ᕉᒪᒥᐅᓄᑦ 5:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑍᒤᒻᒪᑦ ᐊᔪᕐᓂᖅ ᓯᓚᕐᔪᐊᕐᒧᑦ ᑎᑭᓯᒪᕗᖅ ᐃᓄᒃᑯᑦ ᐊᑕᐅᓯᒃᑯᑦ, ᑐᖁᓗ ᑎᑭᓯᒪᓪᓗᓂ ᐊᔪᕐᓂᒃᑯᑦ. ᑍᒤᒻᒪᑦ ᑐᖁ ᐃᓄᓕᒫᓄᑦ ᑎᑭᓯᒪᕗᖅ, ᐃᓄᓕᒫᑦ ᐊᔪᕐᑐᓕᓯᒪᖕᒪᑕ.

ᕉᒪᒥᐅᓄᑦ 5:12 Iomraidhean Croise

ᒨᓯᓯ ᓯᕗᓪᓖᑦ 2:17

ᓇᐹᕐᑐᒥᓪᓕ ᐱᐅᔪᒥᒃ ᐱᐅᖏᑦᑐᒥᒡᓗ ᖃᐅᔨᒪᓕᕐᓇᕐᑑᑉ ᐸᐅᕐᖓᖏᓐᓂᒃ ᓂᕆᔪᒃᓴᐅᓐᖏᓚᑎᑦ, ᓂᕆᕕᒋᒍᕕᐅᒃ ᐅᓪᓗᒥ ᑕᕝᕙᓂ ᑐᖁᔪᒫᕐᐳᑎᑦ.”

ᒨᓯᓯ ᓯᕗᓪᓖᑦ 3:19

ᐊᐅᒃᑲᕐᓂᖓᕙᖕᓂᐊᓕᕐᐳᑎᑦ ᓂᕿᒃᓴᒥᒃ ᐱᓇᓱᐊᕐᓗᑎᑦ ᐅᑎᓚᐅᖏᓐᓂᕐᓂ ᓄᓇᒧᑦ, ᑕᒫᓐᖓᑦ ᓴᓇᔭᐅᕕᒋᓚᐅᕐᑕᕐᓄᑦ; ᐃᑦᔪᒥᑦ ᐱᓯᒪᒐᕕᑦ ᐃᑦᔪᒧᑦᑕᐅᖅ ᐅᑎᕈᒫᕆᕗᑎᑦ.”

ᒨᓯᓯ ᓯᕗᓪᓖᑦ 3:6

ᐊᕐᓇᐅᓪᓗ ᐅᑦᔨᕆᑦᓯᐊᓕᕐᐹ ᓇᐹᕐᑑᑉ ᐸᐅᕐᖓᖏᑕ ᓂᕆᔪᒥᓇᕐᓂᖏᑦ, ᑕᑯᒥᓇᕐᓂᖓᓗ, ᓯᓚᑐᓂᕐᑖᕈᒪᓐᓇᕐᓗᓂᓗ, ᑕᕝᕙ ᐸᐅᕐᖓᖏᑕ ᐃᓚᖓᓐᓂᒃ ᑎᒍᓯᓪᓗᓂ ᓂᕆᕗᖅ; ᐅᐃᒥᓄᓪᓗ ᐃᓚᖓ ᑐᓂᓪᓗᒍ, ᑖᑦᓱᒪᓗ ᓂᕆᒋᕚ.

ᐃᓐᖏᕈᑎᑦ 51:5

ᓱᓕᔪᒥᒃ ᐊᔪᕐᑐᓕᓂᕐᒥ ᐃᕐᓂᐊᖑᓚᐅᕐᐳᖓ, ᐊᔪᕐᓂᕐᒥᓗ ᐊᓈᓇᒪ ᓇᑦᔨᐊᕆᓕᓚᐅᕐᐹᖓ.

ᐃᓯᑭᐊᓕᐅᑉ ᐊᒡᓚᖏᑦ 18:4

ᑕᑯᒋᑦ, ᑕᕐᓂᓕᒫᑦ ᐱᒋᕙᒃᑲ; ᐊᑖᑕᐅᔪᑦ ᕿᑐᕐᖓᖏᓪᓗ ᑕᕐᓂᖏᑦ ᐱᒋᕙᒃᑲ: ᑕᕐᓂᖅ ᐊᔪᕐᑐᓕᔪᖅ ᑖᓐᓇ ᑐᖁᔪᒫᕐᐳᖅ.

ᕉᒪᒥᐅᓄᑦ 3:23

ᐊᑦᔨᒌᖏᑦᑐᖃᖏᒻᒪᑦ ᐃᓘᓐᓇᑦᓯᐊᑎᒃ ᐊᔪᕐᑐᓕᓯᒪᖕᒪᑕ ᒎᑎᐅᓪᓗ ᓂᕐᑐᕐᓇᕐᓂᕐᔪᐊᖓᓄᑦ ᑎᑭᐅᑎᔪᓐᓁᓪᓕᓪᓗᑎᒃ,

ᕉᒪᒥᐅᓄᑦ 5:18

ᐃᓅᑉ ᐊᑕᐅᓯᐅᑉ ᐊᔪᕐᑐᓕᓂᖓ ᐃᓄᓕᒫᓂᒃ ᐃᒋᑕᒃᓴᓐᖑᕐᑎᑦᓯᓚᐅᕐᒪᑦ, ᑍᒫᒃᑕᐅᖅ ᐃᓅᑉ ᐊᑕᐅᓯᐅᑉ ᐃᓗᐊᕐᑑᓂᖓᒍᑦ ᐃᓗᐊᕐᑐᓕᔪᓐᖑᕐᑎᑦᓯᕗᖅ ᐃᓅᓯᖃᓕᕐᑎᑦᓯᓪᓗᓂᓗ ᐃᓄᓕᒫᓂᒃ.

ᕉᒪᒥᐅᓄᑦ 5:19

ᐃᓅᑉ ᐊᑕᐅᓯᐅᑉ ᓈᓚᖏᓐᓂᖓᑕ ᐊᒥᓱᑦ ᐊᔪᕐᑐᓕᔪᓐᖑᕐᑎᓚᐅᕐᒪᒋᑦ, ᑍᒫᒃᑕᐅᖅ ᐃᓅᑉ ᐊᑕᐅᓯᐅᑉ ᓈᓚᖕᓂᖓᑕ ᐊᒥᓱᑦ ᐃᓗᐊᕐᑐᓕᔪᓐᖑᕐᑎᑦᓱᒫᕐᐰᑦ.

ᕉᒪᒥᐅᓄᑦ 5:21

ᑕᕝᕙ ᐊᔪᕐᓂᐅᑉ ᐊᐅᓚᑦᓯᓂᖓ ᑐᖁᓐᓇᕐᑐᒥᒃ ᓴᖅᑭᑎᑦᓯᓚᐅᕐᒪᑦ, ᑍᒫᒃᑕᐅᖅ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐊᐅᓚᑦᓯᔨᐅᓕᕆᕗᖅ ᐃᓗᐊᕐᑐᓕᔪᓐᖑᕐᑎᑕᐅᓂᕐᒧᑦ, ᐃᓅᓯᖃᕐᓇᕐᑐᑎᒥᒃ ᐃᓱᖃᖏᑦᑐᒧᑦ ᔩᓱᓯ ᙭ᔅᑑᓯᒃᑯᑦ ᐊᑕᓂᑦᑎᒍᑦ.

ᕉᒪᒥᐅᓄᑦ 6:21

ᓱᓇᒥᒡᓕ ᑖᒃᑯᓇᓐᖓᑦ ᐱᕙᓪᓕᕈᑎᒃᓴᖃᕐᐱᓰ ᒫᓐᓇ ᑲᓐᖑᓇᕐᓂᕋᓕᕐᑕᑦᓯᓐᓂᒃ? ᑕᒪᒃᑯᐊ ᐃᓱᖃᕐᒪᑕ ᑐᖁᒥᒃ.

ᕉᒪᒥᐅᓄᑦ 6:23

ᐊᔪᕐᓂᐅᑉ ᐊᑭᓕᐅᑖ ᑕᕝᕙ ᑐᖁ, ᒎᑎᐅᓪᓕ ᑐᓂᕐᕈᑖ ᐊᑭᖃᖏᑦᑐᖅ ᑕᕝᕙ ᐃᓅᓯᖅ ᓄᖑᓱᐃᑦᑐᖅ ᙭ᔅᑑᓯ ᔩᓱᓯᒥ ᐊᑕᓂᑦᑎᓐᓂ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:56

ᑐᖂᑉ ᐊᓐᓂᐊᑎᑦᓯᓂᖓ ᐱᔪᓐᓇᐅᑎᖃᕐᒪᑦ ᐊᔪᕐᓂᕐᒥᒃ, ᐊᔪᕐᓂᕐᓗ ᐱᔪᓐᓇᐅᑎᑖᕐᒪᑦ ᐱᖁᔭᓂᑦ,

ᐃᐱᓯᒥᐅᓄᑦ 2:3

ᑕᒪᑦᑕ ᐃᓚᒃ ᑍᑯᑎᑐᓇᖅ ᐃᓅᓯᒪᒐᑦᑕ ᐱᔪᒪᔭᑐᐃᓐᓇᕗᑦ ᐃᒃᐱᒋᔭᕗᓪᓗ ᒪᓕᒡᓗᒋᑦ, ᑎᒥᑦᑕᓗ ᐃᓱᒪᑦᑕᓗ ᐱᔪᒪᓕᑐᐃᓐᓇᕐᑕᖓᓂᒃ ᐊᑐᕐᐸᒃᓗᑕ, ᐃᓕᖅᑯᓯᑐᐃᓐᓇᖅ ᒪᓕᒡᓗᒍ ᑕᒤᓐᓂᒃ ᐊᑦᔨᖃᑐᐃᓐᓇᕐᓯᒪᕗᒍᑦ, ᑍᒤᑎᓪᓗᑕᓗ ᒎᑎᐅᑉ ᓂᓐᖓᐅᓯᖓᑕ ᕿᑐᕐᖓᕆᓚᐅᕐᐹᑎᒍᑦ.

ᔧᒥᓯᐅᑉ ᐊᒡᓚᖏᑦ 1:15

ᑭᖑᕐᖓᒍᑦ ᐱᔪᒪᓂᐊᓗᒃ ᓄᑕᕋᒃᓴᕆᔭᐅᓕᕋᒥ ᐊᔪᕐᑐᓕᓂᕐᒥᒃ ᐃᕐᓂᐊᖃᕐᐳᖅ; ᐊᔪᕐᓂᖅ ᐱᕈᕇᕋᒥ ᑐᖁᒥᒃ ᐃᕐᓂᐊᖃᕐᐳᖅ.

ᔧᒥᓯᐅᑉ ᐊᒡᓚᖏᑦ 3:2

ᑕᒪᑦᑕ ᐊᑦᔨᒌᖏᑦᑐᑎᒍᑦ ᑕᒻᒪᕐᐸᒃᑲᑦᑕ, ᓇᓪᓕᐊᓪᓗ ᐅᖃᐅᓯᕐᒥᒍᑦ ᑕᒻᒪᓚᐅᕐᓯᒪᖏᑦᑐᖅ ᑖᓐᓇ ᓈᒻᒪᑦᓯᐊᕐᑐᒥᒃ ᐃᓅᓯᖃᕐᐳᖅ, ᑎᒥᓂᓗ ᐊᔪᕐᑐᓕᓂᕐᒧᑦ ᐱᑎᑦᑍᓕᔪᓐᓇᕐᐹ.