ᕉᒪᒥᐅᓄᑦ 6:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐃᓄᑐᐃᓐᓇᕐᑎᑐᑦ ᐅᖃᕐᐳᖓ, ᓴᓐᖐᑦᑑᓂᓯ ᐱᑦᔪᑎᒋᓪᓗᒍ. ᐊᕙᑎᓯ ᑐᓂᓯᒪᓚᐅᕋᑦᓯᒋᒃ ᓴᓗᒪᖏᑦᑐᒧᑦ ᐊᔪᕐᑐᓕᓂᕐᒥᒡᓗ ᐊᖏᓕᕙᓪᓕᐊᑎᑦᓯᓪᓗᓯ ᐱᓇᓱᐊᕐᓂᑦᓯᓐᓄᑦ, ᒫᓐᓇᓕ ᐊᕙᑎᓯ ᑐᓂᓕᕐᓯᒋᒃ ᐃᓗᐊᕐᑐᓕᓂᕐᒧᑦ ᐃᑦᔪᕐᓁᑎᑕᐅᖁᓪᓗᒋᑦ.

ᕉᒪᒥᐅᓄᑦ 6:19 Iomraidhean Croise

ᒨᓯᓯ ᐱᖓᔪᖏᑦ 13:40

“ᐊᖑᓪᓕ ᓄᔧᕐᐸᑦ, ᓂᐊᖁᐊ ᓄᔭᖃᕈᓐᓃᕐᓗᓂ, ᑖᓐᓇ ᓴᓗᒤᑦᑑᓐᖏᓚᖅ.

ᒫᑎᐅᓯᐅᑉ ᐊᒡᓚᖏᑦ 4:23

ᔩᓱᓯ ᒐᓕᓕᐊᓕᒫᒥ ᓇᒧᑐᐃᓐᓇᖅ ᐂᖃᑦᑕᕐᐳᖅ, ᐊᔪᕆᕐᑐᐃᕙᒡᓗᓂ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ, ᐅᖃᐅᓯᖃᕐᓗᓂ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐊᑕᓂᐅᕕᖓᓂᒃ, ᐊᑦᔨᒌᖏᑦᑐᓂᒃ ᐋᓐᓂᐊᓖᑦ ᖃᓂᒪᔪᓪᓗ ᐃᓄᐃᑦ ᐋᖅᑭᒃᐰᑦ.

ᕉᒪᒥᐅᓄᑦ 15:1

ᐅᕙᒍᑦ ᐅᒃᐱᕐᓂᕐᒥ ᓴᓐᖏᓂᕐᓴᐅᔪᒍᑦ ᕿᓄᐃᓵᕐᑐᒃᓴᐅᕗᒍᑦ ᓴᓐᖐᓐᓂᕐᓴᐅᔪᑦ ᐊᔪᓕᕐᓯᒪᑦᔪᑎᖃᕐᐸᑕ, ᐅᕙᑦᑎᓐᓂᑐᐊᖅ ᐃᓱᒪᒋᓇᓱᐊᖏᓪᓗᑕ;

ᕉᒪᒥᐅᓄᑦ 3:5

ᐊᔪᕐᑐᓕᓂᕗᓪᓕ ᓴᖅᑭᑎᑦᓯᒃᑲᓐᓂᕐᐸᑕ ᒎᑎᐅᑉ ᓈᒻᒪᒃᑐᑑᓂᖓᓂᒃ, ᖃᓄᖅ ᐅᖃᕐᑐᒃᓴᐅᕕᑕ? ᒎᑎᒧᑦ ᓈᒻᒪᓈᖏᑦᑐᒥᒃ ᓂᓐᖓᒡᕕᐅᓂᕋᕈᓐᓇᕐᐱᑖ? (ᐃᓄᐃᑦ ᐃᓱᒪᑦᔪᓯᖓᒍᑦ ᒫᓐᓇ ᐅᖃᕐᐳᖓ.)

ᕉᒪᒥᐅᓄᑦ 6:13

ᐊᕙᑎᓯᓗ ᐊᔪᕐᑐᓕᑦᑍᓕᑦᔪᑎᒋᓕᕐᓯᐅᒃ ᐱᐅᖏᑦᑐᒧᑦ ᐊᖅᑯᑕᐅᖁᓇᒋᑦ, ᐃᓕᑦᓯᓐᓂᒡᓕ ᑐᓂᓕᕆᑦᓯ ᒎᑎᒧᑦ ᑕᓯᐅᕐᑕᐅᓯᒪᔪᑎᑐᑦ ᑐᖁᒥᑦ ᐃᓅᓯᕐᒧᑦ, ᐊᕙᑎᓯᓗ ᑐᓂᓯᒋᒃ ᒎᑎᒧᑦ ᐊᑐᕐᑕᐅᖁᓪᓗᒋᑦ ᐃᓗᐊᕐᑐᓕᓂᕐᒧᑦ.

ᕉᒪᒥᐅᓄᑦ 7:23

ᖃᐅᔨᕗᖓᓕ ᑎᒥᓐᓂ ᐱᖁᔧᑦ ᐊᓯᖏᓐᓂᒃ ᐅᓇᑕᕐᑐᓂᒃ ᐃᓱᒪᒪ ᐱᖁᔭᖓᓄᑦ ᑖᒃᑯᐊᓗ ᑎᒍᔭᐅᓯᒪᑎᑉᐹᖓ ᐊᔪᕐᓂᐅᑉ ᐱᖁᔭᖓᓄᑦ ᑎᒥᓐᓃᑦᑐᒧᑦ.

ᕉᒪᒥᐅᓄᑦ 8:26

ᑍᒫᒃᑕᐅᖅ ᓴᓐᖐᓐᓂᑦᑎᓐᓂ ᐊᓂᕐᓂᐅᑉ ᐃᑲᔪᕐᐹᑎᒍᑦ; ᑐᒃᓯᐊᕈᑎᒋᔭᕆᐊᖃᕐᑕᑦᑎᓐᓂᒃ ᖃᓄᖅ ᓈᒻᒪᒃᑐᒥᒃ ᓇᓗᒐᑦᑕ, ᐊᓂᕐᓂᐅᓪᓕ ᑐᒃᓯᐅᑎᕚᑎᒍᑦ ᐊᓂᕐᓴᐅᒥᓂᒃᑯᑦ ᐊᒡᓛᑦ ᐅᖃᐅᓯᕆᔪᓐᓇᕋᔭᓐᖏᑕᑦᑎᓐᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:6

ᐱᐅᓱᒋᓂᓯ ᓈᒻᒪᖏᒻᒪᑦ. ᖃᐅᔨᒪᓐᖏᓚᓰ ᐳᕙᓪᓚᕐᓯᐊᒃᓴᐅᑉ ᒥᑭᑦᔫᑉ ᓂᐊᖂᔭᒃᓴᓕᒫᖅ ᐳᕙᓪᓚᕐᑎᑉᐸᓐᖕᒪᒍ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:11

ᐃᓚᓯ ᐃᓚᖏᑦ ᑍᒤᑦᑑᓚᐅᕆᕗᑦ. ᐊᔪᕐᓂᕐᒥᓪᓕ ᓴᓗᒻᒪᕐᑕᐅᓯᒪᓕᕐᐳᓯ, ᐃᑦᔪᕐᓁᑎᑕᐅᓪᓗᓯ, ᐸᓯᔭᒃᓴᐅᔪᓐᓃᕐᑎᑕᐅᕗᓯ ᐊᑕᓂᑦᑎᓐᓄᑦ ᔩᓱᓯ ᙭ᔅᑑᓯᒧᑦ ᒎᑎᑦᑕᓗ ᐊᓂᕐᓂᖓᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:8

ᐃᓄᑐᐃᓐᓁᑦ ᐃᓕᖅᑯᓯᖓᑦ ᐊᑐᕐᓗᒍ ᑍᒫᒃ ᐅᖃᕐᐳᖔ? ᐱᖁᔧᑦᑕᐅᖅ ᑍᒫᒃ ᐅᖃᓐᖏᓛᑦ?

ᒐᓔᑎᐊᒥᐅᓄᑦ 3:15

᙭ᔅᑑᓯᒥᐅᑕᐅᖃᑎᒃᑲ, ᐃᓅᓯᑦᑎᓐᓂ ᐊᑐᕐᐸᒃᑐᒥᒃ ᐊᑦᔨᐅᑎᑦᓯᓂᐊᕐᐳᖓ; ᐃᓅᒃ ᒪᕐᕉᒃ ᐊᖏᖃᑎᒌᑐᐊᕋᒥᒃ, ᐊᖏᖃᑎᒌᒍᑎᒥᖕᓂᒃ ᐊᑎᓕᐅᓲᖑᖕᒪᑎᒃ, ᑖᓐᓇ ᐊᖏᖃᑎᒌᖕᓂᖓᑦ ᓯᖁᒥᑕᐅᔪᓐᓇᖏᒻᒪᑦ ᐃᓚᔭᐅᔪᓐᓇᕋᓂᓗ.

ᐄᑉᕈᐃᓄᑦ 12:15

ᖃᐅᔨᓴᕆᑦᓯ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᐊᓐᓁᔪᖃᖁᓇᒍ; ᐱᕈᕐᑐᑎᑐᑦ ᒪᒤᓕᔪᑎᑐᑦ ᑍᒤᓕᔪᖃᕐᑍᓕᓕ ᐊᑭᕋᕐᑐᕐᑎᒌᖕᓂᕐᒥᒃ ᓴᖅᑭᑎᑦᓯᔪᒥᒃ, ᐅᓄᕐᑐᓪᓗ ᑕᒪᑐᒧᖓ ᓱᒃᑯᑎᕐᑕᐅᖁᓇᒋᑦ.

ᐄᑉᕈᐃᓄᑦ 4:15

ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖃᖏᓐᓇᑦᑕ ᐃᓚᑦᓱᒍᓱᒍᓐᓇᖏᑦᑐᒥᒃ ᓴᓐᖐᓐᓂᑦᑎᓐᓂᒃ, ᐃᓘᓐᓈᒍᓪᓕ ᖃᓄᑐᐃᓐᓇᖅ ᐱᐅᓐᖏᑦᑐᒧᑦ ᐱᔪᒥᓵᕐᑕᐅᓯᒪᕗᖅ ᐅᕙᑦᑎᑐᑦ, ᐊᔪᕐᑐᓕᓚᐅᕋᓂᓕ.