕐᓂᖃᕐᑐᓕᒫᑦ ᐃᓗᐊᕐᑑᓂᕋᕐᑕᐅᖁᓪᓗᒋᑦ.

ᕉᒪᒥᐅᓄᑦ 6:14

ᐊᔪᕐᓂᖅ ᐱᔪᓐᓇᕐᓂᖃᕈᓐᓃᕐᒪᑦ ᐃᓕᑦᓯᓐᓄᑦ, ᐱᖁᔭᓄᑦ ᐱᓯᒪᔭᐅᔪᓐᓃᕋᑦᓯ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᐱᓯᒪᔭᐅᓕᕐᐳᓯ.

ᕉᒪᒥᐅᓄᑦ 6:3

ᖃᐅᔨᒪᓐᖏᓚᓰ ᑕᒪᑦᑕ ᙭ᔅᑑᓯ ᔩᓱᓯᒧᑦ ᐹᑉᑎᑕᐅᓯᒪᔪᒍᑦ ᑐᖁᖓᓄᑦ ᐹᑉᑎᑕᐅᓯᒪᒐᑦᑕ?

ᕉᒪᒥᐅᓄᑦ 7:6

ᒫᓐᓇᓕ ᐱᖁᔭᒥᑦ ᐲᕐᑎᑕᐅᓯᒪᓕᕋᑦᑕ, ᑐᖁᖓᓕᕐᐳᒍᑦ ᑖᑦᓱᒧᖓ ᑎᒍᒥᐊᕐᑎᒋᓚᐅᕐᑕᑦᑎᓐᓄᑦ, ᑭᒡᒐᕐᑐᖁᓇᑕ ᐱᖁᔧᑦ ᑎᑎᕋᕐᓯᒪᔪᑐᕾᑦ ᒪᓕᒡᓗᒋᑦ, ᑭᒡᒐᕐᑐᖁᓪᓗᑕᓕ ᐃᓅᓯᕐᒥᒃ ᓄᑖᒥᒃ ᐊᓂᕐᓂᒃᑯᑦ.

ᕉᒪᒥᐅᓄᑦ 9:3

ᓇᖕᒥᓂᖅ ᐊᒡᓛᑦ ᓇᕐᕈᓇᕐᓯᑎᑕᐅᔪᒪᒐᔭᕐᐳᖓ ᙭ᔅᑑᓯᒥᓪᓘᓐᓃᑦ ᐊᕕᑎᑕᐅᖔᕐᓗᖓ ᐃᓅᖃᑎᒃᑲ ᐱᑦᔪᑎᒋᓪᓗᒋᑦ, ᔫᑎᐅᖃᑎᒃᑲ ᑎᒥᒃᑯᑦ ᐃᓚᒋᔭᒃᑲ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:8

ᐃᓄᑐᐃᓐᓁᑦ ᐃᓕᖅᑯᓯᖓᑦ ᐊᑐᕐᓗᒍ ᑍᒫᒃ ᐅᖃᕐᐳᖔ? ᐱᖁᔧᑦᑕᐅᖅ ᑍᒫᒃ ᐅᖃᓐᖏᓛᑦ?

ᒐᓔᑎᐊᒥᐅᓄᑦ 4:21

ᐊᐱᕆᓚᐅᕐᓚᑦᓯ ᐱᖁᔭᓄᑦ ᐊᐅᓚᑕᐅᔪᒪᔪᓯ, ᐱᖁᔧᑦ ᑐᓴᕐᓯᒪᖏᓐᓇᑦᓯᐅᒃ?