ᕉᒪᒥᐅᓄᑦ 6:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐊᔪᕐᓂᖅ ᐱᔪᓐᓇᕐᓂᖃᕈᓐᓃᕐᒪᑦ ᐃᓕᑦᓯᓐᓄᑦ, ᐱᖁᔭᓄᑦ ᐱᓯᒪᔭᐅᔪᓐᓃᕋᑦᓯ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᐱᓯᒪᔭᐅᓕᕐᐳᓯ.

ᕉᒪᒥᐅᓄᑦ 6:14 Iomraidhean Croise

ᒨᓯᓯ ᐱᖓᔪᖏᑦ 25:41

ᐊᕐᕌᒍ ᓴᑐᕐᓯᕕᒃ ᓇᓪᓕᐅᑎᒃᐸᑦ, ᑖᓐᓇ ᕿᑐᕐᖓᖏᓪᓗ ᐃᓚᒥᖕᓄᑦ ᐅᑎᕆᐊᖃᕐᐳᑦ, ᓯᕗᓕᖏᑕᓗ ᓄᓇᖁᑎᖓᓂ ᓴᑐᕐᓯᓗᓂ.

ᒤᑲᐅᑉ ᐊᒡᓚᖏᑦ 7:19

ᐃᓚᑦᓱᒍᓱᓕᕐᓂᐊᕐᒥᔪᖅ ᐅᕙᑦᑎᓐᓂᒃ, ᐱᐅᖏᑦᑐᓕᓂᕗᑦ ᓵᓚᒋᓂᐊᕐᐰᑦ. ᐊᔪᕐᑐᓕᓂᕗᑦ ᐃᒋᓐᓂᐊᕐᐸᑎᑦ ᐃᒪᕐᕕᐅᑉ ᐃᑎᓂᕐᐹᖓᓄᑦ.

ᒫᑎᐅᓯᐅᑉ ᐊᒡᓚᖏᑦ 1:21

ᐃᕐᓂᕐᒥᒃ ᐃᕐᓂᔪᒫᕐᐳᖅ, ᑖᓐᓇ ᔩᓱᓯᒥᒃ ᐊᑎᕐᑖᕐᑎᓛᕐᐸᑦ, ᑖᑦᓱᒪ ᐃᓄᖁᑎᓂ ᐱᐅᓕᔪᒫᕐᒪᒋᑦ ᐊᔪᕐᓂᖏᓐᓂᑦ.”

ᔪᐊᓇᓯᐅᑉ ᐊᒡᓚᖏᑦ 1:14

ᐅᖃᐅᓯᖅ ᑎᒥᑖᓚᐅᕐᐳᖅ ᐃᓅᖃᑎᒋᓕᓚᐅᕐᐸᕗᓪᓗ, ᓂᕐᑐᕐᓇᕐᓂᕐᔪᐊᖓ ᑕᑯᓚᐅᕐᐸᕗᑦ, ᓂᕐᑐᕐᓇᕐᓂᕐᔪᐊᖅ ᐊᑖᑕᒥᑦ ᐱᓯᒪᔭᖓ ᐃᕐᓂᑐᐊᖑᓂᕐᒥᓄᑦ; ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓱᓕᑦᓯᐊᕐᓂᕐᒥᒡᓗ ᑕᑕᑦᑐᖅ.

ᔪᐊᓇᓯᐅᑉ ᐊᒡᓚᖏᑦ 1:17

ᐱᖁᔭᑦ ᒨᓯᓯᒃᑯᑦ ᑐᓂᔭᐅᓚᐅᕐᐳᑦ; ᐱᑦᓯᐊᕐᕕᐅᓂᕐᓕ ᓱᓕᑦᓯᐊᕐᓂᕐᓗ ᔩᓱᓯ ᙭ᔅᑑᓯᑯᑦ ᐱᕘᒃ.

ᔪᐊᓇᓯᐅᑉ ᐊᒡᓚᖏᑦ 8:36

ᐃᕐᓂᐅᑉ ᕿᓚᕈᑦᔮᕐᐸᓯ, ᑕᕝᕙ ᕿᓚᕈᑦᔮᕐᓯᒪᓪᓚᕆᖕᓂᐊᕐᐳᓯ.

ᕉᒪᒥᐅᓄᑦ 11:6

ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ ᐱᓇᓱᐊᕈᓂ, ᑕᕝᕙ ᐱᓂᐊᕐᓂᕐᒥᒃ ᑐᓐᖓᕕᖃᕐᓗᓂ ᐱᓇᓱᐊᓐᖏᓚᖅ; ᑍᒤᓐᖏᑐᐊᕐᐸᓪᓕ ᑕᕝᕙ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐱᔪᓐᓇᕐᑎᑦᓯᓂᐅᔪᓐᓃᕋᔭᕐᐳᖅ.

ᕉᒪᒥᐅᓄᑦ 4:16

ᑍᒤᒻᒪᑦ ᒎᑎᐅᑉ ᐊᖏᕈᑖ ᐅᒃᐱᕐᓂᕐᒥᒃ ᑐᓐᖓᕕᖃᕐᐳᖅ, ᓇᓗᓁᕐᓯᒪᑦᓯᐊᖁᓪᓗᒍ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᑭᓯᐊᓂ ᐱᔭᐅᔪᓐᓇᕐᓂᖓᓂᒃ ᐂᑉᕋᕼᐋᒻ ᑭᖑᕚᓕᒫᖏᓐᓄᑦ, ᐱᖁᔭᓂᒃ ᒪᓕᒃᑐᓄᑦ ᑖᒃᑯᓄᖓᑑᖏᑦᑐᖅ ᐊᓯᖏᓐᓄᓪᓗᑦᑕᐅᖅ ᐂᑉᕋᕼᐋᒻᑐᑦ ᐅᒃᐱᕐᓂᖃᕐᑐᓄᑦ: ᐂᑉᕋᕼᐋᒻ ᑕᒪᑦᑕ ᐊᑖᑕᒋᒐᑦᑎᒍ,

ᕉᒪᒥᐅᓄᑦ 5:17

ᐃᓅᑉ ᐊᑕᐅᓯᐅᑉ ᐊᔪᕐᑐᓕᓂᖓᒍᑦ, ᑐᖁ ᐊᐅᓚᑦᓯᓚᐅᕐᐳᖅ ᑖᑦᓱᒨᓇ ᐃᓄᒃᑯᑦ ᐊᑕᐅᓯᒃᑯᑦ, ᐊᖏᓂᕐᓴᒥᒡᓕ ᑖᒃᑯᐊ ᒎᑎᐅᑉ ᐱᔪᓐᓇᕐᑎᑦᓯᓂᕐᒥᓄᑦ ᐊᒥᒐᖏᑦᑐᒥᒃ ᐱᑎᑕᐅᔪᑦ, ᐃᓗᐊᕐᓯᑎᑕᐅᔪᓪᓗ ᑐᓂᕐᕈᑎᒃᑯᑦ ᐊᑭᖃᖏᑦᑐᒃᑯᑦ, ᐊᐅᓚᑦᓯᔪᒫᕐᐳᑦ ᐃᓅᓯᕐᒥ ᐃᓄᒃᑯᑦ ᐊᑕᐅᓯᒃᑯᑦ ᔩᓱᓯ ᙭ᔅᑑᓯᒃᑯᑦ.

ᕉᒪᒥᐅᓄᑦ 5:18

ᐃᓅᑉ ᐊᑕᐅᓯᐅᑉ ᐊᔪᕐᑐᓕᓂᖓ ᐃᓄᓕᒫᓂᒃ ᐃᒋᑕᒃᓴᓐᖑᕐᑎᑦᓯᓚᐅᕐᒪᑦ, ᑍᒫᒃᑕᐅᖅ ᐃᓅᑉ ᐊᑕᐅᓯᐅᑉ ᐃᓗᐊᕐᑑᓂᖓᒍᑦ ᐃᓗᐊᕐᑐᓕᔪᓐᖑᕐᑎᑦᓯᕗᖅ ᐃᓅᓯᖃᓕᕐᑎᑦᓯᓪᓗᓂᓗ ᐃᓄᓕᒫᓂᒃ.

ᕉᒪᒥᐅᓄᑦ 6:12

ᑍᒤᒻᒪᑦ ᐊᔪᕐᓂᖅ ᐊᐅᓚᑦᓯᔨᐅᔪᓐᓃᕐᓕ ᑎᒥᑦᓯᓐᓂ ᑐᖁᔪᒃᓴᒥ, ᑎᒥᑦᓯ ᐱᔪᒪᕕᒡᔪᐊᕐᓂᖏᑦ ᓈᓚᒍᓐᓁᕐᓯᒋᒃ.

ᕉᒪᒥᐅᓄᑦ 6:15

ᖃᓄᕐᓕ ᑕᕝᕙ ᐊᔪᕐᑐᓕᑐᐃᓐᓇᑐᒃᓴᐅᕕᑖ, ᐱᖁᔭᓂᑦ ᐱᓯᒪᔭᐅᔪᓐᓃᕋᑦᑕ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᔪᐊᖓᓄᑦ ᐱᓯᒪᔭᐅᓕᕋᑦᑕ? ᑍᒤᑦᑐᓐᓇᖏᓚᖅ!

ᕉᒪᒥᐅᓄᑦ 8:12

ᑍᒤᒻᒪᑦ ᐅᒃᐱᕐᑑᖃᑎᒃᑲ ᐱᓂᐊᒐᒃᓴᖃᕐᐳᒍᑦ, ᑎᒥᑦᑕ ᐱᔪᒪᔭᖓᓅᖏᑦᑐᖅ, ᑍᒫᒡᓗ ᐃᓅᔪᒪᓂᕐᒨᖏᑦᑐᖅ.

ᕉᒪᒥᐅᓄᑦ 8:2

᙭ᔅᑑᓯ ᔩᓱᓯᒃᑯᑦ ᐊᓂᕐᓂᐅᑉ ᐃᓅᓯᖃᕐᑎᑦᓯᔫᑉ ᐱᖁᔭᖏᑎᒍᑦ ᕿᓚᕈᑦᔮᕐᑕᐅᒐᒪ ᐊᔪᕐᓂᐅᑉ ᑐᖂᓪᓗ ᐱᖁᔭᖏᓐᓂᑦ.

ᒐᓔᑎᐊᒥᐅᓄᑦ 3:23

ᐅᒃᐱᕐᓂᒃᑯᓪᓕ ᑲᔪᓯᓂᖅ ᐊᑐᓕᓚᐅᕐᑎᓐᓇᒍ, ᐱᖁᔭᓄᑦ ᑎᒍᔭᐅᓯᒪᔪᑎᑐᑦ ᐊᔪᓕᕐᑎᑕᐅᓯᒪᓚᐅᕐᐳᒍᑦ, ᐅᒃᐱᕐᓂᒃᑰᕆᐊᖃᕐᓂᐅᑉ ᓴᖅᑭᑎᑕᐅᕕᐊ ᑎᑭᓪᓗᒍ.

ᒐᓔᑎᐊᒥᐅᓄᑦ 4:21

ᐊᐱᕆᓚᐅᕐᓚᑦᓯ ᐱᖁᔭᓄᑦ ᐊᐅᓚᑕᐅᔪᒪᔪᓯ, ᐱᖁᔧᑦ ᑐᓴᕐᓯᒪᖏᓐᓇᑦᓯᐅᒃ?

ᒐᓔᑎᐊᒥᐅᓄᑦ 5:18

ᐊᓂᕐᓂᕐᒧᓪᓕ ᑕᓯᐅᕐᑕᐅᒍᑦᓯ ᐱᖁᔭᓄᑦ ᑕᑉᕙ ᐊᐅᓚᑕᐅᑐᐃᓐᓇᕐᓂᐊᖏᓚᓯ.

ᑍᑑᓯᒧᑦ 2:14

ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.

ᐄᑉᕈᐃᓄᑦ 8:10

ᐊᖏᖃᑎᒌᖕᓂᕐᒥᒡᓕ ᐋᖅᑭᒃᓯᔪᒫᕐᐳᖓ ᐃᓴᕆᐊᓕᐅᑉ ᐃᓄᖏᓐᓄᑦ ᐅᓪᓗᓂ ᓇᓪᓕᐅᑎᔪᒫᕐᑐᓂ, ᐊᑕᓂᖅ ᐅᖃᕐᐳᖅ. ᐱᖁᔭᒃᑲ ᐃᓱᒪᖏᓐᓄᑦ ᑐᖅᑯᕈᒫᕐᐸᒃᑲ ᐆᒻᒪᑎᖏᓐᓂᓗ ᑎᑎᕋᕐᓗᒋᑦ. ᑖᒃᑯᓇᖓᑦ ᒎᑎᒋᔭᐅᔪᒫᕐᐳᖓ, ᑖᒃᑯᐊᓗ ᐃᓄᖁᑎᒋᔪᒫᕐᐸᒃᑲ.