ᕉᒪᒥᐅᓄᑦ 5:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐃᓅᑉ ᐊᑕᐅᓯᐅᑉ ᐊᔪᕐᑐᓕᓂᖓᒍᑦ, ᑐᖁ ᐊᐅᓚᑦᓯᓚᐅᕐᐳᖅ ᑖᑦᓱᒨᓇ ᐃᓄᒃᑯᑦ ᐊᑕᐅᓯᒃᑯᑦ, ᐊᖏᓂᕐᓴᒥᒡᓕ ᑖᒃᑯᐊ ᒎᑎᐅᑉ ᐱᔪᓐᓇᕐᑎᑦᓯᓂᕐᒥᓄᑦ ᐊᒥᒐᖏᑦᑐᒥᒃ ᐱᑎᑕᐅᔪᑦ, ᐃᓗᐊᕐᓯᑎᑕᐅᔪᓪᓗ ᑐᓂᕐᕈᑎᒃᑯᑦ ᐊᑭᖃᖏᑦᑐᒃᑯᑦ, ᐊᐅᓚᑦᓯᔪᒫᕐᐳᑦ ᐃᓅᓯᕐᒥ ᐃᓄᒃᑯᑦ ᐊᑕᐅᓯᒃᑯᑦ ᔩᓱᓯ ᙭ᔅᑑᓯᒃᑯᑦ.

ᕉᒪᒥᐅᓄᑦ 5:17 Iomraidhean Croise

ᒨᓯᓯ ᓯᕗᓪᓖᑦ 2:17

ᓇᐹᕐᑐᒥᓪᓕ ᐱᐅᔪᒥᒃ ᐱᐅᖏᑦᑐᒥᒡᓗ ᖃᐅᔨᒪᓕᕐᓇᕐᑑᑉ ᐸᐅᕐᖓᖏᓐᓂᒃ ᓂᕆᔪᒃᓴᐅᓐᖏᓚᑎᑦ, ᓂᕆᕕᒋᒍᕕᐅᒃ ᐅᓪᓗᒥ ᑕᕝᕙᓂ ᑐᖁᔪᒫᕐᐳᑎᑦ.”

ᒨᓯᓯ ᓯᕗᓪᓖᑦ 3:19

ᐊᐅᒃᑲᕐᓂᖓᕙᖕᓂᐊᓕᕐᐳᑎᑦ ᓂᕿᒃᓴᒥᒃ ᐱᓇᓱᐊᕐᓗᑎᑦ ᐅᑎᓚᐅᖏᓐᓂᕐᓂ ᓄᓇᒧᑦ, ᑕᒫᓐᖓᑦ ᓴᓇᔭᐅᕕᒋᓚᐅᕐᑕᕐᓄᑦ; ᐃᑦᔪᒥᑦ ᐱᓯᒪᒐᕕᑦ ᐃᑦᔪᒧᑦᑕᐅᖅ ᐅᑎᕈᒫᕆᕗᑎᑦ.”

ᒨᓯᓯ ᓯᕗᓪᓖᑦ 3:6

ᐊᕐᓇᐅᓪᓗ ᐅᑦᔨᕆᑦᓯᐊᓕᕐᐹ ᓇᐹᕐᑑᑉ ᐸᐅᕐᖓᖏᑕ ᓂᕆᔪᒥᓇᕐᓂᖏᑦ, ᑕᑯᒥᓇᕐᓂᖓᓗ, ᓯᓚᑐᓂᕐᑖᕈᒪᓐᓇᕐᓗᓂᓗ, ᑕᕝᕙ ᐸᐅᕐᖓᖏᑕ ᐃᓚᖓᓐᓂᒃ ᑎᒍᓯᓪᓗᓂ ᓂᕆᕗᖅ; ᐅᐃᒥᓄᓪᓗ ᐃᓚᖓ ᑐᓂᓪᓗᒍ, ᑖᑦᓱᒪᓗ ᓂᕆᒋᕚ.

ᐂᓮᐊᓯᐅᑉ ᐊᒡᓚᖏᑦ 61:10

ᐊᑕᓂᕐᒥᒃ ᖁᕕᐊᓱᒍᑎᖃᕈᒫᕐᐳᖓ ᐊᖏᔪᒥᒃ, ᑕᕐᓂᕋ ᐊᖏᔪᕈᕐᑎᑦᓯᔪᒫᕐᒪᑦ ᒎᑎᓐᓂᒃ; ᑖᑦᓱᒪ ᐊᓐᓄᕌᕐᑎᓯᒪᖕᒪᖓ ᐱᐅᓕᔭᐅᓂᕐᒥᒃ, ᐅᓕᒃᓯᒪᓪᓗᓂᖓᓗ ᓇᓛᒎᕐᓂᕐᒥᒃ, ᐅᐃᒃᓴᕐᑐᑦ ᑲᑎᑎᑕᐅᓂᐊᕐᑎᓪᓗᒍ ᓂᐊᖁᕐᒥᐅᓯᕐᑕᐅᔪᑎᑐᑦ. ᓄᓕᐊᒃᓴᕐᓗ ᑲᑎᑎᑕᐅᓂᐊᕐᓗᓂ ᐱᐅᓴᕐᓂᕆᕙᒃᑕᖓᑐᑦ ᐱᐅᓴᐅᑎᓄᑦ.

ᒫᑎᐅᓯᐅᑉ ᐊᒡᓚᖏᑦ 25:34

ᑕᕝᕙ ᐊᖓᔪᖅᑳᕐᔪᐊᖅ ᑕᓕᕐᐱᖕᒥᓃᑦᑐᓄᑦ ᐅᖃᕈᒫᕐᐳᖅ, ‘ᕾᒋᑦᓯ, ᐊᑖᑕᒪ ᓇᒡᓕᒃᑕᖏᑦ, ᐊᑕᓂᐅᕕᒃ ᑭᖑᕐᖑᑎᓕᕐᓯᐅᒃ ᐅᐸᓗᖕᒊᔭᕐᑕᐅᓯᒪᔪᖅ ᐃᓕᑦᓯᓐᓄᑦ ᓄᓇᕐᔪᐊᑉ ᐱᓐᖑᕐᑎᑕᐅᓕᕐᓂᖓᓂᑦ;

ᔪᐊᓇᓯᐅᑉ ᐊᒡᓚᖏᑦ 10:10

ᑎᒡᓕᒃᑎ ᕾᕙᒃᐳᖅ ᑎᒡᓕᒐᕆᐊᕐᑐᕈᒪᓪᓗᓂ ᑐᖁᕅᔪᒪᓪᓗᓂᓗ; ᐅᕙᖓᓕ ᑎᑭᑉᐳᖓ, ᐃᓅᓯᕐᒥᒡᓗ ᐊᔪᕐᓴᕐᓇᖏᑦᑐᒥᒃ ᐱᖃᓕᖁᓪᓗᖏᑦ.

ᕉᒪᒥᐅᓄᑦ 5:12

ᑍᒤᒻᒪᑦ ᐊᔪᕐᓂᖅ ᓯᓚᕐᔪᐊᕐᒧᑦ ᑎᑭᓯᒪᕗᖅ ᐃᓄᒃᑯᑦ ᐊᑕᐅᓯᒃᑯᑦ, ᑐᖁᓗ ᑎᑭᓯᒪᓪᓗᓂ ᐊᔪᕐᓂᒃᑯᑦ. ᑍᒤᒻᒪᑦ ᑐᖁ ᐃᓄᓕᒫᓄᑦ ᑎᑭᓯᒪᕗᖅ, ᐃᓄᓕᒫᑦ ᐊᔪᕐᑐᓕᓯᒪᖕᒪᑕ.

ᕉᒪᒥᐅᓄᑦ 5:15

ᑐᓂᕐᕈᑦ ᐊᑭᖃᖏᑦᑐᖅ ᐊᔪᕐᑐᓕᓂᕐᓗ ᐊᑦᔨᒌᓐᖏᓚᒃ. ᐊᒥᓱᑦ ᑐᖁᓯᒪᖕᒪᑕ ᐃᓅᑉ ᐊᑕᐅᓯᐅᑉ ᐊᔪᕐᑐᓕᓂᖓᓄᑦ. ᐊᖏᓂᕐᓴᒥᒡᓕ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᑐᓂᕐᕈᑎᖓᓗ ᐊᑭᖃᖏᑦᑐᖅ ᐃᓄᒃᑯᑦ ᐊᑕᐅᓯᒃᑯᑦ ᔩᓱᓯ ᙭ᔅᑑᓯᒃᑯᑦ ᐅᓄᕐᑐᓄᑦ ᐱᓯᒪᕗᖅ.

ᕉᒪᒥᐅᓄᑦ 5:20

ᐱᖁᔭᖅ ᓴᖅᑭᑎᑕᐅᓚᐅᕐᐳᖅ ᐊᔪᕐᑐᓕᓂᐅᑉ ᐊᖏᔪᓂᖓ ᓇᓗᓁᕐᑕᐅᒃᑲᓐᓂᖁᓪᓗᒍ; ᐊᔪᕐᑐᓕᓂᕐᓕ ᐊᖏᒡᓕᖕᒪᑦ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐊᖏᓂᕐᓴᒥᒃ ᐱᓇᓱᐊᓕᓚᐅᕐᐳᖅ.

ᕉᒪᒥᐅᓄᑦ 6:14

ᐊᔪᕐᓂᖅ ᐱᔪᓐᓇᕐᓂᖃᕈᓐᓃᕐᒪᑦ ᐃᓕᑦᓯᓐᓄᑦ, ᐱᖁᔭᓄᑦ ᐱᓯᒪᔭᐅᔪᓐᓃᕋᑦᓯ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᐱᓯᒪᔭᐅᓕᕐᐳᓯ.

ᕉᒪᒥᐅᓄᑦ 6:23

ᐊᔪᕐᓂᐅᑉ ᐊᑭᓕᐅᑖ ᑕᕝᕙ ᑐᖁ, ᒎᑎᐅᓪᓕ ᑐᓂᕐᕈᑖ ᐊᑭᖃᖏᑦᑐᖅ ᑕᕝᕙ ᐃᓅᓯᖅ ᓄᖑᓱᐃᑦᑐᖅ ᙭ᔅᑑᓯ ᔩᓱᓯᒥ ᐊᑕᓂᑦᑎᓐᓂ.

ᕉᒪᒥᐅᓄᑦ 8:39

ᐳᕐᑐᓂᕐᔫᓪᓘᓐᓃᑦ, ᐃᑎᓂᕐᔫᓪᓘᓐᓃᑦ, ᐱᓐᖑᕐᑎᓯᒪᔪᓄᓪᓘᓐᓃᑦ ᓱᓇᑐᐃᓐᓇᕐᓄᑦ, ᑕᒪᒃᑯᓄᖓᑦ ᐊᕕᑎᑕᐅᔪᓐᓇᓐᖏᓐᓇᑦᑕ ᒎᑎᐅᑉ ᓇᒡᓕᖕᓂᖓᓂᑦ ᙭ᔅᑑᓯ ᔩᓱᓯᒥ ᐊᑕᓂᑦᑎᓐᓃᑦᑐᒥᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:49

ᓲᕐᓗᑦᑕᐅᖅ ᐃᑦᔪᒥᑦ ᓴᓇᔭᐅᓯᒪᔪᖅ ᐊᑦᔨᒋᒐᑦᑎᒍ, ᑍᒫᒃᑕᐅᖅ ᕿᓚᖕᒥᑦ ᐱᓯᒪᔪᖅ ᐊᑦᔨᒋᔪᒫᕆᕙᕗᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:8

ᒫᓐᓇᓕ ᐱᔪᒪᔭᓕᒫᓯ ᐱᓯᒪᓕᕐᐸᓯ, ᑕᒤᓐᓂᒃ ᐊᔪᕐᓴᕈᓐᓃᕐᓗᓯ! ᐅᕙᒍᑦ ᑍᒤᓚᐅᕐᑎᓐᓇᑕ ᐊᖓᔪᖅᑳᕐᔪᐊᑎᑐᑦ ᑍᒤᓕᕐᐳᓯ! ᐊᖓᔪᖅᑳᕐᔪᐊᓐᖑᖁᕙᑦᓯ, ᐊᐅᓚᑦᓯᔨᐅᖃᑎᒌᖕᓂᐊᕋᑦᑕ!

ᐱᓕᐱᒥᐅᓄᑦ 3:9

ᑖᑦᓱᒥᖓᓗ ᐃᓅᖃᑎᖃᑦᓯᐊᕈᓐᓇᖁᓪᓗᖓ, ᐅᕙᓐᓂᑦ ᐱᔪᒥᒃ ᐱᖁᔭᓂᒃ ᒪᓕᖕᓂᒃᑯᑦ ᓇᓛᒎᓐᓂᖃᕋᓱᐊᖁᓇᖓ, ᓇᓛᒎᕐᓂᕐᒥᒡᓕ ᐱᑎᑕᐅᕗᖓ ᐅᒃᐱᕐᓂᑯᑦ ᙭ᔅᑑᓯᒥ, ᑕᒪᓐᓇ ᓇᓛᒎᕐᓂᖅ ᒎᑎᒥᑦ ᐱᔪᖅ ᑐᓐᖓᕕᖃᕐᒪᑦ ᐅᒃᐱᕐᓂᒥᒃ;

ᑎᒧᑎᒧᑦ ᓯᕗᓪᓖᑦ 1:14

ᐊᑕᓂᑦᑕᓕ ᐱᑦᓯᐊᕐᓂᒧᑦ ᐱᔪᓐᓇᕐᑎᑦᓯᓂᓂ ᐅᕙᓐᓄᑦ ᑯᕕᓚᐅᕐᐹ ᐅᒃᐱᕐᓂᕐᒥᒃ ᓇᒡᓕᖕᓂᕐᒥᒡᓗ ᐱᑖᕆᔭᑦᑎᓐᓂᑦ ᙭ᔅᑑᓯ ᔩᓱᓯᒥ.

ᑎᒧᑎᒧᑦ ᐂᑉᐸᖏᑦ 2:12

ᕿᓄᐃᓵᕈᑦᑕ, ᐊᐅᓚᑦᓯᖃᑎᒋᔪᒫᕆᕙᕗᑦ; ᖃᐅᔨᒪᖏᓐᓂᕋᕈᑦᑎᒍ, ᖃᐅᔨᒪᖏᓐᓂᕋᕈᒫᕆᕚᑎᒍᑦᑕᐅᖅ;

ᔧᒥᓯᐅᑉ ᐊᒡᓚᖏᑦ 2:5

ᑐᓴᕆᑦᓯ ᐅᒃᐱᕐᑑᖃᑎᒃᑳ ᓇᒡᓕᖕᓇᕐᑐᑦ. ᓯᓚᕐᔪᐊᕐᒥ ᐊᔪᕐᓴᕐᑐᑦ ᒎᑎᐅᑉ ᓂᕈᐊᕐᓯᒪᓐᖏᓔᑦ ᐅᒃᐱᕐᓂᕐᒥ ᐊᔪᕐᓴᕈᓐᓃᖁᓪᓗᒋᑦ ᑭᖑᕐᖑᑦᔨᖁᓪᓗᒋᓪᓗ ᐊᑕᓂᐅᕕᖕᒥᒃ ᓇᒡᓕᒃᑎᒥᓄᑦ ᐊᖏᕈᑎᒋᓯᒪᔭᒥᓂᒃ?

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:6

ᑐᓂᕐᕈᓯᕐᑎᑦᓯᔨᓐᖑᕐᑎᑉᐹᑎᒍᓪᓗ ᐊᑕᓂᐅᕕᖕᒥᓂ ᐱᔨᑦᓯᖁᓪᓗᑕ ᒎᑎᖓᓂᒃ ᐊᑖᑕᖓᓂᒡᓗ, ᑖᑦᓱᒪ ᐱᓐᓇᕐᓇᕐᓂᕐᔪᐊᖅ ᐱᒋᓕᐅᒃ ᐊᖓᔪᖅᑲᐅᓂᕐᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒦᓐ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:4

ᑕᕝᕙ ᐃᒃᓯᕙᐅᑕᕐᔪᐊᓂᒃ ᑕᑯᒋᕗᖓ, ᑕᕝᕙᓂᓗ ᐃᒃᓯᕙᔪᑦ ᐱᔪᓐᓇᕐᓂᕐᒥᒃ ᑐᓂᓯᕕᐅᕗᑦ ᐃᖅᑲᕐᑐᐃᔪᓐᓇᖁᓪᓗᒋᑦ. ᑕᑯᒋᕗᖓᓗ ᓂᐊᖁᐃᕐᑕᐅᓯᒪᔪᑦ ᑕᕐᓂᖏᓐᓂᒃ ᐅᖃᐅᓯᖃᕐᓂᖏᓐᓄᑦ ᔩᓱᓯᒥᒃ ᒎᑎᐅᓪᓗ ᐅᖃᐅᓯᖏᓐᓂᒃ, ᑐᒃᓯᐊᕐᕕᖃᓚᐅᖏᑦᑐᓪᓗ ᐆᒪᔪᐊᓗᖕᒥᒃ ᐅᕝᕙᓗ ᐊᑦᔨᓐᖑᐊᖓᓂᒃ ᓴᓇᓯᒪᔪᒥᒃ ᓇᓗᓁᒃᑯᑕᖓᓂᒡᓗ ᓇᓗᓁᒃᑯᓯᕐᑕᐅᓚᐅᖏᑦᑐᑦ ᖃᐅᒥᒃᑎᒍᑦ ᐊᒡᒐᖕᒥᒃᑎᒍᓪᓘᓐᓃᑦ. ᑖᒃᑯᐊ ᐆᒻᒪᕋᒥᒃ, ᙭ᔅᑑᓯ ᐊᖓᔪᖅᑳᕐᔪᐊᖑᖃᑎᒋᕚᑦ ᐊᕐᕌᒍᓂᒃ 1,000ᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:6

ᖁᕕᐊᓇᕐᐳᖅ ᐃᑦᔪᕐᓁᑦᑑᓪᓗᓂᓗ ᒪᑭᓐᓂᕐᒥᒃ ᓯᕗᓪᓕᕐᒥᒃ ᒪᑭᖃᑕᐅᔪᓄᑦ! ᑐᖂᑉ ᐂᑉᐸᖓᓄᑦ ᐱᔪᓐᓇᕐᓂᖃᕐᕕᐅᔪᓐᓃᕐᒪᑕ ᑭᖑᓂᖓᒍᑦ, ᒎᑎᐅᑉ ᙭ᔅᑑᓯᐅᓪᓗ ᑐᓂᕐᕈᓯᕐᑎᑦᓯᔨᒋᓂᐊᓕᕐᒪᒋᑦ, ᐊᐅᓚᑦᓯᖃᑎᒋᓂᐊᕐᐹᓪᓗ ᐊᕐᕌᒍᓂᒃ 1,000ᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:5

ᑕᕝᕙᓂᓗ ᐅᓐᓄᐊᖃᕈᓐᓃᕈᒫᕐᐳᖅ; ᖃᐅᒻᒪᖅᑯᑎᖃᕆᐊᖃᕈᒫᕋᑎᒡᓗ ᓯᕿᓂᕐᒥᒡᓘᓐᓃᑦ, ᐊᑕᓂᖅ ᒎᑎ ᖃᐅᒻᒪᖅᑯᑎᒋᔪᒫᕐᒪᑦᔪᒃ, ᑕᕝᕙᓂᓗ ᐊᖓᔪᖅᑳᕐᔪᐊᖑᖃᑕᐅᔪᒫᕐᐳᑦ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:21

ᓵᓚᖃᕐᑐᖅ, ᐃᒃᓯᕙᖃᑎᒋᔪᒫᕐᐸᕋ ᐃᒃᓯᕙᐅᑕᕐᔪᐊᓐᓂ, ᓵᓚᖃᕐᓯᒪᒐᒪᑦᑕᐅᑦ ᐊᑖᑕᒐ ᐃᒃᓯᕙᖃᑎᒋᓕᕋᒃᑯ ᐃᒃᓯᕙᐅᑕᕐᔪᐊᖓᓂ.