ᕉᒪᒥᐅᓄᑦ 6:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑍᒤᒻᒪᑦ ᐊᔪᕐᓂᖅ ᐊᐅᓚᑦᓯᔨᐅᔪᓐᓃᕐᓕ ᑎᒥᑦᓯᓐᓂ ᑐᖁᔪᒃᓴᒥ, ᑎᒥᑦᓯ ᐱᔪᒪᕕᒡᔪᐊᕐᓂᖏᑦ ᓈᓚᒍᓐᓁᕐᓯᒋᒃ.

ᕉᒪᒥᐅᓄᑦ 6:12 Iomraidhean Croise

ᒨᓯᓯ ᓯᕗᓪᓖᑦ 4:7

ᐊᑲᐅᔪᒥᒃ ᐱᓐᓂᕈᕕᑦ, ᐃᓚᓕᐅᕐᑕᐅᒐᔭᓐᖏᓚᑏᑦ? ᓈᒻᒪᖏᑦᑐᒥᒡᓕ ᐱᒍᕕᑦ, ᐊᔪᕐᑐᓕᓂᐅᑉ ᐅᑕᖅᑭᕚᑎᑦ ᐃᑎᕐᑕᕐᕕᖕᒥ; ᐃᓕᖕᓂᒡᓗ ᐱᔪᒪᓪᓗᓂ, ᐃᕝᕕᓪᓕ ᓵᓚᒋᔭᕆᐊᖃᕐᐸᑦ.”

ᐃᓐᖏᕈᑎᑦ 119:133

ᐃᓅᓯᕋ ᒪᓕᑦᓯᐊᕐᑎᒍᒃ ᐅᖃᐅᓯᕐᓂᒃ, ᐊᔪᕐᑐᓕᓂᕐᓄᑦ ᓇᓪᓕᐊᓐᓄᓪᓘᓐᓃᑦ ᐊᐅᓚᑕᐅᓕᖁᓇᖓ.

ᐃᓐᖏᕈᑎᑦ 19:13

ᐱᔩᑦ ᓴᐳᑎᓯᒪᓚᐅᕈᒃ ᐱᔮᕆᓂᕐᒧᑦ ᐊᔪᕐᓂᕐᓂᑦ; ᑕᒪᒃᑯᐊ ᐊᐅᓚᑦᓯᓕᖁᓇᒋᑦ ᐅᕙᓐᓂᒃ. ᑕᕝᕙ ᓵᑕᒃᓴᐅᓂᐊᓐᖏᓚᖓ, ᐸᓯᔭᒃᓴᐅᓂᐊᓐᖏᓚᖓᓗ ᐊᔪᕐᓂᕐᓂᑦ ᐊᖏᔪᓂᑦ.

ᒨᓯᓯ ᐱᖓᔪᖏᑦ 13:40

“ᐊᖑᓪᓕ ᓄᔧᕐᐸᑦ, ᓂᐊᖁᐊ ᓄᔭᖃᕈᓐᓃᕐᓗᓂ, ᑖᓐᓇ ᓴᓗᒤᑦᑑᓐᖏᓚᖅ.

ᒨᓯᓯ ᓯᑕᒪᖏᑦ 33:55

ᓄᓇᖃᕐᑐᑐᕾᓪᓕ ᓄᓇᒥᑦ ᐊᐅᓪᓚᕐᑎᓐᓂᐊᖏᒍᑦᓯᒋᒃ ᐃᓕᑦᓯᓐᓂᑦ, ᑖᒃᑯᐊ ᐊᐅᓪᓚᕐᑎᓐᖏᑕᓯ ᑕᕝᕙ ᑕᑯᓐᓇᕐᑕᑦᓯᓐᓄᑦ ᐃᓗᐊᖏᑦᔪᑕᐅᓂᐊᕐᐳᑦ ᓴᓂᕋᑦᓯᒍᓪᓗ ᑲᐱᖃᑦᑕᕐᑐᑎᑐᑦ ᑍᒤᓐᓂᐊᒃᐳᓯ, ᑖᒃᑯᐊ ᐃᓕᑦᓯᓐᓂᒃ ᐅᐃᒪᓵᕆᓂᐊᕐᒪᑕ ᓄᓇᒥ ᐃᓂᒋᔭᑦᓯᓐᓂ.

ᕉᒪᒥᐅᓄᑦ 13:14

ᐊᑕᓂᖅ ᔩᓱᓯ ᙭ᔅᑑᓯ ᐊᑎᓕᕐᓯᐅᒃ, ᑎᒥᐅᑉ ᐃᓕᖅᑯᓯᖓ ᓈᓚᒍᓐᓃᕐᓯᐅᒃ, ᐱᔪᒪᓂᖓ ᓈᒻᒪᒃᓯᑎᓐᓇᓱᐊᕈᓐᓃᕐᓗᒍ.

ᕉᒪᒥᐅᓄᑦ 2:8

ᐊᓯᖏᓪᓕ ᐃᒻᒥᖕᓂᑐᐊᖅ ᐃᓱᒪᒋᓪᓗᑎᒃ ᐱᓇᓱᐊᕐᑐᑦ ᓱᓕᓂᕐᒥᒡᓗ ᓈᓚᖏᑦᑐᑦ, ᐊᔪᕐᓂᕐᒥᒃ ᒪᓕᖔᕐᓗᑎᒃ, ᑖᒃᑯᐊ ᓂᓐᖓᒡᕕᐅᓂᕐᒧᑦ ᓱᒋᐊᕐᑕᐅᓂᕐᒧᓪᓗ ᑎᑭᑦᓱᒫᕐᐳᑦ.

ᕉᒪᒥᐅᓄᑦ 5:21

ᑕᕝᕙ ᐊᔪᕐᓂᐅᑉ ᐊᐅᓚᑦᓯᓂᖓ ᑐᖁᓐᓇᕐᑐᒥᒃ ᓴᖅᑭᑎᑦᓯᓚᐅᕐᒪᑦ, ᑍᒫᒃᑕᐅᖅ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐊᐅᓚᑦᓯᔨᐅᓕᕆᕗᖅ ᐃᓗᐊᕐᑐᓕᔪᓐᖑᕐᑎᑕᐅᓂᕐᒧᑦ, ᐃᓅᓯᖃᕐᓇᕐᑐᑎᒥᒃ ᐃᓱᖃᖏᑦᑐᒧᑦ ᔩᓱᓯ ᙭ᔅᑑᓯᒃᑯᑦ ᐊᑕᓂᑦᑎᒍᑦ.

ᕉᒪᒥᐅᓄᑦ 6:14

ᐊᔪᕐᓂᖅ ᐱᔪᓐᓇᕐᓂᖃᕈᓐᓃᕐᒪᑦ ᐃᓕᑦᓯᓐᓄᑦ, ᐱᖁᔭᓄᑦ ᐱᓯᒪᔭᐅᔪᓐᓃᕋᑦᓯ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᐱᓯᒪᔭᐅᓕᕐᐳᓯ.

ᕉᒪᒥᐅᓄᑦ 6:16

ᖃᐅᔨᒪᓐᖏᓚᓰ ᑐᓂᒍᑦᓯ ᐃᓕᑦᓯᓐᓂᒃ ᑭᓇᑐᐃᓐᓇᕐᒧᑦ ᑭᒡᒐᑎᑐᑦ ᒪᓕᑦᓯᐊᕐᓂᐊᕐᑐᑎᑐᑦ, ᑭᒡᒐᐅᓕᕐᐳᓯ ᑕᕝᕙ ᓈᓚᒃᑕᑦᓯᓐᓄᑦ, ᐊᔪᕐᓂᕐᒧᓪᓘᓐᓃᑦ ᑐᖁᑎᑦᓯᔪᒧᑦ, ᐅᕝᕙᓗ ᓈᓚᖕᓂᕐᒧᑦ, ᐃᓗᐊᕐᑐᓐᖑᕐᑎᑦᓯᔪᒧᑦ?

ᕉᒪᒥᐅᓄᑦ 8:11

ᑖᑦᓱᒪᓕ ᐊᓂᕐᓂᖓᑕ ᔩᓱᓯᒥᒃ ᐆᒻᒪᕐᑎᑦᓯᔫᑉ ᑐᖁᒥᑦ ᐃᓂᒋᒃᐸᓯ, ᙭ᔅᑑᓯ ᔩᓱᓯᒥᒃ ᐆᒻᒪᕐᑎᑦᓯᓚᐅᕐᑑᑉ ᑐᖁᒥᑦ ᑎᒥᓯ ᑐᖁᔪᒃᓮᑦ ᐃᓅᓯᑖᕐᑎᓐᓂᐊᕆᕔᑦ ᑖᑦᓱᒪ ᐊᓂᕐᓂᖓᒍᑦ ᐃᓗᑦᓯᓐᓃᑦᑐᒧᑦ.

ᕉᒪᒥᐅᓄᑦ 8:13

ᑎᒥᐅᑉ ᐱᔪᒪᔭᖓ ᒪᓕᒡᓗᒍ ᐃᓄᒎᑦᓯ ᑐᖁᔪᒫᕐᐳᓯ, ᐊᓂᕐᓂᑯᓪᓕ ᑎᒥᐅᑉ ᐱᓂᐊᕐᓂᖏᑦ ᑐᖁᒃᑯᑦᓯᒋᑦ ᐃᓅᔪᒫᕐᐳᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:11

ᐃᓅᓂᑦᑎᓐᓂ ᑐᖁᒦᖏᓐᓇᕐᐳᒍᑦ ᔩᓱᓯ ᐱᑦᔪᑎᒋᓪᓗᒍ, ᐃᓅᓯᖓᑦᑕᐅᖅ ᓴᖅᑭᔮᖁᓪᓗᒍ ᑎᒥᑦᑎᓐᓂ ᑐᖁᔪᒃᓴᒥ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:4

ᑐᐱᕐᒥ ᑕᒫᓃᑎᓪᓗᑕ ᓇᔪᕐᑕᑦᑎᓐᓂ, ᐊᓂᕐᓴᐅᒥᕙᒃᐳᒍᑦ ᐃᓱᒪᔮᕐᓗᑕ; ᑎᒥᑦᑎᓐᓂᒃ ᕿᒤᔪᒪᓂᕐᒧᑦ ᐱᓇᑕ, ᕿᓚᖕᒥᐅᑕᕐᒥᒡᓕ ᐊᑎᑎᑕᐅᔪᒪᓂᕐᒧᑦ, ᑐᖁᔪᒃᓴᖅ ᐄᔭᐅᖁᓪᓗᒍ ᐃᓅᓯᕐᒧᑦ.

ᒐᓔᑎᐊᒥᐅᓄᑦ 5:16

ᐅᖃᕐᐳᖓᓕ, ᐊᓂᕐᓂᒃᑯᑦ ᐃᓅᓚᐅᕆᑦᓯ, ᑕᕝᕙ ᑎᒥᐅᑉ ᐱᔪᒪᔭᖓᓄᑦ ᐊᐅᓚᑕᐅᓂᐊᓐᖏᓚᓯ.

ᒐᓔᑎᐊᒥᐅᓄᑦ 5:24

᙭ᔅᑑᓯ ᔩᓱᓯᒧᓪᓕ ᐱᒋᔭᐅᔪᑦ ᑭᑭᐊᒃᑐᕐᑕᐅᑎᑦᓯᓯᒪᕗᑦ ᑎᒥᐅᑉ ᐱᔪᒪᓗᐊᕐᓂᕆᕙᒃᑕᖏᓐᓂᒃ ᐃᒃᖠᒍᓂᖏᓐᓂᒃᓗ.

ᐃᐱᓯᒥᐅᓄᑦ 2:3

ᑕᒪᑦᑕ ᐃᓚᒃ ᑍᑯᑎᑐᓇᖅ ᐃᓅᓯᒪᒐᑦᑕ ᐱᔪᒪᔭᑐᐃᓐᓇᕗᑦ ᐃᒃᐱᒋᔭᕗᓪᓗ ᒪᓕᒡᓗᒋᑦ, ᑎᒥᑦᑕᓗ ᐃᓱᒪᑦᑕᓗ ᐱᔪᒪᓕᑐᐃᓐᓇᕐᑕᖓᓂᒃ ᐊᑐᕐᐸᒃᓗᑕ, ᐃᓕᖅᑯᓯᑐᐃᓐᓇᖅ ᒪᓕᒡᓗᒍ ᑕᒤᓐᓂᒃ ᐊᑦᔨᖃᑐᐃᓐᓇᕐᓯᒪᕗᒍᑦ, ᑍᒤᑎᓪᓗᑕᓗ ᒎᑎᐅᑉ ᓂᓐᖓᐅᓯᖓᑕ ᕿᑐᕐᖓᕆᓚᐅᕐᐹᑎᒍᑦ.

ᐃᐱᓯᒥᐅᓄᑦ 4:22

ᑍᒤᒻᒪᑦ ᐃᓅᓯᑐᖃᓯ ᐊᑐᕈᓐᓁᕐᓯᐅᒃ ᐃᓕᖅᑯᓯᕐᓘᑎᐅᕙᓚᐅᕐᑐᑦ ᐊᓚᕐᓗᒋᑦ, ᐃᒃᓯᒎᕐᓂᕐᒧᑦ ᐃᒻᒥᖕᓂᒃ ᐊᓯᕈᐃᓂᐅᖕᒪᑕ ᑕᒻᒪᕐᓇᕐᑐᒧᑦ.

ᒨᓯᓯ ᑕᓪᓕᒪᖏᑦ 7:2

ᐊᑕᓂᐅᓪᓕ ᒎᑎᑦᓯ ᐃᓕᑦᓯᓐᓄᑦ ᑐᓂᒃᐸᒋᑦ, ᓵᓚᒋᒍᑦᓯᒋᒡᓗ, ᑕᕝᕙ ᓄᖑᓪᓚᕆᒋᐊᖃᕐᐸᓯ ᑐᖁᑍᓐᓇᕆᓗᒋᑦ; ᓇᓪᓕᐊᓪᓘᓐᓃᑦ ᐊᖏᖃᑎᒋᓇᓱᐊᕐᑕᒃᓴᕆᓐᖏᓚᓯ ᓂᑲᒋᔭᒃᓴᕆᓐᖏᓚᓯᓘᓐᓃᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:5

ᐃᒃᖠᒎᕐᓂᕐᒧᑦ ᐱᔪᒪᓗᐊᕐᓂᖅ ᐊᑐᖏᓪᓗᒍ ᐅᒃᐱᖏᑦᑐᑎᑐᑦ ᒎᑎᒥᒡᓗ ᖃᐅᔨᒪᖏᑦᑐᑎᑐᑦ,

ᑎᒧᑎᒧᑦ ᐂᑉᐸᖏᑦ 2:22

ᐃᓅᓱᒃᑐᑦ ᐃᒃᓯᒎᕐᓂᖏᑦ ᐃᓚᒋᓂᐊᕐᓇᒋᑦ ᐃᓗᐊᕐᑐᓕᓂᕐᒥᒡᓕ ᓯᕗᓂᖃᕆᑦ, ᐅᒃᐱᕐᓂᕐᒥᒃ, ᓇᒡᓕᖕᓂᕐᒥᒃ, ᓮᒻᒪᓂᕐᒥᒡᓗ, ᐊᑕᓂᕐᒧᑦ ᑐᒃᓯᐊᕐᑐᑦ ᐃᓚᒋᓗᒋᑦ ᐆᒻᒪᑎᒥᒍᑦ ᐃᑦᔪᕐᓁᑦᑐᒃᑯᑦ.

ᑍᑑᓯᒧᑦ 2:12

ᑖᑦᓱᒪ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᒥᒍᑦ ᐃᓕᓐᓂᐊᕐᑎᑉᐹᑎᒍᑦ ᕿᒤᖁᓪᓗᑕ ᒎᑎᖃᖏᑦᑐᑦ ᐃᓕᖅᑯᓯᖏᓐᓂᒃ ᓯᓚᕐᔪᐊᕐᒥᐅᓪᓗ ᐃᒃᖠᒎᕐᓂᖏᓐᓂᒃ, ᐃᓅᖁᓪᓗᑕᓗ ᐅᕙᑦᑎᓐᓂᒃ ᐱᓯᒪᑦᓯᐊᕈᓐᓇᕐᓗᑕ, ᐃᓅᑦᓯᐊᕐᓗᑕᓗ, ᒎᑎᒥᒡᓗ ᒪᓕᑦᓯᐊᕐᓗᑕ ᐃᓅᖁᓪᓗᑕ ᑕᒫᓂ ᓯᓚᕐᔪᐊᕐᒦᑎᓪᓗᑕ,

ᑍᑑᓯᒧᑦ 3:3

ᓇᖕᒥᓂᕐᑕᐅᖅ ᐅᕙᒍᑦ ᓯᓔᑦᑑᕙᓚᐅᕐᒥᒐᑦᑕ ᓈᓚᐃᓐᓇᕐᐸᒐᑕᓗ, ᑕᒻᒪᕐᓯᒪᓪᓗᑕᓗ, ᐃᒃᖠᒎᕐᓂᕐᓄᑦ ᖃᓄᑐᐃᓐᓇᕐᓄᑦ ᐊᐅᓚᑕᐅᓪᓗᑕ ᓱᓇᑐᐃᓐᓇᕐᓂᒡᓗ ᖁᕕᐊᓲᑎᖃᕐᓗᑕ, ᐃᓅᓯᕗᓪᓗ ᐊᑐᓚᐅᕐᐸᕗᑦ ᐅᒋᐊᓐᖑᓂᕐᒧᑦ ᐊᓐᓂᕈᑦᔨᓂᕐᒧᓪᓗ, ᐊᓯᑦᑎᓐᓂᒃ ᐆᒥᓱᒃᐸᒃᓗᑕ ᐆᒥᒋᔭᐅᕙᒃᓗᑕᓗ ᐊᓯᑦᑎᓐᓄᑦ;

ᐲᑦᑐᕉᓯ ᓯᕗᓪᓖᑦ 1:14

ᕿᑐᕐᖓᑎᑐᑦ ᓈᓚᑦᓯᐊᖃᑦᑕᕆᑦᓯ, ᐃᓅᓯᓯᓗ ᐱᐅᖏᑦᑐᓄᑦ ᐊᐅᓚᑕᐅᓕᕐᑎᑦᑍᓕᓗᒍ ᓲᕐᓗ ᑍᑦᓱᒪᓂᑐᑦ ᖃᐅᔨᒪᖏᑦᑑᓚᐅᕈᓯᑦᓯᑐᑦ,

ᐲᑦᑐᕉᓯ ᓯᕗᓪᓖᑦ 2:11

ᓇᒡᓕᒋᔭᒃᑲ, ᕿᓄᕕᒋᕙᑦᓯ ᑕᒫᓂ ᓯᓚᕐᔪᐊᕐᒥ ᐊᖏᕐᕋᖃᖏᓐᓇᑦᓯ ᓄᓇᒋᓐᖏᑕᑦᓯᓐᓃᓐᓇᑦᓯ ᑎᒥᐅᑉ ᐱᔪᒪᓂᐊᓗᓐᖏᑦ ᐊᑐᕐᑍᓕᓯᐅᒃ ᑕᒪᒃᑯᐊ ᑕᕐᓂᑦᓯᓐᓂᒃ ᓵᓚᖃᕈᒪᖕᒪᑕ.

ᔫᑎᐅᑉ ᐊᒡᓚᖏᑦ 1:16

ᑖᒃᑯᐊ ᓈᒪᒃᓴᓐᖏᓐᓇᐅᔭᕐᐳᑦ, ᐊᓯᒥᖕᓂᒡᓗ ᓈᒻᒪᖏᑦᔪᑎᒃᓴᓯᐅᕐᐸᒃᓗᑎᒃ; ᐱᔪᒪᕕᒡᔪᐊᕐᑕᒥᖕᓂᒃ ᐱᐅᖏᑦᑐᓂᒃ ᒪᓕᑐᐃᓐᓇᕐᐳᑦ, ᖃᓂᑐᐃᓐᓇᕐᒥᒃᑎᒍᑦ ᐊᔪᖏᑦᑐᐊᓘᔮᕐᐳᑦ, ᐃᓄᖕᓄᑦ ᐱᐅᒋᔭᐅᑎᓐᓇᓱᐊᕐᐳᑦ ᐱᔪᒪᔭᒥᖕᓂᒃ ᐊᑐᕈᒪᓪᓗᑎᒃ.

ᔫᑎᐅᑉ ᐊᒡᓚᖏᑦ 1:18

ᐅᖃᐅᑎᓚᐅᕐᒪᓯ, “ᐅᓪᓗᐃᑦ ᑭᖑᓪᓕᖏᓐᓂ ᒥᑕᐅᑎᒃᓴᕐᑎᑕᖃᕈᒫᕐᐳᖅ, ᒎᑎ ᑲᒪᒋᓇᒍ ᐃᒃᖠᒎᕐᓂᕐᒥᖕᓂᒃ ᒪᓕᑐᐃᓐᓇᕐᑐᓂᒃ.”

ᐃᓗᐊᕐᓮᔩᑦ ᐊᒡᓚᖏᑦ 2:3

ᒫᓐᓇᓕ ᐅᖃᐅᑎᕙᑦᓯ ᑖᒃᑯᐊ ᐃᓄᐃᑦ ᐊᐅᓪᓚᕐᑎᓐᓂᐊᕈᓐᓃᕐᐸᒃᑲ ᓯᕗᓂᑦᓯᓐᓂ ᐊᑭᕋᕐᑐᕐᑎᒋᓂᐊᓕᕋᓯᐅᒃ ᒎᑎᓐᖑᐊᖏᓐᓂᓪᓗ ᐊᔪᓕᕐᑎᑕᐅᓗᓯ.”